વિદેશ મંત્રાલયે સ્પષ્ટ કર્યું છે કે પાસપોર્ટ ફક્ત વિદેશ પ્રવાસ માટેનું એક દસ્તાવેજ છે, તે ભારતની નાગરિકતાનો અંતિમ પુરાવો નથી. 1 જુલાઈ 1987 પછી જન્મેલા વ્યક્તિ માટે, ફક્ત પાસપોર્ટ, આધાર કાર્ડ કે બર્થ સર્ટિફિકેટ નાગરિકતા સાબિત કરવા પૂરતા નથી. કાયદા મુજબ, માતા-પિતામાંથી કોઈ એક ભારતીય નાગરિક હોવા અનિવાર્ય છે. સરકારે પાસપોર્ટ સેવાઓને વધુ સુલભ બનાવી છે, જ્યાં હવે 6 કામકાજના દિવસોમાં પાસપોર્ટ ઇશ્યૂ થાય છે અને પાસપોર્ટ સેવા કેન્દ્રોની સંખ્યામાં પણ નોંધપાત્ર વધારો થયો છે.

ICAI દ્વારા CA ઇન્ટરમીડિયેટ પરિણામ જાહેર કરાયું છે, જેમાં અમદાવાદના ત્રણ વિદ્યાર્થીઓએ ઑલ ઇન્ડિયા ટોપ 50 માં સ્થાન મેળવી શહેરનું ગૌરવ વધાર્યું છે. મોક્ષ રાઠોડ (AIR 5), સ્તુતિ ગોયંકા (AIR 10) અને કનૈયા શર્મા (AIR 40) એ પોતાની સખત મહેનત, શિસ્ત અને યોગ્ય ટાઈમ મેનેજમેન્ટ દ્વારા આ સિદ્ધિ હાંસલ કરી છે. તેઓ ભવિષ્યમાં ટેક્સેશન અને ફાઇનાન્સ ક્ષેત્રે નિષ્ણાત બનવા માંગે છે.

ગુજરાતના વડોદરાના મિસ્ત્રી પરિવાર 150 વર્ષથી વધુ સમયથી દુર્લભ 'રુદ્રવીણા' વારસાને જીવંત રાખી રહ્યો છે. રુદ્રવીણા નિર્માતા કિશોરભાઈ સોમાભાઈ મિસ્ત્રીની પ્રતિષ્ઠિત 'સંગીત નાટક અકાદમી પુરસ્કાર' 2024-2025 માટે પસંદગી થઈ છે. કિશોરભાઈ છેલ્લા 50 વર્ષથી આ કળા માટે સમર્પિત છે, એક રુદ્રવીણા બનાવતા 3 વર્ષ લાગે છે. ચંદ્રભાગા નદીના તુંબડા, પેસિફિક બામ્બુ અને કાળા સીસમનો ઉપયોગ થાય છે. તેમની વીણા ન્યૂયોર્ક અને ફ્રાન્સના મ્યુઝિયમમાં શોભી રહી છે. આ પરિવારની સફર 153 વર્ષ પહેલાં ગુરુની તૂટેલી વીણાના સમારકામથી શરૂ થઈ હતી. યુવા પેઢીમાં પણ આ કળા પ્રત્યે રસ વધી રહ્યો છે.

હવે લગ્ન પ્રમાણપત્ર (Marriage Certificate) મેળવવું અને સાચવવું વધુ સરળ બન્યું છે. DigiLocker પર વિવિધ રાજ્યોના નાગરિકો પોતાના મેરેજ સર્ટિફિકેટની ડિજિટલ નકલ કાયદેસર રીતે મેળવી અને ગમે ત્યારે ઍક્સેસ કરી શકે છે. આ સુવિધાથી દસ્તાવેજ ખોવાઈ જવાની કે નુકસાન થવાની ચિંતા રહેતી નથી અને તેને સરળતાથી શેર પણ કરી શકાય છે. જો સર્ટિફિકેટ નવું બનાવવાનું હોય તો રાજ્ય સરકારની સંબંધિત વેબસાઇટ પર ઓનલાઈન અરજી, દસ્તાવેજ અપલોડ અને ફી ચૂકવીને પ્રક્રિયા પૂર્ણ કરી શકાય છે.

