ગૂગલ ટ્રાન્સલેટ ૨૦ વર્ષ પુરાં થયાં છે, જેણે ભાષાની દીવાલ તોડી દુનિયાને જોડી છે. હવે AI ની મદદથી ‘પ્રોનેન્સિએશન પ્રેક્ટિસ’ ફીચર આવ્યું છે, જે ખોટા ઉચ્ચારણ સુધારી તમને સ્થાનિકોની જેમ બોલતા શીખવશે.

AI વૉઇસ ડિક્ટેશન ટૂલ્સ લખવાની રીત બદલી રહ્યું છે. ફક્ત બોલો અને AI ટેક્સ્ટમાં રૂપાંતરિત કરશે. આ ટૂલ્સ ભાવનાઓને પણ ઓળખે છે. 40% સ્માર્ટફોન યુઝર્સ વૉઇસ ઇનપુટનો ઉપયોગ કરી રહ્યા છે. AI ડિક્ટેશન ટૂલ્સ તમારા કો-રાઇટર બની જાય છે, અધૂરા વાક્યો પૂરા કરે છે, ભાષા સુધારે છે અને વાતચીતને નોટ્સ, મેઇલ કે આર્ટિકલમાં બદલી શકે છે. Wispr Flow, Google AI Edge Eloquent, Otter AI અને Monologue જેવી એપ્સ ખૂબ ઉપયોગી છે.

હમણાં આપણે ટેકનોવર્લ્ડમાં વાત કરી તેમ મેટા કંપનીએ સ્નેપચેટ સાથે સીધી હરીફાઈ કરે તેવી ઇન્સ્ટાગ્રામ આધારિત ઇન્સ્ટન્ટ્સ બાય ઇન્સ્ટાગ્રામ નામે એક નવી એપ લોન્ચ કરી છે. ત્યાં હવે સમાચાર આવ્યા છે કે ઇલોન મસ્કે તેમનાએક્સ પ્લેટફોર્મ પર આધારિત એક્સચેટ નામે એક નવી એપ લોન્ચ કરી છે! આ એપ વોટ્સએપ અને સિગ્નલ જેવા ઇન્સ્ટન્ટ મેસેજિંગ પ્લેટફોર્મ સાથે સ્પર્ધા.

દુનિયામાં આજે હજારો પ્રકારના સિન્થેટિક રસાયણો (માનવ-નિર્મિત કેમિકલ) ફેલાયેલા છે. વૈજ્ઞાનિકોનું કહેવું છે કે જેમાંથી ઘણા પેસ્ટિસાઈડ, પ્લાસ્ટિક, પોલ્યુટન્ટ અને 'ફોરેવર કેમિકલ' પ્રજનન ક્ષમતા એટલે કે ફર્ટિલિટીને ચુપચાપ નુકસાન પહોંચાડી રહ્યા છે. એક નવા અભ્યાસમાં વૈજ્ઞાનિકોએ ચેતવણી આપી છે કે રસાયણો અને જળવાયુ પરિવર્તન મળીને માનવ અને પ્રાણીઓ બંનેની પ્રજનન ક્ષમતા, જૈવવિવિધતા અને સ્વાસ્થ્યને ગંભીર જોખમમાં મૂકી રહ્યા છે.

ભારત તેની સંરક્ષણ ક્ષમતાને મજબૂત કરવા માટે હાઈપરસોનિક મિસાઈલ ટેકનોલોજી પર ઝડપથી કામ કરી રહ્યું છે. DRDO ના જણાવ્યા અનુસાર, દેશ જલ્દી જ હાઈપરસોનિક ગ્લાઇડ મિસાઇલ અને હાઈપરસોનિક ક્રુઝ મિસાઇલથી સજ્જ થશે. આ મિસાઈલો સુપરસોનિક બ્રહ્મોસ કરતાં બમણી ઝડપી હશે અને તેને કોઈ ડિફેન્સ સિસ્ટમ રોકી શકશે નહીં. સ્ક્રેમજેટ એન્જિન પર આધારિત ક્રુઝ મિસાઈલના પરીક્ષણમાં પણ સફળતા મળી છે. સરકારની મંજૂરી બાદ 5 વર્ષમાં આ મિસાઈલ સિસ્ટમ સેનામાં સામેલ થશે.

