JNUએ વિદ્યાર્થિનીઓના યૌન શોષણ મામલે પ્રોફેસર-કોંગ્રેસ સાંસદ બિમોલ અકોઈજામને તાત્કાલિક અસરથી બરતરફ કર્યા
જવાહરલાલ નેહરુ યુનિવર્સિટી (JNU)એ પ્રોફેસર અને ઇનર મણિપુરથી કોંગ્રેસના લોકસભા સાંસદ ડૉ. અંગોમચા બિમોલ અકોઈજામને વિદ્યાર્થિનીઓના યૌન શોષણ મામલે દોષી ઠેરવી તાત્કાલિક અસરથી બરતરફ કર્યા છે. યુનિવર્સિટીની ઇન્ટરનલ કમિટી (IC)ની તપાસના તારણો અને કડક સજાની ભલામણના આધારે આ કાર્યવાહી કરવામાં આવી છે. 11 વિદ્યાર્થિનીઓએ મે 2026માં પ્રોફેસર વિરુદ્ધ ફરિયાદ નોંધાવી હતી, પરંતુ ત્યારે યોગ્ય કાર્યવાહી ન થતાં તેમણે દિલ્હી કમિશન ફોર વિમેન (DCW)નો સંપર્ક કર્યો હતો. અકોઈજામ મણિપુરના રહેવાસી છે અને 2023ની મણિપુર હિંસા બાદ સક્રિય રાજકારણમાં આવ્યા હતા.