વિદેશ મંત્રાલયે કૈલાશ માનસરોવર યાત્રા 2026નું શેડ્યૂલ જાહેર કર્યું છે. 4 જુલાઈથી શરૂ થનારી આ યાત્રામાં 1738km અંતરનું માત્ર 38km જ પગપાળા ચાલવું પડશે. યાત્રા ઉત્તરાખંડના લિપુલેખ અને સિક્કિમના નાથુલા ઘાટ પરથી થશે. કુલ 1000 શ્રદ્ધાળુઓ 10-10 બેચમાં યાત્રા કરશે. યાત્રીઓએ દિલ્હીમાં 30 જૂનથી 3 જુલાઈ સુધી મેડિકલ, ડોક્યુમેન્ટ અને બ્રીફિંગ પ્રક્રિયા પૂરી કરવી પડશે. 60 વર્ષ પછી અગ્નિ અશ્વ વર્ષનો દુર્લભ યોગ હોવાથી આ યાત્રા ધાર્મિક દૃષ્ટિએ ખૂબ જ ખાસ છે.

હિમાલયમાં બરફ ઘટવાથી ગંગા, સિંધુ, બ્રહ્મપુત્રા, મેકાંગ જેવી નદીઓ પ્રભાવિત થશે. છેલ્લાં 20 વર્ષમાં હિન્દુકુશમાં બરફ રહેવાનો સમય 27.8% ઘટ્યો છે. સતત ચોથા વર્ષે ઓછો બરફ પડવા અને ટકવાને કારણે 12 મુખ્ય નદીઓમાંથી 10 ના ખીણમાં પણ બરફ ઓછો છે. આ સ્થિતિ એશિયામાં જળસંકટ લાવી શકે છે.

'સ્કિલ ઇન્ડિયા રિપોર્ટ 2026' મુજબ, ભારતમાં યુવાનોની એમ્પ્લોયબિલિટી વધી રહી છે. જોકે, 44% કાર્યબળ હજુ પણ 'જોબ-રેડી' નથી. હવે નોકરીદાતાઓ ડિગ્રી કરતાં વ્યાવહારિક કાર્યકુશળતાને વધુ મહત્વ આપે છે. શિક્ષણ અને ઉદ્યોગો વચ્ચેનો તફાવત ઘટાડવા, કાર્ય-અનુભવ, ઉદ્યોગોની ભાગીદારી, શિક્ષકોનું ઉદ્યોગો સાથે જોડાણ અને AI-ડિજિટલ સાક્ષરતા પર ભાર મૂકવો અનિવાર્ય છે.

'હમણાં પેલું બહું ચાલે છે નહીં?' - આ લાઇન જેન-ઝી માટે વપરાય છે. 1998-2012 વચ્ચે જન્મેલા આ લોકો પ્લે-લિસ્ટ સિવાય કશું નથી માનતા. તેમને જાપાન-કોરિયાના કાલ્પનિક પાત્રોમાં રસ છે, આપણા ઈષ્ટદેવમાં નહીં. તેઓ છોડને પણ માણસ માનીને આર.ઓ. પાણી આપે છે. પોતાની પેઢી સિવાય કોઈમાં રસ નથી, પણ સી.એમ.નું નામ પણ ખબર નથી. તેઓ ઓછું બોલે છે, વધુ ટાઇપ કરે છે, અને Instagram-YouTube તેમના ક્લાસરૂમ છે.

ગુરુદેવ ટાગોર, વિશ્વમાનવ અને કવિઓના કવિ, તેમનું અમદાવાદ (કર્ણાવતી) સાથે ઘનિષ્ઠ નાતું હતું. તેઓ જીવનકાળ દરમિયાન સાત વખત અમદાવાદ આવ્યા અને અહીં ‘શૈશવસંગીત’માં પ્રગટ થયેલી ત્રણ કાવ્યગાથાઓ રચી. તેમણે ‘ક્ષુધિત પાષાણ’ જેવી વાર્તાના બીજ પણ અહીં રોપ્યા. ગુજરાતી સાહિત્ય પરિષદના અધિવેશનમાં ભાગ લીધો, ગાંધીજી સાથે આશ્રમમાં રહ્યા અને અનેક ભાષણો આપ્યા. આ અમદાવાદી સ્મૃતિઓ તેમની રચનાઓમાં પ્રતિબિંબિત થાય છે.

