ચોમાસાના આગમન સાથે જ દેશના અનેક રાજ્યોમાં હવામાનમાં પલટો આવ્યો છે. ભારતીય હવામાન વિભાગ (IMD) દ્વારા ૧૭ સપ્ટેમ્બરના રોજ ઉત્તરપશ્ચિમ, મધ્ય, પૂર્વ અને ઉત્તરપૂર્વ ભારતના રાજ્યોમાં ભારે વરસાદ, વાવાઝોડા અને વીજળી પડવાની ચેતવણી જારી કરાઈ છે. દિલ્હી, ઉત્તર પ્રદેશના મહારાજગંજ, ગોરખપુર, વારાણસી, પ્રયાગરાજ, મેરઠ, આગ્રા, લખનૌ જેવા જિલ્લાઓમાં ભારે વરસાદનું એલર્ટ છે. પંજાબ, હરિયાણા, ચંદીગઢ, પૂર્વી રાજસ્થાન, બિહાર, ઝારખંડ, ઉત્તરાખંડ, હિમાચલ પ્રદેશ, જમ્મુ અને કાશ્મીર, પશ્ચિમ બંગાળ, સિક્કીમ, મધ્યપ્રદેશ, કોંકણ અને ગોવા, તેમજ અરુણાચલ પ્રદેશ, આસામ અને મેઘાલયમાં પણ વ્યાપક વરસાદની આગાહી છે. નાગરિકોને સાવચેત રહેવા અપીલ કરાઈ છે.