AI હવે એવા મુકામે પહોંચી ગયું છે જ્યાં તે માત્ર માનવોને મદદ કરતું ટૂલ નથી રહ્યું. હવે તે સિસ્ટમને સમજી શકે છે, તેમાં રહેલી કમજોરીઓ શોધી શકે છે અને જરૂર પડે તો તેનો ઉપયોગ પણ કરી શકે છે. Anthropicનું નવું AI મોડલ Mythos આ બદલાવનું સૌથી મોટું ઉદાહરણ બનીને સામે આવ્યું છે. Mythosનો ઉપયોગ કોઈ દેશની સરકાર બીજા દેશ પર સાયબર હુમલો કરવા માટે કરી શકે છે. આ મોડલમાં એટલી શક્તિ છે કે તે મજબૂત સિસ્ટમ્સને પણ હેક કરી શકે છે. રિપોર્ટ્સ મુજબ, અમેરિકાની એજન્સી NSA પણ Anthropicના આ અનરિલીઝ્ડ મોડલનો ઉપયોગ કરી રહી છે, જેના કારણે વિવાદ ઊભો થયો છે.

ભારતમાં 85 ટકા લોકો AI આધારિત ટુલ્સનો ઉપયોગ કરવા લાગ્યા છે. AI ટુલ્સ વાપરવામાં ભારતીયોએ USA-જાપાનને પણ પાછળ છોડી દીધા છે. બોસ્ટન કન્સલ્ટિંગ ગ્રુપ(BCG) દ્વારા હાથ ધરવામાં આવેલા એક અભ્યાસનું ટાઈટલ છે કે, 'ગ્રાહકો AI-સક્ષમ આરોગ્ય સંભાળ માટે તૈયાર છે. આરોગ્ય પ્રણાલીઓને પણ તૈયાર રહેવાની જરૂર છે.' આ રિપોર્ટ 15 દેશોના 13,000થી વધુ લોકોના કરવામાં આવેલા સર્વે પર આધારિત છે. જેમાં જણાવ્યું છે કે, AI ટુલ્સ વાપરવામાં ભારતનું સ્તર અમેરિકા(50 ટકા), બ્રિટન(40 ટકા) અને જાપાન(34 ટકા)થી ઘણું વધારે છે.

ટિમ કૂકની જગ્યાએ હવે જ્હોન ટર્નસ Appleના નવા CEO બનશે, જેઓ 1 સપ્ટેમ્બર 2026થી કમાન સંભાળશે. કૂક એક્ઝિક્યુટિવ ચેરમેન બનશે. કૂકના નેતૃત્વમાં Appleની વેલ્યુ 4 ટ્રિલિયન ડોલર થઈ. ટર્નસ 2001માં જોડાયા, સ્ટીવ જોબ્સ સાથે કામ કર્યું, અને તેઓ આઈપેડ, એરપોડ્સ, આઈફોન, Apple વોચ જેવા પ્રોડક્ટ્સમાં સામેલ હતા. ટર્નસ પાસે મિકેનિકલ એન્જિનિયરિંગની ડિગ્રી છે.

RBIએ રૂપિયાની અસ્થિરતાને રોકવા ઓફશોર NON-DELIVERABLE FORWARDS MARKET (NDF)માં ફોરેક્સ ડીલરો પરના નિયંત્રણો હટાવ્યા. રિઝર્વ બેંકના ગવર્નર સંજય મલ્હોત્રાએ જણાવ્યું હતું કે આ નિયંત્રણો કાયમ માટે રહેશે નહીં. અધિકૃત ડીલરો હવે રૂપિયા સાથે જોડાયેલા NON-DELIVERABLE DERIVATIVE CONTRACTS ની ઓફર નિવાસી કે બિન-નિવાસી વપરાશકર્તાઓ માટે પ્રતિબંધિત કરવાની જરૂર રહેશે નહીં. તેઓ વપરાશકર્તાને રૂપિયા સાથે સંકળાયેલા કોઈપણ વિદેશી ચલણ DERIVATIVE CONTRACTને ફરીથી બુક કરવાની પણ મંજૂરી આપી શકે છે.

