ગુજરાતના 10 મહત્વપૂર્ણ યાત્રાધામો અને પ્રવાસન સ્થળોના વિકાસ માટે રાજ્ય સરકારે કરોડો રૂપિયાના પ્રોજેક્ટ્સને સૈદ્ધાંતિક મંજૂરી આપી છે. મુખ્યમંત્રી ભૂપેન્દ્ર પટેલની મંજૂરીથી શ્રદ્ધાળુઓને વિશ્વસ્તરીય સુવિધાઓ મળશે અને સ્થાનિક રોજગારીને વેગ મળશે. ગ્રેટર ગીર પ્રોજેક્ટ માટે રૂ. 46.91 કરોડ, રૂપાલ વરદાયિની માતાજી પરિસર માટે રૂ. 35 કરોડ, જોધલપીર મંદિર, કેસરડી માટે રૂ. 21.75 કરોડ ફાળવવામાં આવ્યા છે. અનલગઢ કિલ્લો, ઉનાઈ માતાજી મંદિર, ચેહર માતા મંદિર, વાળીનાથ મહાદેવ મંદિર, મહાકાળી માતાજી મંદિર ઉમરેચા અને ગોરા રામજી મંદિર જેવા સ્થળોના વિકાસ કાર્યો માટે પણ ભંડોળ ફાળવવામાં આવ્યું છે.