ભારત INS અરિહંત બનાવે છે, પરંતુ કોમર્શિયલ જહાજ નિર્માણમાં વૈશ્વિક બજારમાં 1% થી ઓછો હિસ્સો ધરાવે છે. ચીન અને સાઉથ કોરિયા 80% બજાર પર કબજો ધરાવે છે. ભારતીય બેંકોના ઊંચા વ્યાજદરો શિપયાર્ડ્સ માટે મુશ્કેલી ઊભી કરે છે, જ્યારે વાર્ષિક 90 અબજ રૂપિયા ભાડું ચૂકવવું પડે છે.

ગુજરાતના કામરેજ ટોલ પ્લાઝા પર દેશની પહેલી મલ્ટી-લેન ફ્રી ફ્લો બેરિયર-લેસ ટોલિંગ પ્રણાલી શરૂ કરાઈ. કેન્દ્રીય મંત્રી નીતિન ગડકરીએ ANPR અને ફાસ્ટેગ ટેકનોલોજી સાથે આધુનિક પ્રણાલીની જાહેરાત કરી. તેનાથી વાહનો રોકાયા વિના ટોલ ચૂકવી શકશે, મુસાફરીનો સમય, ટ્રાફિક જામ અને ઈંધણની બચત થશે. આ ડિજિટલાઇઝેશન અને નેશનલ હાઈવે ઈન્ફ્રાસ્ટ્રક્ચરના આધુનિકીકરણમાં મહત્વપૂર્ણ પગલું છે.

ગુજરાતની સ્ટાર્ટઅપ કંપની ‘ઓમ સ્પેસ’ દ્વારા ધોલેરા ખાતે રાજ્યના પ્રથમ સાઉન્ડિંગ રોકેટનું સફળ લોન્ચિંગ કરી ઇતિહાસ રચાયો છે. આ કંપની એલન મસ્કની SpaceX ને ટક્કર આપવા દર બીજા દિવસે લોન્ચ થઈ શકે તેવા સ્વદેશી રિયુઝેબલ રોકેટ ‘ઇન્ફિનિટી વન’ પર કામ કરી રહી છે. કાર્બન ફાઈબરથી બનેલા આ હળવા રોકેટ ૨૪ થી ૪૮ કલાકમાં ફરી ઉપયોગમાં લઈ શકાશે. ‘ગુજરાત સ્પેસ પાર્ક’ જેવી સુવિધાઓ સાથે આ પહેલ હેલ્થ, ડિફેન્સ અને કોમ્યુનિકેશન ક્ષેત્રે સેટેલાઇટ લોન્ચિંગની વૈશ્વિક માંગને પહોંચી વળવામાં સીમાચિહ્નરૂપ સાબિત થશે.

સ્વૈચ્છિક નિવૃત્તિ અને બાયઆઉટને મા-માસી જેવો સંબંધ- પ્રસંગપટ- માઇક્રોસોફ્ટ કંપની એક તરફ ડેટા સેન્ટર્સ અને AI ઇન્ફ્રાસ્ટ્રક્ચરમાં ભારે રોકાણ કરી રહી છે, તો બીજી બીજું સ્ટાફને ઓછો કરી રહી છે. ઇન્ફોર્મેશન ટેક્નોલોજી ક્ષેત્રે બહુ જાણીતી એવી કંપની માઈક્રોસોફ્ટે તેના સ્ટાફના બાયઆઉટની જાહેરાત કરી હોવાથી આશ્ચર્ય સર્જાયું છે. લોકો શેરબજારની બાયબેક સિસ્ટમ વિશે જાણે છે, પરંતુ સ્ટાફના બાયઆઉટની વાત પ્રમાણમાં ઓછી જાણીતી છે. માઇક્રોસોફ્ટ તેના કર્મચારીઓને બાયઆઉટ (Buyout) ઓફર કરી રહ્યું છે.

