અમરેલી જિલ્લામાં શેરબજારમાં રોકાણના નામે નિર્દોષ નાગરિકોને શિકાર બનાવતી સાયબર ગુનેગારોની ટોળકીનો પોલીસે પર્દાફાશ કર્યો છે. 20 દિવસ પહેલા નોંધાયેલી 96 હજારની સાયબર છેતરપિંડીની ફરિયાદની તપાસ કરતાં પોલીસને 2 કરોડ 74 લાખ રૂપિયાનું મોટું કૌભાંડ ધ્યાનમાં આવ્યું. પોલીસે પાટણથી મુખ્ય આરોપી મહેનરજી મફાજી ઠાકોરની ધરપકડ કરી છે, જેના વિરુદ્ધ ગુજરાતમાં 8 જેટલી સાયબર ફ્રોડની ફરિયાદો અગાઉ નોંધાઈ ચૂકી છે. આરોપીએ માત્ર 2 મહિનામાં આટલી મોટી રકમ જમા કરાવી હતી. પોલીસે ટેક્નિકલ સર્વેલન્સ અને હ્યુમન સોર્સના સંકલનથી કડક કાર્યવાહી કરી આરોપીને જેલ ભેગો કર્યો છે.

ICC T20 World Cup 2026 માં ભાગ લેવા અંગે બાંગ્લાદેશ ક્રિકેટ બોર્ડ (BCB) દ્વારા સુરક્ષા કારણોસર ભારત ન મોકલવાના નિર્ણય પર વિકેટકીપર-બેટ્સમેન લિટન દાસે સવાલો ઉઠાવ્યા છે. તેણે કહ્યું કે, પાકિસ્તાનમાં જ્યાં રૂમની બહાર બંદૂકો સાથે સુરક્ષા ગોઠવાયેલી હતી, ત્યાં રમી શકતા હોય તો ભારતમાં કેમ નહીં? દાસે BCBના નિર્ણય પર આશ્ચર્ય વ્યક્ત કર્યું અને જણાવ્યું કે, આ નિર્ણયે ક્રિકેટ જગતમાં ચર્ચા જગાવી છે. આ પહેલાં T20 વર્લ્ડ કપ 2026 પહેલાં બાંગ્લાદેશમાં રાજકીય અસ્થિરતા અને હિન્દુ લઘુમતીઓ વિરુદ્ધ હિંસાના અહેવાલો બાદ IPLમાં રમનાર મુસ્તફિઝુર રહેમાન પર પ્રતિબંધની માંગ પણ ઉઠી હતી.

ગુજરાત સરકારે ખેડૂતોના હિતમાં એક મહત્વપૂર્ણ નિર્ણય લીધો છે, જે મુજબ 11 જૂન, 2026 થી નર્મદાની નહેરોમાં સિંચાઈ માટે પાણી છોડવામાં આવશે. ખરીફ પાકની તૈયારી કરી રહેલા ખેડૂતોને આ નિર્ણયથી મોટી રાહત મળશે. ધારાસભ્યો અને સાંસદોની રજૂઆતો બાદ મુખ્યમંત્રીની અધ્યક્ષતામાં થયેલી બેઠકમાં ઉપલબ્ધ પાણીના જથ્થાની સમીક્ષા કરીને આ નિર્ણય લેવાયો છે. તંત્રને સમયસર પાણીના વિતરણ માટે સજ્જ રહેવા સૂચના અપાઈ છે.

અમદાવાદમાં બે મહિના પહેલા થયેલી મારામારીનો બદલો લેવા માટે એક સગીરને જાહેરમાં નગ્ન કરીને દોડાવવાની અતિ ભયાનક ઘટના બની છે. વાડજ પોલીસે આ મામલે ગુનો નોંધી, પાંચમાંથી બે આરોપીઓની અટકાયત કરી લીધી છે. મળતી માહિતી મુજબ, બે મહિના પહેલા સગીર સહિત કેટલાક લોકોએ રોહિત નામના યુવકને માર મારી તેનો વીડિયો બનાવ્યો હતો, જેના કારણે રોહિત અને તેના મિત્રો બદલો લેવાની તક શોધી રહ્યા હતા. ગઈકાલે, તેમણે તે સગીરને પકડીને તેના કપડાં ફાડી નાખ્યા અને તેને નગ્ન અવસ્થામાં રસ્તા પર દોડાવ્યો. આ ભયાવહ ઘટનાનો વીડિયો પણ સામે આવ્યો છે, જેના પગલે પોલીસે અન્ય આરોપીઓની શોધખોળ શરૂ કરી છે.

