ચીને સંરક્ષણ ક્ષેત્રે 100 ગીગાવોટની ક્ષમતા ધરાવતા નવી પેઢીના હાઇ-પોડ માઇક્રોવેવ હથિયારોનો ખુલાસો કર્યો છે. નેશનલ યુનિવર્સિટી ઓફ ડિફેન્સ ટેક્નોલોજીના વૈજ્ઞાનિકો દ્વારા પ્રકાશિત રિસર્ચ પેપર મુજબ, આ અત્યાધુનિક હથિયાર ભવિષ્યના ઇલેક્ટ્રોનિક અને સ્પેસ વોરફેરનું સ્વરૂપ બદલી નાખશે. આ શક્તિશાળી સિસ્ટમ, જેમાં લિથિયમ-આયન કેપેસિટર હાઇબ્રિડ સિસ્ટમ અને હાઇ-પાવર પલ્સ જનરેટરનો સમાવેશ થાય છે, તે પૃથ્વીની નીચલી ભ્રમણકક્ષામાં હાજર સ્ટારલિંક જેવા સેટેલાઇટ નેટવર્ક માટે ગંભીર ખતરો બની શકે છે. માત્ર 1 ગીગાવોટની માઇક્રોવેવ પલ્સ પણ સેટેલાઇટને નષ્ટ કરવા પૂરતી છે, ત્યારે 100 GW ક્ષમતાવાળું આ હથિયાર અંતરિક્ષમાં વિનાશ નોતરી શકે છે.