National Testing Agencyના અધિકારીઓએ સંસદીય સમિતિ સમક્ષ દાવો કર્યો કે NEET-UG 2026નું પેપર તેમની સિસ્ટમમાંથી લીક થયું નહોતું. વિરોધ પક્ષના નેતાઓએ સવાલ કર્યો કે જો લીક ન થયું હોય તો પરીક્ષા રદ કેમ કરાઈ, પરંતુ અધિકારીઓ સ્પષ્ટ જવાબ આપી શક્યા નહોતા. મામલાની તપાસ હાલમાં Central Bureau of Investigation કરી રહી છે. પેપર લીકના આરોપો બાદ પરીક્ષા રદ થઈ હતી અને હવે 21 જૂને ફરી યોજાશે. તપાસમાં રાજસ્થાનથી મહારાષ્ટ્ર સુધી ફેલાયેલા નેટવર્ક અને કરોડોની ઉઘરાણીના ખુલાસા થયા છે.

શામલી-ગોરખપુર એક્સપ્રેસ વે દિલ્હી-એનસીઆરથી નેપાળ સુધીનો પ્રવાસ માત્ર આઠ કલાકનો કરી દેશે. નેશનલ હાઈવે ઓથોરીટી ઓફ ઇન્ડિયા (NHAI) 40 હજાર કરોડના ખર્ચે આ પ્રોજેક્ટ પર કામ કરી રહી છે, જે 2030 સુધીમાં પુરો થશે અને ઉત્તર-પૂર્વ ભારતને જોડશે.

વસીમ જાફરે મોહમ્મદ શમીને ભારતીય ટેસ્ટ ટીમમાંથી બહાર રાખવાના નિર્ણયની આકરી ટીકા કરી છે. તેમણે મુખ્ય પસંદગીકાર Ajit Agarkarની ફિટનેસ અંગેની દલીલને “બકવાસ” ગણાવી હતી. જાફરે સવાલ ઉઠાવ્યો કે જો આવા જ માપદંડ અપનાવવામાં આવે તો ભવિષ્યમાં જસપ્રીત બુમરાહ સાથે પણ આવું જ થશે? અગરકરે કહ્યું હતું કે શમી T20 માટે ફિટ છે, પરંતુ ટેસ્ટ ક્રિકેટનો લાંબો ભાર સહન કરવા માટે હજુ સંપૂર્ણ તૈયાર નથી.

PM મોદીએ UAE ની મુલાકાત દરમિયાન રાષ્ટ્રપતિ શેખ મોહમ્મદ બિન જાયદ અલ નાહયાનને ગુજરાતની કેસર કેરી, કચ્છનું રોગન પેઇન્ટિંગ, મેઘાલયના અનાનસ, મણિપુરના બ્લેક રાઇસ, મધ્ય પ્રદેશનું મહેશ્વરી સિલ્ક, તેલંગાણાનું ફિલિગ્રી બોક્સ, બિહારનું મિથિલા મખાના અને રાજસ્થાનની કોફ્તગરી કટાર જેવી ભારતીય સંસ્કૃતિ અને હસ્તકલાની અનોખી ભેટ આપી.

Reserve Bank of India FY26 માં સરકારને 2.7 થી 3.5 લાખ કરોડ રૂપિયા સુધીનું અત્યાર સુધીનું સૌથી મોટું સરપ્લસ ડિવિડન્ડ ટ્રાન્સફર કરી શકે છે. આનાથી સરકારને વિકાસ કાર્યો, ઇન્ફ્રાસ્ટ્રક્ચર પ્રોજેક્ટ્સ અને રાજકોષીય ખાધને અંકુશમાં રાખવામાં મદદ મળશે. રૂપિયાના મૂલ્યમાં ઘટાડો અને વિદેશી ચલણની સંપત્તિનું વધેલું મૂલ્ય RBI ની આટલી મોટી કમાણીનું મુખ્ય કારણ છે.

