પાટણ જિલ્લામાં 15મી ઓગસ્ટના રોજ 80મા સ્વાતંત્ર્ય પર્વની દેશભક્તિ અને ઉત્સાહભેર ઉજવણી કરવામાં આવી. શંખેશ્વરમાં જિલ્લા કક્ષાના કાર્યક્રમમાં રાજ્યકક્ષાના મંત્રી સ્વરૂપજી ઠાકોરે રાષ્ટ્રધ્વજ ફરકાવી સલામી આપી અને શુભેચ્છાઓ પાઠવી. વિકાસ કામો માટે રૂ. 25 લાખનો ચેક વિકાસ અધિકારીને અર્પણ કરાયો. મંત્રીએ સ્વાતંત્ર્ય સેનાનીઓને યાદ કરી, દેશના નિર્માણ માટે નવી ઊર્જા અને પ્રતિબદ્ધતા સાથે આગળ વધવાનો સંદેશ આપ્યો. ખેડૂત સમૃદ્ધિ, યુવા રોજગાર, શિક્ષણ અને પોષણ પર ભાર મૂકાયો. હરિયાળા પાટણ, સ્વચ્છ, સુપોષિત, શિક્ષિત અને રોજગારયુક્ત પાટણના નિર્માણ માટે સહિયારા પ્રયાસોનું આહવાન કરાયું. વિવિધ ક્ષેત્રે ઉત્કૃષ્ટ કામગીરી કરનારનું સન્માન કરાયું.