ભારતીય કંપનીઓએ વિદેશથી માલ ખરીદવા માટે તેમની ચુકવણી વ્યૂહરચના બદલી છે. તેઓ હવે ચીનના ચલણ, યુઆનને યુએસ ડોલર કરતાં વધુ પ્રાથમિકતા આપી રહ્યા છે. તાજેતરમાં, ભારતીય કંપનીઓએ ઈરાનથી તેલ ખરીદી માટે પણ યુઆનમાં ચૂકવણી કરી હતી. હવે, ચીનથી આયાત માટે ચૂકવણી પણ યુઆનમાં કરવામાં આવી રહી છે. હકીકતમાં, ભારતીય રૂપિયો યુએસ ડોલર સામે રેકોર્ડ નીચા સ્તરે પહોંચી ગયો છે.

રાજકોટ ચેમ્બર ઓફ કોમર્સ ખાતે MSME નિકાસકારો માટે સેમિનાર યોજાયો, જેમાં વૈશ્વિક પડકારો વચ્ચે સુરક્ષિત વેપાર અને સરકારી યોજનાઓના લાભો વિશે માર્ગદર્શન અપાયું. ‘વોર રિસ્ક સરચાર્જ’માં 50% રિમ્બર્સમેન્ટની જાહેરાત કરવામાં આવી. ECGC અને DGFT દ્વારા નિકાસકારોને રાહત યોજનાઓ અને વીમા કવચની માહિતી આપવામાં આવી. નિકાસકારોને કોમર્શિયલ અને પોલિટિકલ રિસ્ક સામે રક્ષણ મેળવવા ECGCની સેવાઓનો લાભ લેવા જણાવ્યું.

કેપેક્સ અને ઈન્ફ્રાસ્ટ્રક્ચરની માંગને લીધે 2026ના પ્રથમ છ મહિનામાં ઔદ્યોગિક ધિરાણ વૃદ્ધિ 13% રહેવાનો અંદાજ છે. બેંકોના જણાવ્યા અનુસાર, FICCI અને ઈન્ડિયન બેંક્સ એસોસિએશનના સર્વે મુજબ જાન્યુઆરીથી જૂન 2026 દરમિયાન ઔદ્યોગિક ધિરાણમાં 9 થી 13% નો વધારો થઈ શકે છે, જે સ્થિર રહેશે. મૂડી ખર્ચમાં વધારો અને માંગને કારણે વિકાસ થશે.

યુએઈ અમેરિકાની આક્રમક નીતિઓથી પ્રાદેશિક નાણાકીય સ્થિરતા જોખમમાં હોવાનો દાવો કરે છે. ખાડી યુદ્ધના લીધે યુએઈની નાણાકીય સ્થિતિ કથળી છે. અમેરિકન ડોલરની કમી અનુભવાઈ તો યુએઈ ઓઇલ-ગેસના વ્યવહાર ચીનના ચલણ યુઆન અને અન્ય ચલણમાં શરૂ કરવાની ચેતવણી આપે છે. આ યુદ્ધ માટે યુએઈએ ટ્રમ્પને જવાબદાર ઠેરવ્યા.

દક્ષિણ કોરિયાના પ્રમુખ લી જે મ્યુંગના ભારતના પ્રવાસ દરમિયાન, વડાપ્રધાન મોદી સાથેની મુલાકાતમાં 2030 સુધીમાં ભારત અને કોરિયા વચ્ચેનો કારોબાર 50 Billion Dollar સુધી લઈ જવાનો લક્ષ્યાંક નક્કી કરાયો છે. બંને દેશો ક્રિટિકલ ટેક્નોલોજી અને સપ્લાય ચેઈનમાં સહયોગ વધારશે, ભારતમાં કોરીયન ઇન્ડસ્ટ્રીયલ ટાઉનશિપની સ્થાપના કરાશે તેમજ AI, સેમીકંડક્ટર અને ITમાં ભાગીદારી કરશે. હાલમાં આ કારોબાર 27 Billion Dollarનો છે.