RTE હેઠળ ધોરણ 1 માં વિનામૂલ્યે પ્રવેશ માટેની સરકારની ઓનલાઈન કેન્દ્રીય પ્રક્રિયાના ચોથા રાઉન્ડમાં 978 બાળકોને પ્રવેશ ફાળવાયો છે. તેમ છતાં, 5097 બેઠકો ખાલી રહી ગઈ છે, કારણ કે વાલીઓએ ઘણી શાળાઓમાં તેમની પસંદગી આપી ન હતી. આ વર્ષે 83 હજારથી વધુ બેઠકો હતી અને દોઢ લાખથી વધુ અરજીઓ માન્ય થઈ હતી. ત્રણ રાઉન્ડ બાદ 6075 બેઠકો ખાલી હતી. ચોથા રાઉન્ડમાં 73093 વાલીઓએ પુન: પસંદગી આપી હતી, પરંતુ હજુ પણ મોટી સંખ્યામાં બેઠકો ખાલી છે. આ ખાલી રહેલી બેઠકો હવે ભરાશે નહીં.

અમદાવાદમાં ફાયર સેફ્ટી અંગે મ્યુનિસિપલ ફાયર વિભાગે વિવિધ વિસ્તારોની 18 શિક્ષણ સંસ્થાઓમાં ચકાસણી હાથ ધરી હતી. ફાયર સેફ્ટી સર્ટિફિકેટની મુદત પૂર્ણ થઈ જતાં નવકાર ડિજિટલ ઇન્સ્ટિટ્યૂટને સીલ કરવામાં આવ્યું છે. ઉપરાંત ફાયર એક્સટિંગ્વિશર, ઇમરજન્સી એક્ઝિટ, વિદ્યુત સુરક્ષા અને અવરજવર માર્ગોની ખામીઓ બદલ 17 ટ્યુશન ક્લાસ અને શિક્ષણ સંસ્થાઓને નોટિસ ફટકારવામાં આવી છે. તંત્રએ ચેતવણી આપી છે કે નિયત સમયમર્યાદામાં ખામીઓ દૂર નહીં કરવામાં આવે તો સંસ્થાઓ સામે સીલિંગ સહિતની કડક કાર્યવાહી કરવામાં આવશે.

આધુનિક 'ફૂડ સિક્યોરિટી'ના યુગમાં, હિમાલયના જૌંસાર-બાવર વિસ્તારમાં સદીઓથી અનાજ સંગ્રહ માટે વપરાતા 'કોઠાર' નામની પરંપરાગત પદ્ધતિ ભુલાઈ રહી છે. આ લાકડાંના વિશિષ્ટ માળખાં, જે જમીનથી ઊંચા પથ્થરના થાંભલા પર બનાવવામાં આવતા, તે અનાજને ભેજ, જીવાતો અને આકરી હવામાન પરિસ્થિતિઓથી સુરક્ષિત રાખતા. આ 'કોઠાર' માત્ર અનાજ ભંડાર નહોતા, પરંતુ ટકાઉપણું, કુદરતી તાપમાન નિયંત્રણ અને આપત્તિ વ્યવસ્થાપનનું અદ્ભુત ઉદાહરણ હતા. ક્લાઈમેટ ચેન્જ અને વધતી કુદરતી આફતોના સમયમાં, આ વિસરાતી વારસો ભવિષ્ય માટે અનિવાર્ય બની શકે છે.

હાલમાં ચાઇના દ્વારા એવો દાવો કરાયો છે કે વિદેશી જાસૂસી સંસ્થાઓ દરિયાઈ રહસ્યોની ચોરી કરવા કાચબા અને માછલીઓનો ઉપયોગ કરી રહી છે. આ માહિતી ચોંકાવનારી છે કારણ કે અત્યાર સુધી આપણે સેટેલાઇટ, ડ્રોન અને હેકિંગ દ્વારા થતી જાસૂસી વિશે જ સાંભળ્યું છે. આ દરિયાઈ જીવોની પીઠ પર અત્યંત સૂક્ષ્મ હાઇટેક બાયો-સેન્સર્સ લગાવવામાં આવે છે, જેમાં કેમેરા, રેકોર્ડર અને ટ્રાન્સમિટર હોય છે. આ સેન્સર્સ પાણીનું તાપમાન, ખારાશ અને મોજાંના પ્રવાહ જેવો ડેટા સેકન્ડોમાં રેકોર્ડ કરી સીધો વિદેશી ગુપ્તચર એજન્સીઓને મોકલી દે છે. આ ડેટાનો ઉપયોગ મિલિટરી સાયન્ટિસ્ટ્સ દરિયાઈ નકશા બનાવવા અને દુશ્મન સબમરીન પર હુમલા કરવા માટે કરે છે.

