પશ્ચિમ બંગાળમાં તૃણમૂલ કોંગ્રેસ (TMC) માં મોટો રાજકીય વળાંક આવ્યો છે. ઋતબ્રત બેનર્જીના જૂથે કોલકાતા સ્થિત TMCના મુખ્ય કાર્યાલય પર કબજો કરી લીધો છે. તેમણે ઓફિસને તાળું મારી ચાવી પોતાની સાથે લઈ ગયા અને દાવો કર્યો કે તેઓ 'અસલી TMC' છે. આ જૂથે મમતા બેનર્જીને અધ્યક્ષ પદેથી હટાવીને અરૂપ રોયને નવા અધ્યક્ષ બનાવ્યા છે. આ ઘટના ચૂંટણી પંચમાં થયેલી બેઠક બાદ બની છે, જ્યાં ઋતબ્રત જૂથે સંગઠનાત્મક ફેરફારોના દસ્તાવેજો સોંપ્યા હતા. મમતા જૂથે આ દાવાઓને ફગાવ્યા છે.

ભારતીય સેનાની તાકાતમાં 52,000 કરોડ રૂપિયાના સંરક્ષણ ખરીદી પ્રસ્તાવોની મંજૂરીથી નોંધપાત્ર વધારો થશે. આ ડીલ આર્મી, નેવી અને એરફોર્સની લડાયક ક્ષમતા વધારશે. આર્મી માટે આધુનિક એન્ટિ-ડ્રોન સિસ્ટમ 'આકાશ તરંગ', MPATGM, MRSAM, V-SHORADS, એક્ટિવ પ્રોટેક્શન સિસ્ટમ અને 'કમિકાઝે ડ્રોન' સામેલ થશે. નૌસેના માટે ગ્રાઉન્ડ માઇન્સ(MIGM) અને હાઇટેક ડ્રોન સિસ્ટમ(NSUAS) તથા સ્વદેશી ટેક્નોલોજી માટે LBTF બનાવવામાં આવશે. વાયુસેના માટે હાઈ એલ્ટીટ્યુડ સ્યુડો સેટેલાઇટ(FW-HAPS) સિસ્ટમ મંજૂર કરાઈ છે.

રિલાયન્સ ફાઉન્ડેશનના ચેરપર્સન નીતા અંબાણીને અમેરિકાના ફ્લોરિડામાં યોજાયેલા એક વિશેષ સમારોહમાં બે મોટા સન્માન પ્રાપ્ત થયા છે. તેમને 'અમેરિકન એસોસિએશન ઓફ ફિઝિશિયન્સ ઓફ ઇન્ડિયન ઓરિજિન' (AAPI) દ્વારા 'AAPI હ્યુમેનિટેરિયન એવોર્ડ' એનાયત કરવામાં આવ્યો છે. આ પુરસ્કાર હેલ્થકેર, શિક્ષણ, રમતગમત અને સામાજિક વિકાસમાં તેમના નોંધપાત્ર યોગદાન માટે અપાયો છે. આ ઉપરાંત, ટેમ્પા શહેરના મેયર દ્વારા તેમના સામાજિક કાર્યોની કદર રૂપે 'કી ટુ ધ સિટી ઓફ ટેમ્પા' સન્માન પણ આપવામાં આવ્યું.

ઇરાનના સ્ટેટ મીડીયા મુજબ, દિવંગત સર્વોચ્ચ નેતા આયાતોલ્લાહ અલિ ખોમેનીના નશ્વર દેહને સૌપ્રથમ જ્યાં તેમની હત્યા થઈ હતી તે સ્થળે લઈ જવાશે. ૪ અને ૫ જુલાઈ દરમિયાન આશરે બે કરોડ લોકો તેમના દર્શનાર્થે અને અંતિમ યાત્રામાં જોડાશે તેવી શક્યતા છે, તેમ ઇસ્લામિક રિવોલ્યુશનરી ગાર્ડ્સ કોર્પ્સે (IRGC) જણાવ્યું છે. જોકે, ખોમેનીના પુત્ર અને વર્તમાન સર્વોચ્ચ નેતા મોજતબા ખામેનેઈ સલામતીના કારણોસર અંતિમ યાત્રામાં જોડાશે નહીં.

