મોરબીના માળીયા-વનાળિયા વિસ્તારમાં વર્ષોથી પેન્ડિંગ મકાન-મિલકત આકારણી અને વેરા સ્વીકારના પ્રશ્નોના નિરાકરણની માંગ સાથે બે વ્યક્તિઓએ આમરણાંત ઉપવાસ આંદોલન શરૂ કર્યું છે. મોરબી મનપા કચેરીમાં ડૉ. આંબેડકરની પ્રતિમા પાસે રમેશ ચાવડા અને હસમુખભાઈ કરમશીભાઈ પટેલે ઉપવાસ શરૂ કર્યા છે. તેઓ માળીયા-વનાળિયા, ન્યૂ રાજપર, રામદેવનગર, ઉમિયાનગર, ભીલનગર, કિન્ના નગર સહિતના વિસ્તારોના રહેણાંક મકાનોની રી-આકારણી, માપણી અને વિસ્તારવાર સીમાંકન સાથે મિલકત વેરો સ્વીકારી રેગ્યુલરાઈઝ કરવાની માંગ કરી રહ્યા છે. લાભાર્થીઓએ જણાવ્યું કે હોનારત બાદ ફાળવેલા મકાનોનો વેરો અને દસ્તાવેજી કાર્યવાહી ન થતાં તે રેગ્યુલરાઈઝ થયા નથી.