મહારાષ્ટ્રના સ્થાપના દિવસ 1 મેના રોજ મહત્ત્વાકાંક્ષી મુંબઈ-પુણે મિસિંગ લિંક પ્રોજેક્ટ વાહનો માટે ખુલ્લો મુકાયો. આ પ્રોજેક્ટમાં નવયુગા એન્જિનિયરિંગ દ્વારા વિશ્વનો સૌથી પહોળો અંડરગ્રાઉન્ડ ટનલ બનાવીને બીજી વખત ગિનેસ વર્લ્ડ રેકોર્ડ નોંધાયો છે. આ 13.3 કિમી લાંબો પ્રોજેક્ટ સહ્યાદ્રિ પર્વતમાળાના પડકારજનક ભૂપ્રદેશમાંથી પસાર થાય છે. આ માર્ગ મુસાફરીનો સમય આશરે 30 મિનિટ ઘટાડશે અને ટ્રાફિક ભીડમાં રાહત આપશે. ટનલમાં આધુનિક સુરક્ષા સુવિધાઓનો સમાવેશ કરાયો છે.

એપલના CEO ટિમ કુકે ભારતીય બજારને કંપની માટે અત્યંત મહત્વપૂર્ણ ગણાવતા પ્રબળ ઉત્સાહ વ્યક્ત કર્યો છે. તાજેતરના ત્રિમાસિક પરિણામો બાદ તેમણે જણાવ્યું કે ભારતની ઝડપથી વધતી મધ્યવર્ગીય વસ્તી અને એપલ પ્રોડક્ટ્સની વધતી માંગ લાંબા ગાળાની મોટી તકો પૂરી પાડે છે. માર્ચ ત્રિમાસિકમાં ભારતે ડબલ-ડિજિટ વૃદ્ધિ સાથે શાનદાર પ્રદર્શન કર્યું છે. ટિમ કુકના મતે, વૈશ્વિક સ્તરે ભારત એક મુખ્ય માર્કેટ તરીકે ઉભરી રહ્યું છે, જે આગામી સમયમાં એપલના વ્યવસાયિક વિસ્તરણ માટે નિર્ણાયક ભૂમિકા ભજવશે.

પરિવહન અને ટેકનોલોજી ક્ષેત્રે સુરત શહેરે વધુ એક સિદ્ધિ હાંસલ કરી છે. ભારતનો સૌપ્રથમ બહુપ્રતિક્ષિત 'બેરિયરલેસ' ટોલ પ્લાઝા આજથી એટલે કે પહેલી મેથી સુરતમાં કાર્યરત થઈ ગયો છે. આ નવી ટેકનોલોજીના અમલીકરણ સાથે હવે વાહનચાલકોએ ટોલ ટેક્સ ભરવા માટે લાંબી કતારોમાં ઊભા રહેવાની જરૂર પડશે નહીં. સુરત અને ભરૂચ વચ્ચે આવેલા મુંબઈ-દિલ્હી હાઈવે (NH48) પર છેલ્લા બે મહિનાથી આ આધુનિક સિસ્ટમનું ટ્રાયલ ચાલી રહ્યું હતું. NHAI દ્વારા ફેબ્રુઆરી મહિનાથી શરૂ કરાયેલ ટેસ્ટિંગ સફળ રહેતા હવે સુરતના કામરેજ પાસે આ સુવિધાને આખરી ઓપ આપીને શરૂ કરી દેવામાં આવી છે.