PM નરેન્દ્ર મોદીએ આજે (20 એપ્રિલ) નવી દિલ્હીમાં દક્ષિણ કોરિયાના પ્રમુખ લી જે મ્યુંગ સાથે દ્વિપક્ષીય બેઠક યોજીને ભારત-દક્ષિણ કોરિયા વચ્ચે અત્યાધુનિક ટૅક્નોલૉજીથી લઈને કે-પોપમાં નવા યુગની શરૂઆત કરી છે. આ ઉપરાંત બંને દેશો વચ્ચે દ્વિપક્ષીય વેપાર વધારવાની પણ જાહેરાત કરવામાં આવી છે. બંને દેશના નેતાઓ વચ્ચે MOU કરાયા છે. આ ઉપરાંત વેપાર, સંસ્કૃતિ અને ટૅક્નોલૉજી ક્ષેત્રે ભાગીદારી વધારવા પર પણ ભાર અપાયો છે. દ્વિપક્ષીય બેઠક બાદ વડાપ્રધાન મોદી અને દ. કોરિયાના પ્રમુખ મ્યુંગે સંબોધન પણ કર્યું હતું.

દાહોદના વિદ્યાર્થીઓને સેમિકન્ડક્ટર અને ચિપ ડિઝાઈનિંગના વધતા મહત્વથી માહિતગાર કરવા સરકારી ઇજનેરી કોલેજમાં VLSI ડિઝાઇન અને ASIC નિર્માણ પ્રક્રિયા પર એક્સપર્ટ લેક્ચર યોજાયું. પ્રોનોસિસ ટેકનોલોજીના ડો.મનન મેવાડાએ VLSI ડિઝાઇન અને ASIC ડેવલપમેન્ટ સરળ રીતે સમજાવ્યું. સેમિકન્ડક્ટર ઇન્ડસ્ટ્રીમાં ટેકનિકલ કૌશલ્ય ધરાવતા એન્જિનિયરો માટે કારકિર્દીની તકોની ચર્ચા કરી. પ્રો.એબી વાઘેલા અને પ્રો.એનકે સૈનીના માર્ગદર્શન હેઠળ આયોજિત વ્યાખ્યાનનો હેતુ ઉદ્યોગોના વાસ્તવિક અનુભવો પૂરા પાડવાનો હતો.

અખાત્રીજના શુભ મુહૂર્તે ભરૂચના સોના-ચાંદીના બજારમાં દિવાળી જેવો ઉત્સાહ જોવા મળ્યો હતો. સોનાના ઊંચા ભાવ હોવા છતાં, શુકનવંતી ખરીદીની માન્યતાને કારણે શહેરમાં એક જ દિવસમાં અંદાજે ₹20 કરોડના સોનાનું વેચાણ નોંધાયું છે. ભરૂચના વિવિધ વિસ્તારોમાં જ્વેલર્સના શો-રૂમ ગ્રાહકોથી ઊભરાયા હતા. લગ્નની સિઝનને ધ્યાનમાં રાખીને લોકોએ દાગીના, સિક્કા અને ગીનીની મોટાપાયે ખરીદી કરી હતી. ગત વર્ષની સરખામણીએ ભાવ વધારો હોવા છતાં વેચાણમાં થયેલો આ નોંધપાત્ર વધારો બજારમાં તેજીનો સંકેત આપે છે.

અંકલેશ્વર ઇન્ડસ્ટ્રીઝ એસોસિએશન દ્વારા 16માં Industrial Expo ની પૂર્ણાહુતી થઈ, જેમાં 125 થી વધુ સ્ટોલ હતા. આ Expo માં Pharmaceuticals, Chemicals, Engineering Tools, Pollution Control Equipment જેવા ઉદ્યોગોએ ભાગ લીધો. સમાપન સમારોહમાં અરુણ જોષી, બળદેવ પ્રજાપતિ ઉપસ્થિત રહ્યા અને વિવિધ કેટેગરીમાં શ્રેષ્ઠ exhibitors ને એવોર્ડ અપાયા.