આધુનિક જીવનમાં તણાવ અને ચિંતા સામાન્ય છે, પરંતુ યોગ તેને ઘટાડવામાં મદદ કરી શકે છે. આંતરરાષ્ટ્રીય યોગ દિવસ, 21 જૂન, યોગને રોજિંદા જીવનનો ભાગ બનાવવા પ્રોત્સાહન આપે છે. યોગ માત્ર શારીરિક આસનો નથી, પરંતુ તેમાં યમ, નિયમ, આસન, પ્રાણાયામ, પ્રત્યાહાર, ધારણા, ધ્યાન અને સમાધિનો સમાવેશ થાય છે. આ આઠ અંગોનું પાલન માનસિક અને શારીરિક સ્વાસ્થ્ય સુધારે છે, એકાગ્રતા વધારે છે, નકારાત્મક વિચારો શાંત કરે છે અને લાગણીઓ પર નિયંત્રણ આપે છે. યોગ એક જીવનશૈલી છે જે "હેલ્ધી માઇન્ડ" અને "હેલ્ધી બોડી" માટે જરૂરી છે.

ફાધર્સ ડેએ પિતાના યોગદાનની ચર્ચા થાય છે. માતા સંતાનને જીવન આપે, તો પિતા જીવનને દિશા. પિતાનો પરસેવો ક્યારેક દેખાતો નથી, પણ તેઓ ઘરની આધારશિલા છે. અહીં એમ્પરર પેંગ્વિનના પિતાની અનોખી વાત છે, જે પ્રાણીજગતમાં સૌથી સમર્પિત ગણાય છે. આ પેંગ્વિન એન્ટાર્કટિકામાં જોવા મળે છે. કઠોર શિયાળામાં, નર પેંગ્વિન 65-75 દિવસ સુધી ઈંડાને પોતાના પગ પર ગરમ રાખીને, ભૂખ્યા રહીને તેનું રક્ષણ કરે છે. તેઓ ખોરાક માટે સમુદ્રમાં ડાઇવ કરે છે અને બચ્ચાને ઉછેરે છે.

કોરોના મહામારીએ બંધ રૂમની હવાની ગુણવત્તાના મહત્વ પર ભાર મૂક્યો છે. આ શીખ પરથી, અમેરિકા ‘બ્રીધ’ નામનો 1250 કરોડનો પ્રોજેક્ટ ચલાવી રહ્યું છે. આ પ્રોજેક્ટનો ઉદ્દેશ્ય ઇમારતોને એવી ટેકનોલોજીથી સજ્જ કરવાનો છે જે માનવ શરીરની જેમ હવામાં રહેલા રોગકારક તત્વોને શોધી કાઢીને તેનો સામનો કરી શકે. વર્જિનિયા ટેક યુનિવર્સિટીના સંશોધકો દ્વારા વિકસાવવામાં આવેલ રિયલ-ટાઇમ સેન્સર હાલમાં કોરોના, ઇન્ફ્લુએન્ઝા અને ઇ-કોલાઈ જેવા 10 પેથોજન્સને ઓળખી શકે છે, જે ભવિષ્યમાં 100 સુધી વિસ્તૃત કરવામાં આવશે. આ ટેકનોલોજી ફાયર એલાર્મની જેમ કામ કરશે, હવા શુદ્ધિકરણ અને વેન્ટિલેશન સિસ્ટમને સક્રિય કરીને શ્વસન સંબંધી રોગોના જોખમને ઘટાડશે.