જો તમારા મોબાઈલ ફોનમાં અચાનક જોરદાર સાયરન જેવો અવાજ આવે અને સ્ક્રીન પર NDMA (નેશનલ ડિઝાસ્ટર મેનેજમેન્ટ ઓથોરિટી) નો કોઈ મેસેજ દેખાય, તો ગભરાવાની જરૂર નથી. ભારત સરકાર દેશમાં એક નવું ડિઝાસ્ટર વોર્નિંગ સિસ્ટમ એટલે કે 'સેલ બ્રોડકાસ્ટ એલર્ટ' (Cell Broadcast Alert) ટેસ્ટ કરી રહી છે. 2 મે, 2026 ના રોજ તમારા વિસ્તારમાં આ ટેસ્ટિંગ કરવામાં આવશે. મેસેજમાં સ્પષ્ટ લખ્યું હશે કે: NDMA તમારા વિસ્તારમાં સેલ બ્રોડકાસ્ટ એલર્ટનું પરીક્ષણ કરશે. આ મેસેજ મળવા પર તમારે કોઈ પગલાં લેવાની જરૂર નથી. કૃપા કરીને ગભરાશો નહીં.

nstagramએ કન્ટેન્ટ એગ્રીગેટર્સ એટલે કે એવા એકાઉન્ટ્સ જે વારંવાર પોતે બનાવેલા વગરનું કન્ટેન્ટ રીપોસ્ટ કરે છે અથવા મુખ્યત્વે અન્ય લોકોનું કામ ફોટો અને કેરોસેલ રૂપે શેર કરે છે એ યુઝર્સ માટે મોટો પોલિસી બદલાવ જાહેર કર્યો છે. Metaની માલિકી હેઠળના આ પ્લેટફોર્મે જણાવ્યું છે કે આવા એકાઉન્ટ્સ હવે એપમાં રેકમેન્ડેશન માટે પાત્ર રહેશે નહીં. Instagramએ સ્પષ્ટ કર્યું છે કે ઓછા પ્રયત્નથી કરેલા ફેરફારો જેમ કે વોટરમાર્ક ઉમેરવું અથવા વીડિયોની સ્પીડ બદલવી એને મૂળ કન્ટેન્ટ તરીકે ગણાશે નહીં. એ જ રીતે અન્ય વ્યક્તિના પોસ્ટનો સ્ક્રીનશોટ લઈને તેનો યુઝરનેમ દેખાડીને પોસ્ટ કરવાથી પણ તે મૂળ ગણાશે નહીં.

એમેઝોને છેલ્લા એક વર્ષમાં લગભગ 30,000 નોકરીઓમાં ઘટાડો કર્યો હતો. હવે, કંપની આશરે 11,000 નવા કર્મચારીઓની ભરતી કરવાની યોજના બનાવી રહી છે. આ બદલાવનું મુખ્ય કારણ AI છે. ઉલ્લેખનીય છે કે, કંપનીએ બે તબક્કામાં કર્મચારીઓ ઘટાડયા હતા. ૨૦૨૫ના અંતમાં લગભગ 14,000 અને જાન્યુઆરી 2026 માં આશરે 16,000 નોકરીઓ ઘટાડી હતી.

મેમરી ચીપ્સની પૂરવઠા અછતને કારણે ઈલેકટ્રોનિક્સ ઉત્પાદકોએ ઉત્પાદનમાં ૧૦-૧૫% ઘટાડો કર્યો છે. ટીવી, સ્માર્ટફોન્સ, સર્વર્સ, સેટ ટોપ બોકસના ઉત્પાદન પર અસર થઈ છે. આર્ટિફિસિઅલ ઈન્ટેલિજન્સ (AI) માટે ચીપ્સની વધેલી માગને કારણે અછત ઊભી થઈ છે, અને વૈશ્વિક ઉત્પાદકો હાઈ બેન્ડવિડથ મેમરી પર ધ્યાન કેન્દ્રિત કરી રહ્યા છે.

AI આધારિત ‘ડેટા સેતુ’ બિઝનેસ નેટવર્કિંગમાં ક્રાંતિ લાવશે. આ પ્લેટફોર્મ વ્યાવસાયિકો, ઉદ્યોગસાહસિકો અને સંસ્થાઓને યોગ્ય તક અને સચોટ જોડાણ પૂરૂં પાડશે. રૂપેશ શાહ અને હરદેવ વ્યાસ દ્વારા નિર્મિત, તે ટેકનોલોજી અને વાસ્તવિક બિઝનેસ જરૂરિયાતો વચ્ચેનો ગેપ દૂર કરશે. ‘બિઝનેસ ડેટિંગ પ્લેટફોર્મ’ તરીકે, તે AI અને ડેટા ઇન્સાઇટ્સ દ્વારા ઝડપી, અસરકારક અને પરિણામદાયક જોડાણો બનાવવામાં મદદ કરશે.