ગુજરાત સરકાર મોટા investment projects ને ઝડપી મંજૂરી આપવા વહીવટી માળખામાં ફેરફાર કરશે. જેમાં 4-5 વિભાગોનું cluster એકસાથે કામ કરશે, દરેક project માટે નોડલ અધિકારી હશે. આ મોડેલમાં મંજૂરીઓ ઘટાડી સમયગાળો 30-60 દિવસનો કરાશે, જેનાથી project ખર્ચમાં ઘટાડો અને રોકાણની ગતિ વધશે. Single digital dashboard થી રિયલ-ટાઇમ ટ્રેકિંગ થશે. IAS સાથે ટેક્નોક્રેટ્સ અને industry experts પણ સામેલ થશે.

ટાટા જૂથ ટ્રસ્ટે ‘બાઈ હીરાબાઈ જમશેદજી ટાટા નવસારી ચેરિટેબલ ઈન્સ્ટિટ્યુશન’ના ટ્રસ્ટી બનવાના વર્તમાન વિવાદાસ્પદ નિયમોમાં ફેરફાર કરવા માટે કાયદાકીય પ્રક્રિયા શરૂ કરવાની જાહેરાત કરી છે. વર્તમાન નિયમ મુજબ માત્ર પારસીઓને જ ટ્રસ્ટી બનાવાતા હતા, જોકે નવા નિયમ મુજબ હવે બિન-પારસી વ્યક્તિઓને ટ્રસ્ટી બનાવી શકાય તે માટે ટ્રસ્ટે કાયદાકીય પ્રક્રિયા શરૂ કરી દીધી છે. થોડા દિવસો પહેલા ટ્રસ્ટના પૂર્વ ટ્રસ્ટી મેહલી મિસ્ત્રીએ ટ્રસ્ટના બોર્ડમાં દિગ્ગજ ઉદ્યોગપતિ વેણુ શ્રીનિવાસન અને પૂર્વ સંરક્ષણ સચિવ વિજય સિંહને સામેલ કરાતા મહારાષ્ટ્ર ચેરિટી કમિશનરને ફરિયાદ નોંધાવી હતી.

ભારત સરકારે સ્માર્ટફોનમાં Aadhaar App પ્રી-ઇન્સ્ટોલ કરવાનો પ્રસ્તાવ પાછો ખેંચ્યો. IT મંત્રાલયે Apple, Google અને Samsung જેવી કંપનીઓ સાથે ચર્ચા કર્યા પછી આ નિર્ણય લીધો. UIDAIનો ઉદ્દેશ્ય હતો કે, તમામ નવા સ્માર્ટફોનમાં આ એપ પહેલેથી જ ઇન્સ્ટોલ કરેલી હોય.

સૌરાષ્ટ્રના મુખ્ય માર્કેટ રાજકોટમાં ખાદ્યતેલના ભાવ ઘટ્યા, સીંગતેલ, કપાસિયા, પામતેલમાં ઘટાડો થતા રસોડાનું બજેટ હળવું થશે. સીંગતેલમાં ડબ્બા દીઠ રૂપિયા 35, કપાસિયા તેલમાં રૂપિયા 30 અને પામતેલમાં રૂપિયા 20નો ઘટાડો થયો છે. નવા ભાવ: સીંગતેલ રૂપિયા 2825-2875, કપાસિયા તેલ રૂપિયા 2250-2255, પામતેલ રૂપિયા 2250-2255.

અમેરિકા માં સ્પેસ, ડિફેન્સ અને પરમાણુ ક્ષેત્રના 10 વૈજ્ઞાનિકોના રહસ્યમય મોત/ગાયબ થવાથી ખળભળાટ મચ્યો છે. ટ્રમ્પ વહીવટીતંત્રે તપાસના આદેશ આપ્યા છે, FBI તપાસ કરી રહી છે. રિપબ્લિકન સાંસદને ચીન, રશિયા કે ઈરાનનો હાથ હોવાની આશંકા છે, કારણકે વૈજ્ઞાનિકો પાસે UFO સંબંધી માહિતી હતી. NASA અને MITના નિષ્ણાતોની હત્યા થઇ છે. ટ્રમ્પ આને કાવતરું માને છે.