ગુજરાત સરકારના શિક્ષણ વિભાગ દ્વારા આયોજિત શાળા પ્રવેશોત્સવ અને કન્યા કેળવણી મહોત્સવ 2026 અંતર્ગત ભીલપુર ગ્રુપની અછાલા શ્રોષ્ઠ પ્રાથમિક શાળામાં પ્રગતિનો પ્રવેશોત્સવ કાર્યક્રમ યોજાયો. જિલ્લા કલેક્ટર ગાર્ગી જૈન, SMC, ગ્રામજનો અને વાલીઓએ બાળકોનું ઉત્સાહભેર સ્વાગત કર્યું. આંગણવાડી, બાલવાટિકા અને ધોરણ-1માં નવા પ્રવેશ મેળવેલા 14 બાળકોને શૈક્ષણિક કીટ અને પુસ્તકો આપી પ્રવેશ અપાયો. કાર્યક્રમમાં દીપ પ્રાગટય, પ્રાર્થના, વિદ્યાર્થીઓના વક્તવ્ય અને ઉત્તીર્ણ થયેલા વિદ્યાર્થીઓ, પ્રથમ ત્રણ ક્રમે આવનાર તેમજ 100% હાજરી ધરાવતા બાળકો અને દાતાઓનું સન્માન કરાયું.

મંગળવારથી શરૂ થતાં ત્રણ દિવસીય કન્યા કેળવણી અને પ્રવેશોત્સવ કાર્યક્રમના ભાગરૂપે કરજણ તાલુકાના વેમાર ખાતે ધારાસભ્ય દ્વારા રૂા.2.40 કરોડના ખર્ચે બનેલ નવનિર્મિત શાળાનું ઉદ્ઘાટનની સાથે પ્રવેશોત્સવમાં પ્રવેશ મેળવનાર બાળકોને પ્રવેશ આપ્યો હતો. ઉપરાંત કરજણ તાલુકાની વિવિધ શાળાઓમા પણ આ કાર્યક્રમ યોજાયો હતો. કરજણ તાલુકાની પીએમશ્રી લીલોડ શાળા રૂા.2 કરોડના ખર્ચે બની હતી. તેનું લોકાર્પણ કરજણના ધારાસભ્ય અક્ષય પટેલ દ્વારા કરાયું હતું.આજ કંપાઉન્ડમાં નવી મજૂર થયેલ રૂા.80 લાખની ઉચ્ચત્તર માધ્યમિક શાળાના બિલ્ડિંગનું પણ ખાતમુહૂર્ત જિ.પં. પ્રમુખ જ્યોત્સનાબેન રબારી દ્વારા કરાયું હતું. જેની સાથે બાલમંદિર, ધો.1 અને ધો. 9ના વિદ્યાર્થીને પ્રવેશ અપાયો હતો.

વડોદરાના પાદરા તાલુકાના સાધી ગામે રાજ્યવ્યાપી શાળા પ્રવેશોત્સવ અંતર્ગત ભવ્ય કાર્યક્રમ યોજાયો હતો. કાર્યક્રમમાં ધારાસભ્ય ચૈતન્યસિંહ ઝાલાની વિશેષ હાજરીમાં સાધી કન્યા પ્રાથમિક શાળાના નવનિર્મિત ભવનનું લોકાર્પણ કરવામાં આવ્યું હતું. નવા વિદ્યાર્થીઓને શાળા અને આંગણવાડીમાં વિધિવત પ્રવેશ અપાયો હતો. તાલુકા અને જિલ્લા પંચાયતના પ્રતિનિધિઓ, સરપંચ તથા ગ્રામજનો મોટી સંખ્યામાં ઉપસ્થિત રહ્યા હતા. ધારાસભ્યએ શિક્ષણના મહત્વ પર ભાર મૂકતા સરકારની શિક્ષણ વિકાસ પ્રત્યેની પ્રતિબદ્ધતા વ્યક્ત કરી હતી.

ભિલોડા સ્થિત સરસ્વતી શારદા પ્રાથમિક શાળામાં નવા શૈક્ષણિક સત્રના ઉમદા પ્રારંભ નિમિત્તે શ્રી સત્યનારાયણ ભગવાનની કથાનું ભક્તિપૂર્ણ આયોજન કરવામાં આવ્યું. આ પ્રસંગે નવનિયુક્ત આચાર્ય લીનાબેનના સફળ કાર્યકાળ તથા તમામ વિદ્યાર્થીઓના ઉજ્જવળ ભવિષ્ય, સુખ-સમૃદ્ધિ અને સર્વાંગી વિકાસ માટે વિશેષ પ્રાર્થના કરવામાં આવી. શાળા પરિવાર પર ભગવાનની કૃપા બની રહે અને તમામ વિઘ્નો દૂર થાય તે ઉદ્દેશ્યથી આ કથા યોજાઈ હતી. તેજેશ્વર એજ્યુકેશન ટ્રસ્ટના મંત્રી મિતેશ.વી.ભાવસારે ગોર મહારાજના માર્ગદર્શન હેઠળ શાળાના કલ્યાણ માટે આજીજી વ્યક્ત કરી.