બ્રિસ્ટલ યુનિવર્સિટીની સિનેમા લેબમાં દર્શકોની શારીરિક પ્રતિક્રિયાઓ, આંખ પટપટાવવાની ગતિવિધિ અને હૃદયના ધબકારા રેકોર્ડ કરાય છે. આ ડેટાના આધારે, સંશોધકો ભવિષ્યમાં વધુ આકર્ષક અને સાર્થક ફિલ્મો બનાવવા માટે મદદરૂપ થશે. આ ટેકનિક OTT, ગેમિંગ અને વર્ચ્યુઅલ રિયાલિટીમાં પણ બદલાવ લાવી શકે છે.

ટેકનોલોજીની ટોચની કંપની એનવીડિયાએ કહ્યું હતું કે AIથી અનેક નોકરીઓનો ભોગ લેવાશે તેવી દહેશત ભલે હોય, પરંતુ હકીકત એ છે કે કંપનીઓને AI ટેકનોલોજી કરતાં માણસ પાસે કામ કરાવવાનું જ સસ્તું પડે છે. AI ટેકનોલોજી અત્યારે એટલી મોંઘી છે કે એ ચલાવવા કરતાં કર્મચારીઓને પગાર આપવાનું વધારે ફાયદાનો સોદો છે. AI ટેકનોલોજીમાં રોકાણ વધ્યું છે, પરંતુ તેના પર હજુ કંપનીઓને ભરોસો બેસતો નથી.

Apple આવનારા iOS 27 અપડેટમાં તેના Camera એપ માટે ખાસ Siri Mode પર કામ કરી રહ્યું છે. આ મોડ જ્યારે ચાલુ હશે ત્યારે Camera એપમાં shutter બટન પર Apple Intelligenceનું લોગો દેખાશે. તેના દ્વારા યુઝરને જાણ થશે કે Siri કામ કરી રહ્યું છે. Siri Mode સાથે જોડાતા Visual Intelligenceમાં કેટલાક નવા ફીચર્સ પણ ઉમેરાશે. તેમાં ફૂડના એટલે કે nutrition labels સ્કેન કરીને ડાયેટ સંબંધિત માહિતી સંગ્રહ કરવાની સુવિધા પણ હશે. iOS 27 સાથે આ સુવિધા વધુ સરળતાથી ઉપલબ્ધ બનશે કારણ કે તેનો સમાવેશ મુખ્ય Camera ઈન્ટરફેસમાં જ કરવામાં આવશે.

પાટણ રીજિયોનલ સાયન્સ સેન્ટરમાં હવે ફ્લાઈટ સિમ્યુલેટર દ્વારા ચંદ્ર અને મંગળની રોમાંચક સફરનો અનુભવ મળશે. અદ્યતન ટેકનોલોજી, 3D પ્રોજેક્શન અને સીટીંગ એરેન્જમેન્ટ સાથે, મુલાકાતીઓ અવકાશયાત્રી બનવાનો જીવંત અનુભવ મેળવશે. 1 મે થી શરૂ થનાર આ નવું આકર્ષણ સૌને વિજ્ઞાન અને ટેકનોલોજી તરફ પ્રેરશે.

AI સ્પર્ધાના કારણે માઇક્રોસોફ્ટ, મેટા જેવી મોટી ટેક કંપનીઓ ખર્ચ ઘટાડી રહી છે. AIમાં ભારે રોકાણ અને સ્પર્ધાત્મક દબાણને કારણે 98 કંપનીઓ 92 હજારથી વધુ કર્મચારીઓની છટણી કરશે, જે ટેક ઉદ્યોગમાં ચિંતાનો વિષય બન્યો છે.

