વડોદરા કોર્પોરેશનમાં સમગ્ર શહેરનો ઇજારો એક જ કોન્ટ્રાક્ટરને આપવાની કોન્ટ્રાક્ટ પ્રથામાં ફેરફાર સામે વિવાદ સર્જાયો છે. અત્યાર સુધી ઝોન મુજબ અલગ-અલગ કોન્ટ્રાક્ટરોને ઇજારા અપાતા હતા, પરંતુ હવે એક જ કોન્ટ્રાક્ટરને સમગ્ર શહેરનો કોન્ટ્રાક્ટ સોંપવાની પેરવીથી નાના કોન્ટ્રાક્ટરોની રોજીરોટી છીનવાઈ જવાની ચિંતા છે. તાજેતરમાં માનવબળ પૂરા પાડવાની દરખાસ્તનો વિરોધ થયો હતો. હવે રોડ પ્રોજેક્ટ શાખામાં મોટા કોન્ટ્રાક્ટરને આ કોન્ટ્રાક્ટ આપવાની ચર્ચાથી ફરી વિવાદ સર્જાયો છે. નાના કોન્ટ્રાક્ટરોએ અગાઉની જેમ ઝોન પ્રમાણે જ ઇજારા માંગ્યા છે.