વડોદરામાં કાર ભાડે આપવાના નામે વિશ્વાસઘાતનો કિસ્સો સામે આવ્યો છે. ખોડિયારનગરના કપડા વેપારીની મહિન્દ્રા થાર ગાડી દમણ ફરવા જવાના બહાને ભાડે લઈ એક શખ્સ ફરાર થઈ ગયો. ઈન્સ્ટાગ્રામ પર જાહેરાત જોઈ જયેશ પરમાર નામના વ્યક્તિએ ₹6500 દૈનિક લેખે બે દિવસ માટે ગાડી ભાડે લીધી. આધારકાર્ડ, લાઈસન્સ અને ચેક આપી વિશ્વાસ કેળવ્યો, પરંતુ ગાડી પરત ન કરી અને ફોન બંધ કરી દીધો. વેપારીએ પોલીસ ફરિયાદ નોંધાવી છે.

સુરેન્દ્રનગરમાં ITI સામે ST બસ અને બે કાર વચ્ચે ત્રિપલ અકસ્માત થયો, જેમાં એક કારચાલક ઈજાગ્રસ્ત થયો. એક કાર ડિવાઈડર પર ચઢી ગઈ, બીજી કારની એરબેગ ખુલી ગઈ. અકસ્માત બાદ ટ્રાફિક જામ થયો, પોલીસે વાહનો હટાવી વાહનવ્યવહાર પુનઃ શરૂ કર્યો. બંને કાર પોલીસ મથકે લઈ જવાઈ.

સુરત ક્રાઇમ બ્રાન્ચને 2012ના હથિયાર સપ્લાય કેસમાં 14 વર્ષ બાદ મધ્યપ્રદેશના જંગલ વિસ્તારમાંથી મુખ્ય આરોપી કપ્તાનસીંગ બહાદુરસીંગ જુનેજા (સીકલીકર)ને ધરપકડ કરવામાં મોટી સફળતા મળી છે. તેણે 11 પિસ્તોલ અને 65 કારતુસ વેચ્યા હતા. આ નેટવર્ક વગરના દુર્ગમ વિસ્તારમાં છુપાઈ રહેતો હતો.

સસ્પેન્ડેડ એડિશનલ ડિસ્ટ્રિક્ટ જજ જી. આર. સોની સામે કન્ટેમ્પ્ટ ઓફ કોર્ટ કાર્યવાહીની ભલામણ હાઇકોર્ટની ડિવિઝન બેંચે કરી છે. સિનિયર જજ પર નિયંત્રણ જેવા વિવાદાસ્પદ નિવેદનો બદલ આ કાર્યવાહીની ભલામણ કરાઈ છે. તેમની સામે આઉટસોર્સ્ડ ક્લાર્ક સાથે અયોગ્ય સંબંધ, નાણાકીય મદદ, CCTV કેમેરા બ્લોક કરાવવા અને કોર્ટ ચલાવવામાં નિષ્ફળતા જેવા આરોપો પણ છે. આ નિવેદનો ન્યાયતંત્રના ગૌરવને હાનિ પહોંચાડે છે, તેમ બેંચે જણાવ્યું.

ભરૂચ LCB એ ATM સ્વેપિંગ કૌભાંડનો ભેદ ઉકેલી રીઢા ઠગ તુષાર કોઠારીની ધરપકડ કરી. આરોપી મોટી ઉંમરના લોકોને મદદના બહાને PIN જાણી ATM કાર્ડ બદલી રૂપિયા ઉપાડી લેતો હતો. ₹7,400 નો મુદ્દામાલ કબજે કર્યો, જૂના કેસના સમાધાન અને ઓનલાઈન જુગારમાં વાપર્યા હોવાનું કબૂલ્યું. ગુજરાત અને મહારાષ્ટ્રમાં 47 ગુના નોંધાયેલા છે.

દેશમાં અછત રોકવા, પેટ્રોલ નિકાસ પર ₹3/લિટર વિન્ડફોલ ટેક્સ લાગ્યો. ડીઝલ અને જેટ ફ્યુઅલ (ATF) પર ડ્યુટી ઘટાડી. પશ્ચિમ એશિયાના તણાવને કારણે ક્રૂડ ઓઇલ 100 ડોલર/બેરલ પાર થતાં આ નિર્ણય લેવાયો. સ્થાનિક ભાવ પર અસર નહીં.