આજના સ્માર્ટફોન યુગમાં લોકો જ્યારે સતત સ્ક્રીન અને નોટિફિકેશનમાં ડૂબેલા રહે છે, ત્યારે અમેરિકા સહિતના વિકસિત દેશોમાં હવે ફરી 'સાદા' (ફીચર) ફોન તરફ પાછા વળવાનો ટ્રેન્ડ શરૂ થયો છે. સ્માર્ટફોનની લત, માનસિક તણાવ અને સ્વાસ્થ્ય પર થતી નકારાત્મક અસરોથી બચવા માટે યુવાનો સ્માર્ટફોન છોડીને બેઝિક ફોન વાપરવાની ચેલેન્જ ઉપાડી રહ્યા છે. ભારતમાં હજુ સ્માર્ટફોનનું આકર્ષણ વધુ છે, પરંતુ વૈશ્વિક સ્તરે ડિજિટલ ડિટોક્સ અને એકાગ્રતા જાળવવા માટે ઓછી સુવિધાઓ અને લાંબી બેટરી લાઈફ ધરાવતા હાઈબ્રિડ ફીચર ફોનની માંગ સતત વધી રહી છે.

ઇન્ડિયન સ્પેસ રિસર્ચ ઑર્ગેનાઇઝેશન (ISRO)એ હાલમાં એક ઐતિહાસિક પગલું ભર્યું છે. ISROએ જાહેરાત કરી છે કે STEM (સાયન્સ, ટેક્નોલોજી, એન્જિનિયરિંગ અને મેથેમેટિક્સ)નું બેકગ્રાઉન્ડ ધરાવતાં નાગરિકો હવે અંતરિક્ષ મિશન ગગનયાન માટે અરજી કરી શકશે. આ નિર્ણય ભારતની અંતરિક્ષયાત્રી પસંદગીની પદ્ધતિમાં મહત્ત્વપૂર્ણ ફેરફાર દર્શાવે છે અને સ્પેસ એક્સપ્લોરેશનમાં દેશની વધતી મહત્ત્વાકાંક્ષાઓને દેખાડે છે.

UPમાં આર્થિક ક્રાંતિ લાવવા જઈ રહેલો આ એક્સપ્રેસવે એન્જિનિયરિંગની અદભૂત નમૂનો છે. જેમાં લાખો ટન કચરાનો ઉપયોગ કરીને પર્યાવરણને બચાવવાનો પ્રયાસ થયો છે, તો બીજી તરફ તે ડિજિટલ નેટવર્કથી પણ સજ્જ છે. આ એક્સપ્રેસવે પર સુરક્ષા માટે સ્માર્ટ ટ્રાફિક મેનેજમેન્ટ સિસ્ટમ (STMS) લગાવવામાં આવી છે, જે વોર રૂમ જેવા કંટ્રોલ રૂમથી સંચાલિત થશે. જો કોઈ વાહન ખોટી દિશામાં વળશે કે અકસ્માત થશે, તો AI તરત જ કંટ્રોલ રૂમમાં રેડ એલર્ટ મોકલશે. જો કોઈ ગાડી 2 મિનિટથી વધુ સમય માટે હાઈવે પર ઉભી રહેશે, તો AI તેનું લોકેશન નજીકના પેટ્રોલિંગ યુનિટને મોકલી દેશે.

ચીને માર્ક ઝકરબર્ગની મેટા દ્વારા આર્ટિફિશિયલ ઈન્ટેલિજન્સ સ્ટાર્ટઅપ 'માનુસ AI'ના ૨ અબજ ડોલરના ટેકઓવર પર પ્રતિબંધ મૂકીને મોટો હસ્તક્ષેપ કર્યો છે. બેઇજિંગના નેશનલ ડેવલપમેન્ટ એન્ડ રિફોર્મ કમિશને આ સોદો રદ કરવાનો આદેશ આપ્યો છે, જે અમેરિકા અને ચીન વચ્ચે લાંબા સમયથી ચાલી રહેલા તકનીકી કોલ્ડવોરનું નવું શિખર માનવામાં આવે છે. ઉલ્લેખનીય છે કે, આ વર્ષે એમેઝોન અને ગૂગલ જેવી ટોચની અમેરિકન કંપનીઓ એઆઈ પાછળ ૬૫૦ અબજ ડોલર ખર્ચવાની તૈયારીમાં છે, ત્યારે ચીનનું આ પગલું વ્યૂહાત્મક માનવામાં આવે છે.

