વડોદરામાં કાર ભાડે આપવાના નામે વિશ્વાસઘાતનો કિસ્સો સામે આવ્યો છે. ખોડિયારનગરના કપડા વેપારીની મહિન્દ્રા થાર ગાડી દમણ ફરવા જવાના બહાને ભાડે લઈ એક શખ્સ ફરાર થઈ ગયો. ઈન્સ્ટાગ્રામ પર જાહેરાત જોઈ જયેશ પરમાર નામના વ્યક્તિએ ₹6500 દૈનિક લેખે બે દિવસ માટે ગાડી ભાડે લીધી. આધારકાર્ડ, લાઈસન્સ અને ચેક આપી વિશ્વાસ કેળવ્યો, પરંતુ ગાડી પરત ન કરી અને ફોન બંધ કરી દીધો. વેપારીએ પોલીસ ફરિયાદ નોંધાવી છે.

સુરેન્દ્રનગરમાં ITI સામે ST બસ અને બે કાર વચ્ચે ત્રિપલ અકસ્માત થયો, જેમાં એક કારચાલક ઈજાગ્રસ્ત થયો. એક કાર ડિવાઈડર પર ચઢી ગઈ, બીજી કારની એરબેગ ખુલી ગઈ. અકસ્માત બાદ ટ્રાફિક જામ થયો, પોલીસે વાહનો હટાવી વાહનવ્યવહાર પુનઃ શરૂ કર્યો. બંને કાર પોલીસ મથકે લઈ જવાઈ.

સુરત ક્રાઇમ બ્રાન્ચને 2012ના હથિયાર સપ્લાય કેસમાં 14 વર્ષ બાદ મધ્યપ્રદેશના જંગલ વિસ્તારમાંથી મુખ્ય આરોપી કપ્તાનસીંગ બહાદુરસીંગ જુનેજા (સીકલીકર)ને ધરપકડ કરવામાં મોટી સફળતા મળી છે. તેણે 11 પિસ્તોલ અને 65 કારતુસ વેચ્યા હતા. આ નેટવર્ક વગરના દુર્ગમ વિસ્તારમાં છુપાઈ રહેતો હતો.

સસ્પેન્ડેડ એડિશનલ ડિસ્ટ્રિક્ટ જજ જી. આર. સોની સામે કન્ટેમ્પ્ટ ઓફ કોર્ટ કાર્યવાહીની ભલામણ હાઇકોર્ટની ડિવિઝન બેંચે કરી છે. સિનિયર જજ પર નિયંત્રણ જેવા વિવાદાસ્પદ નિવેદનો બદલ આ કાર્યવાહીની ભલામણ કરાઈ છે. તેમની સામે આઉટસોર્સ્ડ ક્લાર્ક સાથે અયોગ્ય સંબંધ, નાણાકીય મદદ, CCTV કેમેરા બ્લોક કરાવવા અને કોર્ટ ચલાવવામાં નિષ્ફળતા જેવા આરોપો પણ છે. આ નિવેદનો ન્યાયતંત્રના ગૌરવને હાનિ પહોંચાડે છે, તેમ બેંચે જણાવ્યું.

ભરૂચ LCB એ ATM સ્વેપિંગ કૌભાંડનો ભેદ ઉકેલી રીઢા ઠગ તુષાર કોઠારીની ધરપકડ કરી. આરોપી મોટી ઉંમરના લોકોને મદદના બહાને PIN જાણી ATM કાર્ડ બદલી રૂપિયા ઉપાડી લેતો હતો. ₹7,400 નો મુદ્દામાલ કબજે કર્યો, જૂના કેસના સમાધાન અને ઓનલાઈન જુગારમાં વાપર્યા હોવાનું કબૂલ્યું. ગુજરાત અને મહારાષ્ટ્રમાં 47 ગુના નોંધાયેલા છે.

રહેણાંક મકાનના દસ્તાવેજ માટે સબ રજિસ્ટ્રાર વતી ₹2.50 લાખની લાંચ લેતા ACBના હાથે ઝડપાયેલા આરોપી નરેન્દ્ર બોહરાની જામીન અરજી અમદાવાદ સેશન્સ કોર્ટે નકારી કાઢી છે. જજ બી. બી. જાદવે સરકારી વકીલની દલીલો માન્ય રાખી અરજી નામંજૂર કરી. જય ભીલ અને રાહીલ શેખે 35 હજાર રૂપિયા ઓનલાઇન લીધા હતા અને કુલ 2.50 લાખની માંગણી કરી હતી. ફરિયાદીની ACB સંપર્ક કરતા લાંચના છટકામાં આરોપીઓ રંગેહાથ પકડાયા હતા.