મધ્યપ્રદેશના પૂર્વ મુખ્યમંત્રી દિગ્વિજય સિંહે રામ મંદિરના દાનમાં કથિત અનિયમિતતા અને તેના દુરુપયોગના મુદ્દે ભાજપ અને આરએસએસ પર આકરા પ્રહાર કર્યા. તેમણે દાવો કર્યો કે તેમના દ્વારા અપાયેલા દાનની ચોરી થઈ છે અને આ મામલે ચંપત રાય તથા અનિલ મિશ્રાને બચાવવામાં આવી રહ્યા છે. દિગ્વિજય સિંહે જાહેરાત કરી કે તેઓ 5-6 જુલાઈના રોજ અયોધ્યા જઈને પોતાના વકીલ દ્વારા કેસ દાખલ કરશે અને ટ્રસ્ટીઓને જેલમાં મોકલવાની માંગ કરશે. આ ઉપરાંત, તેમણે મહાકાલ મંદિરના દાન અંગે પણ શંકા વ્યક્ત કરી.

પાકિસ્તાનમાં એક ભયાનક બસ દુર્ઘટના સર્જાઈ છે, જ્યાં બલુચિસ્તાનના શેરાની જિલ્લામાંથી ખૈબરપખ્તુન્વાના ડેરા ઇસ્માઇલખાન તરફ જઈ રહેલી બસ ઊંડી ખાઈમાં ખાબકી હતી. આ દુર્ઘટનામાં ઓછામાં ઓછા ૪૦ લોકોના મોત થયા છે અને ૮ લોકો ગંભીર રીતે ઘાયલ થયા છે. પ્રારંભિક અહેવાલો અનુસાર, બસમાં મૂળ ૩૬ મુસાફરો હતા, પરંતુ માર્ગમાં એક ખરાબ થયેલી બસના ૧૨ મુસાફરો પણ તેમાં બેસી ગયા હતા. બચાવ કાર્ય તાત્કાલિક શરૂ કરવામાં આવ્યું હતું અને ઇજાગ્રસ્તોને હોસ્પિટલમાં ખસેડવામાં આવ્યા છે.

અમદાવાદ કાલુપુર રેલવે સ્ટેશન પરથી ₹1.44 કરોડની નકલી ચલણી નોટો સાથે પકડાયેલા બે આરોપીઓને અમદાવાદ સેશન્સ કોર્ટે નિર્દોષ છોડી મુકવાનો આદેશ કર્યો છે. પોલીસ તપાસમાં ગંભીર ક્ષતિઓ, સાક્ષીઓના નિવેદનોમાં વિરોધાભાસ અને પુરાવાના અભાવને કારણે સરકાર પક્ષ આરોપીઓ વિરુદ્ધનો ગુનો સાબિત કરી શક્યો નથી. પોલીસે આરોપી વિકાસ નરેન્દ્ર શર્મા પાસેથી 2000 રૂપિયાની 7,240 નકલી નોટો કબજે કરી હતી, જેની કુલ કિંમત ₹1,44,80,000 થતી હતી. જોકે, પંચનામામાં અને સાક્ષીઓના નિવેદનોમાં થયેલ વિસંગતતા અને પુરાવાના અભાવે કોર્ટે બંને આરોપીઓને શંકાનો લાભ આપી છોડી મુક્યા છે.

