અમદાવાદના નિકોલ વિસ્તારમાં શેરબજારના ફ્યુચર એન્ડ ઓપ્શન (F&O)માં ઊંચા વળતરની લાલચ આપી 100થી વધુ લોકો સાથે 1.27 કરોડ રૂપિયાની છેતરપિંડીનો કિસ્સો સામે આવ્યો છે. 'ડિસીપ્લીન ટી એન્ડ ટી વેન્ચર્સ પ્રાઇવેટ લિમિટેડ' કંપનીના સંચાલકો વિરાટ પરમાર અને અલ્કેશપુરી ગોસ્વામીએ માસિક 2-2.5% વળતર અને 2 વર્ષમાં રકમ ત્રણ ગણી કરી આપવાનું કહી રોકાણકારોને વિશ્વાસમાં લીધા હતા. શરૂઆતમાં વળતર ચૂકવી વિશ્વાસ કેળવ્યા બાદ, આરોપીઓએ ભાર્ગવ પંડ્યા અને ધર્મેશ ચૌહાણ નામના અન્ય બે સાગરિતોના બેંક એકાઉન્ટમાં રકમ ટ્રાન્સફર કરી દીધી હતી. ત્યારબાદ આ ચારેય આરોપીઓએ મળીને રોકાણકારોના પૈસા સગેવગે કરી દીધા હતા.