રાજ્યના 80માં સ્વાતંત્ર્ય પર્વની ભવ્ય રાજ્યકક્ષાની ઉજવણી અમરેલી ખાતે મુખ્યમંત્રી ભૂપેન્દ્ર પટેલની ઉપસ્થિતિમાં યોજાઈ. મુખ્યમંત્રીએ રાષ્ટ્રધ્વજ ફરકાવી સલામી આપી. આકાશમાંથી પુષ્પવર્ષા, પોલીસ બેન્ડ અને દેશભક્તિના માહોલમાં વિદ્યાર્થીઓએ "મારું અમરેલી" થીમ આધારિત સાંસ્કૃતિક કૃતિ રજૂ કરી. આદિજાતિ બાલિકાઓના બેગપાઇપર બેન્ડે પણ વિશેષ આકર્ષણ જમાવ્યું. મુખ્યમંત્રીએ નાગરિકોનું અભિવાદન ઝીલ્યા બાદ વૃક્ષારોપણ કર્યું અને સ્વાતંત્ર્ય સેનાનીઓને શ્રદ્ધાંજલિ આપી. તેમણે ગ્રામીણ વિસ્તારોમાં વિનામૂલ્યે પ્લોટ, રસ્તા નવીનીકરણ, આંગણવાડી ગરમ નાસ્તા દરમાં વધારો અને બિનઅનામત યુવાનોની વિદેશ અભ્યાસ લોન માટે આવકમર્યાદા વધારવા સહિતની મહત્વની જાહેરાતો કરી.