સરકારનો ઉદ્દેશ કિંમતો નિયંત્રિત રાખવાનો છે. 23 માર્ચ પછી 17.25 લાખથી વધુ ફ્રી ટ્રેડ LPG સિલિન્ડર વેચાયા અને ઓટો LPG ના વેચાણમાં 70% વધારો થયો. રાજ્યોમાં PNG સાથે વધારાનું કોમર્શિયલ LPG મોકલવામાં આવી રહ્યું છે. સરકારે ખાતરી આપી છે કે દેશમાં ઈંધણની સપ્લાય પર કોઈ અસર થઈ નથી. સરકારે 5 કિલોના FTL સિલિન્ડરની ઉપલબ્ધતા વધારી છે.

મુંબઈ બજારમાં શનિવારે બુલીયન બજાર બંધ રહી હતી, પરંતુ વિશ્વબજારના કારણે સોના-ચાંદીના ભાવ વધ્યા હતા. સોનાના ભાવ 4830-4831 USD થયા, ઈરાન-અમેરિકાની વાટાઘાટો પર નજર હતી. ઇઝરાયલ અને લેબેનોન વચ્ચે યુદ્ધવિરામ પછી હોર્મુઝને ફરી બંધ કરાયો.

અખાત્રીજે ભારતમાં સોના-ચાંદીની માંગ વધવાની શક્યતા છે. CAIT ના અંદાજ મુજબ દેશભરમાં સોનાનું વેચાણ આશરે રૂ. 16,000 કરોડ અને ચાંદીનું વેચાણ લગભગ રૂ. 4,000 કરોડ થવાની સંભાવના છે.

નાણાકીય વર્ષ ૨૦૨૫ માં મંદી પછી, નાણાકીય વર્ષ ૨૦૨૬ માં બેંક ક્રેડિટ વૃદ્ધિ ૧૬.૦૮% થઈ છે. નાણાકીય વર્ષ ૨૦૨૪ પછી આ સૌથી ઝડપી ગતિ છે. રિઝર્વ બેંકના ડેટા મુજબ થાપણોમાં પણ ૧૩.૪૭%નો વધારો થયો છે. Corporate અને MSME ક્ષેત્રોમાં માંગ વધવાથી લોનમાં વૃદ્ધિ થઈ છે.

સુરત ઈસ્ટ બિલ્ડર એસોસિએશન દ્વારા HALO પ્રોપર્ટી એક્સ્પોનું આયોજન કરાયું છે, જેમાં 40 બિલ્ડરો 180થી વધુ પ્રોજેક્ટ્સ સાથે ભાગ લેશે. ઘર, ફ્લેટ, બંગલો, કોમર્શિયલ પ્લોટ ખરીદી પર 10-25% સુધીનું ડિસ્કાઉન્ટ મળશે. 1 લાખ ચો. ફૂટના એ.સી. ડોમમાં આયોજિત એક્સ્પોમાં 2 લાખથી વધુ મુલાકાતીઓ આવશે અને વિવિધ પ્રોજેક્ટની માહિતી એક જ સ્થળે મળશે.

સરકારે ડોલરના કસ્ટમ એક્સચેન્જના દર વધાર્યા અને ખાદ્યતેલોની ઈમ્પોર્ટ ડયુટી ગણવા માટેની ટેરીફ વેલ્યુમાં વૃદ્ધિ કરી. આના લીધે આયાતી ખાદ્યતેલોની ઈફેકટીવ ઈમ્પોર્ટ ડયુટીમાં વધારો થયો છે, એમ બજારના જાણકારોનું માનવું છે.

ઈરાન-અમેરિકા યુદ્ધ અને ગેસની અછતથી પ્રાઇવેટ એજન્સીઓએ ભાવ વધાર્યા છે. એક મહિનામાં કોમર્શિયલ સિલિન્ડરના ભાવ ત્રણ ગણા થતા હોટલ અને રેંકડી ચલાવતા ધંધાર્થીઓ પરેશાન છે. PSU અને પ્રાઇવેટ કંપનીના ભાવમાં મોટો તફાવત છે. રાધિકા ગેસ એજન્સીના ભાવ ડબલ થયા છે, જ્યારે Aegis ગેસના ભાવ રૂ. 6192.77 સુધી પહોંચ્યા છે. DSO કહે છે કે સરકારને પ્રાઇવેટ કંપનીઓના ભાવ પર નિયંત્રણ નથી. ભાવ વધારાના કારણે રેસ્ટોરન્ટોએ પણ ભાવ વધારવા પડ્યા છે.