પાટણ નગરપાલિકાને 2027 સુધીમાં મહાનગરપાલિકા બનાવવા GUDM દ્વારા GIS અને MIS મેપિંગ પ્રોજેક્ટ શરૂ કરાશે. ડ્રોન સર્વે દ્વારા મિલકતો અને ભૂગર્ભ સુવિધાઓનું ડિજિટલ મેપિંગ થશે. AI અને ML ટેકનોલોજીનો ઉપયોગ કરીને સચોટ સંચાલન થશે. 18 મહિનામાં પ્રોજેક્ટ પૂર્ણ થશે, ત્યારબાદ 5 વર્ષ સુધી જાળવણી કરાશે.

ગુજરાત હાઇકોર્ટે જણાવ્યું કે, વાજબી કારણ વિના પતિથી અલગ રહેતી પત્ની ભરણપોષણ મેળવવા હકદાર નથી. રાજકોટ ફેમિલી કોર્ટનો આદેશ માન્ય રાખી, કોર્ટે સ્પષ્ટ કર્યું કે CrPC કલમ 125(4) હેઠળ સાબિતી વિના ભરણપોષણનો દાવો ટકી શકે નહીં.

મોરબીમાં આર્થિક તંગીના કારણે પિતાએ દીકરીને મકાન માલિક સાથે સંબંધ બાંધવા મજબૂર કરી. મકાન માલિકે માતા અને સગીર પુત્રી પર પણ દુષ્કર્મ આચર્યું. માતાની ફરિયાદ બાદ પોલીસે પિતા અને મકાન માલિકની ધરપકડ કરી, એક સાગરીતની શોધખોળ ચાલુ છે. સમાજમાં ભારે ફીટકાર.

વાપી રેલવે પોલીસે જમ્મુ-કાશ્મીરના ડોડા જિલ્લાના બે સગીર બાળકોને સુરક્ષિત રીતે શોધી કાઢ્યા અને તેમના પરિવારને સોંપ્યા. આ બાળકો વાપી રેલવે સ્ટેશન વિસ્તારમાંથી મળી આવ્યા હતા. પોલીસે કાયદેસરની કાર્યવાહી કરી, બાળકોના પિતાને વાપી બોલાવી તેમને સોંપ્યા. પિતાએ પોલીસનો આભાર માન્યો.

Middle East Tensions: મિડલ ઈસ્ટમાં ચાલી રહેલા તણાવ વચ્ચે બે મોટા સમાચાર સામે આવ્યા છે. એક તરફ અમેરિકાની મધ્યસ્થીથી ઈઝરાયલ અને લેબેનોન વચ્ચેનો યુદ્ધવિરામ વધુ 45 દિવસ માટે લંબાવવા પર સહમતિ સધાી છે. તો બીજી તરફ, ગાઝા મોરચે ઈઝરાયલી સૈન્યને મોટી સફળતા મળી છે. શુક્રવારે કરાયેલા એક હવાઈ હુમલામાં ઈઝરાયલે હમાસના લશ્કરી પાંખના વડા ઇઝ અલ-દિન અલ-હદ્દાદને ઠાર કર્યો છે.ગાઝામાં હમાસને મોટો ફટકો

ઉના તાલુકાના તડ અને ભાડસી ગામ પાસે મોડી રાત્રે બે બાઈક સામસામે અથડાતા, જૂનાગઢના નિકુંજભાઈ અને આશિષભાઈ નામના બે યુવાનો ગંભીર રીતે ઘાયલ થયા. રોડ પર ફંગોળાઈ જતા માથામાં ગંભીર ઈજાઓ પહોંચી. 108 એમ્બ્યુલન્સ દ્વારા બંનેને ઉના હોસ્પિટલે ખસેડાયા. દીવથી જૂનાગઢ જતી વખતે અકસ્માત થયો. પોલીસે તપાસ હાથ ધરી.

મુંબઈની બેંક અધિકારી યુવતીને Shaadi.com દ્વારા ફસાવી, ગુજરાતના 7 આરોપીઓએ ₹1.42 કરોડથી વધુની છેતરપિંડી આચરી. આર્થિક શોષણ, ધમકીઓ અને જાતીય સતામણીના આરોપો સાથે BNS અને IT એક્ટ હેઠળ ફરિયાદ નોંધાઈ. કોર્ટે તપાસ પ્રાથમિક તબક્કે હોવાથી જામીન અરજીઓ નામંજૂર કરી.

