અમદાવાદ-ભાવનગરની તમામ એસટી વોલ્વો બસનો રૂટ બદલી દેવાયો છે. અગાઉ અમદાવાદથી દરરોજ બાવળા, ધોળકા, ધંધુકા થઈને ભાવનગર સુધી વોલ્વોની 12 રાઉન્ડ ટ્રિપનું સંચાલન કરાતું હતું. તેની જગ્યાએ હવે આ તમામ ટ્રિપ ધોલેરા એક્સપ્રેસવે તરફ ડાયવર્ટ કરી દેવાઈ છે. એટલે હવે ભાવનગરની તમામ વોલ્વો બસ ધોલેરા એક્સપ્રેસવે થઈને જશે. જેથી અમદાવાદ-ભાવનગર વચ્ચેનો અંતર ઘટી જતા ભાડામાં પણ 14 રૂપિયાનો ઘટાડો કરાયો છે. 351 રૂપિયાના બદલે હવે મુસાફરોએ 337 રૂપિયા ટિકિટ ભાડું ચૂકવવાનું રહેશે.

અમેરિકાના પ્રતિબંધોની છૂટ સમાપ્ત થયા બાદ પણ ભારત રશિયા પાસેથી ક્રૂડ ઓઇલની આયાત ચાલુ રાખશે. પેટ્રોલિયમ મંત્રાલયના સંયુક્ત સચિવ સુજાતા શર્માએ જણાવ્યું હતું કે આયાત યોજના પર કોઈ અસર નહીં થાય. વૈશ્વિક પુરવઠાને સ્થિર કરવા માટે, યુએસ ટ્રેઝરી વિભાગે સમુદ્રમાં ફસાયેલા રશિયન તેલના જહાજોમાંથી તેલ ખરીદવા માટે 30 દિવસનું અસ્થાયી લાઇસન્સ આપ્યું છે. આનાથી ઊર્જા-સંવેદનશીલ દેશોને રાહત મળશે. ભારતે મે મહિનામાં રેકોર્ડ 23 લાખ બેરલ પ્રતિ દિવસ ક્રૂડ ઓઇલની આયાત કરી.

આંતરરાષ્ટ્રીય ક્રૂડ ઓઇલના ભાવ વધારાને કારણે પેટ્રોલ-ડીઝલના દરોમાં ફરી વધારો થયો છે. છેલ્લા પાંચ દિવસમાં આ બીજી વૃદ્ધિ છે. 2022ની જેમ ભાવ વધવાની ચિંતા છે. મહાનગરોમાં Petrol ₹98.64 થી ₹109.70 અને Diesel ₹91.58 થી ₹96.11 થયું છે. મધ્ય પૂર્વના તણાવને કારણે તેલ સંકટ ઘેરું બન્યું છે.

US જસ્ટિસ ડિપાર્ટમેન્ટ અને ટ્રમ્પ વહીવટીતંત્રે Adani Group સામેના કાનૂની વિવાદો પાછા ખેંચતા, $10 બિલિયનના વિશાળ રોકાણનો માર્ગ મોકળો થયો છે. આનાથી ઈન્ફ્રાસ્ટ્રક્ચર, એનર્જી, લોજિસ્ટિક્સ અને ડેવલપમેન્ટ ક્ષેત્રે વિસ્તરણને નવી દિશા મળશે. U.S. Securities and Exchange Commission સાથે પણ પારદર્શક સમજૂતીની પ્રક્રિયા ચાલી રહી છે.

દેશભરના દવાના વેપારીઓના અસ્તિત્વ અને જન આરોગ્યની સુરક્ષા માટે આગામી તા.૨૦ મે ના રોજ રાષ્ટ્રવ્યાપી બંધનું એલાન અપાયુ છે. ઓનલાઈન ફાર્મસીની અનિયંત્રીત કામગીરી અને શોષણકારી ભાવની નીતિ સામે રસ્તા પર ભાવનગર અને બોટાદ જિલ્લાના કેમીસ્ટસ રસ્તા પર  ઉતરશે. ગેરકાયદેસર ઈ-ફાર્મસી અને ડીપ ડિસ્કાઉન્ટના કારણે ૫ કરોડ આશ્રિતોની રોજીરોટી પર સંકટ છવાઈ જવા પામેલ છે.