ઈરાનના સર્વોચ્ચ નેતા આયતુલ્લાહ અલી ખામેનેઈના પાર્થિવ દેહને અંતિમ દર્શન માટે રાખવામાં આવ્યો હતો. વિશ્વભરના ધર્મગુરુઓ, અધિકારીઓ અને વિદેશી મહાનુભાવોએ તેમને શ્રદ્ધાંજલિ આપી. પાકિસ્તાનના PM શહબાઝ શરીફ અને ફીલ્ડ માર્શલ અસીમ મુનીર ત્યાં પહોંચ્યા. ભારત તરફથી બિહારના ગવર્નર સૈયદ અતા હસનૈન અને વિદેશ રાજ્ય મંત્રી પવિત્ર માર્ગેરિટા ઈરાન પહોંચ્યા. PDPના મહેબૂબા મુફ્તી અને કોંગ્રેસના સલમાન ખુર્શીદ પણ હાજર રહ્યા. ચીન, અફઘાનિસ્તાન જેવા દેશોના પ્રતિનિધિઓએ પણ ભાગ લીધો. આ અંતિમ સંસ્કાર ઈરાનના ઇતિહાસના સૌથી મોટા માનવામાં આવી રહ્યા છે, જે 4 મહિના બાદ યોજાઈ રહ્યા છે.

ગુજરાત હાઇકોર્ટે ઇકો-સેન્સિટિવ ઝોનમાં પ્લાસ્ટિક પ્રદૂષણ અને વિદેશી પક્ષીઓના આગમન અંગેની જાહેર હિતની અરજી (PIL) પર સુનાવણી દરમિયાન રાજ્ય સરકારની આકરી ટીકા કરી. કોર્ટે જણાવ્યું કે, પાંચ-પાંચ મહિનાથી આપેલા આદેશોનું પાલન થતું નથી અને સરકાર ફક્ત જવાબ રજૂ કરવા માટે સમય માંગી રહી છે. સરકારી વિભાગો એકબીજા પર જવાબદારી ઢોળી રહ્યા છે, જે યોગ્ય નથી. કુદરતી ખજાનાને સાચવવાની પ્રાથમિક ફરજ સરકારની છે, અને આ મામલે સ્ટેટ લેવલ મોનિટરિંગ કમિટીએ પણ સોગંદનામું ફાઈલ કર્યું નથી.

ભારત અને ઈંગ્લેન્ડ વચ્ચે બીજી T-20 મેચમાં માત્ર સિરીઝ લીડ જ નહીં, ટીમ ઈન્ડિયામાં વધતી હરીફાઈ પણ ચર્ચામાં છે. 15 વર્ષના વૈભવ સૂર્યવંશીની હાજરીએ સંજુ સેમસન અને તિલક વર્મા જેવા બેટ્સમેનો પર દબાણ વધાર્યું છે. સંજુએ પ્રથમ T-20 માં માત્ર 1 રન બનાવ્યો હતો, તેથી તેની દરેક ઇનિંગ હવે 'ઓડિશન' જેવી છે. તિલક વર્માનો મિડલ ઓવરમાં સ્ટ્રાઈક રેટ ચિંતાનો વિષય છે. વૈભવને ભારતીય ક્રિકેટનો આગામી મોટો પ્રોજેક્ટ માનવામાં આવે છે, જેણે ડોમેસ્ટીક અને IPLમાં નિડર પ્રદર્શન કર્યું છે. અભિષેક શર્માના સતત આક્રમક પ્રદર્શનથી પણ હરીફાઈ વધી છે.

ફીફા વર્લ્ડ કપ 2026ની ચર્ચા વચ્ચે, પેલેસ્ટાઈનના 32 વર્ષીય સ્ટાર ફૂટબોલર અને ગોલકીપર સલીમ ખાદર અલ-અશ્કરનું ગાઝા પટ્ટીમાં ઇઝરાયલી સેના (IDF)ની ગોળી વાગવાથી દુ:ખદ મોત થયું છે. પેલેસ્ટાઈન ફૂટબોલ સંઘ (PFA)એ આ ઘટનાની પુષ્ટિ કરી છે. સલીમના લગ્ન માત્ર 5 મહિના પહેલા થયા હતા અને તેમની પત્ની ગર્ભવતી છે. તેઓ પોતાના પરિવારમાં માતા-પિતાના ઘડપણનો એકમાત્ર સહારો અને 7 બહેનોના એકના એક ભાઈ હતા. તેમના મોતથી સમગ્ર પરિવાર પર દુ:ખનો પહાડ તૂટી પડ્યો છે.