ભારત અને અફઘાનિસ્તાન વચ્ચેની આગામી 3 મેચોની વનડે સીરિઝમાંથી દિગ્ગજ બેટ્સમેન વિરાટ કોહલી હૅમસ્ટ્રિંગ ઇન્જરીના કારણે બહાર થઈ ગયા છે. આ ઇજા તેમને IPL 2026 દરમિયાન થઈ હતી. વિરાટ કોહલીના 18 વર્ષના આંતરરાષ્ટ્રીય કરિયરમાં આ પહેલીવાર છે કે જ્યારે તે કોઈ ઇજાના કારણે આખી વનડે સીરિઝ ગુમાવી રહ્યા છે. તેમના સ્થાને યુવા ઓપનર યશસ્વી જયસ્વાલને ટીમમાં સામેલ કરવામાં આવ્યા છે. અગાઉ 2025માં પણ ઇંગ્લેન્ડ સામેની વનડે સીરિઝમાં તેમને ઘૂંટણની ઇજા થઈ હતી, પરંતુ તે સિરીઝમાં રમ્યા હતા.

ભારત-એ અને શ્રીલંકા-એ વચ્ચેની ટ્રાય નેશન સીરિઝની મેચમાં, જ્યાં સૌની નજર વૈભવ સૂર્યવંશી પર હતી, ત્યાં ઋતુરાજ ગાયકવાડે અણધારી રીતે ટીમમાં સ્થાન મેળવી શાનદાર સદી ફટકારી. ઇજાગ્રસ્ત રિયાન પરાગના સ્થાને મોડેથી સામેલ થયેલા ગાયકવાડે 114 બોલમાં 101 રન બનાવી ભારત-એને મજબૂત સ્થિતિમાં પહોંચાડ્યું. વૈભવ સૂર્યવંશી 14 રનમાં આઉટ થતાં નિરાશ થયો, પણ ગાયકવાડે તિલક વર્મા સાથે 150 રનની ભાગીદારી કરી ટીમને 277 રન સુધી પહોંચાડવામાં મહત્વનો ફાળો આપ્યો.

FIFA World Cup 2026 ઇતિહાસની સૌથી મોટી ફૂટબોલ ઇવેન્ટ બનવા જઈ રહી છે, જેમાં પ્રથમ વખત 48 ટીમો ભાગ લેશે. અમેરિકા, કેનેડા અને મેક્સિકો સંયુક્ત રીતે આ ટુર્નામેન્ટનું આયોજન કરશે, જેમાં કુલ 104 મેચો રમાશે. ભારતીય દર્શકો ઝી નેટવર્ક અને ઝી-5 પર આ મેચો જોઈ શકશે. સમયના તફાવતને કારણે મોટાભાગની મેચો મોડી રાત્રે અને વહેલી સવારે પ્રસારિત થશે. લિયોનેલ મેસ્સીની આર્જેન્ટિના અને ક્રિસ્ટિયાનો રોનાલ્ડોની પોર્ટુગલની મેચો પણ મોટાભાગે રાત્રે જ જોવા મળશે.

ગુજરાતમાં અસહ્ય ગરમી વચ્ચે, હવામાન નિષ્ણાત અંબાલાલ પટેલે ચોમાસા અંગે મહત્વપૂર્ણ આગાહી કરી છે. વેસ્ટર્ન ડિસ્ટર્બન્સની અસર છતાં, પ્રિ-મોન્સૂન વરસાદની શક્યતા છે, જેનાથી તાપમાન ઘટશે અને ભેજ વધશે. અંદાજે 10 જૂનની આસપાસ ચોમાસું મહારાષ્ટ્રના મુંબઈમાં પ્રવેશ કરશે. ત્યારબાદ, ગુજરાતમાં મુખ્ય ચોમાસુ રાઉન્ડ 18 થી 28 જૂન દરમિયાન અપેક્ષિત છે, જે રાજ્યના મોટાભાગના વિસ્તારોને આવરી લેશે. આ વરસાદ વાવણી માટે મદદરૂપ થશે, જોકે શરૂઆતમાં સિસ્ટમ થોડી ધીમી રહી શકે છે.