ગુજરાતમાં EV માર્કેટમાં સબસિડી બંધ થતાં અને ચાર્જિંગ સ્ટેશનોના અભાવે રજિસ્ટ્રેશન ઘટ્યું છે. ગ્રાહકો બેટરી બ્લાસ્ટના ડરથી ઇલેક્ટ્રિક વાહનો ખરીદવામાં ખચકાય છે. RTO આંકડા મુજબ ટુ-વ્હીલર અને કારના વેચાણમાં નોંધપાત્ર ઘટાડો થયો છે, જ્યારે અમુક RTOમાં કારના વેચાણમાં વધારો પણ જોવા મળ્યો છે. ડીલરો તાત્કાલિક સરકારી સબસિડીની માંગ કરી રહ્યા છે.

દવાના છૂટક વેપારમાં ઓનલાઈન ફાર્મસીના કારણે નાના વેપારીઓને થતા નુકસાન સામે અમદાવાદ કેમિસ્ટ એસોસિએશન દ્વારા વિરોધ પ્રદર્શન કરવામાં આવ્યું છે. વેપારીઓના હિતના રક્ષણ માટે આવતીકાલે બુધવારના રોજ અમદાવાદ શહેર સહિત સમગ્ર ગુજરાત અને દેશભરના તમામ મેડિકલ સ્ટોર્સ એક દિવસ માટે 'પ્રતીકાત્મક બંધ' પાળશે. જોકે, દવા એસોસિએશન દ્વારા સ્પષ્ટતા કરાઈ છે કે, બંધ દરમિયાન સામાન્ય જનતાને હાલાકી ન પડે તે માટે સરકારી અને મ્યુનિસિપલ કોર્પોરેશન સંચાલિત હોસ્પિટલોના મેડિકલ સ્ટોર્સ ખુલ્લા રાખવામાં આવશે.

આજના સમયમાં સવારે ઉઠતાની સાથે જ જો કોઈ સમાચાર મિડલ ક્લાસ પરિવારનું આખું બજેટ હલાવી નાખતા હોય, તો તે છે ઈંધણના ભાવ. જો તમે વિચારતા હોવ કે ગત શુક્રવારે થયેલો ભાવવધારો છેલ્લો હતો, તો તમે ખોટા છો. સરકારે માત્ર 5 જ દિવસમાં જનતાને બીજો મોટો આંચકો આપતા ફરી પેટ્રોલ અને ડીઝલના ભાવમાં વધારો ઝીંકી દીધો છે. પશ્ચિમ એશિયામાં ચાલી રહેલા તણાવ અને વૈશ્વિક બજારની ઉથલપાથલની સીધી અસર હવે સામાન્ય ભારતીયના ખિસ્સા પર દેખાવા લાગી છે.  

ભારતની ચોખાની નિકાસ, તેની સૌથી મોટી કૃષિ-ઉત્પાદન શિપમેન્ટ, પશ્ચિમ એશિયા યુદ્ધથી પ્રભાવિત થઈ રહી છે અને એપ્રિલમાં શિપમેન્ટના મૂલ્યમાં ૬% ઘટાડો થયો છે. એપ્રિલ ૨૦૨૬માં, વિશ્વના સૌથી મોટા ચોખા નિકાસકાર ભારતે ૧.૦૧ બિલિયન ડોલર મૂલ્યના ચોખા મોકલ્યા હતા, જે વાર્ષિક ધોરણે ૬% ઘટાડો દર્શાવે છે. મધ્ય પૂર્વમાં સંઘર્ષે ઈરાન અને સાઉદી અરેબિયા સહિતના ખાડી દેશોમાં સુગંધિત લાંબા અનાજવાળા બાસમતી ચોખાની નિકાસમાં વિક્ષેપ પાડયો હતો.

