અનુરાગ કશ્યપ પર બ્રહ્મસમાજ વિરુદ્ધ અપમાનજનક ટિપ્પણી કરવા બદલ સુરત કોર્ટે કડક વલણ અપનાવ્યું છે. કોર્ટે BNSની કલમ 196, 352, અને 353(2) હેઠળ ગુનો નોંધી કાનૂની પ્રોસેસ ઈસ્યુ કરવાનો હુકમ કર્યો છે. ફિલ્મના વિવાદિત દ્રશ્યો સામે પ્રતિક્રિયા રૂપે આ પોસ્ટ કરાઈ હતી. ફરિયાદીએ ડિજિટલ પુરાવા રજૂ કર્યા બાદ કોર્ટે આદેશ આપ્યો છે.

હોર્મુઝ સંકટ અને અમેરિકા-ઈરાન વચ્ચે વધતા તણાવ વચ્ચે ભારત માટે ક્રૂડ ઓઈલ બજારમાં ચિંતાજનક સ્થિતિ ઉભી થઈ છે. અમેરિકી પ્રમુખ ડોનાલ્ડ ટ્રમ્પે રશિયન ક્રૂડ ઓઈલ ખરીદી પર આપવામાં આવેલી અસ્થાયી છૂટછાટને આગળ વધારવાનો ઇનકાર કર્યો છે. 16 મેના રોજ આ છૂટછાટની સમયમર્યાદા પૂર્ણ થતાં હવે ભારત માટે સસ્તું રશિયન તેલ મેળવવું મુશ્કેલ બની શકે છે. નિષ્ણાતોના મતે આ નિર્ણયથી ભારતમાં પેટ્રોલ અને ડીઝલના ભાવમાં વધારો થવાની શક્યતા વધી છે, જે દેશ માટે મોટો આર્થિક ઝટકો સાબિત થઈ શકે છે.

દક્ષિણ એશિયાના ભૂરાજકારણમાં ગંગા નદીના પાણીનો મુદ્દો ફરી ચર્ચામાં આવ્યો છે. બાંગ્લાદેશમાં સત્તા પર આવેલી બાંગ્લાદેશ નેશનાલિસ્ટ પાર્ટીએ સ્પષ્ટ કર્યું છે કે ભારત સાથેના ભવિષ્યના સંબંધો હવે ગંગા નદીના પાણીની વહેંચણી પર નિર્ભર રહેશે. બાંગ્લાદેશ માટે આ મુદ્દો માત્ર નદીનો વિવાદ નહીં પરંતુ 17 કરોડ લોકોમાંથી મોટી વસ્તીની આજીવિકા અને પર્યાવરણ સાથે જોડાયેલો છે. 1996માં થયેલી 30 વર્ષની ગંગા જળ સંધિ હવે અંતિમ તબક્કામાં હોવાથી બાંગ્લાદેશના આ આક્રમક વલણે ભારત-બાંગ્લાદેશ સંબંધોમાં નવી ચિંતાઓ ઊભી કરી છે.

વૈશ્વિક ભૌગોલિક-રાજકીય તણાવ અને દરિયાઈ સુરક્ષા જોખમો વચ્ચે ભારત માટે રાહતના સમાચાર આવ્યા છે. માર્શલ આઇલેન્ડ્સનો ધ્વજ ધરાવતું ‘સિમી’ નામનું વિશાળ LPG ટેન્કર સુરક્ષિત રીતે સ્ટ્રેટ ઓફ હોર્મુઝ પાર કરીને ગુજરાતના કંડલાના દીનદયાલ પોર્ટ પર પહોંચી ગયું છે. આ જહાજ આશરે 20,000 મેટ્રિક ટન રાંધણ ગેસ લઈને આવ્યું છે અને તેમાં 21 વિદેશી ક્રૂ મેમ્બર્સ સવાર છે. 13 મેના રોજ હોર્મુઝ જળમાર્ગ પાર કર્યા બાદ જહાજ કોઈ અવરોધ વગર કંડલા પહોંચ્યું હતું, જ્યારે સમગ્ર મુસાફરી દરમિયાન તેની સુરક્ષા પર સતત નજર રાખવામાં આવી રહી હતી.