લખનઉ સુપર જાયન્ટ્સે ચેન્નઈ સુપર કિંગ્સને 7 વિકેટે હરાવ્યું. મેચમાં આકાશ સિંહે 3 વિકેટ લીધી અને દરેક વખતે ખિસ્સામાંથી ચિઠ્ઠી કાઢીને ઉજવણી કરી, જેના પર લખ્યું હતું – “આકાશ જાણે છે કે તેને T20માં વિકેટ કેવી રીતે લેવી.” મિચેલ માર્શે 90 રનની ઇનિંગ રમી, જ્યારે નિકોલસ પૂરને સતત 4 સિક્સર ફટકારી મેચ પૂરી કરી. બંને ટીમો વાવાઝોડા પીડિતોને શ્રદ્ધાંજલિ રૂપે કાળી પટ્ટી બાંધીને મેદાન પર ઉતરી હતી.

રહેણાંક મકાનના દસ્તાવેજ માટે સબ રજિસ્ટ્રાર વતી ₹2.50 લાખની લાંચ લેતા ACBના હાથે ઝડપાયેલા આરોપી નરેન્દ્ર બોહરાની જામીન અરજી અમદાવાદ સેશન્સ કોર્ટે નકારી કાઢી છે. જજ બી. બી. જાદવે સરકારી વકીલની દલીલો માન્ય રાખી અરજી નામંજૂર કરી. જય ભીલ અને રાહીલ શેખે 35 હજાર રૂપિયા ઓનલાઇન લીધા હતા અને કુલ 2.50 લાખની માંગણી કરી હતી. ફરિયાદીની ACB સંપર્ક કરતા લાંચના છટકામાં આરોપીઓ રંગેહાથ પકડાયા હતા.

પાટણ નગરપાલિકાને 2027 સુધીમાં મહાનગરપાલિકા બનાવવા GUDM દ્વારા GIS અને MIS મેપિંગ પ્રોજેક્ટ શરૂ કરાશે. ડ્રોન સર્વે દ્વારા મિલકતો અને ભૂગર્ભ સુવિધાઓનું ડિજિટલ મેપિંગ થશે. AI અને ML ટેકનોલોજીનો ઉપયોગ કરીને સચોટ સંચાલન થશે. 18 મહિનામાં પ્રોજેક્ટ પૂર્ણ થશે, ત્યારબાદ 5 વર્ષ સુધી જાળવણી કરાશે.

નેધરલેન્ડ પહોંચેલા PM મોદીનું ભારતીય સમુદાયે ભવ્ય સ્વાગત કર્યું. ભારત-EU FTA બાદ આર્થિક સંબંધોને નવી ગતિ મળી છે. સેમિકન્ડક્ટર, સ્વચ્છ ઉર્જા, રોકાણ જેવા ક્ષેત્રોમાં સહયોગ મજબૂત થશે. PM મોદી ડચ PM રોબ જેટેન અને રાજા-રાણીને મળશે. નેધરલેન્ડ સાથેના સહયોગને નવી ઊંચાઈઓ પર લઈ જવા આ મુલાકાત અત્યંત મહત્વપૂર્ણ છે.

ગુજરાત હાઇકોર્ટે જણાવ્યું કે, વાજબી કારણ વિના પતિથી અલગ રહેતી પત્ની ભરણપોષણ મેળવવા હકદાર નથી. રાજકોટ ફેમિલી કોર્ટનો આદેશ માન્ય રાખી, કોર્ટે સ્પષ્ટ કર્યું કે CrPC કલમ 125(4) હેઠળ સાબિતી વિના ભરણપોષણનો દાવો ટકી શકે નહીં.

વલસાડમાં લગ્નની લાલચ આપી યુવતી પર દુષ્કર્મ, પીડિતા ગર્ભવતી. આરોપી અબ્બાસ મકરાણી સામે બીજી ફરિયાદ. ST SC સેલ તપાસ કરી રહ્યું છે. પૈસા અને બાળકી બાબતે ઝઘડા બાદ આરોપીએ સંબંધ કાપી નાખ્યા. પીડિતા ફરી ગર્ભવતી છે. પોલીસે એટ્રોસિટી એક્ટ હેઠળ ગુનો દાખલ કર્યો.