ગુજરાત રાજ્યમાં ખેડૂતોના વીજ ટાવર અને હાઈટેન્શન લાઇન મુદ્દે ચાલી રહેલા લાંબા સમયના વિરોધ બાદ રાજ્ય સરકારે મોટો નિર્ણય લીધો છે. હવે જંત્રીના દરને બદલે ખેડૂતોને તેમની જમીનના વર્તમાન બજાર ભાવના બમણા દરે વળતર ચૂકવવામાં આવશે. આ માટે 'માર્કેટ રેટ કમિટી'ની રચના કરવામાં આવશે, જેમાં ખેડૂતો, કંપની પ્રતિનિધિઓ અને જિલ્લા કલેક્ટરનો સમાવેશ થશે. આ નિર્ણયને ખેડૂત સંગઠનોના દબાણ અને આગામી રાજકીય ગણતરીઓ સાથે જોડવામાં આવી રહ્યો છે.

મેટાના CEO માર્ક ઝુકરબર્ગે AIમાં ધાર્યા પ્રમાણે પ્રગતિ ન થવા અંગે આંતરિક મીટિંગમાં ચિંતા વ્યક્ત કરી. લગભગ 7,000 કર્મચારીઓને AI ટીમોમાં મોકલ્યા બાદ પણ, AI એજન્ટ્સની સિસ્ટમ્સ અપેક્ષા મુજબ કામ કરી રહી નથી. તેમણે સ્વીકાર્યું કે કંપનીના મોટા ફેરફારો અને છટણીના નિર્ણયો સમયસર અને વ્યવસ્થિત નહોતા. મેટાએ AI ઇન્ફ્રાસ્ટ્રક્ચરમાં અબજો ડોલરનું રોકાણ કર્યું છે, પરંતુ હજુ સુધી ધાર્યા પરિણામો મળ્યા નથી. આગામી 3-6 મહિનામાં સુધારાની આશા છે.

ભારતે પાકિસ્તાનને સ્પષ્ટ સંદેશ આપ્યો છે કે સરહદપારનો આતંકવાદ બંધ થયા વિના સિંધુ જળ સમજૂતી અંગે કોઈ ચર્ચા કે પુનઃસ્થાપન નહીં થાય. વિદેશ મંત્રાલયે ચીન-મ્યાંમાર-બાંગ્લાદેશ આર્થિક કોરિડોર પર પણ ભારત રાષ્ટ્રીય હિતોની રક્ષા માટે સતત નજર રાખી રહ્યું હોવાનું જણાવ્યું. ઉપરાંત, પાકિસ્તાનના અફઘાનિસ્તાન પરના હવાઈ હુમલાની નિંદા કરીને મહિલાઓ અને બાળકો સહિત નિર્દોષોના મોત પર દુઃખ વ્યક્ત કર્યું અને અફઘાનિસ્તાનને માનવીય સહાય તથા વિકાસ માટે ભારતની પ્રતિબદ્ધતા પુનરાવર્તિત કરી.

ગુજરાત રાજ્ય ચૂંટણી આયોગ દ્વારા રાજ્યની વિવિધ સ્થાનિક સ્વરાજ્યની સંસ્થાઓમાં ખાલી પડેલી કુલ 15 બેઠકો માટે પેટાચૂંટણીનો સત્તાવાર કાર્યક્રમ જાહેર કરવામાં આવ્યો છે. જેમાં જૂનાગઢ મહાનગરપાલિકાની 1, દેવગઢ બારિયા નગરપાલિકાની 6 અને વિસનગર નગરપાલિકાની 1 બેઠકનો સમાવેશ થાય છે. ઉપરાંત, આણંદ જિલ્લા પંચાયતની 1 તેમજ હળવદ, પોશિના, સતલાસણા, હારીજ, નેત્રંગ અને ફાગવેલ તાલુકા પંચાયતોની કુલ 6 બેઠકો માટે પણ મતદાન યોજાશે. ઉમેદવારી પત્ર ભરવાની છેલ્લી તારીખ 14 જુલાઈ છે.