બનાસકાંઠા જિલ્લાના ઇકબાલગઢ હાઇવે પર મોડી રાત્રે બે અલગ-અલગ અકસ્માત સર્જાયા હતા. જેમાં દર્શન હોટલ પાસે કાર-ટ્રક વચ્ચે અને ગંગાસાગર રોડ પર કાર ડિવાઇડર પર ચડી જતા વાહનોને નુકસાન થયું હતું. સદભાગ્યે, કોઈને ગંભીર ઈજા કે જાનહાનિ થઈ ન હતી.

Ebola outbreak:  કોંગોમાં ઇબોલા વાયરસથી ઓછામાં ઓછાં 65 મૃત્યુ નોંધાયાં છે અને સેંકડો લોકો તેથી સંક્રમિત છે. આ પૂર્વે 2018 થી 2020 સુધીમાં આ વાયરસના પ્રકોપથી કોંગોમાં 32 હજારથી વધુ લોકોનાં મૃત્યુ થયાં હતાં. માત્ર શ્વાસથી પણ ફેલાતા, આ ભયંકર રોગે ડેમોક્રેટિક રીપબ્લિક ઓફ કોંગો (ડીઆરસી)માં 65 નાં તો મૃત્યુ નોંધાયા જ છે. પરંતુ 100થી વધુ સંદિગ્ધોને હોસ્પિટલમાં દાખલ કરાયા છે. હજી સુધીમાં ઈબોલા સંક્રમિત તેના 246 કેસો જાણવા મળ્યાં છે.

મુંબઈ : મુંબઈ ઝવેરી બજારમાં આજે સોના-ચાંદીના ભાવમાં ઝડપી કડાકો બોલાયો હતો. જો કે ઘરઆંગણે ડોલર સામે આજે રૂપિયો  ગબડયો હતો  છતાં વિશ્વ બજારમાં કિંમતી ધાતુઓના ભાવ તૂટી જતાં દેશના ઝવેરી બજારોમાં  આજે મંદીનો આંચકો લાગ્યો હતો.  વિશ્વ બજારમાં આજે સોનાના ભાવ ઔંસના ૧૭૦થી ૧૭૫ ડોલર તૂટી જતાં ખેલાડીઓ સ્તબ્ધ બની ગયા હતા. વિશ્વ બજાર પાછળ ઘરઆંગણે અમદાવાદ ઝવેરી બજારમાં આજે સોનાના ભાવ ૧૦ ગ્રામદીઠ રૂ.૩૦૦૦ તથા ચાંદીના ભાવ રૂ.

વલસાડના કૈલાસ રોડ પર એક બેફામ કારે 4 વાહનોને અડફેટે લીધા હતા. આ ઘટના મોડી રાત્રે બની હતી. કાર ચાલકે અકસ્માત સર્જ્યા બાદ જવાબદારી સ્વીકારવાને બદલે નજીકમાં જ આવેલા પોતાના ઘરમાં જઈને છુપાઈ ગયો હતો. ઘટનાના CCTV ફૂટેજ સામે આવ્યા છે, જેમાં કારની સ્પીડ સ્પષ્ટ દેખાય છે. સ્થાનિક લોકોએ કાર ચાલકના ઘરને ઘેરી લીધું હતું અને તેની સામે કડક પગલાં લેવાની માંગ કરી હતી.

અમદાવાદ : પશ્ચિમ એશિયામાં ચાલી રહેલા તણાવને કારણે, ક્રૂડ ઓઇલના ભાવ સતત ૧૦૦ ડોલર પ્રતિ બેરલથી ઉપર રહ્યા છે. આ દબાણ વચ્ચે, ઓઇલ માર્કેટિંગ કંપનીઓએ પેટ્રોલ અને ડીઝલના ભાવમાં પ્રતિ લિટર રૂ. ૩ નો વધારો કર્યો છે. વૈશ્વિક તેલના ભાવમાં વધારો અને સતત નુકસાનને ધ્યાનમાં રાખીને આ નિર્ણય જરૂરી માનવામાં આવ્યો હતો. જો કે, આ વધારો હાલમાં મર્યાદિત છે અને કંપનીઓને ફક્ત થોડી રાહત આપશે.