દેશમાં અમૂલ બાદ હવે પેટ્રોલ અને ડીઝલના ભાવમાં વધારો થયો છે. પાંચ દિવસમાં પેટ્રોલ 90 પૈસા અને ડીઝલ 87 પૈસા મોંઘા થયા છે. ગુજરાતમાં પેટ્રોલ 98 રૂપિયાને પાર અને ડીઝલ 91.58 રૂપિયા થયું છે. ઈંધણ કંપનીઓ આજથી નવા ભાવ લાગુ કરશે, જેનાથી ગ્રાહકો પર આર્થિક બોજ વધશે.

આર્ટિફિસિઅલ ઈન્ટેલિજન્સ (એઆઈ) સંબંધિત ખલેલને કારણે ઊભી થઈ રહેલી અનિશ્ચિતતા, આઈટી ખર્ચમાં ધીમી ગતિ તથા નબળા અર્નિંગ્સની ધારણાંને ધ્યાનમાં રાખી મ્યુચ્યુઅલ ફન્ડો દ્વારા ટેકનોલોજી સ્ટોકસમાં રોકાણમાં જોરદાર ઘટાડો જોવાયો છે. એક બ્રોકરેજ હાઉસ દ્વારા તૈયાર કરાયેલા રિપોર્ટમાં જણાવાયું હતું કે, મ્યુચ્યુઅલ ફન્ડોના પોર્ટફોલિઓમાં ટેકનોલોજી ક્ષેત્રને વેઈટેજ એપ્રિલમાં ઘટી ૬.૭૦ ટકા સાથે આઠ વર્ષની નીચી સપાટીએ રહ્યું હતું.

દેશમાં પેટ્રોલ અને ડીઝલની કિંમતોમાં 90 પૈસા પ્રતિ લિટરનો વધારો થયો છે. આ ભાવવધારો આંતરરાષ્ટ્રીય બજારમાં ક્રૂડ ઓઇલની વધઘટ અને તેલ કંપનીઓના નુકસાનને કારણે થયો છે. આ અઠવાડિયામાં આ ભાવ વધારાની આ બીજી ઘટના છે.

નાણાં વર્ષ ૨૦૨૬માં ચીન ખાતેથી ભારતની ફર્ટિલાઈઝરની આયાત વાર્ષિક ધોરણે ૧૭૦ ટકાથી વધુ વધી ૫૦.૨૦ લાખ ટન રહી હતી. જોકે ભારતને ખાતરના નિકાસકાર તરીકે રશિયાએ પ્રથમ ક્રમ જાળવી રાખ્યો હતો એમ વાણિજ્ય મંત્રાલય દ્વારા જારી કરાયેલા ડેટા પરથી કહી શકાય છે.ગત નાણાં વર્ષમાં રશિયા ખાતેથી ફર્ટિલાઈઝરની આયાત વાર્ષિક ધોરણે ૩૫ ટકા વધી ૬૭.૧૦ લાખ ટન રહી હતી.

મુંબઈ ઝવેરી બજારમાં આજે સોના-ચાંદીના ભાવ ફરી ઉંચકાયા હતા. સરકારે ચાંદીની ઈમ્પોર્ટ પર અંકુશો લાદતાં તેની અસર પણ બજાર પર દેખાઈ હતી. વિશ્વ બજરામાં ભાવ ઘટયા પછી ફરી વધી આવ્યાના સમાચાર હતા. મુંબઈ કરન્સી બજારમાં રૂપિયો તૂટતાં તેની અસર પણ ઝવેરી બજાર પર દેખાઈ હતી. દરમિયાન, અમદાવાદ ઝવેરી બજારમાં આજે ચાંદીના ભાવ કિલોના રૂ.૫૦૦૦ વધી રૂ.૨ લાખ ૬૫ હજાર થયા હતા.