ભારતમાં ઇન્સ્ટાગ્રામ પર Child Abuse Material (CSAM) ને પ્રોત્સાહન આપતી પેઇડ જાહેરાતો ચાલતી હોવાનો ચોંકાવનારો ખુલાસો થયો છે. "Rape Video" અને "Child Video" જેવી વાંધાજનક જાહેરાતો દ્વારા યુઝર્સને Telegram ચેનલો પર રીડાયરેક્ટ કરવામાં આવતા હતા, જ્યાં આ કન્ટેન્ટ નજીવી કિંમતે વેચાઈ રહ્યું હતું. ઇન્સ્ટાગ્રામના "કમ્યુનિટી ગાઇડલાઇન્સ" નું ઉલ્લંઘન નથી કરતી તેવા દાવાએ તેની મોડરેશન ટેકનોલોજી પર પ્રશ્નો ઊભા કર્યા છે. Meta એ કેટલીક જાહેરાતો ડિસેબલ કરી અને એકાઉન્ટ્સ સસ્પેન્ડ કર્યા હોવાનું જણાવ્યું છે.

વેનેઝુએલામાં આવેલા શક્તિશાળી ભૂકંપ બાદ, ભારતીય સેના 'ઓપરેશન એમિસ્ટાડ' હેઠળ મદદ માટે ખડેપગે છે. રાજધાની કારાકાસમાં 24 કલાક કાર્યરત ફિલ્ડ હોસ્પિટલ શરૂ કરાઈ છે, જ્યાં દર્દીઓને મફત દવા, સારવાર અને એમ્બ્યુલન્સ સુવિધાઓ પૂરી પાડવામાં આવી રહી છે. ભારતીય વાયુસેના C-17 ગ્લોબમાસ્ટર વિમાનો દ્વારા 66 ટન રાહત સામગ્રી, જેમાં દવાઓ અને અદ્યતન તબીબી ઉપકરણો સામેલ છે, તે મોકલાઈ છે. ખાસ કરીને, ભારતે સ્વદેશી ટેકનોલોજીથી વિકસાવેલા બે 'ભીષ્મ ક્યુબ્સ' મોકલ્યા છે, જે પોર્ટેબલ અને મોડ્યુલર ઇમરજન્સી હોસ્પિટલ છે. સ્થાનિક લોકો ભારતના આ માનવતાવાદી અભિગમની પ્રશંસા કરી રહ્યા છે.

ક્રિકેટ જગતમાં અભિમન્યૂ ઈશ્વરનની ચર્ચા છે, જે 5 વર્ષથી ભારતીય ટેસ્ટ ટીમનો હિસ્સો હોવા છતાં ડેબ્યૂની રાહ જોઈ રહ્યા છે. 2021 માં પ્રથમ વખત ટીમમાં પસંદગી પામેલા અભિમન્યૂ, રોહિત શર્મા અને કેએલ રાહુલ જેવા ખેલાડીઓના કારણે તક મેળવી શક્યા ન હતા. ત્યારથી, તેઓ અનેક સિરીઝમાં ટીમનો ભાગ રહ્યા છે, પરંતુ અંતિમ ઈલેવનમાં સ્થાન મેળવી શક્યા નથી. આ દરમિયાન 17 નવા ખેલાડીઓએ ટેસ્ટ ડેબ્યૂ કરી લીધું છે. ઘરેલું ક્રિકેટમાં શાનદાર આંકડા ધરાવતા અભિમન્યૂને હજી પણ પ્રથમ ટેસ્ટ કેપની આશા છે.

