ભુજમાં હમીરસર કિનારે લારીધારકો અને દબાણ શાખા વચ્ચે ઘર્ષણ, પોલીસ કાફલો ખડકાયો
ભુજ શહેરના હમીરસર તળાવના કિનારે નગરપાલિકાની દબાણ શાખા દ્વારા દબાણો હટાવવાની કામગીરી દરમિયાન લારીધારકો અને તંત્ર વચ્ચે ઘર્ષણ થયું. દબાણ ઇન્સ્પેક્ટર જયદીપસિંહ ઝાલાએ જણાવ્યું કે, દબાણો હટાવ્યા બાદ કેટલાક લારી ધારકો ફરીથી ગોઠવાઈ ગયા હતા. તેમને વેન્ડિંગ ઝોનમાં જવા કહેતા, કેટલાક તત્વોએ 15-20 લોકોને ભેગા કરી ઉગ્ર વિરોધ શરૂ કર્યો, જેના પગલે મહિલા PSI સહિત વધુ પોલીસ બોલાવવી પડી. પાલિકાએ સ્પષ્ટ કર્યું છે કે હમીરસર પર દબાણ સાંખી લેવાશે નહીં અને કાયદો હાથમાં લેનાર સામે કડક કાર્યવાહી કરાશે.