બેંક ઓફ્ બરોડા (BoB)ની ચાંદોદ શાખામાં આજરોજ બેંકના નિયત કરેલા સમયે કામકાજ શરૂ ન થતાં એટલું જ નહીં બેંક મેનેજર સહિતનો સમગ્ર સ્ટાફ્ પણ ટેબલ પર ન દેખાતા બેંકના ગ્રાહકોએ બેંકની વાસ્તવિકતાનો વિડીયો ઉતારી સોશિયલ મીડિયામાં ફ્રતો કરતા ચાંદોદ પંથકમાં બેંક મેનેજર સહિતના સ્ટાફ્ની ફ્રજનિષ્ઠા અંગે ચર્ચા સાથે રોષ ફેલાયો હતો.

છોટાઉદેપુર જિલ્લાના જાંબુઘોડા, બોડેલી, સંખેડા,પાવીજેતપુર અને નસવાડી સહિતના વિસ્તારોમાં હાલમાં પેટ્રોલ અને ડીઝલની ભારે અછત સર્જાઈ છે. અહેવાલ અનુસાર, મિડલ ઇસ્ટ (મધ્ય પૂર્વ)માં ચાલી રહેલા યુદ્ધની અસર હવે ભારતના ગ્રામીણ વિસ્તારો સુધી પહોંચી છે, જેના કારણે ઈંધણની તંગી ઉભી થઈ છે. પેટ્રોલ પંપો પર વહેલી સવારથી જ વાહનોની લાંબી લાઈનો જોવા મળે છે. લોકોને કલાકો સુધી રાહ જોવી પડે છે.

UAEથી વધુ આયાતની શક્યતા છે. સરકારે સોવરિન ગોલ્ડ બોન્ડ દ્વારા આ સમસ્યા હલ કરવાનો પ્રયાસ કર્યો, પણ તે નિષ્ફળ ગયો. મોદીની અપીલ છતાં, સોના પરની આયાત ડ્યુટી ૬% થી ૧૫% વધાર્યા પછી પણ, લોકો સોનું ખરીદવાનું ચાલુ રાખશે. આનાથી દેશના બાહ્ય સંતુલનમાં સુધારો થવાની અપેક્ષા ઓછી છે.

અમેરિકાના જસ્ટિસ વિભાગે ઉદ્યોગપતિ ગૌતમ અદાણી અને તેમના ભત્રિજા સાગર સામેના તમામ આરોપોને પડતા મુક્યા છે આ સાથે જ અદાણી સામે જે કેસ ચાલી રહ્યો હતો તેને બંધ કરી દેવામાં આવ્યો છે. અદાણી અને અમેરિકન પ્રશાસન વચ્ચે સમજૂતી બાદ આ નિર્ણય લેવામાં આવ્યો છે. મામલાના નિકાલ માટે અદાણી અમેરિકાને ૨૭.૫ કરોડ ડોલર ચૂકવવા તૈયાર થઇ ગયા છે.

સ્વીડનમાં CEOs સાથે મોદીની મીટિંગ, યુદ્ધો ઉકેલવા સંવાદ જરૂરી. નોર્વે ભારતીય કારોબાર, ટેકનોલોજી અને ગ્રીન એનર્જીમાં ૧૦૦ અબજ ડોલર રોકાણ કરશે. ઓસ્લોમાં પીએમ મોદી અને નોર્વેના પીએમ જોનાસ ગહર સ્ટોર વચ્ચે વેપાર, રોકાણ, ગ્રીન ટેકનોલોજી અને ઓરેન્જ ઇકોનોમી પર ચર્ચા થઈ.