IPL 2026ના ઓરેન્જ કેપ વિજેતા વૈભવ સૂર્યવંશી શ્રીલંકા-એ સામેની વનડે મેચમાં નિરાશાજનક પ્રદર્શન કર્યું છે. ટ્રાય સિરીઝની પ્રથમ મેચમાં ભારત-એ તરફથી ઓપનિંગ કરતા વૈભવે માત્ર ૧૪ રન બનાવી મોહમ્મદ સિરાજનો શિકાર બન્યો. આ મેચમાં તેણે ૩ ચોગ્ગા માર્યા હતા. આયર્લેન્ડ, ઈંગ્લેન્ડ પ્રવાસ અને એશિયન ગેમ્સ જેવી મહત્વપૂર્ણ સિરીઝ માટે વૈભવની પસંદગી થઈ હોવાથી, આ ટ્રાય સિરીઝ તેના માટે તૈયારીનો મોટો અવસર છે. તેણે ૧૬૫ના સ્ટ્રાઈક રેટથી ૮ લિસ્ટ-એ મેચોમાં ૩૫૩ રન બનાવ્યા છે.

ફિફા વર્લ્ડ કપ 2026 પહેલા એક મોટો વિવાદ સામે આવ્યો છે, જ્યાં સોમાલિયાના શ્રેષ્ઠ રેફરી ઓમર અબ્દુલ કાદિર આર્તનને અમેરિકામાં પ્રવેશ આપવામાં આવ્યો નથી. આફ્રિકન ફૂટબોલ કન્ફેડરેશન (CAF) દ્વારા 2025ના શ્રેષ્ઠ રેફરી તરીકે પસંદ કરાયેલા આર્તનને મિયામી એરપોર્ટ પર અમેરિકન ઇમિગ્રેશન અધિકારીઓએ પ્રવેશ નકાર્યો, જેના પગલે તેમને FIFA World Cup અધિકારીઓની યાદીમાંથી પણ હટાવી દેવાયા. અમેરિકાએ પ્રવેશ નકારવાનું કોઈ સત્તાવાર કારણ આપ્યું નથી, પરંતુ સોમાલિયા પર લાગુ પ્રતિબંધો આનું કારણ હોઈ શકે છે. આ ઘટના પર સોમાલિયાના વડાપ્રધાન અને FIFAએ પણ દુઃખ વ્યક્ત કર્યું છે.

ન્યૂઝીલેન્ડ સામે લોર્ડ્સ ટેસ્ટ જીત્યા બાદ ઇંગ્લેન્ડ ક્રિકેટ ટીમ ફરી એકવાર વિવાદોમાં ઘેરાઈ છે. કેપ્ટન Ben Stokes અને બોલર Gus Atkinson સામે ટીમ પ્રોટોકોલના ઉલ્લંઘન બદલ ECB દ્વારા તપાસ શરૂ કરાઈ છે. બંને ખેલાડીઓ સોમવારે વહેલી સવારે એક નાઇટક્લબમાં હાજર હતા, જ્યાં કોઈ અજાણી ઘટના બની હતી. આ મામલાની ગંભીરતાને ધ્યાનમાં રાખીને ક્રિકેટ રેગ્યુલેટરને સામેલ કરાયા છે. તપાસને કારણે ન્યૂઝીલેન્ડ સામેની બીજી ટેસ્ટ માટે ટીમની જાહેરાત હાલ પૂરતી રોકી દેવાઈ છે.

રાજકોટના આંતરરાષ્ટ્રીય હિરાસર એરપોર્ટ પર એર ઇન્ડિયાની દિલ્હી જતી ફ્લાઇટ સાથે ટેકઓફ દરમિયાન બર્ડ હિટની ઘટના બનતા મોટી દુર્ઘટના ટળી હતી. પક્ષી એન્જિનના પંખા સાથે અથડાતા એન્જિનમાં ટેક્નિકલ ખામી સર્જાઈ અને ફેન બ્લેડને ભારે નુકસાન થયું હતું. ફ્લાઇટમાં 124 મુસાફરો સવાર હતા. પાયલોટે સમયસૂચકતા અને કુશળતા દાખવી તાત્કાલિક ATCનો સંપર્ક કરીને વિમાનનું સુરક્ષિત ઇમરજન્સી લેન્ડિંગ કરાવ્યું હતું. ઘટનામાં કોઈ જાનહાનિ થઈ નથી અને હાલ વિમાનના સમારકામની કામગીરી ચાલી રહી છે.