India Meteorological Department મુજબ ગુજરાતમાં કાળઝાળ ગરમી વચ્ચે આગામી 22 અને 23 મે દરમિયાન દક્ષિણ ગુજરાત અને સૌરાષ્ટ્રના કેટલાક વિસ્તારોમાં હળવાથી મધ્યમ વરસાદની શક્યતા છે. નવસારી, વલસાડ, તાપી, ડાંગ, દમણ અને દાદરા-નગર હવેલીમાં વરસાદી ઝાપટાં પડી શકે છે. સાથે જ અમરેલી, ગીર સોમનાથ, ભાવનગર અને દીવમાં પણ હળવા વરસાદની આગાહી કરવામાં આવી છે. જોકે રાજ્યના મોટા ભાગના વિસ્તારોમાં ગરમીનો પ્રકોપ યથાવત્ રહેવાની શક્યતા હવામાન વિભાગે વ્યક્ત કરી છે.

આફ્રિકામાં ફેલાતા ઇબોલા વાઈરસના કારણે ચોથી 'India-Africa Forum Summit' છેલ્લી ઘડીએ મોકૂફ રાખવામાં આવી છે. ભારતીય વિદેશ મંત્રાલયે નાગરિકોની સુરક્ષાને પ્રાથમિકતા આપી આ નિર્ણય લીધો છે. આ સમિટ 10 વર્ષ બાદ યોજાવાની હતી. દેશના એરપોર્ટ અને બંદરો પર ખાસ તપાસ શરૂ કરાઈ છે, ખાસ કરીને કોંગો, યુગાન્ડા અને સુદાન જેવા દેશોમાંથી આવતા મુસાફરો માટે. ભારત આફ્રિકાને મદદ માટે તૈયાર છે.

આગામી ICC વનડે વર્લ્ડ કપમાં રોહિત શર્મા અને હાર્દિક પંડ્યાની ફિટનેસને લઈને BCCI ચિંતિત છે. રોહિતની તાજેતરની હેમસ્ટ્રિંગ ઈજા અને વધતી ઉંમર પર પસંદગીકારો સવાલ ઉઠાવી રહ્યા છે. હાર્દિકની 10 ઓવર બોલિંગ કરવાની ક્ષમતા પણ ચર્ચાનો વિષય છે. આ પરિસ્થિતિમાં, BCCI નવા ઓપનર તરીકે યશસ્વી જયસ્વાલને તૈયાર કરવાની યોજના ધરાવે છે.

વડાપ્રધાન નરેન્દ્ર મોદીએ યુએઈ, ઇટાલી સહિત પાંચ દેશોના પ્રવાસ દરમિયાન વૈશ્વિક નેતાઓને ભારતની સંસ્કૃતિ અને કળાની અનોખી ભેટો આપી. ઇટાલીના વડાપ્રધાન જ્યોર્જિયા મેલોનીને ‘મેલોડી ટોફી’, આસામનું મુગા સિલ્ક અને મણિપુરનું શિનરુઈ લિલી સિલ્ક સ્ટોલ ભેટ મળ્યા. ઇટાલીના રાષ્ટ્રપતિ સર્જિયો મેટારેલાને પિએટ્રા ડુરા કળાવાળું માર્બલ બોક્સ અપાયું. UAEના રાષ્ટ્રપતિને કેસર કેરી ભેટ આપી ભારતની કલા, વારસો અને ‘વોકલ ફોર લોકલ’ને વૈશ્વિક ઓળખ અપાઈ. આ ભેટો ભારતની કલા, સંસ્કૃતિ અને સ્વાદની ઓળખ કરાવે છે.

2019 પુલવામા હુમલાના માસ્ટરમાઈન્ડ, જૈશ-એ-મોહમ્મદ કમાન્ડર હમઝા બુરહાનની પાકિસ્તાનના મુઝફ્ફરાબાદમાં તેની ઓફિસમાં અજ્ઞાત હુમલાખોરોએ ગોળી મારી હત્યા કરી દીધી. ISI દ્વારા સુરક્ષા મળવા છતાં, હુમલાખોરો ત્યાં પહોંચી ગયા અને ફાયરિંગ કર્યું, જેનાથી ઘટનાસ્થળે જ તેનું મૃત્યુ થયું. હમઝા, જે મૂળ જમ્મુ-કાશ્મીરનો હતો, ભારતથી ભાગીને પાકિસ્તાનમાં છુપાઈ ગયો હતો અને ત્યાં 'શિક્ષક' તરીકે ઓળખાતો હતો. પુલવામા હુમલા બાદ પણ તે PoKમાં આતંકીઓને ટ્રેનિંગ આપતો હતો અને ગેરકાયદેસર ઘૂસણખોરીનું સંચાલન કરતો હતો.

