આમ આદમી પાર્ટી (AAP) ને વધુ એક મોટો ફટકો લાગ્યો છે. પાર્ટીના મુખ્ય રાષ્ટ્રીય પ્રવક્તા અને જાણીતા ચહેરા પ્રિયંકા કક્કડે AAP છોડીને કોંગ્રેસનો હાથ પકડ્યો છે. શનિવારે દિલ્હી કોંગ્રેસના પ્રદેશ અધ્યક્ષ દેવેન્દ્ર યાદવ, રાજીવ શુક્લા અને પવન ખેડાની હાજરીમાં તેમણે કોંગ્રેસનું સભ્યપદ મેળવ્યું. વ્યવસાયે વકીલ પ્રિયંકા કક્કડ ટીવી ડિબેટમાં AAP નો પક્ષ મજબૂતીથી રાખવા માટે જાણીતા હતા. કોંગ્રેસમાં જોડાયા બાદ તેમણે દિલ્હીને 'ક્લીન, ગ્રીન, પ્રોગ્રેસિવ અને સેફ' બનાવવાની વાત કરી અને રાહુલ ગાંધીને વિશ્વાસપાત્ર નેતા ગણાવ્યા. AAP છોડવા પાછળ તેમણે પાર્ટીના શરૂઆતના સિદ્ધાંતોથી ભટકી જવા અને 'બંગલો-ચોપર' જેવી બાબતોનો ઉલ્લેખ કર્યો.