મોરબીમાં આર્થિક તંગીના કારણે પિતાએ દીકરીને મકાન માલિક સાથે સંબંધ બાંધવા મજબૂર કરી. મકાન માલિકે માતા અને સગીર પુત્રી પર પણ દુષ્કર્મ આચર્યું. માતાની ફરિયાદ બાદ પોલીસે પિતા અને મકાન માલિકની ધરપકડ કરી, એક સાગરીતની શોધખોળ ચાલુ છે. સમાજમાં ભારે ફીટકાર.

વાપી રેલવે પોલીસે જમ્મુ-કાશ્મીરના ડોડા જિલ્લાના બે સગીર બાળકોને સુરક્ષિત રીતે શોધી કાઢ્યા અને તેમના પરિવારને સોંપ્યા. આ બાળકો વાપી રેલવે સ્ટેશન વિસ્તારમાંથી મળી આવ્યા હતા. પોલીસે કાયદેસરની કાર્યવાહી કરી, બાળકોના પિતાને વાપી બોલાવી તેમને સોંપ્યા. પિતાએ પોલીસનો આભાર માન્યો.

TMC સાંસદ અભિષેક બેનર્જી પર અમિત શાહ વિરુદ્ધ ભડકાઉ ભાષણ અને ટિપ્પણી બદલ FIR. રાજકીય મુશ્કેલીઓમાં વધારો, બિનજામીનપાત્ર કલમો હેઠળ કાર્યવાહી. ચૂંટણી પ્રચાર દરમિયાન નફરત ફેલાવવાના અને શાંતિ જોખમવાના આરોપ. પુરાવા રૂપે વીડિયો અને ડિજિટલ લિંક્સ સોંપાઈ.

મુંબઈની બેંક અધિકારી યુવતીને Shaadi.com દ્વારા ફસાવી, ગુજરાતના 7 આરોપીઓએ ₹1.42 કરોડથી વધુની છેતરપિંડી આચરી. આર્થિક શોષણ, ધમકીઓ અને જાતીય સતામણીના આરોપો સાથે BNS અને IT એક્ટ હેઠળ ફરિયાદ નોંધાઈ. કોર્ટે તપાસ પ્રાથમિક તબક્કે હોવાથી જામીન અરજીઓ નામંજૂર કરી.

બનાસકાંઠા જિલ્લાના ઇકબાલગઢ હાઇવે પર મોડી રાત્રે બે અલગ-અલગ અકસ્માત સર્જાયા હતા. જેમાં દર્શન હોટલ પાસે કાર-ટ્રક વચ્ચે અને ગંગાસાગર રોડ પર કાર ડિવાઇડર પર ચડી જતા વાહનોને નુકસાન થયું હતું. સદભાગ્યે, કોઈને ગંભીર ઈજા કે જાનહાનિ થઈ ન હતી.

મુંબઈ : મુંબઈ ઝવેરી બજારમાં આજે સોના-ચાંદીના ભાવમાં ઝડપી કડાકો બોલાયો હતો. જો કે ઘરઆંગણે ડોલર સામે આજે રૂપિયો  ગબડયો હતો  છતાં વિશ્વ બજારમાં કિંમતી ધાતુઓના ભાવ તૂટી જતાં દેશના ઝવેરી બજારોમાં  આજે મંદીનો આંચકો લાગ્યો હતો.  વિશ્વ બજારમાં આજે સોનાના ભાવ ઔંસના ૧૭૦થી ૧૭૫ ડોલર તૂટી જતાં ખેલાડીઓ સ્તબ્ધ બની ગયા હતા. વિશ્વ બજાર પાછળ ઘરઆંગણે અમદાવાદ ઝવેરી બજારમાં આજે સોનાના ભાવ ૧૦ ગ્રામદીઠ રૂ.૩૦૦૦ તથા ચાંદીના ભાવ રૂ.

