બેફામ ઔદ્યોગિકરણ અને ક્લાઇમેટ ચેન્જને કારણે નેપાળ કુદરતી આફતોનો ભોગ બની રહ્યું છે. તાજેતરમાં આવેલા ભયાનક પૂરથી એક હજારથી વધુ લોકોના મોત થયા છે. નેપાળે હવે વિશ્વના વિકસિત દેશો પાસેથી આર્થિક સહાયને બદલે ક્લાઇમેટ ચેન્જ માટે વળતરની માંગ કરી છે. નેપાળના વિદેશમંત્રી શિસિર ખનલના જણાવ્યા અનુસાર, ગ્લોબલ વોર્મિંગને કારણે ગ્લેશિયરો પીગળી રહ્યા છે, જેનાથી પહાડી વિસ્તારોમાં ભયાનક આફતો આવી રહી છે. તેઓએ કહ્યું કે આ સંકટ માટે નેપાળ જવાબદાર નથી, છતાં તે તેનો ભોગ બની રહ્યું છે. નેપાળ હવે મદદને બદલે ન્યાય અને વળતર ઇચ્છે છે. તેમણે કાર્બન ઉત્સર્જન માટે અમેરિકા, ચીન અને ભારતને જવાબદાર ઠેરવ્યા છે.