આર્ટિફિશિયલ ઇન્ટેલિજન્સ (AI) ના કારણે દરેક ક્ષેત્રમાં આમૂલ પરિવર્તન આવી રહ્યું છે. AI સુપ્રીમસી માટે વૈશ્વિક સ્પર્ધા વચ્ચે, ટેક કંપનીઓ સતત નવા મોડેલ અને ફીચર્સ રજૂ કરી રહી છે. હવે, AI ચેટબોટ્સ જેમ કે ChatGPT અને Gemini, Microsoft Word, Google Docs, Excel અને Google Sheets જેવા ઓફિસ પ્રોગ્રામ્સની ક્ષમતાઓ સાથે સંકલિત થઈ રહ્યા છે. આનાથી વપરાશકર્તાઓ ચેટબોટ સાથે વાતચીત કરીને સીધા જ ડોક્યુમેન્ટ્સ, સ્પ્રેડશીટ્સ અને પ્રેઝન્ટેશન બનાવી શકે છે. Anthropic ની Claude AI સર્વિસમાં પણ ઓફિસ પ્રોગ્રામ્સ ઉમેરાયા છે, જે AI ને માત્ર સહાયકને બદલે "એજન્ટિક પ્લેટફોર્મ" બનાવે છે.