મુખ્યમંત્રી ભૂપેન્દ્ર પટેલનો ગુજરાતની બ્લૂ બાયોઇકોનોમીને બૂસ્ટર ડોઝ
મુખ્યમંત્રી ભૂપેન્દ્ર પટેલના માર્ગદર્શન હેઠળ ગુજરાત સરકાર પોરબંદરના મોચા ગામ ખાતે 100 કરોડના ખર્ચે મરિન બાયોટેકનોલોજી રિસર્ચ એન્ડ ઇનોવેશન કોરિડોર (M-BRIC) વિકસાવશે. આ માટે ગુજરાત સ્ટેટ બાયોટેકનોલોજી મિશન અને CSIR-CSMCRI વચ્ચે MoU થશે. આ કોરિડોરનો હેતુ રાજ્યના દરિયાઈ જૈવિક સંસાધનોનો ઉપયોગ કરીને ઉચ્ચ-મૂલ્યવાળા ઉત્પાદનો, નવા ઉદ્યોગો અને દરિયાકાંઠાના સમુદાયો માટે ટકાઉ આજીવિકા ઊભી કરવાનો છે. આ પહેલ દરિયાઈ વિજ્ઞાન, બાયોટેક્નોલોજી સંશોધન, ટેકનોલોજી વિકાસ અને વ્યાપારીકરણને જોડતી ઇકોસિસ્ટમ વિકસાવશે, જેનાથી રોજગારીની નવી તકો ઊભી થશે અને ભારતની બ્લૂ બાયોઇકોનોમીમાં ગુજરાતનું યોગદાન વધશે.