 ભારતીય ક્રિકેટ ટીમના આગામી ઇંગ્લેન્ડ પ્રવાસ માટે ઇંગ્લેન્ડ ક્રિકેટ બોર્ડ (ECB) એ પાંચ મેચની T20 શ્રેણીની ત્રણ ડે-નાઇટ મેચોના સમયમાં મોટો ફેરફાર કર્યો છે. બ્રોડકાસ્ટર્સ સાથેની ચર્ચા બાદ આ મેચો હવે ભારતીય સમય અનુસાર રાત્રે ૧૧ વાગ્યાના બદલે એક કલાક વહેલી એટલે કે રાત્રે ૧૦ વાગ્યે શરૂ થશે. આ નિર્ણય પાછળનું મુખ્ય કારણ ભારતમાં વધુને વધુ ટીવી વ્યૂઅરશીપ મેળવીને કમાણી વધારવાનું છે. શ્રેયસ ઐયરની કેપ્ટનશીપ હેઠળ ૧ જૂલાઈથી શરૂ થનારી આ શ્રેણી ભારત માટે આયરલેન્ડ પ્રવાસ બાદ શરૂ થશે.

કચ્છ પશ્ચિમ વન વિભાગે વન ભૂમિ પરના ગેરકાયદેસર દબાણો સામે કડક ઝુંબેશ શરૂ કરી છે. નખત્રાણા રેન્જના નિરોણા અનામત જંગલમાંથી આશરે ૩૦ વર્ષ જૂનું ૩૦૦ હેક્ટરનું ખેતીવિષયક દબાણ હટાવવાનું ઓપરેશન હાથ ધરી પ્રથમ દિવસે ૧૮૦ હેક્ટર જમીન મુક્ત કરાવાઈ છે. આ કામગીરી વન વિભાગ અને પોલીસના ૧૩૦ જવાનો તેમજ જેસીબી મશીનો દ્વારા કરાઈ હતી. આ ઉપરાંત સાંયરા અને શિણાપર જંગલમાંથી પણ દબાણો દૂર કરાયા છે. વન વિભાગ આગામી વર્ષોમાં આ મુક્ત થયેલી જમીન પર મોટા પાયે વૃક્ષારોપણ કરીને જંગલને ફરી હરિયાળું બનાવશે.

પશ્ચિમ કચ્છમાં ખાણખનીજ અને આરટીઓ વિભાગની નિષ્ક્રિયતા વચ્ચે મહેસુલ વિભાગે ગેરકાયદે ખનીજ પરિવહન સામે લાલ આંખ કરી છે. નલિયામાં નાયબ કલેક્ટર ચેતન પ્રજાપતિના માર્ગદર્શન હેઠળ ઓવરલોડ બ્લેકટ્રેપ ખનીજ ભરેલી ટ્રક પકડી, મામલતદાર એ.આર. નિનામા દ્વારા રૂ. ૧૦ લાખથી વધુનો મુદ્દામાલ સીઝ કરી નલિયા પોલીસને સોંપાયો હતો. બીજી તરફ, નખત્રાણાના પ્રાંત અધિકારી ઉત્કર્ષ ઉજ્જવલે રોયલ્ટી વિનાની ૩૭.૭૫ મેટ્રિક ટન રેતી ભરેલું ડમ્પર ઝડપી પાડી, મામલતદાર આર. ડી. પટેલ દ્વારા રૂ. ૪૨.૮૮ લાખનો મુદ્દામાલ જપ્ત કરી નખત્રાણા પોલીસ મથકે જમા કરાવ્યો હતો.

સુરતના વેડ દરવાજા પાસે આવેલા વર્ષો જૂના નાસીર નગરમાં મે ૨૦૨૬ના અંતમાં પોલીસ બંદોબસ્ત અને એસએમસી (SMC)ની હાજરીમાં કોઈ પણ પૂર્વ નોટિસ વિના અંદાજે ૧૦૦થી ૧૫૦ મકાનોનું ગેરકાયદે ડિમોલિશન કરાતાં વિવાદ સર્જાયો છે. સ્થાનિકો અને પૂર્વ કોર્પોરેટર અસલમ સાયકલવાલાએ આક્ષેપ કર્યો છે કે બે મોટા ખાનગી રેસિડેન્શિયલ પ્રોજેક્ટ્સ અને બિલ્ડરોને આર્થિક ફાયદો કરાવવા માટે તંત્રએ આ હિટલરશાહી કાર્યવાહી કરી છે. આ અમાનવીય તોડફોડ વિરુદ્ધ સ્થાનિક રહીશોએ હાઈકોર્ટના દરવાજા ખખડાવી સ્ટે આપવાની, વૈકલ્પિક આવાસ ફાળવવાની અને જવાબદાર અધિકારીઓ સામે એફઆઈઆર (FIR) નોંધવાની માંગ કરી છે.