નિ:શસ્ત્રીકરણની વાતો થાય છે, પણ માનવજાત કંઇક બોલે છે અને કંઇક કરે છે. `યુદ્ધ દ્વારા શાંતિ’ ની નવી વ્યાખ્યા અને અસહિષ્ણુતા વચ્ચે, આ કાવ્ય સો વર્ષ પહેલાં લખાયેલી પંક્તિઓ દ્વારા નવા વિચાર પર મજબૂર કરે છે. ઘણ (આક્રમણ) અને એરણ (સહનશીલતા) વચ્ચે સંવાદિતા અને ભાઈ-બહેન જેવા સંબંધથી યુદ્ધ અને શાંતિની ખરી ફિલસૂફી ઊકલે છે. વિનાશકારી શસ્ત્રોને બદલે સર્જનાત્મક હળ અને દાતરડી ઘડવાનો મનસૂબો વિનાશ સામે સર્જનની મહત્તા દર્શાવે છે.

2026માં યુ.એસ.ની સ્થાપનાની 250મી વર્ષગાંઠ નિમિત્તે ફિલાડેલ્ફિયા, અમેરિકાનું ઐતિહાસિક શહેર, ભવ્ય ઉજવણીનું કેન્દ્ર બનશે. અહીં સ્વતંત્રતાના ઘોષણાપત્ર પર હસ્તાક્ષર થયા હતા. ઈન્ડિપેન્ડન્સ હોલ, લિબર્ટી બેલ, ફેરમોન્ટ પાર્ક, યુનાઈટેડ સ્ટેટ્સ મિન્ટ અને ઈટાલિયન માર્કેટ જેવા અનેક રસપ્રદ સ્થળો છે, જ્યાં મોટાભાગના આકર્ષણો નિ:શુલ્ક જોઈ શકાય છે.

કનૈયાલાલ મુનશીની નવલકથા 'ચક્રવર્તી ગૂર્જરો' ગુજરાતના ઇતિહાસને ઉજાગર કરે છે. તેઓ 'ગૂર્જર' શબ્દને જાતિવાચક નહીં, પરંતુ પ્રદેશવાચક માને છે. છઠ્ઠી સદીથી 'ગૂર્જર પ્રદેશ' તરીકે ઓળખાતા આ પ્રદેશમાં પ્રતિહારો, ચાલુક્યો (સોલંકી) અને અન્ય શાસકોએ શાસન કર્યું. આ ગ્રંથ ગુજરાતની અસ્મિતા અને પ્રતાપી શાસકોની ગાથા કહે છે.

એમેઝોને 'Hear the Highlights' માં Join the Chat ઉમેર્યું છે. યુઝર્સ પ્રોડક્ટ વિશે ઓડિયો સમરી સાંભળતી વખતે પ્રશ્નો પૂછી શકે છે. AI ગ્રાહક સમીક્ષાઓ અને પ્રોડક્ટ ડેટાના આધારે જવાબ આપશે. આ ફીચર iOS અને Android પર ઉપલબ્ધ છે, જે શોપિંગને વધુ conversational બનાવે છે. Rufus AI આસિસ્ટન્ટ પણ મદદરૂપ થશે.

AI વૉઇસ ડિક્ટેશન ટૂલ્સ લખવાની રીત બદલી રહ્યું છે. ફક્ત બોલો અને AI ટેક્સ્ટમાં રૂપાંતરિત કરશે. આ ટૂલ્સ ભાવનાઓને પણ ઓળખે છે. 40% સ્માર્ટફોન યુઝર્સ વૉઇસ ઇનપુટનો ઉપયોગ કરી રહ્યા છે. AI ડિક્ટેશન ટૂલ્સ તમારા કો-રાઇટર બની જાય છે, અધૂરા વાક્યો પૂરા કરે છે, ભાષા સુધારે છે અને વાતચીતને નોટ્સ, મેઇલ કે આર્ટિકલમાં બદલી શકે છે. Wispr Flow, Google AI Edge Eloquent, Otter AI અને Monologue જેવી એપ્સ ખૂબ ઉપયોગી છે.

