શાહરૂખ ખાનની 'કિંગ' સાથે ટક્કર ટાળવા 'શક્તિ શાલિની' ફિલ્મ માર્ચમાં રિલીઝ થશે
હોરર કોમેડી ફિલ્મ 'શક્તિ શાલિની'ની રિલીઝ ડેટ બદલવામાં આવી છે. ડિસેમ્બર ૨૦૨૬માં શાહરૂખ ખાનની ફિલ્મ 'કિંગ' સાથે બોક્સ ઓફિસ પર ટક્કર ટાળવા માટે 'શક્તિ શાલિની'ને માર્ચ મહિનામાં રિલીઝ કરવાની યોજના છે. જાન્યુઆરી અને ફેબ્રુઆરીમાં અન્ય ફિલ્મો રિલીઝ થવાની છે, જ્યારે માર્ચમાં કોઈ મોટી ફિલ્મ ન હોવાથી 'શક્તિ શાલિની'ને મોકળું મેદાન મળશે. આ ફિલ્મમાં અનીત પડ્ડાની સાથે વિશાલ જેઠવા મુખ્ય ભૂમિકામાં છે અને નાના પાટેકરની આ છેલ્લી ફિલ્મ હશે. આદિત્ય સરપોતદારે ફિલ્મનું નિર્દેશન કર્યું છે.