વડોદરાની એમ.એસ. યુનિવર્સિટીના ૭૫મા પદવીદાન સમારોહમાં રાષ્ટ્રપતિ દ્રૌપદી મુર્મુએ જણાવ્યું કે, વિદ્યાર્થીઓએ સંવિધાનના બતાવેલા માર્ગ પર ચાલીને સમાનતાના આદર્શો અપનાવવા જોઈએ. તેમણે ડિગ્રી અને ગોલ્ડ મેડલ વિજેતાઓને અભિનંદન પાઠવ્યા અને કહ્યું કે MSUમાં દીકરીઓનું વર્ચસ્વ જોવા મળ્યું છે, જે બદલાતા ભારતની તસવીર છે. વિદ્યાર્થીઓએ સમાજના હિતોને પ્રાધાન્ય આપી, બીજાના જીવનને બહેતર બનાવી, સમાજની સમસ્યાઓનું સમાધાન કરવું જોઈએ. ટેકનોલોજીનો વિવેકપૂર્ણ ઉપયોગ કરો, નિષ્ફળતાથી હાર માનશો નહીં અને સફળતામાં પાછળ રહી ગયેલાઓને યાદ રાખો. 2047 સુધીમાં વિકસીત ભારતના સ્વપ્ન પૂર્ણ કરવામાં યુવાનો, ખાસ કરીને દીકરીઓનું યોગદાન મહત્વનું છે.