વડાપ્રધાન નરેન્દ્ર મોદીના જન્મદિવસની ઉજવણી નિમિત્તે વડોદરા શહેરમાં અનેક સેવાકીય અને ધાર્મિક કાર્યક્રમોનું આયોજન કરાયું છે. શહેરના 25 જેટલા ધાર્મિક સ્થળોએ મહાદીપોત્સવ ઉજવાશે, જેમાં સુખધામ હવેલી, વ્રજધામ હવેલી, ગુરુદ્વારા સાહેબ અને અટલાદરા સ્વામિનારાયણ મંદિરનો સમાવેશ થાય છે. સુરસાગર તળાવ ખાતે ભગવાન ભોળાનાથની પ્રતિમા પાસે વિશાળ દીપ પ્રાગટ્ય થશે. આ ઉપરાંત, C-295 એરબસ પ્રોજેક્ટ, સેન્ટ્રલ એસ.ટી. ડેપો, પ્રતાપનગર રેલવે સ્ટેશન અને એમ.એસ. યુનિવર્સિટી જેવા વિકાસ પ્રોજેક્ટ સ્થળોએ પણ ઉજવણી થશે. રક્તદાન, અંગદાન જાગૃતિ અને 25 હજારથી વધુ વિદ્યાર્થીઓ માટે ચિત્રસ્પર્ધા જેવા કાર્યક્રમો પણ યોજાશે.