ભાવવધારા છતાં ઓઈલ કંપનીઓને દૈનિક 750 કરોડ રૂપિયાનું નુકસાન. પશ્ચિમ એશિયા તણાવને કારણે ઊર્જા સપ્લાય ચેઇન પ્રભાવિત, ક્રૂડ ઓઈલ અને LNGની આયાતમાં અવરોધો. ભારત પાસે પૂરતો ઈંધણ સ્ટોક, અછત નહીં. હાલ કોઈ આર્થિક સહાયની વિચારણા નહીં.

LPGનો વિકલ્પ ડાઇમેથાઇલ ઇથર (DME) પુણેની 'CSIR-નેશનલ કેમિકલ લેબોરેટરી' માં તૈયાર થશે. કોલસો, બાયોમાસ અને મિથેનોલ જેવા ભારતીય સંસાધનોમાંથી બનતું DME, LPGમાં 20% સુધી ભેળવી શકાશે. આનાથી દેશની વિદેશી એલપીજી પરની નિર્ભરતા ઘટશે અને અંદાજે ₹34,200 કરોડ બચશે. આ 'ક્લીન ફ્યુઅલ' ઘરેલું રસોઈ અને ઓટો રિક્ષામાં પણ ઉપયોગી થશે.

અમેરિકા અને ઈરાન વચ્ચે વધતા મધ્ય-પૂર્વ તણાવની અસર હવે ભારતીય વેપાર પર પણ જોવા મળી રહી છે. કેન્દ્રીય મંત્રી નીતિન ગડકરીએ ખુલાસો કર્યો કે યુદ્ધ જેવી સ્થિતિને કારણે તેમના પરિવારના બિઝનેસને કરોડો રૂપિયાનું નુકસાન થઈ રહ્યું છે. નાગપુરમાં એક કાર્યક્રમ દરમિયાન તેમણે જણાવ્યું કે તેમની કંપની સુગરમાંથી ડિટર્જન્ટ બનાવે છે અને દર મહિને આશરે 100 કન્ટેનર અમેરિકા મોકલાતા હતા. જોકે અમેરિકા-ઈરાન તણાવ વધતા આ કન્ટેનરોની નિકાસ અટકી ગઈ છે, જેના કારણે વેપાર અને સપ્લાય ચેઇન પર ગંભીર અસર પડી રહી છે.

મધ્ય પૂર્વમાં તણાવ અને ક્રૂડ ઓઇલની વધતી કિંમતોને કારણે શેરબજાર ઘટ્યું. સેન્સેક્સ 700 પોઈન્ટ ઘટી 74,500, નિફ્ટી 220 પોઈન્ટ ઘટી 23,400 પર. ક્રૂડ ઓઇલ 110 ડોલરને પાર. ડોલર સામે રૂપિયો 20 પૈસા નબળો પડી 96.18 પર પહોંચ્યો. FIIs એ 30 દિવસમાં 55 હજાર કરોડના શેર વેચ્યા.

વૈશ્વિક તણાવ અને ક્રૂડ ઓઇલના ભાવ વધારા વચ્ચે ભારતીય શેરબજારમાં ઘટાડો, Gift Nifty ના નબળા સંકેતો, સેન્સેક્સ 74,362.36 અને નિફ્ટી 23,376.50 પર ખુલ્યા.

મધ્ય પૂર્વના તણાવ અને Trump ની ધમકીઓથી ક્રૂડ ઓઇલના ભાવમાં સતત વધારો થઈ રહ્યો છે. Brent ક્રૂડ $112 અને WTI ક્રૂડ $108 પ્રતિ બેરલની નજીક પહોંચ્યું છે. 16 મેના રોજ ભારતમાં પેટ્રોલ-ડીઝલ ₹3 મોંઘા થયા, જ્યારે પાકિસ્તાનમાં ભાવ ઘટ્યા.