ગુરૃવારની ગરમીએ ૧૧ વર્ષનો રેકોર્ડ તોડયો હતો28 કિ.મી.ની ઝડપે લૂ ફૂંકાઈ, ૫૩ ટકા ભેજના કારણેબફારાનો અનુભવભાવનગર - ભાવનગરમાં ગુરૃવારે એક દસકની રેકોર્ડબ્રેક કરનારી ગરમી

કેન્દ્રીય ગૃહમંત્રી અમિત શાહ બે દિવસીય ગુજરાત મુલાકાતે છે. તેઓ SG હાઇવેના ડેવલપમેન્ટ, વિકાસ કાર્યો, તળાવોના ઇન્ટરલિન્કિંગ અને નવીનીકરણ અંગે અધિકારીઓ સાથે બેઠક કરશે. નવા ચૂંટાયેલા કાઉન્સિલરો સાથે શુભેચ્છા મુલાકાત કરશે. 17 મેના રોજ મધુર ડેરીના નવા પ્લાન્ટ, NID ઇનોવેશન સેન્ટર અને અન્ય વિકાસ કાર્યોનું લોકાર્પણ કરશે.

મુંબઈ : સોનાચાંદી પરની આયાત ડયૂટીમાં વધારો કર્યા બાદ સરકારે સોનાની આયાત પર વધુ અંકૂશ મૂકવાના ભાગરૂપ એડવાન્સ ઓથોરાઈઝેશન સ્કીમ હેઠળ સોનાની આયાત મર્યાદા ૧૦૦ કી. ગ્રા. કરવાના નિર્ણયથી આર્બિટ્રેજ ટ્રેડિંગ પર અંકૂશ આવશે અને ફોરેકસ પરનું દબાણ પણ હળવું થશે એમ બજારના સુત્રો માની રહ્યા છે. આ નિર્ણયને કારણે ડયૂટી ફ્રી આયાતના થતા કથિત દૂરુપયોગમાં ઘટાડો થશે.મર્યાદા લાગુ કરાવાને કારણે સોનાની વધુ પડતી આયાત અટકશે અને સત્તાવાળા માટે આવા પ્રકારની આયાત પર દેખરેખ રાખવાનું સરળ બનશે.

યુનિફોર્મ સ્ટેચ્યુટ મુજબ કેલેન્ડર અપાયુબે માસમાં પાંચ દિવસ અંતર્ગત કુલ સાત મહત્વની બેઠકનું આયોજનભાવનગર - મ.કૃ. ભાવનગર યુનિવર્સિટી દ્વારા આગામી મે-જુન માસદરમિયાન યુનિફોર્મ સ્ટેચ્યુટ મુજબ વિવિધ સત્તામંડળનું કેલેન્ડર જાહેર કરાયું છે.

અમદાવાદ : ભારતીય રિઝર્વ બેંકે દેશમાં એનબીએફસી  પર પોતાની પકડ વધુ કડક બનાવી છે, એક જ ઝાટકે ૧૫૦ એનબીએફસીના નોંધણી પ્રમાણપત્રો રદ કર્યા છે. કેન્દ્રીય બેંક દ્વારા આ કડક કાર્યવાહી RBI અધિનિયમ, ૧૯૩૪ ની કલમ ૪૫-IA (૬) હેઠળ કરવામાં આવી છે.આ કાર્યવાહીનો અર્થ એ છે કે આ કંપનીઓ હવે કોઈપણ નાણાકીય વ્યવસાય અથવા ધિરાણ વ્યવસાય કરી શકશે નહીં. વધુમાં, સાત અન્ય કંપનીઓએ સ્વેચ્છાએ તેમના લાઇસન્સ પરત કર્યા છે. આ પછી, તેમના નોંધણી પણ રદ કરવામાં આવ્યા હતા.

પશ્ચિમ બંગાળના આસનસોલમાં લાઉડસ્પીકરનો અવાજ ઓછો કરવાના નિર્દેશ બાદ ભીડે પોલીસ ચોકીમાં તોડફોડ અને પથ્થરમારો કર્યો. પોલીસે ટીયર ગેસ છોડ્યા અને લાઠીચાર્જ કર્યો. ઘટના બાદ વિસ્તારમાં પેરામિલિટરી ફોર્સ તૈનાત કરાઈ છે. CCTV ફૂટેજની ઓળખ થઈ રહી છે અને કાયદેસર કાર્યવાહી કરાશે. મુખ્યમંત્રી સુવેન્દુ અધિકારીએ ધાર્મિક સ્થળોએ લાઉડસ્પીકરના ઊંચા અવાજ પર પ્રતિબંધ મૂક્યો છે.