IIT ગાંધીનગરના વિદ્યાર્થીઓએ SSNNL માટે ડિજિટલ પ્લેટફોર્મ બનાવ્યું, જેનાથી પાણી અને વીજળીની માહિતી લાઈવ જોઈ શકાશે. 53 હાઇડ્રો પાવર સ્ટેશન, સોલર પેનલ્સ અને પમ્પિંગ સ્ટેશનનો ડેટા એક જગ્યાએ મળશે. ડેટા સીધો અપલોડ થવાથી ભૂલો ઘટશે અને અધિકારીઓ લાઈવ માહિતી જોઈ શકશે. આથી હવે નર્મદા પ્રોજેક્ટનું મેનેજમેન્ટ આધુનિક બનશે.

ચીનની યુનિવર્સિટીમાં હ્યુમનોઈડ રોબોટ ડાન્સ કરતી વખતે બેકાબુ થઈ વિદ્યાર્થિનીને ભેટી પડ્યો. આ ઘટનાથી લોકોમાં રમૂજ અને ચિંતા જન્મી. STAFFએ તરત જ હસ્તક્ષેપ કર્યો. PUBLIC જગ્યાએ ROBOTના વર્તન અને નિયંત્રણ અંગે સવાલો ઉભા થયા. ચીનમાં ROBOTના વધતા જતા ઉપયોગથી લોકોમાં ચિંતા ફેલાઈ ગઈ છે. આ ઘટના VIRAL થઈ.

એમેચ્યોર રેડીયો સોસાયટી ઓફ ઇન્ડિયા દ્વારા આયોજિત હિલટોપ કોન્ટેસ્ટમાં દેશભરની 42 ટીમોએ ભાગ લીધો. આ સ્પર્ધામાં ઇન્સ્ટિટયૂટ ઓફ એમેચ્યોર રેડીયો ની ટીમે ભાગ લઈને પ્રથમ સ્થાન મેળવ્યું. સ્પર્ધા અંતર્ગત ટીમોએ પોતાના રાજ્યમાં આવેલા પર્વતો અથવા ઊંચી ટેકરીઓ પર હેમ સ્ટેશન સ્થાપિત કરીને એકબીજા સાથે સંપર્ક સાધ્યો. ગુજરાતની ટીમે પાલીતાણા કદમ્બગિરી કમળાઈ માતા મંદિર નજીક હેમ સ્ટેશન સ્થાપિત કર્યું હતું. ટીમનું નેતૃત્વ રૂચિર પુરોહિત દ્વારા કરાયું હતું. સાથે જ ડો. જગદીશ પંડ્યા અને પ્રવીણ વલેરાએ માર્ગદર્શન આપ્યું.

મોટાભાગના ઘરમાં બાળક રડતું હોય ત્યારે મોબાઇલ આપી દેવાય છે, પરંતુ ઇન્ટરનેટ પર 'AI Slop' નામની નવી આફત છે, જે AIથી બનેલું બેકાર કન્ટેન્ટ છે. આ કન્ટેન્ટ બાળકોના મગજ પર ખતરનાક અસર કરે છે, વાસ્તવિકતાથી દૂર કરે છે, એકાગ્રતા ઘટાડે છે અને ખોટી માહિતી આપે છે. માતાપિતાએ સતત મોનિટરિંગ કરવું, સ્ક્રીન ટાઈમ ઘટાડવો અને બાળકોને વાસ્તવિક દુનિયા સાથે જોડવા જરૂરી છે.