બનાસકાંઠાના સાંસદ ગેનીબેન ઠાકોરે ગુજરાત સરકારની નીતિઓ પર આકરા પ્રહારો કર્યા છે. તેમણે જણાવ્યું કે, ખેડૂતોને યુરિયા ખાતર મેળવવા કલાકો સુધી લાઈનોમાં ઊભા રહેવું પડે છે, છતાં મળતું નથી. બીજી તરફ, દારૂ અને ડ્રગ્સની જરૂર હોય તો એક ફોન કોલ પર હોમ ડિલિવરી મળે છે. પોલીસને આ ગેરકાયદે પ્રવૃત્તિઓની જાણ હોવા છતાં કોઈ કાર્યવાહી થતી નથી. આ હપ્તા ગાંધીનગર અને દિલ્હી સુધી પહોંચે છે, જેના કારણે યુવાનો બરબાદ થઈ રહ્યા છે. કોંગ્રેસ આવા બુટલેગરો અને ડ્રગ્સ વેચનારાઓનો સર્વે કરાવી ગૃહમંત્રીને જાણ કરશે અને જો સરકાર કાર્યવાહી નહીં કરે તો 'જનતા રેડ'ની ચીમકી ઉચ્ચારી છે.