મહીસાગર જિલ્લાના ખાનપુર તાલુકાના મુડાવડે ગામે વાવો પ્રાથમિક શાળા તેમજ પી એન પંડયા સાર્વજનિક હાઇસ્કુલ ખાતે જિલ્લા પોલીસ અધિક્ષક સફીન હસન દ્વારા શાળા પ્રવેશોત્સવ નિમિત્તે બાળકોને શાળા પ્રવેશ કરાવાયો હતો. શિક્ષણ કીટનું વિતરણ અને નાના ભૂલકાઓને ઉત્સાહ ભેર આવકાર્યા હતા, કુમકુમ તિલક કરી ભૂલકાઓનું મ્હોં મીઠું કરાવ્યું હતું. પોલીસ અધિક્ષકે બાળકોને શિક્ષણનું મહત્વ સમજાવી ભવિષ્ય માટે પ્રેરણાદાયી માર્ગદર્શન આપ્યું હતું.

લુણાવાડા સ્થિત શ્રી વિકાસ એજ્યુકેશન ટ્રસ્ટ સંચાલિત સ્વામી વિવેકાનંદ હાઇસ્કુલમાં આજે કન્યા કેળવણી મહોત્સવ અને પ્રગતિનો પ્રવેશોત્સવની ઉત્સાહભેર ઉજવણી કરવામાં આવી. કાર્યક્રમમાં જિલ્લા કલેક્ટર અર્પિત સાગર મુખ્ય અતિથિ તરીકે ઉપસ્થિત રહ્યા હતા. આ પ્રસંગે અનેક મહાનુભાવો, શાળાના આચાર્ય, સંચાલક મંડળના પ્રમુખ અને વાલી પ્રતિનિધિઓ હાજર રહ્યા હતા. વિદ્યાર્થીઓએ શૈક્ષણિક પ્રવૃત્તિઓની ઝાંખી રજૂ કરી અને વિજ્ઞાન-ટેકનોલોજી પર વક્તવ્યો આપ્યા. આદર્શ વિદ્યાર્થીઓ, ખેલ મહાકુંભ વિજેતાઓ, ૧૦૦% હાજરી ધરાવતા તેજસ્વી વિદ્યાર્થીઓ અને મુખ્યમંત્રી જ્ઞાન સાધના પરીક્ષાના મેરિટમાં સ્થાન મેળવનાર વિદ્યાર્થીઓનું સન્માન કરાયું.

ખેડબ્રહ્મામાં શાળામાં પ્રવેશોત્સવ અને કન્યા કેળવણી મહોત્સવ પ્રારંભ થયેલ છે. તે અંતર્ગત ખેડબ્રહ્માની પ્રતિષ્ઠિત સંસ્થા એવી ખેડબ્રહ્મા કેળવણી મંડળ સંચાલિત સરસ્વતી વિદ્યા મંદિરમાં ધોરણ-1થી 5 તથા સ્મિતાબેન સુમનભાઈ ઈંગ્લીશ મીડીયમ સ્કૂલના બાળકોને સંસ્થા ખેડબ્રહ્મા કેળવણી મંડળના પ્રમુખ જીગ્નેશભાઈ જોષી તથા કેમ્પસ ડાયરેક્ટર કપિલભાઈ ઉપાધ્યાય દ્વારા નાના ભૂલકાઓને મીઠું મોઢું કરાવીને પ્રવેશ આપવામાં આવ્યો હતો, જેમાં તમામ બાળકોએ ઉત્સાહભેર ભાગ લીધો હતો.

મધ્ય ચીનના એક પ્રાણી સંગ્રહાલયે કાળું રીંછ બની ઝૂમાં ફરવા અને લોકોને મનોરંજન પૂરું પાડવા માટે એક અનોખી નોકરીની જાહેરાત કરી છે. આ નોકરીમાં એક લાખ યુઆન (લગભગ 15000 ડોલર) પગાર આપવામાં આવશે. કર્મચારીએ રીંછનો કોસ્ચ્યુમ પહેરીને મુલાકાતીઓ સાથે ઇશારામાં વાતચીત કરવી પડશે, બોલવાની મનાઈ છે. આ નોકરી માટે વાર્ષિક 14 લાખ રૂપિયાનું પેકેજ આપવામાં આવશે, જે ખૂબ જ આકર્ષક છે.

