અમેરિકામાં H-1B વિઝા મેળવીને કાયમી વસવાટ કરવાનું ભારતીયોનું સપનું રોળાઈ શકે છે. અમેરિકા H-1B વિઝા કાયમી ધોરણે બંધ કરવાની વિચારણા કરી રહ્યું છે, જેનાથી ભારતીય IT પ્રોફેશનલ્સને મોટો ઝટકો લાગશે. H-1B વિઝા માટેના નિયમો કડક કરાઈ રહ્યા છે અને $1 લાખની ફી વધુ એક વર્ષ માટે લંબાવવામાં આવી છે. આગામી 365 દિવસમાં H-1B વિઝા વ્યવસ્થામાં ધરમૂળથી ફેરફાર થશે અને છેતરપિંડી કરનારાઓ સામે કડક કાર્યવાહી થશે. કેટલાક ખાસ વિઝાધારકો પરનો પ્રતિબંધ 21 સપ્ટેમ્બર 2027 સુધી લંબાવાયો છે.

IIT બોમ્બેના મુંબઈ સ્થિત કેમ્પસમાં એક વિદ્યાર્થી દ્વારા આત્મહત્યા કર્યા બાદ, મોટી સંખ્યામાં વિદ્યાર્થીઓએ શનિવારે (19 સપ્ટેમ્બર) આક્રમક વિરોધ પ્રદર્શન કર્યું. ઘટનાના વિરોધમાં ઉતરેલા વિદ્યાર્થીઓએ પ્રશાસન સામે સૂત્રોચ્ચાર કર્યા અને તણાવપૂર્ણ માહોલ સર્જાયો. એનર્જી સાયન્ય એન્ડ એન્જિનિયરિંગ વિભાગના બીજા વર્ષના વિદ્યાર્થીએ પરીક્ષા હોલમાં ChatGPT પર પ્રશ્નપત્ર અપલોડ કરતા ઝડપાયા બાદ જીવન ટૂંકાવ્યું હોવાનો દાવો છે, જોકે આની સત્તાવાર પુષ્ટિ બાકી છે. IIT બોમ્બે દ્વારા વિદ્યાર્થી સામે કોઈ શિસ્તભંગની કાર્યવાહી ન થયાનો દાવો કરાયો છે.

નેશનલ કમિશન ફોર ઇન્ડિયન સિસ્ટમ ઓફ મેડિસિન (NCISM) દ્વારા શૈક્ષણિક વર્ષ 2026-27 માટે દેશભરમાં 48 આયુર્વેદિક કોલેજોની માન્યતા રદ કરવામાં આવી છે, જેમાં જૂનાગઢની નોબલ આયુર્વેદ કોલેજ અને ગુજરાતની સાત કોલેજોનો સમાવેશ થાય છે. નિયમોના ઉલ્લંઘન અને શૈક્ષણિક ધોરણો જાળવવામાં નિષ્ફળતાને કારણે આ કાર્યવાહી થઈ છે. અનેક કોલેજોમાં 'કાગળ પર' દર્શાવવામાં આવેલી બોગસ ફેકલ્ટીના ટીચર કોડ 1 વર્ષ માટે સસ્પેન્ડ કરવામાં આવ્યા છે. આ રદબાતલને કારણે કુલ 620 BAMS બેઠકોમાં ઘટાડો થયો છે, જેનાથી વિદ્યાર્થીઓ અને વાલીઓમાં ચિંતા છે.

ગુજરાતમાં 27 કોલેજોમાં 108 લૉ પ્રોફેસરની ફિક્સ પગારની ભરતી માટે અપાયેલો વર્ક ઓર્ડર રાજ્યના ઉચ્ચ શિક્ષણ વિભાગ દ્વારા રદ કરવામાં આવ્યો છે. ભરતી પ્રક્રિયામાં કોન્ટ્રાક્ટ પદ્ધતિ અને GeM પોર્ટલના ઉપયોગ સામે હાઈકોર્ટે સવાલો ઉઠાવ્યા બાદ આ નિર્ણય લેવાયો છે. ભરતી એજન્સી મારફતે થનારી આ કોન્ટ્રાક્ટ પદ્ધતિ સામે પાટણના એક ઉમેદવારે હાઈકોર્ટમાં અરજી કરી હતી. કોર્ટે પ્રોફેસર જેવા શૈક્ષણિક પદની ભરતી માટે એજન્સીની જરૂરિયાત પર સવાલો ઉઠાવ્યા હતા. આ ફટકાર બાદ ભરતી પ્રક્રિયા પર ફરી વિચારણા કરવામાં આવશે.