સુરતમાં પહેલી જૂનથી કાપડ માર્કેટમાં પાર્સલ મજૂરી દરમાં રૂ.15નો વધારો થશે. પેટ્રોલ-ડીઝલના ભાવ વધારાની અસર અને વધતી મોંઘવારીને કારણે ટ્રાન્સપોર્ટ લેબર યુનિયને આ નિર્ણય લીધો છે. હાલ રૂ.100-120 દર, નવા દર રૂ.115-135 થશે. આ નિર્ણયથી ટ્રાન્સપોર્ટ અને વેપારીઓના ખર્ચમાં વધારો થશે.

સંખેડા તાલુકામાં ડીઝલની અછતને કારણે ખેડૂતો પરેશાન છે. ખરીફ્ પાક માટે ટ્રેક્ટર અને ડંકી ચલાવવા ડીઝલ જરૂરી છે. મર્યાદિત જથ્થાને કારણે લાંબી લાઇનો લાગે છે. હાડોદ ખાતે પેટ્રોલ પંપ પર ડીઝલ ખૂટી પડતાં ખેડૂતો રાહ જોઈ રહ્યા હતા. તંત્રએ વધુ જથ્થો પૂરો પાડવાની કાર્યવાહી કરવી જોઈએ.

જામનગર ફેકટરી ઓનર્સ એસેસીએશન દ્વારા આયોજિત બ્રાસ મેક ભારત–2027 ટ્રેડફેરનું લોન્ચીંગ સાંસદ પુનમબેન માડમના હસ્તે થયું. આ ટ્રેડફેર 18 થી 20 માર્ચ 2027 દરમિયાન મુંબઈમાં યોજાશે. ઉદ્યોગકારોને નવા ગ્રાહક, નિકાસ, ટેકનોલોજી અને બજારના ટ્રેન્ડસની માહિતી મળશે. MSME તથા અન્ય વિભાગોના સહયોગથી વેન્ડર ડેવલોપમેન્ટ, B2B મીટીંગ અને સેમિનારનું આયોજન કરાશે.

અરવલ્લી જિલ્લામાં પેટ્રોલ-ડીઝલની અછતની અફવાઓથી વેચાણમાં 15-20% નો વધારો થયો છે. લોકો જરૂરિયાત કરતાં વધુ પેટ્રોલ-ડીઝલ ભરાવી રહ્યા છે, જેના કારણે પંપો પર લાઈનો લાગી છે. પુરવઠા ટીમ પરિસ્થિતિ પર નજર રાખી રહી છે અને લોકોને અફવાઓથી દૂર રહીને જરૂરિયાત મુજબ જ પેટ્રોલ-ડીઝલ ભરાવવા અનુરોધ કર્યો છે.

Hormuz Crisis વચ્ચે USએ રશિયન તેલ છૂટ લંબાવ્યો નથી, અને યુક્રેને રશિયાના oil depot પર ડ્રોન હુમલો કર્યો છે. આ બે ઘટનાઓથી વિશ્વમાં તેલની અછત અને ભાવવધારો વધવાની શક્યતા છે. ભારત જેવા દેશો પર આર્થિક દબાણ વધશે. ટ્રમ્પ પ્રશાસને માર્ચ અને એપ્રિલ મહિનામાં બે વાર રશિયન તેલ પર કામચલાઉ છૂટછાટો આપી હતી, પરંતુ તે માત્ર એવા ટેન્કરો પૂરતી જ સીમિત હતી જેમાં રશિયન તેલ પહેલેથી જ લોડ થઈ ચૂક્યું હતું. ઈરાન યુદ્ધ અને હોર્મુઝ સ્ટ્રેટમાં ચાલી રહેલા તણાવને કારણે વૈશ્વિક ઓઇલ સપ્લાય ખોરવાયેલો હોવાથી ભારત અને ઇન્ડોનેશિયા જેવા દેશોએ આ છૂટ ચાલુ રાખવા વિનંતી કરી હતી.