ધોળકામાં કોલેજ ગેટ પાસે ગટરના પાણી ભરાતા વિદ્યાર્થીઓને ભારે હાલાકી, નગરપાલિકાની કામગીરી સામે સવાલો
ધોળકામાં ખેડા-બગોદરા હાઇવે પર શ્રીમતી આર.ડી. શાહ આર્ટ્સ અને શ્રીમતી વી.ડી. શાહ કોમર્સ કોલેજના મુખ્ય ગેટ પાસે ગટરના ગંદા પાણી ભરાઈ રહેતા વિદ્યાર્થીઓને શિક્ષણ મેળવવા આવવા-જવામાં ભારે હાલાકી પડી રહી છે. સામાન્ય વરસાદમાં પણ ઘૂંટણસમા પાણી ભરાઈ જતાં કોલેજમાં પ્રવેશવા માટે વિદ્યાર્થીઓને બાજુના શાળાના ગેટનો સહારો લેવો પડે છે. કોલેજના ઇન્ચાર્જ આચાર્ય દ્વારા ધોળકા નગરપાલિકાને અનેક વાર લેખિત રજૂઆતો કરવા છતાં સમસ્યાનો કાયમી ઉકેલ આવ્યો નથી. પાણી ભરાવાથી શોર્ટસર્કિટનો ભય અને વાહનો લપસી જવાની પણ શક્યતા રહે છે.