રશિયાના રાષ્ટ્રપ્રમુખ વ્લાદિમીર પુતિન કડક વલણ માટે જાણીતા છે, પરંતુ એક ઇવેન્ટમાં સુપરફેમસ સેલિબ્રિટી ટીના કંડેલાકીએ તેમનો હાથ ખેંચી લીધો. ટીના રશિયાની પ્રભાવશાળી ટીવી એન્કર, જર્નાલિસ્ટ અને બિઝનેસવુમન છે. તે રશિયન મીડિયા ઇન્ડસ્ટ્રી પર દબદબો ધરાવે છે અને પુતિનની નીતિઓની સમર્થક છે. પુતિન આ અણધાર્યા પગલાથી થોડા અસહજ અને હેરાન દેખાયા, જ્યારે મહિલા ભારે આત્મવિશ્વાસ સાથે પુતિન તરફ જોઈને સ્માઈલ આપી રહી હતી.

ભારત અને પાકિસ્તાન વચ્ચે સિંધુ જળ સંધિને લઈને તણાવ વધુ વકરી ગયો છે. 15 મેના રોજ એક કથિત મધ્યસ્થતા અદાલતે જળ ગ્રહણ ક્ષેત્ર અંગે આપેલા ચુકાદાને ભારતે સંપૂર્ણપણે ફગાવી દીધો છે. વિદેશ મંત્રાલયના પ્રવક્તા રણધીર જયસ્વાલેજણાવ્યું કે આ ગેરકાયદેસર રીતે રચાયેલી અદાલતના કોઈપણ નિર્ણયને ભારત માન્યતા આપતું નથી. ભારતે પહેલેથી જ સિંધુ જળ સંધિને સ્થગિત કરી છે અને સ્પષ્ટ કર્યું છે કે પાકિસ્તાન આતંકવાદને સમર્થન આપવાનું બંધ નહીં કરે ત્યાં સુધી સંધિ ફરી અમલમાં આવશે નહીં.

ધોરાજી તાલુકા વહીવટી તંત્રએ ફરેણી ગામમાં મોરમ માટીના ગેરકાયદેસર ખનન અને પરિવહનનું મોટું કૌભાંડ ઝડપી પાડ્યું છે. સરકારી મંજૂરી વિના JCB મશીન વડે ખોદકામ કરતા એક JCB અને ટ્રેક્ટરો સહિત ₹19.10 લાખનો મુદ્દામાલ જપ્ત કરવામાં આવ્યો છે. આ અંગે ખનિજ વિભાગને પણ રિપોર્ટ કરાયો છે.

ગુજરાતમાં ગરમીનો પ્રકોપ યથાવત, તાપમાન 40-42 ડિગ્રી રહેશે. આગામી ત્રણ દિવસ બાદ ગરમીમાં ઘટાડો થશે. આંદામાનમાં ચોમાસાની શરૂઆત, કેરળમ તરફ આગળ વધી રહ્યું છે. આ વખતે ગુજરાતમાં ચોમાસુ વહેલું બેસે તેવી શક્યતા, જૂનના પ્રથમ સપ્તાહમાં પ્રિ-મોન્સૂન એક્ટિવિટી શરૂ થઈ શકે છે.

સુરત પોલીસ સાયબર છેતરપિંડી રોકવા કમર કસી. ફોરેન કરન્સી, બિટકોઈન, શેરબજારના નામે થતી છેતરપિંડી અટકાવવા આંતરરાજ્ય-આંતરરાષ્ટ્રીય નેટવર્ક તોડવા સાયબર મીટ યોજાઈ. બેંકો અને ટેલિકોમ કંપનીઓના અધિકારીઓની ઉપસ્થિતિમાં એકશન પ્લાન બન્યો. નાગરિક સાથે ફ્રોડ થાય ત્યારે બેંકો એકાઉન્ટ Freeze કરશે, મોબાઈલ કંપનીઓ રિયલ-ટાઇમ ડેટા આપશે.