INDIA bloc એ ભારતના ચીફ જસ્ટિસ (CJI) ને એક અત્યંત મહત્ત્વનો પત્ર લખીને દેશની ચૂંટણી પ્રક્રિયામાં ગેરરીતિઓ અને હેરાફેરી થતી હોવાનો ગંભીર આક્ષેપ કર્યો છે. તેમણે ચેતવણી આપી કે જો ન્યાયતંત્ર આ ચિંતાઓને ધ્યાનમાં નહીં લે, તો તે દેશમાં 'પ્રજાસત્તાક વ્યવસ્થાના સંપૂર્ણ પતન' સમાન ગણાશે. આ અસાધારણ પગલું લોકશાહી જોખમમાં હોવાથી ભર્યું છે. 23 વિપક્ષી નેતાઓ અને એક અપક્ષ સાંસદની સહીવાળા આ પત્રમાં ન્યાયતંત્રને આ ગંભીર મુદ્દાઓ પર વિચાર કરવા વિનંતી કરાઈ છે. વિપક્ષે મુખ્યત્વે ચૂંટણી પંચ અને ખાસ કરીને મુખ્ય ચૂંટણી કમિશનર જ્ઞાનેશ કુમારના વલણ સામે આક્ષેપ કર્યો છે.

DMK MLA અનિતા રાધાકૃષ્ણનની મદ્રાસ હાઈકોર્ટ દ્વારા આગોતરા જામીન અરજી ફગાવ્યા બાદ ધરપકડ કરવામાં આવી. મુખ્યમંત્રી જોસેફ વિજય વિરુદ્ધ આપત્તિજનક ટિપ્પણી કરવા બદલ તેમની સામે IPC ની કલમ 352 અને 353(2) હેઠળ ગુનો નોંધાયો છે. પૂર્વ મુખ્યમંત્રી સ્ટાલિને આ કાર્યવાહીની ટીકા કરી, જણાવ્યું કે રાજ્ય સરકાર વિપક્ષી નેતાઓની ધરપકડમાં ઝડપી છે. DMK સાંસદ કનિમોઝીએ પણ આ નીતિઓની નિંદા કરી. આ દરમિયાન AIADMK ના કેટલાક નેતાઓ TVK માં જોડાયા.

દેશમાં પ્રોવિડન્ટ ફંડ (PF)ના 31 લાખથી વધુ ખાતા લાંબા સમયથી નિષ્ક્રિય પડ્યા છે, જેમાં કર્મચારીઓના ₹9,330 કરોડથી વધુની રકમ ફસાયેલી છે. આટલી મોટી રકમમાંથી દેશમાં 3 નવી IIT આરામથી બની શકે છે. એક નવી IIT બનાવવા પાછળ આશરે ₹2,934 કરોડનો ખર્ચ થાય છે. EPFOના આંકડા મુજબ 31 માર્ચ 2026 સુધીમાં 30,91,862 નિષ્ક્રિય ખાતા હતા, જે ગયા વર્ષ કરતાં નજીવા ઓછા છે. રકમ પણ ₹10,181 કરોડથી ઘટીને ₹9,330 કરોડ થઈ છે.

પાકિસ્તાનના બલૂચિસ્તાન અને ખૈબર પખ્તુનખ્વા સરહદ નજીક એક અત્યંત દર્દનાક બસ અકસ્માત સર્જાયો છે. મુસાફરોથી ભરેલી એક બસ ઊંડી ખાઈમાં ખાબકતાં આશરે 40 લોકોના ઘટનાસ્થળે જ મોત થયા છે અને 8 લોકો ગંભીર રીતે ઘાયલ થયા છે. આ બસ ડ્રાઈવરનું નિયંત્રણ ગુમાવતા ખાઈમાં પડી હતી. મુખ્યમંત્રીના આદેશ પર તાત્કાલિક રાહત અને બચાવ કામગીરી શરૂ કરાઈ છે. બીજી બસ ખરાબ થતાં તેના મુસાફરો પણ આ બસમાં બેઠા હતા, જેના કારણે તેમાં કુલ 48 મુસાફરો સવાર હતા.