ગુજરાતમાં ખેડૂતો રાસાયણિક મુક્ત ઓર્ગેનિક ખેતી તરફ વળ્યા છે, જેમાં ગોબર આધારિત છાણીયું ખાતર જમીનની ફળદ્રુપતા અને ભેજ જાળવવા ખૂબ અગત્યનું છે. જોકે, યોગ્ય રીતે સડ્યા વગરનું ખાતર વાપરવાથી પાકમાં ફૂગ, દીમક અને મૂળ સડવાનો ભય રહે છે. નિષ્ણાતોના મતે, સાચું ખાતર કાળા-ભૂરા રંગનું, ભુરભુરું અને ગંધરહિત હોય છે. ખેડૂતો ‘વેસ્ટ ડિકંપોઝર’ કલ્ચરની મદદથી ૨૫ થી ૪૦ દિવસમાં સારું ખાતર તૈયાર કરી શકે છે, જે વરસાદના ૨૦ દિવસ પહેલાં ખેતરમાં પાથરવું હિતાવહ છે.

ભુજના ધોરણ-૧૨ સાયન્સના વિદ્યાર્થી ધાર્મિક પ્રિતેશ બલભદ્રે ખગોળવિજ્ઞાન ક્ષેત્રે સંભવતઃ ભારતની પ્રથમ સ્વવિકસિત સિસ્ટમ ‘ટેલિસ્પેક્ટ્રોસ્કોપ’ તૈયાર કરી છે. આ સાધન દ્વારા સૂર્ય, ચંદ્ર અને તારાઓના પ્રકાશને વર્ણપટ (સ્પેક્ટ્રમ) માં વિભાજિત કરીને તેમાં રહેલા રાસાયણિક તત્ત્વોની ઓળખ કરી શકાય છે. ધાર્મિકે પીવીસી પાઇપ, મિરર અને ડિફ્રેક્શન ગ્રેટિંગ સ્લાઇડ જેવા સાધનોનો ઉપયોગ કરી આશરે ૪ હજારના નજીવા ખર્ચે એઆઈ (AI) ની મદદથી આ સિસ્ટમ બનાવી છે, જેનો મુખ્ય હેતુ વિદ્યાર્થીઓમાં વૈજ્ઞાનિક જિજ્ઞાસા વધારવાનો છે.

મહીસાગર જિલ્લાના ઉંદરા ગામના વતની અને છાપરી પ્રાથમિક શાળાના આચાર્ય રૂચિર દયાશંકર ઉપાધ્યાયે સાહિત્ય ક્ષેત્રે વિશિષ્ટ સિદ્ધિ મેળવી છે. ૩૮ વર્ષની નાની ઉંમરે વિષમ પરિસ્થિતિઓ વચ્ચે પણ અનેક પુસ્તકોનું સર્જન કરનાર રૂચિરભાઈએ હવે અંગ્રેજી ભાષામાં 'The Dark Knight' શીર્ષક હેઠળ ૧૨૬ પાનાંનું નવું પુસ્તક તૈયાર કર્યું છે, જે ટૂંક સમયમાં પ્રકાશિત થશે. તેમની આ સાહિત્યિક સફળતાથી સમગ્ર વરધરી ત્રિવેદી મેવાડા બ્રહ્મ સમાજ અને પંથકમાં ગૌરવની લાગણી વ્યાપી છે.

ગોધરા શહેરમાં વારંવાર ખોરવાતા વીજ પુરવઠા, લો વોલ્ટેજ અને પ્રિ-મોન્સૂન કામગીરીની નિષ્ફળતા સામે ગાયત્રી નગર સિનિયર સિટીઝન ગ્રુપ દ્વારા પ્લે કાર્ડ સાથે બાઈક રેલી યોજવામાં આવી હતી. આ રેલી બામરોલી રોડથી નીકળી એમજીવીસીએલ કચેરીએ પહોંચી હતી, જ્યાં અધિક્ષક ઈજનેર સી.પી. બારીયાને આવેદનપત્ર પાઠવવામાં આવ્યું હતું. નાગરિકોએ આક્ષેપ કર્યો કે વીજ કંપનીના ફરિયાદ નંબરો સતત વ્યસ્ત રહે છે અને અધિકારીઓ ફોન ઉપાડતા નથી. અગ્રણી એન.ડી. ઉપાધ્યાય અને વિનાયક શુકલે ચીમકી આપી છે કે જો સમસ્યાનું કાયમી નિરાકરણ નહીં આવે, તો આગામી દિવસોમાં કચેરી સમક્ષ આમરણાંત ઉપવાસ અને ઉગ્ર આંદોલન કરવામાં આવશે.

