પશ્ચિમ રેલવેના અમદાવાદ ડિવિઝનમાં ભ્રષ્ટાચારનો મામલો પ્રકાશમાં આવ્યો છે. અસારવા રેલવે સ્ટેશન પર ગેરકાયદે ઉઘરાણીના કેસમાં ઓડિયો પુરાવા હોવા છતાં, આરોપી ચીફ પાર્સલ સુપરવાઇઝર (CPS) ને બચાવવા માટે માત્ર માઇનર ચાર્જશીટ આપી દેવાયાનો આરોપ છે. મધ્યપ્રદેશના એક કુરિયર એજન્સીના સંચાલકે ડિવિઝનલ રેલવે મેનેજર (DRM) સમક્ષ ફરિયાદ કરી હતી. તેમણે નિયમિતપણે ગેરકાયદે નાણાં માંગણી થતી હોવાનો અને માનસિક ત્રાસથી નોકરી છોડવી પડી હોવાનો ઉલ્લેખ કર્યો હતો. પુરાવા સાથેની ફરિયાદને પગલે માત્ર 38 દિવસનું સસ્પેન્શન અને બે વર્ષ ફાઈલ દબાવી રાખ્યા બાદ, નિવૃત્તિ નજીક આવતા લીપાપોતી કરાઈ હોવાનું ચર્ચાઈ રહ્યું છે.