પાટણમાં રખડતા ઢોર પકડવા ગયેલી પાલિકા ટીમ પર પશુપાલકોએ હુમલો કર્યો. કર્મચારીઓની ફરજમાં અડચણ કરી, ઢોરોને રોડ પર ભગાડ્યા. સેનેટરી ઇન્સ્પેક્ટરને ધમકી આપી. બે નામજોગ અને બે અજાણ્યા વિરુદ્ધ પોલીસ ફરિયાદ નોંધાઇ.

ગુજરાતમાં આજથી વસતી ગણતરીનો પ્રારંભ. 31 મે સુધી લોકો 'Self Enumeration' કરી શકશે. 1 જૂનથી 30 જૂન દરમિયાન ઘરોની ગણતરી અને 33 સવાલ પૂછાશે, જેમાં 4 સવાલ પહેલીવાર પૂછાશે. 1.10 લાખ કર્મચારીઓ જોડાશે. 1855 ટોલ-ફ્રી નંબર જાહેર.

નેધરલેન્ડ યાત્રાએ પીએમ મોદીની હાજરીમાં 1000 વર્ષ જૂના ચોલ તામ્ર પટ્ટીકાઓ ભારત લાવવા કરાર થયો. ટાટા ઇલેક્ટ્રોનિક્સ અને ડચ ચિપ કંપની ASML વચ્ચે સેમિકન્ડક્ટર ક્ષેત્રે પણ સમજૂતી થઈ. મોદીએ નેધરલેન્ડના રાજા-રાણીને મળ્યા, રોકાણ માટે ભારતમાં અત્યારે શ્રેષ્ઠ સમય ગણાવ્યો.

વસ્ત્રાપુર મર્ડર કેસમાં તત્કાલીન PI ગોવિંદભાઈ કે.ભરવાડ વિરુદ્ધ પુરાવા ન મળતાં પોલીસે બી સમરી ભરી હતી. કોર્ટે તેને ફ્લાવ્યો, DCP ઝોન-1 ને તપાસ સોંપી. સાક્ષીઓના નિવેદનમાં PI ની હાજરી, સીડીઆર, લોકેશન, સીસીટીવી ફૂટેજ ન મળ્યા. કોર્ટે સમરી રિપોર્ટ નામંજૂર કરી 60 દિવસમાં રિપોર્ટ માંગ્યો.

ઘોઘંબા તાલુકામાં જીંજરી ડેમમાં નહાવા પડેલા બે મિત્રો ગરમીથી રાહત મેળવવા ગયા હતા. પાણીના ઊંડાણનો અંદાજ ન આવતાં બંને ડૂબી ગયા. કલાકોની જહેમત બાદ બંનેના મૃતદેહ બહાર કઢાયા. આ ઘટનાથી સમગ્ર ગામમાં શોકનો માહોલ છવાયો છે. પોલીસે અકસ્માતે મોતનો ગુનો નોંધી તપાસ શરૂ કરી છે.

કેન્દ્રીય ગૃહમંત્રી અમિત શાહ આજે ગાંધીનગરની મુલાકાતે આવશે. તેઓ મહાનગરપાલિકા વિસ્તારના નાગરિકોની સુખાકારી અને આધુનિક આંતરમાળખાકીય સુવિધાઓમાં વધારો કરવાના હેતુથી રૂ. 620 કરોડના પ્રજાલક્ષી વિકાસકાર્યોનું ઈ-લોકાર્પણ તેમજ ઈ-ખાતમુહૂર્ત કરશે. આ કાર્યક્રમમાં મુખ્યમંત્રી ભૂપેન્દ્ર પટેલ, નાયબ મુખ્યમંત્રી હર્ષ સંઘવી સહિત અનેક મહાનુભાવો ઉપસ્થિત રહેશે.