પાદરા શાળા પ્રશાસનના જણાવ્યા મુજબ વિદ્યાર્થીઓ માત્ર શૈક્ષણિક ક્ષેત્રે જ નહીં પરંતુ રમતગમત, સાંસ્કૃતિક અને સર્જનાત્મક પ્રવૃત્તિઓમાં પણ આગળ વધે તે માટે સતત પ્રયત્નશીલ છે. વિદ્યાર્થીઓનો સર્વાંગી વિકાસ થાય અને તેઓ આનંદપૂર્વક શાળાએ આવે તે સંસ્થાનો મુખ્ય ઉદ્દેશ્ય છે. ગીતાંજલિ વિદ્યાલય દ્વારા કરવામાં આવેલા આ ભવ્ય સ્વાગત કાર્યક્રમને વાલીઓએ પણ વધાવી લીધો હતો અને વિદ્યાર્થીઓ પ્રત્યેની સંસ્થાની લાગણી તથા શિક્ષણ પ્રત્યેની પ્રતિબદ્ધતાને બિરદાવી હતી. નવા શૈક્ષણિક સત્રના પ્રથમ દિવસે જ સમગ્ર શાળા પરિવાર ઉત્સાહ અને ઉર્જાથી છલકાતો જોવા મળ્યો હતો.લિંક ટેક્સ્ટ:

માધાપરની સેન્ટ્રલ બેંક ઓફ ઇન્ડિયામાં એક રિક્ષા ચાલકના ખાતામાં માત્ર ૪૭ દિવસમાં જ રૂ. ૭.૭૪ કરોડ જમા થતાં ભુજ સાયબર ક્રાઇમ પોલીસે મોટા કૌભાંડનો પર્દાફાશ કર્યો છે. તપાસમાં બહાર આવ્યું છે કે ‘આશાપુરા એન્ટરપ્રાઇઝ’ નામે ખોલાયેલા આ ‘મ્યુલ એકાઉન્ટ’નો ઉપયોગ ઓનલાઈન ઠગાઈના નાણાંની હેરાફેરી માટે થતો હતો અને દેશના વિવિધ રાજ્યોમાંથી આ ખાતા વિરુદ્ધ ૪૭ ફરિયાદો નોંધાઈ હતી. રિક્ષા ચાલક મુકેશ ગજરાએ તેના સંબંધી ધીરજ ભાનુશાળી સાથે મળીને રૂ. ૫૦ થી ૬૦ હજારના કમિશનની લાલચે સાયબર માફિયાઓને આ ખાતું વાપરવા આપ્યું હતું. હાલ પોલીસે બંને આરોપીઓની અટકાયત કરી સાયબર ગુનેગારોના દેશવ્યાપી નેટવર્ક સુધી પહોંચવા તપાસ તેજ કરી છે.

અધિક માસના પાવન અવસરે ગોધરા સ્થિત હનુમાનજી મંદિરે ધાર્મિક કાર્યક્રમ યોજાયા હતાં. આ પ્રસંગે બ્રહ્મ સમાજ, ગોધરા દ્વારા પ્રસિદ્ધ કથાકાર ધર્મેશભાઈ ત્રિવેદી શાસ્ત્રીનું શાલ ઓઢાડી સન્માન કરાયું હતું. કાર્યક્રમ દરમિયાન ધર્મેશભાઈ ત્રિવેદી શાસ્ત્રીએ ધર્મ અને સંસ્કૃતિના મૂલ્યો અંગે માર્ગદર્શન આપ્યું હતું. તેમજ તેમના હસ્તે ધર્મના પ્રતિકરૂપે ખેસ ઓઢાડી ઉપસ્થિત સર્વે ભૂદેવોને આશીર્વાદ આપ્યા હતા. આ પ્રસંગે વિનાયક શુક્લ, કકુલ પાઠક, પ્રકાશભાઈ દીક્ષિત, ડૉ.શ્યામસુંદર શર્મા, ડૉ.રાજેશભાઈ રાવલ, સ્મિતાબેન શુક્લ, નિધીબેન જોશી, ભૂમિબેન જોશી સહિત સમાજના આગેવાનો ઉપસ્થિત રહ્યા હતા.