કેન્દ્ર સરકારે દેશમાં ઇ-રિક્ષા ચાલકો અને નાગરિકોની સુરક્ષા માટે એક મહત્વનો નિર્ણય લીધો છે. સડક પર દોડતી ઇ-રિક્ષાને દૂરથી બંધ કરી શકતી વિવાદાસ્પદ ચાઇનીઝ એપ્લિકેશન 'BAT BMS' પર ભારતમાં પ્રતિબંધ મૂકવામાં આવ્યો છે. IT મંત્રાલયે ગૂગલ અને એપલને તેમના પ્લેટફોર્મ પરથી આ એપ તાત્કાલિક હટાવવા નિર્દેશ આપ્યા છે. સોશિયલ મીડિયા પર વાયરલ થયેલા વીડિયો બાદ સરકારે આ પગલું ભર્યું છે.

દેશની સુરક્ષાને જોખમમાં મૂકતા એક મોટા આતંકી ષડયંત્રનો પર્દાફાશ થયો છે. ગુજરાત અને મધ્ય પ્રદેશમાંથી પ્રતિબંધિત સંગઠન જૈશ-એ-મોહમ્મદ (JeM) સાથે જોડાયેલા 8 આતંકીઓને સુરક્ષા એજન્સીઓએ સંયુક્ત ઓપરેશનમાં ઝડપી પાડ્યા છે. આ આતંકીઓ ગુજરાતમાં સંગઠનના નેટવર્કને મજબૂત કરવા અને આતંકવાદી પ્રવૃત્તિઓ કરવાના ઇરાદાથી સક્રિય હતા. તેમને ગુપ્ત માહિતીના આધારે અને ટેકનિકલ સર્વેલન્સ દ્વારા પકડવામાં આવ્યા છે. આ ઘટના બાદ બંને રાજ્યોમાં સુરક્ષા વ્યવસ્થા ચુસ્ત કરવામાં આવી છે.

ધ્રુવ રાઠીના એક વિવાદાસ્પદ YouTube વીડિયો અંગે Delhi High Court એ મોટો આદેશ આપ્યો છે. Court એ કેન્દ્ર સરકારની Grievance Appellate Committee (GAC) ને નિર્દેશ આપ્યો છે કે તેઓ આ વીડિયોને પ્લેટફોર્મ પરથી હટાવવાની માંગ કરતી અપીલ પર આગામી 15 દિવસમાં પોતાનો અંતિમ નિર્ણય સંભળાવે. Court એ સ્પષ્ટ કર્યું કે આ આદેશની અવગણના ગંભીર ગણાશે. અરજદારનો આરોપ છે કે ધ્રુવ રાઠીએ વીડિયોમાં હિન્દુ ધર્મના દેવો વિશે અપમાનજનક ટિપ્પણીઓ કરી કરોડો લોકોની ધાર્મિક લાગણી દુભાવી છે.

એન્ટાર્કટિકાના ટેલર ગ્લેશિયર માંથી નીકળતા 'બ્લડ ફોલ્સ' (લોહીના ઝરણા)નું 100 વર્ષ જૂનું રહસ્ય આખરે ઉકેલાઈ ગયું છે. ભૂસ્તરશાસ્ત્રી ગ્રીફિથ ટેલર દ્વારા 1911માં શોધાયેલ આ લાલ પાણી કોઈ લોહી નથી, પરંતુ ગ્લેશિયર નીચે દબાયેલા આયર્નથી ભરપૂર અત્યંત ખારા પાણીનો પ્રવાહ છે. જ્યારે આ પાણી હવાના સંપર્કમાં આવે છે, ત્યારે આયર્નના ઓક્સિડેશનને કારણે તેનો રંગ લાલ થઈ જાય છે. આ પાણી મીઠાની અસાધારણ સાંદ્રતાને કારણે અત્યંત ઠંડીમાં પણ જામતું નથી.