જામનગરના ઠેબા બાયપાસ પર એક ટ્રક ચાલકે સ્ટેયરીંગ પરથી કાબૂ ગુમાવતાં ત્રણ વાહનોને ટક્કર મારી હતી. આ અકસ્માતમાં એક બાઇક ચાલકને ગંભીર ઇજા થતાં G.G. Hospital ખસેડાયો. પોલીસે ટ્રાફિકજામ હટાવી ટ્રક ચાલક વિરુદ્ધ ગુનો નોંધી તપાસ હાથ ધરી.

સુરતમાં ફોરેન કરન્સી એક્સચેન્જ એજન્ટને ડોલર વટાવી આપવાના બહાને બોલાવી કારમાં બંધક બનાવી 18.65 લાખ રૂપિયાની લૂંટ કરવામાં આવી. અસામાજિક તત્વોએ એજન્ટને રસ્તા પર ફેંકી ફરાર થઈ ગયા. જહાંગીરપુરા પોલીસ તપાસ કરી રહી છે.

ફ્યુઅલ સેવિંગ માટે PMની અપીલ બાદ ગુજરાત સરકારે અમદાવાદ મેટ્રો સેવા રાત્રે 11 વાગ્યા સુધી લંબાવી. આગામી સોમવારથી અમલ, છેલ્લી ટ્રેનના સમયમાં વધારો. મુસાફરોને સુવિધા મળશે, જાહેર પરિવહનને પ્રોત્સાહન.

પેટ્રોલ અને ડીઝલના ભાવમાં પ્રતિ લિટર રૂ.૩ સુધીનો વધારો થતા ભારતીય રાઇડ-કંપનીઓ, ઇ-કોમર્સ અને ક્વિક-કોમર્સ ક્ષેત્રની કંપનીઓ વધતા લોજિસ્ટિક્સ અને ડિલિવરી ખર્ચ વધારવા માટે તૈયારી કરી રહી છે. નફાના માર્જિન પર અસર પડવાની ચિંતા ઊભી થતા ટ્રક ઓપરેટરો તથા લોજિસ્ટિક કંપનીઓએ નૂર દરમાં વધારો કરવાની હિલચાલ શરૂ કરી છે. દેશભરના ટ્રક ઓપરેટરો તથા લોજિસ્ટિક કંપનીઓ દ્વારા ભાડાંના દરમાં ૩થી ૪ ટકા વધારો થવાની સંભાવના છે. CNGના ભાવમાં પણ પ્રતિ કિલોગ્રામ રૂ. ૨ સુધીનો વધારો કરવામાં આવ્યો છે.

AIથી સજ્જ હેકર્સના વધતા ખતરા વચ્ચે 130 અબજ ડોલરના ક્રિપ્ટો સેક્ટરમાં ચિંતા ઊભી થઈ છે. હેકરોએ એપ્રિલ મહિનામાં બે મોટા હુમલામાં 600 મિલિયન ડોલરની ચોરી કરી હતી. આ હુમલા બાદ એક મોટા પ્લેટફોર્મમાંથી રોકાણકારોએ બે દિવસમાં જ લગભગ 9 અબજ ડોલરની રકમ ઉપાડી લીધી હતી. જ્યારે, અન્ય એક કંપનીને ભારે આર્થિક ફટકો પડયો હતો. સાયબર સિક્યોરિટી એક્સપર્ટ્સના જણાવ્યા અનુસાર, આ હુમલાઓમાં હુમલાખોરોએ આર્ટિફિશિયલ ઇન્ટેલિજન્સનો ઉપયોગ કરીને ટારગેટ પસંદ કરીને હુમલાની પદ્ધતિ તૈયાર કરી હતી.