Oracle પછી હવે મેટામાં પણ AI લોકોની નોકરી છીનવશે. Meta આ વર્ષે data center, chip અને software development સહિત AIમાં 135 અબજ ડોલરનું રોકાણ કરે તેવી સંભાવના છે. માર્ક ઝકરબર્ગ પહેલા તબક્કામાં 8,000 લોકોને સોમવારે પાણીચું પકડાવે તેવી શક્યતા. ફેસબૂકની પેરેન્ટ કંપની મેટામાં નજીકના સમયમાં 16,000 લોકોની હકાલપટ્ટીની સંભાવના છે, જેમાં 8,000 લોકોને સોમવારે કાઢી મૂકવામાં આવે તેવી શક્યતા છે.

એપલ કારપ્લેમાં ChatGPT એપ પછી, હવે WhatsApp પણ ઉમેરાયું છે. WhatsAppની કારપ્લે માટેની ખાસ એપ એપ સ્ટોરમાં ઉપલબ્ધ છે. આ એપ કાર યુઝર્સને ડ્રાઇવિંગ કરતી વખતે WhatsAppનો સુરક્ષિત ઉપયોગ કરવામાં મદદ કરશે. હવે કારમાં મનપસંદ એપ WhatsApp વાપરી શકાશે.

અમેરિકાના ટોચના 10 scientists રહસ્યમય રીતે મૃત્યુ પામ્યા કે ગુમ થયા. આ scientists aerospace, defence અને NASA જેવી સંસ્થામાં કામ કરતા હતા. ટ્રમ્પ વહીવટીતંત્રએ તપાસના આદેશ આપ્યા છે. FBI એ કેસો પર કામ કરવાનું શરૂ કર્યુ છે, અને અમેરિકા માટે મહત્ત્વના પ્રોજેક્ટ પર કામ કરનારાઓના મોતથી ચિંતાનું વાતાવરણ સર્જાયું છે.

WhatsApp એક નવા ફીચર પર કામ કરી રહ્યું છે, જેના દ્વારા યુઝર્સ પોતાના નજીકના મિત્રો માટે અલગ કસ્ટમ સ્ટેટસ લિસ્ટ બનાવી શકશે. ‘Status Lists’ નામનું આ ફીચર હાલમાં ડેવલપમેન્ટ હેઠળ છે. આ ફીચરને હજી બેટા ટેસ્ટિંગ માટે પણ ઉપલબ્ધ કરવામાં નથી આવ્યું. આ ફીચર લોન્ચ થશે ત્યારે યુઝર્સ દરેક વખતે પ્રાઇવસી સેટિંગ બદલ્યા વગર ચોક્કસ લોકો સાથે સ્ટેટસ શેર કરી શકશે. ઇન્સ્ટાગ્રામમાં જે રીતે ‘ક્લોઝ ફ્રેન્ડ્સ’ ફીચર છે એ જ રીતે આ ફીચર પણ કામ કરશે.

શેરબજારમાં શનિવારે સામાન્ય રીતે શાંતિ જોવા મળે છે, પરંતુ આજનો શનિવાર કંઈક ખાસ છે. તેનું કારણ છે કંપનીઓના ચોથા ક્વાર્ટરના પરિણામ, જેનાથી એ જાણવા મળશે કે ગયા વર્ષે કઈ કંપનીએ કેટલો દમ બતાવ્યો છે. આજે બેંકિંગ જગતની ત્રણ મોટી દિગ્ગજ બેંક HDFC Bank, ICICI Bank અને Yes Bank સહિત અનેક મોટી કંપનીઓ પોતાના ચોથા ક્વાર્ટરના પરિણામો જાહેર કરવાની છે. બજારના જાણકારોનું માનવું છે કે, આ વખતે ઈરાન અને અમેરિકા વચ્ચે ચાલી રહેલા યુદ્ધના વાતાવરણને જોતાં રોકાણકારો માત્ર નફાના આંકડાઓ પર જ નહીં, પરંતુ કંપનીઓની મેનેજમેન્ટ ગાઈડન્સ પર પણ ખૂબ ધ્યાન આપશે.