ગોધરા ખાતે જ્વાલા યુવા સંગઠન ઇન્ટરનેશનલ ગ્રુપ દ્વારા ભાટિયા સમાજના તેજસ્વી વિદ્યાર્થીઓનો સન્માન સમારોહ તા.6ના BAPS સ્વામિનારાયણ મંદિર ખાતે યોજાયો હતો. જેમાં તેજસ્વી વિદ્યાર્થીઓને સન્માનિત કરાયા હતા. આ પ્રસંગે જિલ્લા પંચાયત પ્રમુખ નીરજ પટેલ, ગોધરા એપીએમસી પ્રમુખ માલવદીપસિંહ રાઉલજી, પાલિકા પ્રમુખ જશોદાબેન પ્રજાપતિ, ઉપપ્રમુખ ઇશાંત સોની, કારોબારી અધ્યક્ષ આનંદ ઘડીયાળી સહિત ભાટિયા અગ્રણીઓ, વડીલો અને મહાનુભાવો ઉપસ્થિત રહ્યા હતા.લિંક ટેક્સ્ટ:

મહીસાગર પોલીસ અને સુરક્ષા સેતુ સોસાયટીના સંયુક્ત ઉપક્રમે નાગરિકો અને પોલીસ કર્મચારીઓમાં શારીરિક તંદુરસ્તી તેમજ સ્વાસ્થ્ય પ્રત્યે જાગૃતિ લાવવા માટે 'ફિટ ઇન્ડિયા અભિયાન' અંતર્ગત સાયકલ રેલીનું આયોજન કરવામાં આવ્યું હતું. આ પ્રેરણાદાયી રેલીને મહીસાગરના નાયબ પોલીસ અધિક્ષક (DySP) કમલેશ વસાવાએ લીલી ઝંડી બતાવી પ્રસ્થાન કરાવ્યું હતું. આ સાયકલ રેલીમાં જિલ્લાના વિવિધ પોલીસ મથકોના ઉચ્ચ અધિકારીઓ, મહિલા પોલીસ કર્મચારીઓ અને મોટી સંખ્યામાં પોલીસ જવાનો ઉત્સાહભેર જોડાયા હતા. રેલીનો મુખ્ય હેતુ સતત ફરજ પર તૈનાત રહેતા પોલીસકર્મીઓ પોતાની ફિટનેસ પ્રત્યે સજાગ બને અને જન-જન સુધી સ્વસ્થ ભારતનો સંદેશ પહોંચે તેવો હતો.

દાહોદ શહેરમાં સાહિત્યપ્રેમીઓની એક ટીમ દ્વારા યુવા પેઢીમાં પુસ્તક સંસ્કૃતિને પુનઃજીવિત કરવા માટે 'પુસ્તક પરબ'નો પ્રશંસનીય પ્રારંભ કરાયો છે. ગોધરા રોડ સ્થિત દેસાઈવાડામાં દર મહિનાના પ્રથમ રવિવારે સવારે ૮ થી ૧૦:૩૦ દરમિયાન યોજાતા આ પરબમાં વાચકોને કોઈપણ શુલ્ક વિના પુસ્તકો ઘરે વાંચવા માટે આપવામાં આવે છે, જે વાંચીને પરત કરવાના રહે છે. આ ઉપરાંત, અહીં પુસ્તકોનું દાન પણ સ્વીકારવામાં આવે છે. આધુનિક યુગમાં સ્ક્રીન ટાઈમ ઘટાડી સમાજમાં વાંચનનું વાતાવરણ ઊભું કરવાના ઉદ્દેશ્ય સાથે શરૂ થયેલી આ પહેલ પાછળ નીલમ જાદવ, અમીષાબેન પંચાલ, જહુરુદીન શેખ, રવિન્દ્રભાઈ પ્રજાપતિ, રમેશભાઈ પરમાર અને રીતેશભાઈ સોનીની ટીમ નિષ્ઠાપૂર્વક કાર્ય કરી રહી છે.

ગુજરાતમાં આજથી નવા શૈક્ષણિક વર્ષ ૨૦૨૬-૨૭નો શુભારંભ થયો છે, જેના પગલે પંચમહાલ જિલ્લાના ગોધરા શહેર સહિત રાજ્યભરમાં ૩૫ દિવસના ઉનાળા વેકેશન પછી શાળાઓ પુનઃ ધમધમી ઊઠી છે. ગોધરામાં વિવિધ શાળાઓ દ્વારા વિદ્યાર્થીઓને કુમકુમ તિલક કરીને ઉત્સાહભેર આવકારવામાં આવ્યા હતા. પ્રથમ દિવસે વહેલી સવારથી જ શાળાઓમાં બાળકોની નોંધપાત્ર હાજરી જોવા મળી હતી અને વાલીઓ પણ બાળકોને મૂકવા-લેવા આવ્યા હતા. નવું સત્ર શરૂ થતાં જ વાલીઓ બાળકો માટે સ્ટેશનરી, યુનિફોર્મ અને સ્કૂલ બેગની ખરીદી તેમજ શાળાની ફી અને ટ્રાન્સપોર્ટની વ્યવસ્થા જેવી બાબતોમાં વ્યસ્ત બન્યા છે.

