પોરબંદરમાં નવરાત્રી અને દિવાળી જેવા મોટા તહેવારોની શરૂઆત સાથે જ રખડતા પશુઓ અને અચાનક થતા આખલા યુદ્ધ નાગરિકો તથા વાહનચાલકો માટે ગંભીર જોખમ ઊભું કરી રહ્યા છે. તહેવારો દરમિયાન મુખ્ય માર્ગો, પ્રવાસન સ્થળો અને રાત્રિની ગરબીઓમાં લોકોની ભારે ભીડ રહે છે. આવા સમયે રસ્તા પર અડિંગો જમાવીને બેઠેલા પશુઓ, ખાસ કરીને રાત્રિના અંધારામાં, ગંભીર અકસ્માતોને નોતરી શકે છે. ઉત્સવોના આનંદમાં કોઈ દુર્ઘટના ન સર્જાય તે માટે પોરબંદર મનપાએ તાત્કાલિક રખડતા પશુઓને પકડી ઢોર ડબ્બે પૂરવા અને મુખ્ય માર્ગોને ‘નો કેટલ ઝોન’ જાહેર કરીને કડક કાર્યવાહી કરવી અત્યંત આવશ્યક છે.