ગુજરાત સરકાર દ્વારા યુનિયન પબ્લિક સર્વિસ કમિશન (UPSC)ની સિવિલ સર્વિસ પરીક્ષાની તૈયારી કરતા વિદ્યાર્થીઓ માટે મહત્વનો નિર્ણય લેવામાં આવ્યો છે. સરદાર પટેલ લોક પ્રશાસન સંસ્થા (SPIPA) અને તેના પ્રાદેશિક તાલીમ કેન્દ્રોમાં અભ્યાસ કરતા ઉમેદવારો માટે સ્ટાઈપેન્ડ તેમજ પરીક્ષાના વિવિધ તબક્કે મળતી પ્રોત્સાહન સહાયમાં વધારો કરાયો છે. આ યોજના હેઠળ, પ્રિલિમ પરીક્ષા પાસ કરનાર યુવકોને ₹35,000 અને યુવતીઓને ₹50,000, મુખ્ય પરીક્ષા પાસ કરનારને યુવકોને ₹45,000 અને યુવતીઓને ₹55,000, જ્યારે અંતિમ પસંદગીમાં સ્થાન મેળવનાર યુવકોને ₹75,000 અને યુવતીઓને ₹1 લાખ સુધીની સહાય આપવામાં આવશે.