હમણાં આપણે ટેકનોવર્લ્ડમાં વાત કરી તેમ મેટા કંપનીએ સ્નેપચેટ સાથે સીધી હરીફાઈ કરે તેવી ઇન્સ્ટાગ્રામ આધારિત ઇન્સ્ટન્ટ્સ બાય ઇન્સ્ટાગ્રામ નામે એક નવી એપ લોન્ચ કરી છે. ત્યાં હવે સમાચાર આવ્યા છે કે ઇલોન મસ્કે તેમનાએક્સ પ્લેટફોર્મ પર આધારિત એક્સચેટ નામે એક નવી એપ લોન્ચ કરી છે! આ એપ વોટ્સએપ અને સિગ્નલ જેવા ઇન્સ્ટન્ટ મેસેજિંગ પ્લેટફોર્મ સાથે સ્પર્ધા.

દરેક ક્ષેત્રમાં એઆઈના વધતા પ્રભાવ વચ્ચે જાહેરાત- ફિલ્મમેકર્સને અન્ય ટેકનિકલ કામો માટે આર્ટિફિશિયલ ઈન્ટેલિજન્સના ઉપયોગની મંજૂરી આપવામાં આવી. એકેડમી ઓફ મોશન પિક્ચર આર્ટ્સ એન્ડ સાયન્સે ઓસ્કાર એવોર્ડ્સ માટેના નિયમોમાં મહત્વપૂર્ણ ફેરફારો જાહેર કર્યા છે. નવા નિયમો મુજબ, સંપૂર્ણપણે AI દ્વારા કરવામાં આવેલ અભિનય અને સ્ક્રીનપ્લે એવોર્ડને પાત્ર નહીં ગણાય. નવા નિયમો અનુસાર, અભિનય માટે હ્યુમન આટસ્ટનો સ્પષ્ટ ભાગ હોવો જરૂરી છે.

દુનિયામાં આજે હજારો પ્રકારના સિન્થેટિક રસાયણો (માનવ-નિર્મિત કેમિકલ) ફેલાયેલા છે. વૈજ્ઞાનિકોનું કહેવું છે કે જેમાંથી ઘણા પેસ્ટિસાઈડ, પ્લાસ્ટિક, પોલ્યુટન્ટ અને 'ફોરેવર કેમિકલ' પ્રજનન ક્ષમતા એટલે કે ફર્ટિલિટીને ચુપચાપ નુકસાન પહોંચાડી રહ્યા છે. એક નવા અભ્યાસમાં વૈજ્ઞાનિકોએ ચેતવણી આપી છે કે રસાયણો અને જળવાયુ પરિવર્તન મળીને માનવ અને પ્રાણીઓ બંનેની પ્રજનન ક્ષમતા, જૈવવિવિધતા અને સ્વાસ્થ્યને ગંભીર જોખમમાં મૂકી રહ્યા છે.

અમેરિકી વાયુસેનાએ F-16 લડાયક વિમાનોના રડાર અપગ્રેડેશન અને ટેકનિકલ સપોર્ટ માટે 488 મિલિયન ડોલર ના નવા કોન્ટ્રાક્ટની જાહેરાત કરી છે. આ મોટી સંરક્ષણ ડીલમાં પાકિસ્તાન સહિત અમેરિકાના અનેક સહયોગી દેશોનો સમાવેશ કરવામાં આવ્યો છે. આ પગલાથી પાકિસ્તાની વાયુસેનાના F-16 વિમાનો હવે 2040 સુધી કાર્યરત રહી શકશે. અમેરિકાની સંરક્ષણ કંપની નોર્થરોપ ગ્રુમન સિસ્ટમ્સ કોર્પોરેશનને આ જવાબદારી સોંપવામાં આવી છે. આ કોન્ટ્રાક્ટ હેઠળ F-16 વિમાનોમાં વપરાતી 'APG-66' અને 'APG-68' રડાર સિસ્ટમને અત્યાધુનિક એન્જિનિયરિંગ સપોર્ટ આપવામાં આવશે. આ અપગ્રેડેશનનું કામ મેરીલેન્ડ, અમેરિકામાં થશે અને તે 31 માર્ચ, 2036 સુધી ચાલશે.