આંતરરાષ્ટ્રીય યોગ દિવસ નિમિત્તે મહીસાગર જિલ્લાના વર્લ્ડ -ક્લાસ કેમ્પસ તરીકે ઓળખાતી ક્રિસ્ટલ ઇન્ટરનેશનલ સ્કૂલ ખાતે યોગ દિવસની ઉજવણી કરાઈ હતી. કાર્યક્રમમાં કેમ્પસના મેનેજિંગ ટ્રસ્ટી મનુભાઈ પટેલ, ડિરેક્ટર કાજોલબેન પટેલ તેમજ કેમ્પસ ડાયરેક્ટર સુરેશભાઈ પટેલ અને મનોજભાઈ કાલે તથા અંગ્રેજી અને ગુજરાતી માધ્યમના પ્રિન્સિપાલ ઉપસ્થિત રહ્યા હતા. વિદ્યાર્થીઓએ યોગની વિવિધ મુદ્રાઓ, આસનો તેમજ યોગ અને પ્રાણાયામ આધારિત નૃત્યો અને કરતબો રજૂ કર્યા હતા. આ પ્રસંગે મનુભાઈ પટેલે યોગના મહત્વ અંગે માર્ગદર્શન આપી વિદ્યાર્થીઓને નિયમિત યોગને જીવનનો ભાગ બનાવવા પ્રેરણા આપી હતી.

અરવલ્લી જિલ્લાના મેઘરજ તાલુકાની વિનોબા આશ્રામશાળા વડથલી ખાતે કન્યા કેળવણી મહોત્સવ અને શાળા પ્રવેશોત્સવ યોજાયો. આ પ્રસંગે મદદનીશ કમિશ્નર, આદિજાતિ વિકાસ વિભાગ, મોડાસાના ડી.એસ.ચૌધરીના હસ્તે ધોરણ-1 માં 12 અને ધોરણ-2 થી 8 માં 30 બાળકોને પ્રવેશ અપાયો. શાળાને કમ્પ્યુટર, સીલીંગ ફેન, ગાદલા, રજાઇ, થાળી, વાડકી જેવા મહત્વપૂર્ણ દાન મળ્યા. સાંસ્કૃતિક કાર્યક્રમમાં ભાગ લેનાર દીકરીઓને પ્રોત્સાહક રોકડ ઇનામ અપાયા.

પંચમહાલ જિલ્લાના ગોધરા તાલુકાના પરવડી વિસ્તારમાં કન્યા કેળવણી મહોત્સવ અને શાળા પ્રવેશોત્સવ અભિયાન હેઠળ અનેક શાળાઓમાં ભવ્ય પ્રવેશોત્સવ યોજાયો. જિલ્લા કલેક્ટર અજય દહીયાએ ખુદ ઉપસ્થિત રહી ભૂલકાઓને શાળામાં પ્રવેશ કરાવી તેમનો ઉત્સાહ વધાર્યો. તેમણે શિક્ષણના મહત્વ પર ભાર મૂક્યો અને બાળકોને જીવનમાં ખૂબ આગળ વધવા પ્રેરણા આપી. આ પ્રસંગે આંગણવાડીના 14 બાળકોને કીટ, યુનિફોર્મ અને બેગ આપી પ્રવેશ અપાયો, જ્યારે બાલવાટિકાના 43 બાળકોને પ્રવેશ મળ્યો. શ્રી રામ વિદ્યામંદિર અને એમ. સી. મેમોરિયલ હાઇસ્કૂલમાં પણ ધોરણ 9 અને 11 ના વિદ્યાર્થીઓનો પ્રવેશોત્સવ સંપન્ન થયો.