વલસાડના કૈલાસ રોડ પર એક બેફામ કારે 4 વાહનોને અડફેટે લીધા હતા. આ ઘટના મોડી રાત્રે બની હતી. કાર ચાલકે અકસ્માત સર્જ્યા બાદ જવાબદારી સ્વીકારવાને બદલે નજીકમાં જ આવેલા પોતાના ઘરમાં જઈને છુપાઈ ગયો હતો. ઘટનાના CCTV ફૂટેજ સામે આવ્યા છે, જેમાં કારની સ્પીડ સ્પષ્ટ દેખાય છે. સ્થાનિક લોકોએ કાર ચાલકના ઘરને ઘેરી લીધું હતું અને તેની સામે કડક પગલાં લેવાની માંગ કરી હતી.

કેન્દ્રીય ગૃહમંત્રી અમિત શાહ બે દિવસીય ગુજરાત મુલાકાતે છે. તેઓ SG હાઇવેના ડેવલપમેન્ટ, વિકાસ કાર્યો, તળાવોના ઇન્ટરલિન્કિંગ અને નવીનીકરણ અંગે અધિકારીઓ સાથે બેઠક કરશે. નવા ચૂંટાયેલા કાઉન્સિલરો સાથે શુભેચ્છા મુલાકાત કરશે. 17 મેના રોજ મધુર ડેરીના નવા પ્લાન્ટ, NID ઇનોવેશન સેન્ટર અને અન્ય વિકાસ કાર્યોનું લોકાર્પણ કરશે.

TMC સાંસદ અભિષેક બેનર્જી વિરુદ્ધ FIR નોંધાઈ. આરોપ છે કે તેમણે ચૂંટણી પ્રચારમાં ભડકાઉ ભાષણો આપ્યા અને ગૃહમંત્રી અમિત શાહને ધમકીભર્યા નિવેદનો આપ્યા. આ ફરિયાદ ઉત્તર 24 પરગણા જિલ્લાના બિધાનનગર સાયબર ક્રાઈમ પોલીસ સ્ટેશનમાં નોંધવામાં આવી છે. સામાજિક કાર્યકર રાજીબ સરકારે 5 મેના રોજ આ ફરિયાદ નોંધાવી હતી, જેમાં 27 એપ્રિલથી 3 મે દરમિયાનના અનેક ભાષણોનો ઉલ્લેખ છે.

અમદાવાદ : ભારતીય રિઝર્વ બેંકે દેશમાં એનબીએફસી  પર પોતાની પકડ વધુ કડક બનાવી છે, એક જ ઝાટકે ૧૫૦ એનબીએફસીના નોંધણી પ્રમાણપત્રો રદ કર્યા છે. કેન્દ્રીય બેંક દ્વારા આ કડક કાર્યવાહી RBI અધિનિયમ, ૧૯૩૪ ની કલમ ૪૫-IA (૬) હેઠળ કરવામાં આવી છે.આ કાર્યવાહીનો અર્થ એ છે કે આ કંપનીઓ હવે કોઈપણ નાણાકીય વ્યવસાય અથવા ધિરાણ વ્યવસાય કરી શકશે નહીં. વધુમાં, સાત અન્ય કંપનીઓએ સ્વેચ્છાએ તેમના લાઇસન્સ પરત કર્યા છે. આ પછી, તેમના નોંધણી પણ રદ કરવામાં આવ્યા હતા.

પશ્ચિમ બંગાળના આસનસોલમાં લાઉડસ્પીકરનો અવાજ ઓછો કરવાના નિર્દેશ બાદ ભીડે પોલીસ ચોકીમાં તોડફોડ અને પથ્થરમારો કર્યો. પોલીસે ટીયર ગેસ છોડ્યા અને લાઠીચાર્જ કર્યો. ઘટના બાદ વિસ્તારમાં પેરામિલિટરી ફોર્સ તૈનાત કરાઈ છે. CCTV ફૂટેજની ઓળખ થઈ રહી છે અને કાયદેસર કાર્યવાહી કરાશે. મુખ્યમંત્રી સુવેન્દુ અધિકારીએ ધાર્મિક સ્થળોએ લાઉડસ્પીકરના ઊંચા અવાજ પર પ્રતિબંધ મૂક્યો છે.