ભારત તેની સંરક્ષણ ક્ષમતાને મજબૂત કરવા માટે હાઈપરસોનિક મિસાઈલ ટેકનોલોજી પર ઝડપથી કામ કરી રહ્યું છે. DRDO ના જણાવ્યા અનુસાર, દેશ જલ્દી જ હાઈપરસોનિક ગ્લાઇડ મિસાઇલ અને હાઈપરસોનિક ક્રુઝ મિસાઇલથી સજ્જ થશે. આ મિસાઈલો સુપરસોનિક બ્રહ્મોસ કરતાં બમણી ઝડપી હશે અને તેને કોઈ ડિફેન્સ સિસ્ટમ રોકી શકશે નહીં. સ્ક્રેમજેટ એન્જિન પર આધારિત ક્રુઝ મિસાઈલના પરીક્ષણમાં પણ સફળતા મળી છે. સરકારની મંજૂરી બાદ 5 વર્ષમાં આ મિસાઈલ સિસ્ટમ સેનામાં સામેલ થશે.

ભારત INS અરિહંત બનાવે છે, પરંતુ કોમર્શિયલ જહાજ નિર્માણમાં વૈશ્વિક બજારમાં 1% થી ઓછો હિસ્સો ધરાવે છે. ચીન અને સાઉથ કોરિયા 80% બજાર પર કબજો ધરાવે છે. ભારતીય બેંકોના ઊંચા વ્યાજદરો શિપયાર્ડ્સ માટે મુશ્કેલી ઊભી કરે છે, જ્યારે વાર્ષિક 90 અબજ રૂપિયા ભાડું ચૂકવવું પડે છે.

ગુજરાતના કામરેજ ટોલ પ્લાઝા પર દેશની પહેલી મલ્ટી-લેન ફ્રી ફ્લો બેરિયર-લેસ ટોલિંગ પ્રણાલી શરૂ કરાઈ. કેન્દ્રીય મંત્રી નીતિન ગડકરીએ ANPR અને ફાસ્ટેગ ટેકનોલોજી સાથે આધુનિક પ્રણાલીની જાહેરાત કરી. તેનાથી વાહનો રોકાયા વિના ટોલ ચૂકવી શકશે, મુસાફરીનો સમય, ટ્રાફિક જામ અને ઈંધણની બચત થશે. આ ડિજિટલાઇઝેશન અને નેશનલ હાઈવે ઈન્ફ્રાસ્ટ્રક્ચરના આધુનિકીકરણમાં મહત્વપૂર્ણ પગલું છે.

ગુજરાતની સ્ટાર્ટઅપ કંપની ‘ઓમ સ્પેસ’ દ્વારા ધોલેરા ખાતે રાજ્યના પ્રથમ સાઉન્ડિંગ રોકેટનું સફળ લોન્ચિંગ કરી ઇતિહાસ રચાયો છે. આ કંપની એલન મસ્કની SpaceX ને ટક્કર આપવા દર બીજા દિવસે લોન્ચ થઈ શકે તેવા સ્વદેશી રિયુઝેબલ રોકેટ ‘ઇન્ફિનિટી વન’ પર કામ કરી રહી છે. કાર્બન ફાઈબરથી બનેલા આ હળવા રોકેટ ૨૪ થી ૪૮ કલાકમાં ફરી ઉપયોગમાં લઈ શકાશે. ‘ગુજરાત સ્પેસ પાર્ક’ જેવી સુવિધાઓ સાથે આ પહેલ હેલ્થ, ડિફેન્સ અને કોમ્યુનિકેશન ક્ષેત્રે સેટેલાઇટ લોન્ચિંગની વૈશ્વિક માંગને પહોંચી વળવામાં સીમાચિહ્નરૂપ સાબિત થશે.