પેટ્રોલ, ડીઝલ અને CNGના ભાવ વધારાને કારણે અમદાવાદ સહિત ગુજરાતના મુખ્ય શહેરોમાં કેબ સર્વિસ મોંઘી થશે. Ola, Uber, Rapido જેવા ઓપરેટરો માટે ખર્ચાળ બન્યું છે, જેના કારણે મુસાફરો પર ભાડાનો બોજ વધશે. ડ્રાઇવરોની આવક પર અસર થઈ રહી છે. CNGનો ભાવ 86.02 પ્રતિ કિલો થયો છે, જેના વિરોધમાં રિક્ષા ચાલકોએ આવેદનપત્ર આપવાનો નિર્ણય કર્યો છે.

મુંબઈ ઝવેરીબજારમાં આજે શનિવારના કારણે બુલીયન બજાર સત્તાવાર બંધ રહી હતી. જોકે બંધ બજારે સોના- ચાંદીના ભાવ વધુ તૂટયા હતા. વિશ્વબજારમાં ભાવ વધુ નીચા ઉતરતાં ઘરઆંગણે ઈમ્પોર્ટ કોસ્ટ ઘટી હોવાનું બજારના સૂત્રો જણાવી રહ્યા હતા. દરમિયાન, મુંબઈ કરન્સી બજારમાં બંધ બજારે રૂપિયા સામે ડોલરના ભાવ જે શુક્રવારે ઉંચામાં રૂ.૯૬.૧૫ થઈ રૂ.૯૫.૯૬ બંધ રહ્યા હતા તે ભાવ શનિવારે ઘટી રૂ.૯૫.૮૩ આસપાસ બોલાઈ રહ્યા હતા.

ભારતીય રિઝર્વ બેંક (RBI) એ નાની NBFCs માટે નોંધણીમાંથી મુક્તિ આપી છે. આનાથી ઇક્વિટી બજારોમાં તેમની ભાગીદારી વધશે, મૂડી બજાર મજબૂત બનશે. અનેક સંસ્થાઓ NBFC વર્ગીકરણના ડરથી ઇક્વિટી બજારોમાં આવવાનું ટાળતી હતી, હવે તેઓ વધુ સક્રિય થઈ શકે છે.

પેટ્રોલ તથા ડીઝલના ભાવમાં કરાયેલા વધારાથી દેશની તેલ રિફાઈનરીઓને થયેલી રાહત ડોલર સામે રૂપિયામાં હવે પછીની કોઈપણ નબળાઈથી ધોવાઈ જશે એમ એસબીઆઈ ઈકોરેપના એક અહેવાલમાં જણાવાયું હતું. પેટ્રોલ-ડીઝલના ભાવમાં પ્રતિ લિટર રૂપિયા ૩નો વધારો કરાતા ઓઈલ માર્કેટિંગ કંપનીઓને તેમની અન્ડર રિકવરીમાં રૂપિયા ૫૩૦૦૦ કરોડ જેટલી રાહત થશે. વર્તમાન નાણાં વર્ષમાં તેલ રિફાઈનરીઓને થનારી અપેક્ષિત ખોટના આ રકમ પંદર ટકા જેટલી થવા જાય છે. 

તાપી જિલ્લામાં એક વર્ષમાં 4741 આરોગ્ય જાગૃતિ કેમ્પ યોજાયા, જેમાં 4.25 લાખથી વધુ નાગરિકોના બ્લડપ્રેશરની તપાસ થઈ. આ તપાસ દરમિયાન 60 હજારથી વધુ હાઇપરટેન્શન (Silent Killer) ના નવા દર્દીઓ મળ્યા, જેમની સમયસર સારવાર અને દવાઓ આપી આરોગ્ય સુરક્ષા સુનિશ્ચિત કરાઈ રહી છે.