મેઘાલયના હનીમૂન મર્ડર કેસની મુખ્ય આરોપી સોનમ રઘુવંશી હાલ જેલની બહાર જ રહેશે. સુપ્રીમ કોર્ટે મેઘાલય હાઈકોર્ટ દ્વારા સોનમને આપવામાં આવેલા જામીન ઓર્ડરમાં તાત્કાલિક દખલ કરવાનો ઇનકાર કર્યો છે. જોકે, મેઘાલય પોલીસની અરજી પર સુનાવણી સ્વીકારી સોનમને નોટિસ પાઠવી છે. અદાલતે આરોપોને "ખૂબ જ ગંભીર" ગણાવ્યા છે અને આગામી ગુરુવારે વિગતવાર સુનાવણી હાથ ધરશે. સોનમ પર પતિ રાજા રઘુવંશીની આર્થિક લાભ માટે ભાડૂતી હત્યારાઓ દ્વારા હત્યા કરાવવાનો આરોપ છે.

Vadodara Corporation : વડોદરા મ્યુનિસિપલ કોર્પોરેશનના દક્ષિણ ઝોનમાં વૃક્ષોની ટ્રીમીંગ-કટીંગ, ડિવાઈડર મેન્ટેનન્સ અને અર્બન ફોરેસ્ટની જાળવણી માટે વાર્ષિક ઇજારામાં અંદાજિત રકમ કરતાં વધુ ભાવ મળ્યા છે. આ કામગીરી માટે રૂ.1.30 કરોડનો અંદાજ હતો, પરંતુ સ્પર્ધાત્મક ભાવ ન મળતાં ફરીથી ટેન્ડર મંગાવવામાં આવ્યું. જે.પી.કન્સ્ટ્રક્શન દ્વારા અંદાજ કરતાં 1.8% વધુ, એટલે કે રૂ.2.34 લાખ વધુ ભાવ રજૂ કરાયો છે. આ અંગેનો અંતિમ નિર્ણય સ્થાયી સમિતિની બેઠકમાં લેવાશે.

મુંબઈ અને આસપાસના વિસ્તારોમાં ભારે વરસાદને કારણે જનજીવન અસ્તવ્યસ્ત થઈ ગયું છે. ઠેર-ઠેર પાણી ભરાવા અને રસ્તાઓ પર ખાડા દેખાતા ન હોવાથી મેનહોલમાં પડીને લોકો ઈજાગ્રસ્ત થઈ રહ્યા છે. સતત વરસાદથી નબળા પડેલા વૃક્ષો રસ્તા પર પડવાથી રાહદારીઓ અને વાહનચાલકોના જીવ જોખમમાં મુકાયા છે. મીરા-ભાયંદર વિસ્તારમાં નાળિયેરીનું ઝાડ પડતાં પૂર્વ ડેપ્યુટી મેયરના પુત્ર રાહુલ પાટીલનું મોત થયું. આ પહેલા મુંબઈના ચેમ્બુર (પૂર્વ) માં પીપળાનું ઝાડ યુનિવર્સલ સ્કૂલની બસ પર પડતાં 11 વર્ષના વિદ્યાર્થી વિહાન શ્રીવાસ્તવનું મોત થયું હતું.

રામ મંદિરના દાન ચોરી કેસમાં નવી કડીઓ સામે આવી છે, જેમાં 'ભાગ બટાઈ' અને મુખ્ય આરોપી ટિન્નુ યાદવની ભૂમિકા સ્પષ્ટ થઈ રહી છે. SITની તપાસમાં ચોંકાવનારા ખુલાસા થયા છે કે, દાનની રકમની વહેંચણી માટે આરોપીઓ વચ્ચે વોટ્સએપ પર ચેટ થતી હતી. આ ઉપરાંત, વ્હીલચેર ચાલકો પાસે પણ મોટી સંપત્તિ હોવાનું જણાયું છે, જેના કારણે તેમની તપાસ પણ શરૂ થઈ રહી છે.