સુરતમાં વાયબ્રન્ટ ગુજરાત રિજનલ કોન્ફરન્સ 2026માં ભરૂચની 200 વર્ષ જૂની, લુપ્ત થતી સુજની વણાટ કલાનું પ્રદર્શન આકર્ષણનું કેન્દ્ર બન્યું છે. કારીગર મોહમ્મદ મુઝક્કીર સુજનીવાલાના પ્રયાસોથી આ કલાને નવજીવન મળ્યું છે. સરકારના સહયોગ અને વાયબ્રન્ટ ગુજરાત જેવા પ્લેટફોર્મથી આ હસ્તકલાને નવા બજાર અને ગ્રાહકો મળી રહ્યા છે. રેવા સુજની કો-ઓપરેટીવ સોસાયટી દ્વારા આ કલાને જન-જન સુધી પહોંચાડાઈ રહી છે.

મહેસાણાના ખાવડ ગામમાં 800 વર્ષ જૂનો માંડવી મહોત્સવ ઉજવાયો. વૈશાખ સુદ પૂનમના દિવસે મહાકાળી માતાજીના મંદિરે યોજાયેલા આ મહોત્સવમાં હજારો ભક્તો જોડાયા. પરંપરા મુજબ, 125 કાંસાની થાળીઓથી સજાવેલા રથ પરથી દર વર્ષે એક થાળી ચમત્કારિક રીતે નીચે પડે છે, જેને માતાજીની કૃપા માનવામાં આવે છે. આ ઉત્સવ ગામની શ્રદ્ધા અને સાંસ્કૃતિક વારસાનું પ્રતિક છે.

સ્વૈચ્છિક નિવૃત્તિ અને બાયઆઉટને મા-માસી જેવો સંબંધ- પ્રસંગપટ- માઇક્રોસોફ્ટ કંપની એક તરફ ડેટા સેન્ટર્સ અને AI ઇન્ફ્રાસ્ટ્રક્ચરમાં ભારે રોકાણ કરી રહી છે, તો બીજી બીજું સ્ટાફને ઓછો કરી રહી છે. ઇન્ફોર્મેશન ટેક્નોલોજી ક્ષેત્રે બહુ જાણીતી એવી કંપની માઈક્રોસોફ્ટે તેના સ્ટાફના બાયઆઉટની જાહેરાત કરી હોવાથી આશ્ચર્ય સર્જાયું છે. લોકો શેરબજારની બાયબેક સિસ્ટમ વિશે જાણે છે, પરંતુ સ્ટાફના બાયઆઉટની વાત પ્રમાણમાં ઓછી જાણીતી છે. માઇક્રોસોફ્ટ તેના કર્મચારીઓને બાયઆઉટ (Buyout) ઓફર કરી રહ્યું છે.

મહારાષ્ટ્રના સ્થાપના દિવસ 1 મેના રોજ મહત્ત્વાકાંક્ષી મુંબઈ-પુણે મિસિંગ લિંક પ્રોજેક્ટ વાહનો માટે ખુલ્લો મુકાયો. આ પ્રોજેક્ટમાં નવયુગા એન્જિનિયરિંગ દ્વારા વિશ્વનો સૌથી પહોળો અંડરગ્રાઉન્ડ ટનલ બનાવીને બીજી વખત ગિનેસ વર્લ્ડ રેકોર્ડ નોંધાયો છે. આ 13.3 કિમી લાંબો પ્રોજેક્ટ સહ્યાદ્રિ પર્વતમાળાના પડકારજનક ભૂપ્રદેશમાંથી પસાર થાય છે. આ માર્ગ મુસાફરીનો સમય આશરે 30 મિનિટ ઘટાડશે અને ટ્રાફિક ભીડમાં રાહત આપશે. ટનલમાં આધુનિક સુરક્ષા સુવિધાઓનો સમાવેશ કરાયો છે.