નવસારીમાં જન્મદિવસની ઉજવણી સમયે યાસીન મેમણની સુરતની ટીપુ ગેંગ દ્વારા છરીના ઘા મારી હત્યા કરાઈ. કારના 4.50 લાખ રૂપિયાની ઉઘરાણી મુદ્દે થયેલા ઝઘડામાં ગેંગે આ crime કર્યો. પોલીસે 4 આરોપીઓને ગણતરીના કલાકોમાં ઝડપી પાડ્યા. આરોપીઓનો criminal background પણ ઘણો ગંભીર છે.

સોમનાથના પુનરોદ્ધારના 75મા વર્ષ નિમિત્તે પંડિત ભાગ્યેશ જહાએ શિવશક્તિના સૂક્ષ્મ સંબંધ અને ‘શિવસામીપ્ય’નો મહિમા વર્ણવ્યો. ચંદ્રના ‘શિવશક્તિ પોઇન્ટ’ અને સોમનાથની હવા વચ્ચેનો ગહન સંબંધ, બાણસ્તંભ જેવા શિવલિંગની ઊર્જા અને વ્યક્તિ-સમષ્ટિના જોડાણ પર ભાર મૂકવામાં આવ્યો. શંકરાચાર્યના ‘શિવોહમ્’ મંત્ર અને મનના 'વિસર્જન'ની આધ્યાત્મિક પ્રક્રિયાને આજના મનોવૈજ્ઞાનિક સંશોધન 'બ્રેન રિવાયરિંગ' અને ન્યૂરોપ્લાસ્ટીસિટી સાથે સરખાવવામાં આવી.

સ્વીડન કચરાને ફેંકવાને બદલે ઊર્જા અને આવકના સ્ત્રોત તરીકે ઉપયોગ કરે છે. અહીં 40% કચરો રિસાઇકલ થાય છે અને 59% ઊર્જામાં રૂપાંતરિત થાય છે, જે લાખો ઘરોને ગરમ રાખે છે. સ્વીડન કચરો આયાત પણ કરે છે. નાગરિકોમાં જાગૃતિ અને યોગ્ય વ્યવસ્થાપન દ્વારા આ મોડેલ ભારત માટે પ્રેરણારૂપ બની શકે છે.

બીજા વિશ્વ યુદ્ધ બાદ અમેરિકા અને રશિયા વચ્ચે શીત યુદ્ધ શરૂ થયું. NATO ની સ્થાપના થઈ. ડોનાલ્ડ ટ્રમ્પની બીજી ટર્મમાં, તેઓ NATO, WHO, UN જેવી સંસ્થાઓ પર અમેરિકાનો બોજ ઘટાડવા માંગે છે. યુક્રેન યુદ્ધમાં સહાય ઓછી કરી, શસ્ત્રો ખરીદવા કહે છે. ગ્રીનલેન્ડ ખરીદવાની કોશિશ અને ઇરાન સામે યુદ્ધમાં અમેરિકન સૈનિકોના મોતથી વિરોધ થયો છે. ટ્રમ્પની નીતિઓથી અમેરિકાની વૈશ્વિક છબી અને NATO દેશો સાથેના સંબંધોને ગંભીર નુકસાન થયું છે.

બેંગકોકના સોફિટેલ હોટેલમાં ધમાકેદાર ઓપરેશન બાદ MoD (મર્ચન્ટ ઓફ ડેથ) વિક્ટર બાઉટ CIA દ્વારા પકડાયો. ગેરકાયદે શસ્ત્રોના આંતરરાષ્ટ્રીય સોદાગર તરીકે કુખ્યાત બાઉટ, જે અનેક ભાષાઓ જાણતો હતો અને 11 દેશોના નકલી પાસપોર્ટ ધરાવતો હતો, તેણે FARC જેવા સંગઠનોને ઘાતક શસ્ત્રો પૂરા પાડ્યા હતા. સોવિયેત સંઘના વિઘટનનો લાભ ઉઠાવી તેણે આ વિશાળ નેટવર્ક સ્થાપ્યું હતું.