પંચમહાલ જિલ્લા સમગ્ર શિક્ષા અભિયાન વિભાગમાં રૂા. ૨.૭૯ કરોડની ઉચાપતના કૌભાંડમાં ગોધરા બી ડિવિઝન પોલીસે મોટી કાર્યવાહી કરી છે. જિલ્લા શિક્ષણ સમિતિના હિસાબી અધિકારી આર.કે. રાઠોડ દ્વારા નોંધાવેલી ફરિયાદના આધારે પોલીસે મુખ્ય બે આરોપીઓ—તત્કાલિન હિસાબી અધિકારી પૂજન રમેશચંદ્ર જોષી અને નિતિનકુમાર જયંતીભાઈ પટેલની તેમના નિવાસસ્થાનેથી ધરપકડ કરી છે. આ બંને આરોપીઓ પર સરકારી ધારાધોરણ મુજબ ખરીદી પ્રક્રિયા કર્યા વિના, બનાવટી બિલોના આધારે એજન્સીઓને નાણાં ચૂકવી કુલ રૂા. ૨,૭૯,૫૯,૮૧૬ની ઉચાપત કરવાનો આરોપ છે. પોલીસે બંને આરોપીઓને કોર્ટમાં રજૂ કરી ૩ દિવસના રિમાન્ડ મેળવી વધુ તપાસ હાથ ધરી છે.

અમદાવાદ-ઇન્દોર નેશનલ હાઈવે પર મોરવા હડફ તાલુકાના સંતરોડ ગામ નજીક પાનમ નદી પરનો જૂનો બ્રિજ છેલ્લા ચાર વર્ષથી બંધ હતો, જેનું સમારકામ પૂર્ણ થતાં ૮ જૂનના રોજ તેને વાહનોની અવરજવર માટે પુનઃ ખુલ્લો મુકાયો છે. લોડ બેરિંગ ક્ષતિના કારણે આ બ્રિજ બંધ કરી ટ્રાફિકને એક જ લેન પર ડાયવર્ટ કરાતા વારંવાર ટ્રાફિક જામ અને અકસ્માતો થતા હતા. સ્થાનિકોની રજૂઆત બાદ રાજ્યસભાના સાંસદ ડો. જશવંતસિંહ પરમારે નેશનલ હાઈવે ઓથોરિટીના અધિકારીઓ સાથે બેઠક યોજી સમયમર્યાદામાં કામ પૂર્ણ કરાવ્યું હતું. બ્રિજ શરૂ કરાતા હવે મધ્યપ્રદેશ અને ગુજરાત વચ્ચે દોડતા વાહનોને ટ્રાફિકની સમસ્યામાંથી મોટી રાહત મળશે.

મુંબઈ-અમદાવાદ હાઈવે પર નાકોડાધામ નજીક પતરાપુલ પાસે ગુજરાતથી મુંબઈ તરફ વિહાર કરી રહેલા જૈન સાધુઓ અને તેમના સેવકોને એક અજાણ્યા ટ્રકે અડફેટે લેતા ગમખ્વાર અકસ્માત સર્જાયો છે. આ દુર્ઘટનામાં નેમીસુરી સમુદાયના ૮૨ વર્ષીય વરિષ્ઠ જૈન મુનિ પરમ પૂજ્ય આચાર્ય ભગવંત શ્રી વિજય સિંહસેન સુરીશ્વરજી મ.સા. ગંભીર રીતે ઘાયલ થતાં તેમને મુંબઈની નાણાવટી હોસ્પિટલમાં ખસેડાયા છે, જ્યાં હાલ તેમની તબિયત સ્થિર છે. આ અકસ્માતને પગલે જૈન સમાજમાં ભારે રોષ વ્યાપી ગયો છે; પત્રકાર સંઘના પ્રમુખ ભુપેન્દ્ર શાહ અને એડવોકેટ પ્રફુલ્લ શાહે આ મામલે કાવતરાના એન્ગલથી ઊંડી તપાસની માગ કરી કડક કાર્યવાહી ન થવા પર આંદોલનની ચીમકી ઉચ્ચારી છે.