એપલના CEO ટિમ કુકે ભારતીય બજારને કંપની માટે અત્યંત મહત્વપૂર્ણ ગણાવતા પ્રબળ ઉત્સાહ વ્યક્ત કર્યો છે. તાજેતરના ત્રિમાસિક પરિણામો બાદ તેમણે જણાવ્યું કે ભારતની ઝડપથી વધતી મધ્યવર્ગીય વસ્તી અને એપલ પ્રોડક્ટ્સની વધતી માંગ લાંબા ગાળાની મોટી તકો પૂરી પાડે છે. માર્ચ ત્રિમાસિકમાં ભારતે ડબલ-ડિજિટ વૃદ્ધિ સાથે શાનદાર પ્રદર્શન કર્યું છે. ટિમ કુકના મતે, વૈશ્વિક સ્તરે ભારત એક મુખ્ય માર્કેટ તરીકે ઉભરી રહ્યું છે, જે આગામી સમયમાં એપલના વ્યવસાયિક વિસ્તરણ માટે નિર્ણાયક ભૂમિકા ભજવશે.

પરિવહન અને ટેકનોલોજી ક્ષેત્રે સુરત શહેરે વધુ એક સિદ્ધિ હાંસલ કરી છે. ભારતનો સૌપ્રથમ બહુપ્રતિક્ષિત 'બેરિયરલેસ' ટોલ પ્લાઝા આજથી એટલે કે પહેલી મેથી સુરતમાં કાર્યરત થઈ ગયો છે. આ નવી ટેકનોલોજીના અમલીકરણ સાથે હવે વાહનચાલકોએ ટોલ ટેક્સ ભરવા માટે લાંબી કતારોમાં ઊભા રહેવાની જરૂર પડશે નહીં. સુરત અને ભરૂચ વચ્ચે આવેલા મુંબઈ-દિલ્હી હાઈવે (NH48) પર છેલ્લા બે મહિનાથી આ આધુનિક સિસ્ટમનું ટ્રાયલ ચાલી રહ્યું હતું. NHAI દ્વારા ફેબ્રુઆરી મહિનાથી શરૂ કરાયેલ ટેસ્ટિંગ સફળ રહેતા હવે સુરતના કામરેજ પાસે આ સુવિધાને આખરી ઓપ આપીને શરૂ કરી દેવામાં આવી છે.

જો તમારા મોબાઈલ ફોનમાં અચાનક જોરદાર સાયરન જેવો અવાજ આવે અને સ્ક્રીન પર NDMA (નેશનલ ડિઝાસ્ટર મેનેજમેન્ટ ઓથોરિટી) નો કોઈ મેસેજ દેખાય, તો ગભરાવાની જરૂર નથી. ભારત સરકાર દેશમાં એક નવું ડિઝાસ્ટર વોર્નિંગ સિસ્ટમ એટલે કે 'સેલ બ્રોડકાસ્ટ એલર્ટ' (Cell Broadcast Alert) ટેસ્ટ કરી રહી છે. 2 મે, 2026 ના રોજ તમારા વિસ્તારમાં આ ટેસ્ટિંગ કરવામાં આવશે. મેસેજમાં સ્પષ્ટ લખ્યું હશે કે: NDMA તમારા વિસ્તારમાં સેલ બ્રોડકાસ્ટ એલર્ટનું પરીક્ષણ કરશે. આ મેસેજ મળવા પર તમારે કોઈ પગલાં લેવાની જરૂર નથી. કૃપા કરીને ગભરાશો નહીં.