મહીસાગર જિલ્લાના ગોધર તાલુકાનાં ચુથાના મુવાડા ગામ સ્થિત પ્રવીણ વિદ્યાલય ખાતે આજે શાળા પ્રવેશોત્સવ તથા કન્યા કેળવણી મહોત્સવ ઉજવાયો હતો. જેમાં મુખ્ય અતિથિ તરીકે D.R.D.A.ના નિયામક ચંદ્રિકા બેન ભાભોરતથા C.R.C. પ્રવિણભાઈ, પ્રેરણા એજ્યુકેશન ટ્રસ્ટના પ્રમુખ નરેન્દ્રસિંહ સિસોદિયા, આચાર્ય, શિક્ષકો, વિદ્યાર્થીઓ તથા વાલીઓ ઉપસ્થિત રહ્યા હતાં. ધોરણ 9 તથા ધોરણ 11માં પ્રવેશ મેળવનાર વિદ્યાર્થીઓને મહેમાનોએ પુસ્તક વિતરણ કર્યું હતું. ત્યાર બાદ વૃક્ષા રોપણ કરાયું હતું.

ગાંધીનગરના અડાલજ ખાતે નાયબ મુખ્યમંત્રી હર્ષ સંઘવીની ઉપસ્થિતિમાં શાળા પ્રવેશોત્સવ સંપન્ન થયો. આ કાર્યક્રમમાં ત્રણ સરકારી શાળાઓના 402 બાળકોને પ્રવેશ અપાયો હતો. તેમણે શિક્ષકો અને વાલીઓને સહયોગ આપવા, બાળકોને ટ્રાફિક સુરક્ષા વિશે જાગૃત કરવા અને હેલ્મેટ પહેરવા માટે માતા-પિતાને પ્રેરિત કરવા ભાર મૂક્યો. રાજ્યમાં કન્યા કેળવણી અને પ્રવેશોત્સવના 24મા વર્ષની ઉજવણીના ભાગરૂપે આ કાર્યક્રમ યોજાયો હતો. તેમણે વિદ્યાર્થીઓને બ્રશ કરવા, હાથ ધોવા અને સ્વચ્છતા જેવી ટેવો કેળવવા કહ્યું. ઉપરાંત, બાળકો દ્વારા વાલીઓને હેલ્મેટ પહેરવાની જીદ કરવાના શપથ લેવડાવવામાં આવ્યા, જેથી અકસ્માતો ટાળી શકાય.

ભરૂચ જિલ્લામાં સરકારી શાળાઓ પર વાલીઓનો વિશ્વાસ વધી રહ્યો છે. આ શૈક્ષણિક વર્ષમાં 685 વિદ્યાર્થીઓએ ખાનગી શાળાઓ છોડીને કુલ 176 સરકારી શાળાઓમાં પ્રવેશ લીધો છે. ભરૂચ અને અંકલેશ્વર તાલુકાઓમાં આ સંખ્યા સૌથી વધુ છે, જ્યાં અનુક્રમે 184 અને 183 વિદ્યાર્થીઓએ પ્રવેશ મેળવ્યો છે. સ્માર્ટ ક્લાસરૂમ, ડિજિટલ શિક્ષણ, અનુભવી શિક્ષકો, રમતગમતની સુવિધાઓ, નિઃશુલ્ક પાઠ્યપુસ્તકો, શિષ્યવૃત્તિ યોજનાઓ અને બાળક-કેન્દ્રિત શિક્ષણ જેવી સુવિધાઓ આ બદલાવ પાછળ મુખ્ય કારણો છે. આ દર્શાવે છે કે સરકારી શાળાઓ હવે પ્રથમ પસંદગી બની રહી છે.

ભરૂચ જિલ્લામાં રાજ્યવ્યાપી શાળા પ્રવેશોત્સવનો ઉત્સાહભેર પ્રારંભ થયો. ધોરણ-1 માં 4625 અને આંગણવાડીઓમાં 2604 બાળકોને પ્રવેશ અપાયો. વિદ્યાર્થીઓને શૈક્ષણિક કિટ્સ આપી પ્રોત્સાહિત કરાયા. બેક ટુ સ્કૂલ અભિયાન હેઠળ 478 વિદ્યાર્થીઓને ફરી શાળામાં જોડવામાં આવ્યા. પ્રથમ દિવસે રોકડ અને ચીજવસ્તુ સ્વરૂપે કુલ રૂ. 40.81 લાખનું દાન મળ્યું. આ કાર્યક્રમોમાં અધિકારીઓ અને આગેવાનો દ્વારા શાળાના વિકાસ માટે માર્ગદર્શન પણ આપવામાં આવ્યું.

