અમદાવાદના નારણપુરા વિસ્તારમાં દર્પણ છ રસ્તા નજીક થયેલી મારામારીનો વીડિયો સોશિયલ મીડિયા પર વાઈરલ થયો છે. ગંભીર રીતે ઈજાગ્રસ્ત એક યુવકને સારવાર માટે હોસ્પિટલ ખસેડવામાં આવ્યો છે. યુનિવર્સિટી પોલીસ સ્ટેશનના PI એ જણાવ્યું કે, પોલીસ સ્ટેશનમાં કોઈ સત્તાવાર ફરિયાદ નોંધાઈ નથી, પરંતુ ઈજાગ્રસ્તોની પ્રાથમિક વિગતો નોંધાઈ છે. ભોગ બનનાર પક્ષ ફરિયાદ નોંધાવશે. તપાસમાં જાણવા મળ્યું કે, મારામારી કરનારા રીઢા ગુનેગાર નહોતા, પરંતુ દારૂના નશામાં જાહેર રસ્તા પર ગાળાગાળી કરનાર યુવકથી ઉશ્કેરાઈને સ્થાનિકોએ માર માર્યો હતો. પોલીસે વીડિયો અને સ્થાનિકોના નિવેદનના આધારે વધુ તપાસ હાથ ધરી છે.