nstagramએ કન્ટેન્ટ એગ્રીગેટર્સ એટલે કે એવા એકાઉન્ટ્સ જે વારંવાર પોતે બનાવેલા વગરનું કન્ટેન્ટ રીપોસ્ટ કરે છે અથવા મુખ્યત્વે અન્ય લોકોનું કામ ફોટો અને કેરોસેલ રૂપે શેર કરે છે એ યુઝર્સ માટે મોટો પોલિસી બદલાવ જાહેર કર્યો છે. Metaની માલિકી હેઠળના આ પ્લેટફોર્મે જણાવ્યું છે કે આવા એકાઉન્ટ્સ હવે એપમાં રેકમેન્ડેશન માટે પાત્ર રહેશે નહીં. Instagramએ સ્પષ્ટ કર્યું છે કે ઓછા પ્રયત્નથી કરેલા ફેરફારો જેમ કે વોટરમાર્ક ઉમેરવું અથવા વીડિયોની સ્પીડ બદલવી એને મૂળ કન્ટેન્ટ તરીકે ગણાશે નહીં. એ જ રીતે અન્ય વ્યક્તિના પોસ્ટનો સ્ક્રીનશોટ લઈને તેનો યુઝરનેમ દેખાડીને પોસ્ટ કરવાથી પણ તે મૂળ ગણાશે નહીં.

અમૃતસર સ્થિત અટારી બોર્ડર પર પ્રસિદ્ધ રિટ્રીટ સેરેમનીનો સમય બદલાયો છે. હવે તે સાંજે 6 થી 6:30 વાગ્યા સુધી ચાલશે. હવામાન અને પ્રકાશને ધ્યાનમાં રાખીને આ નિર્ણય લેવાયો છે. દર્શકોને સારો અનુભવ અને સુરક્ષા માટે આ ફેરફાર જરૂરી હતો. દેશભક્તિથી ભરપૂર આ સેરેમની જોવા હજારો લોકો આવે છે. આ નવો સમય 1 મેથી લાગુ કરાયો છે.

મદુરાઈ શહેર વૈગાઈ નદીના કિનારે ભવ્ય કલ્લાઝાગર ઉત્સવની ઉજવણી કરી રહ્યું છે. હજારો ભક્તો ભગવાન કલ્લાઝાગરના દર્શન કરવા અને આશીર્વાદ મેળવવા એકત્રિત થયા છે. આ ઉત્સવ ધાર્મિક ઉત્સાહ અને સાંસ્કૃતિક પરંપરાઓનું અનોખું મિશ્રણ દર્શાવે છે. પરંપરા મુજબ દેવતાનો વૈગાઈ નદીમાં આગમન શુભ સંકેત માનવામાં આવે છે. ઉત્સવ દરમિયાન શહેરમાં ધાર્મિક અને સાંસ્કૃતિક માહોલ છવાઈ ગયો હતો. ભગવાન કલ્લાઝાગરના દર્શનથી ભક્તોમાં આનંદ અને ભક્તિનો માહોલ સર્જાયો.

કચ્છના ચોરાડ પંથકમાં 1600 વર્ષ જૂની પરંપરા મુજબ, 500થી વધુ આહિર યુગલોએ ઢોલ-શરણાઈના સૂર વચ્ચે બળદગાડામાં જાન અને રાત્રે ફેરા સાથે લગ્ન કર્યા. આ લગ્નોમાં પૌરાણિક પહેરવેશ અને સાદગી જાળવવામાં આવી છે, જે સમાજની એકતા અને સંસ્કૃતિ પ્રત્યેના ગૌરવને દર્શાવે છે.

એમેઝોને છેલ્લા એક વર્ષમાં લગભગ 30,000 નોકરીઓમાં ઘટાડો કર્યો હતો. હવે, કંપની આશરે 11,000 નવા કર્મચારીઓની ભરતી કરવાની યોજના બનાવી રહી છે. આ બદલાવનું મુખ્ય કારણ AI છે. ઉલ્લેખનીય છે કે, કંપનીએ બે તબક્કામાં કર્મચારીઓ ઘટાડયા હતા. ૨૦૨૫ના અંતમાં લગભગ 14,000 અને જાન્યુઆરી 2026 માં આશરે 16,000 નોકરીઓ ઘટાડી હતી.