શિક્ષણ સમિતિની નવી અંગ્રેજી માધ્યમની શાળાઓમાં વાલીઓનો અભૂતપૂર્વ પ્રતિસાદ મળ્યો છે. એકતાનગરની સ્વામી દયાનંદ સરસ્વતી અંગ્રજી પ્રાથમિક શાળામાં ૧૦ દિવસમાં ૧૨૫ અને અટલાદરાની ડૉ. શ્યામા પ્રસાદ મુખર્જી પ્રાથમિક શાળામાં ૩૫ નવા એડમિશન થયા છે. પ્રવેશોત્સવના પ્રથમ દિવસે ૪૪ શાળાઓમાં કુલ ૧૬૬૩ વિદ્યાર્થીઓનો પ્રવેશ થયો, જેમાં ૧૦૨ ગુજરાતી, ૧૩ હિન્દી અને ૧૧ અંગ્રેજી માધ્યમની શાળાઓનો સમાવેશ થાય છે. મ્યુનિસિપલ કમિશનર અને ગુજરાત વિધાનસભાના દંડક દ્વારા શાળાઓની મુલાકાત લેવાઈ, જ્યાં તેમણે નવી શિક્ષણ નીતિ અને સરકારી યોજનાઓના લાભ અંગે માર્ગદર્શન આપ્યું.

રાજ્યભરમાં 23 જૂનથી શરૂ થયેલા શાળા પ્રવેશોત્સવ અને કન્યા કેળવણી મહોત્સવ-2026ની 23મી કડીની ઉજવણી વલસાડ જિલ્લામાં ‘પ્રગતિનો પ્રવેશોત્સવ’ થીમ સાથે ધામધૂમથી થઈ. જિલ્લા પંચાયત પ્રમુખ હેતલબેન પટેલે કોસંબા દીવાદાંડી શાળામાં 202, સાંસદ ધવલ પટેલે મોટી દાંતી શાળામાં 249, અને ડીડીઓ અતિરાગ ચપલોતે અટગામ સહિત વિવિધ શાળાઓમાં 178 બાળકોને પ્રવેશ અપાવ્યો. આ પ્રસંગે શિક્ષણની સાથે સંસ્કારનું સિંચન, શ્રીમદ ભગવદ ગીતાના પાઠ, અને મોબાઈલના બદલે અભ્યાસ પર ધ્યાન કેન્દ્રિત કરવાની પ્રેરણા આપવામાં આવી.

ભારતમાં 7 દિવસ બાદ ટેલિગ્રામ એપ ફરી કાર્યરત થઈ છે. NEET પરીક્ષાના પેપર લીક થવાના વિવાદ બાદ કેન્દ્ર સરકારે 22 જૂન સુધી એપ પર પ્રતિબંધ મૂક્યો હતો. 21 જૂનની NEET રી-એક્ઝામ બાદ પ્રતિબંધ સમાપ્ત થયો, છતાં પ્લે સ્ટોર પર ડાઉનલોડ અને સાઇન-અપ સમસ્યા રહી. દિલ્હી હાઈકોર્ટે પણ સરકારના પ્રતિબંધને યોગ્ય ઠેરવ્યો. જોકે, 30 જૂન સુધી 'મેસેજ-એડિટિંગ' ફીચર બંધ રાખવાનો આદેશ અપાયો છે, જેથી યુઝર્સ મોકલેલા મેસેજમાં ફેરફાર કરી શકશે નહીં.

જાહેર જીવન જીવતી વ્યક્તિઓએ લોકોનાં હૃદય સુધી પહોંચવા માટે હસવું અનિવાર્ય છે, ભલે તે પરિસ્થિતિ પર હોય કે પોતાના પર. અટલ બિહારી વાજપેયી જેવા નેતાઓ લાખોની મેદનીને હસાવી શકતા હતા. વિનોદવૃત્તિ માણસ માટે જરૂરી છે, કારણ કે તે જીવનના બોજને હળવો બનાવે છે. ગાંધીજી અને ઉમાશંકર જોશી જેવા મહાનુભાવોમાં પણ આવી અદભૂત રમૂજવૃત્તિ જોવા મળતી હતી, જે તેમને જીવનની મુશ્કેલીઓનો સામનો કરવામાં મદદરૂપ થતી હતી.