IPL 2026ની 60મી મેચ KKR અને GT વચ્ચે રમાશે. GT જીતીને ટૉપ-2માં સ્થાન પાક્કું કરવા પ્રયાસ કરશે, જ્યારે KKR માટે 'કરો યા મરો' જેવી સ્થિતિ છે. GTનો હેડ ટુ હેડ રેકોર્ડ મજબૂત છે. KKRની ટીમમાં સાતત્યનો અભાવ છે, જ્યારે GT શાનદાર ફોર્મમાં છે. સાઈ સુદર્શન ઓરેન્જ કેપની રેસમાં છે. ઈડન ગાર્ડન્સની પીચ સ્પિનર્સને મદદરૂપ થશે.

ભરૂચના નવેઠા ગામે શુક્રવારે બપોરે કાર ચાલકે સ્ટિયરીંગ પરનો કાબુ ગુમાવતાં તેની કાર જીએફએલ કંપનીની બસમાં ઘુસાડી દીધી. ઘટનામાં ચાલકને ગંભીર ઇજા થઇ. કાર બસમાં ફસાઈ જતાં જેસીબીની મદદથી બહાર કાઢવાની કવાયત હાથ ધરાઇ.

શિનોર police station માં નોંધાયેલ હનીટ્રેપ કેસમાં મુખ્ય આરોપી મનીષા અને એહમદને 8 દિવસના રિમાન્ડ મળ્યા છે. આ આરોપીઓએ ફરિયાદીને પ્રેમજાળમાં ફસાવી, નગ્ન વીડિયો બનાવી, બ્લેકમેલ કરી લાખો રૂપિયા પડાવ્યા હતા. 10 આરોપીઓ પકડાયા છે, રૂા.29 લાખનો મુદ્દામાલ રિકવર કરાયો છે. અન્ય આરોપીઓ અને કારની શોધ ચાલુ છે.

જરોદ : જરોદ વિસ્તારમાં રાજપુરા ગામે આંબલા ફ્ળિયામાં રહેતા રાજેન્દ્રસિંહ ભગવાનસિંહ ચૌહાણ (ઉ.45) કે, તેઓ આજે સવારે કુદરતી હાજતે જઈ નજીકની પસાર થતી નર્મદા મુખ્ય કેનાલમાં હાથ પગ ધોવા જતા તેમનો પગ લપસી જતા તેઓ કેનાલના પાણીમાં પડી ગયા હતા. આ બાબતે નજીકમાં હાલોલ ફયર બ્રિગેડને જાણ કરતા ફયર બ્રિગેડ જવાનો આવી નર્મદા કેનાલમાં પાણીમાં તપાસ કરતા કલાકોમા રાજેન્દ્રસિંહની લાશ પાણીમાં મળી હતી. જરોદ પોલીસે કાર્યવાહી બાદ લાસને જરોદ રેફ્રલ હોસ્પિટલમાં મોકલી હતી.

કરજણ કોંગ્રેસે NEET પેપર લીક અને વિદ્યાર્થીઓના નુકસાન અંગે તપાસની માગ કરી. આવનાર વરસાદને ધ્યાને રાખી, તંત્ર દ્વારા પ્રી-મોન્સૂન કામગીરી સમયસર થાય તેવી રજૂઆત પ્રાંત અધિકારીને કરી. રોડ, ગટર, વીજળી, અને પાણી જેવી સમસ્યાઓ ચોમાસા પહેલા ઉકેલવા તેમજ દવા છંટકાવ અને પાણીની ગુણવત્તા ચકાસવા પણ ભાર મૂકાયો.

સંખેડા : વડાપ્રધાન નરેન્દ્ર મોદીએ બે દિવસ અગાઉ જીવન જરૂરિયાતની ચીજ વસ્તુઓ પર કંટ્રોલ કરવાનું જણાવતા આમ જનતામાં હાઉ ઉભો થતાં સંખેડા પંથકમાં હાંડોદ પેટ્રોલ પંપ પર એગ્રીકલ્ચર માટે ડીઝલ મેળવવા રીતસર કારબા મૂકી નંબર ક્યારે આવે ? તેની રાહ જોતાં ભૂમિ પુત્રો ફેટામાં જોઈ શકાય છે. બપોરે ધોમધખતા 43 -45 ડિગ્રીમાં પણ લોકો ડીઝલ મેળવવા લાઈન લગાવી રહ્યાં છે.