ભરૂચના નવેઠા ગામે શુક્રવારે બપોરે કાર ચાલકે સ્ટિયરીંગ પરનો કાબુ ગુમાવતાં તેની કાર જીએફએલ કંપનીની બસમાં ઘુસાડી દીધી. ઘટનામાં ચાલકને ગંભીર ઇજા થઇ. કાર બસમાં ફસાઈ જતાં જેસીબીની મદદથી બહાર કાઢવાની કવાયત હાથ ધરાઇ.

શિનોર police station માં નોંધાયેલ હનીટ્રેપ કેસમાં મુખ્ય આરોપી મનીષા અને એહમદને 8 દિવસના રિમાન્ડ મળ્યા છે. આ આરોપીઓએ ફરિયાદીને પ્રેમજાળમાં ફસાવી, નગ્ન વીડિયો બનાવી, બ્લેકમેલ કરી લાખો રૂપિયા પડાવ્યા હતા. 10 આરોપીઓ પકડાયા છે, રૂા.29 લાખનો મુદ્દામાલ રિકવર કરાયો છે. અન્ય આરોપીઓ અને કારની શોધ ચાલુ છે.

કરજણ કોંગ્રેસે NEET પેપર લીક અને વિદ્યાર્થીઓના નુકસાન અંગે તપાસની માગ કરી. આવનાર વરસાદને ધ્યાને રાખી, તંત્ર દ્વારા પ્રી-મોન્સૂન કામગીરી સમયસર થાય તેવી રજૂઆત પ્રાંત અધિકારીને કરી. રોડ, ગટર, વીજળી, અને પાણી જેવી સમસ્યાઓ ચોમાસા પહેલા ઉકેલવા તેમજ દવા છંટકાવ અને પાણીની ગુણવત્તા ચકાસવા પણ ભાર મૂકાયો.

ઈરાન મામલે અનિશ્ચિતતા, વૈશ્વિક બજારોમાં નરમાઈ, ડોલર સામે રૂપિયાનું ઐતિહાસિક ધોવાણ, પેટ્રોલ-ડીઝલ અને CNGના ભાવ વધારાએ શેરબજારમાં મંદી લાવી.

છોટાઉદેપુરના પાવીજેતપુર તાલુકાના નાની રાસલી ગામે એક દીપડાનું બચ્ચું કૂવામાં પડી ગયું હતું. રાત્રે કણસવાનો અવાજ સાંભળી સ્થાનિકોએ જોયું તો એક દોઢ વર્ષનું બચ્ચું કૂવામાં હતું. વનવિભાગની ટીમે મહામુસીબતે બચ્ચાને હેમખેમ બહાર કાઢી રેસ્ક્યુ સેન્ટર પર લઈ જયું. બચ્ચું સ્વસ્થ બાદ જંગલમાં છોડાશે. વિસ્તારમાં મોટા દીપડાની હાજરીની પણ રજૂઆત કરાઈ.

પાવીજેતપુરમાં પેટ્રોલ-ડીઝલની અછત અને ભાવ વધારાના કારણે વાહનચાલકો પરેશાન છે. અફવાઓથી ગભરાઈને લોકો વહેલી સવારથી પેટ્રોલ પંપો પર ઉમટી પડ્યા હતા, જેના કારણે લાંબી કતારો લાગી હતી. પેટ્રોલ-ડીઝલના ભાવમાં પ્રતિ લીટરે રૂા.3નો વધારો અમલમાં આવ્યો છે. વાહનચાલકોને મર્યાદિત માત્રામાં જ ઈંધણ મળી રહ્યું છે, જેના કારણે ભારે નારાજગી જોવા મળી રહી છે.

સેલંબા વેપારી મથકમાં અંબિકા નદીમાં વેપારીઓ અને રહીશો દ્વારા સતત કચરો ઠાલવવાથી નદીની ગંભીર દુર્દશા થઇ છે. પ્લાસ્ટિક, કાગળો અને અન્ય કચરાના ઢગલાથી નદી દુર્ગંધયુક્ત બની છે, જેના કારણે લોકોને હાલાકી ભોગવવી પડે છે. આ નદીને ઉંડી કરવાની અને કચરાના નિકાલ માટે લોકોમાં જાગૃતિ લાવવાની અને કડક કાર્યવાહીની જરૂર છે.