સરકારના વરિષ્ઠ અધિકારીઓએ જણાવ્યું છે કે દેશમાં પેટ્રોલ, ડીઝલ અને LPGનો પૂરતો જથ્થો ઉપલબ્ધ છે અને કોઈ અછત નથી. Indian Oil Corporation સહિતની સરકારી ઓઇલ કંપનીઓના પેટ્રોલ પંપ પર સતત પુરવઠો જળવાઈ રહે તે માટે કડક દેખરેખ રાખવામાં આવી રહી છે. ઈંધણ આપવાનો ઇનકાર કરનાર પંપો સામે કાર્યવાહી પણ થઈ રહી છે. લણણીની સીઝન અને ખાનગી કંપનીઓના વધેલા ભાવને કારણે સરકારી પંપ પર માંગ વધી છે. ઉપરાંત રશિયાથી ક્રૂડ ઓઇલની આયાત યથાવત રાખીને સપ્લાય ચેન જાળવવામાં આવી રહી છે.

CJI ની ટિપ્પણી બાદ બનેલ 'કોકરોચ જનતા પાર્ટી'નું X એકાઉન્ટ ભારતમાં Ban કરાયું. આશ્ચર્યની વાત એ છે કે, ગુરુવારે જ આ પેજે ઇન્સ્ટાગ્રામ પર ફોલોઅર્સની સંખ્યા મામલે ભારતીય જનતા પાર્ટી (BJP) ને પાછળ છોડી દીધી હતી. ફાઉન્ડર અભિજિત દીપકે આને ડિજિટલ સેન્સરશિપ ગણાવી. CJI એ સ્પષ્ટતા કરી હતી કે તેમનો ઈશારો 'નકલી ડિગ્રી ધારકો' તરફ હતો.

RBI રૂપિયાના ડોલર સામેના સતત ઘટાડાને લઈને ચિંતિત બન્યું છે. અહેવાલો મુજબ RBI હવે રૂપિયાને સ્થિર કરવા માટે વ્યાજદરોમાં વધારો સહિતના કડક પગલાં પર વિચાર કરી રહી છે. સંજય મલ્હોત્રા સહિતના ટોચના અધિકારીઓએ આ મુદ્દે મહત્વપૂર્ણ બેઠકો કરી છે. રૂપિયો ડોલર સામે આશરે 97ના ઐતિહાસિક નીચલા સ્તરે પહોંચ્યો છે. હાલની સ્થિતિને ધ્યાનમાં રાખીને RBI જરૂર પડે તો 5 જૂનની MPC બેઠક પહેલાં પણ ઇમરજન્સી નિર્ણય લઈ શકે છે.

ચૂંટણી વ્યૂહનીતિકાર પ્રશાંત કિશોરે 'જન સુરાજ પાર્ટી'ની સ્થાપના બાદ હવે પટણા બહારના એક 'આશ્રમ'માંથી રાજકીય કાર્ય કરવાનું નક્કી કર્યું છે. તેઓ આગામી વિધાનસભા ચૂંટણી સુધી ત્યાં રહેશે, જેથી તેમની પાર્ટી ચૂંટણીમાં પોતાનું સ્થાન બનાવી શકે. ભૂતપૂર્વ JD(U) ઉપાધ્યક્ષ પ્રશાંત કિશોરે નીતિશ કુમાર પર આકરા પ્રહાર કરતાં કહ્યું કે તેઓ પલાયન રોકવામાં નિષ્ફળ રહ્યા છે. તેમણે બિહારના મતદારોને જાતિ, ધર્મ કે પૈસાના બદલે પોતાના ભવિષ્યને ધ્યાનમાં રાખીને વોટ આપવાની અપીલ કરી છે. પશ્ચિમ એશિયાના સંઘર્ષથી ઉદ્ભવતા આર્થિક પડકારો અને સરકારી ખર્ચ અંગે પણ તેમણે ચિંતા વ્યક્ત કરી છે.

પાકિસ્તાની સ્ટાર બોલર મોહમ્મદ આમિર હવે IPLમાં રમી શકે છે. રાજકીય કારણોસર પ્રતિબંધ હોવા છતાં, બ્રિટિશ નાગરિકતા મળવાને કારણે તે IPL 2027 Auction માટે Eligible બન્યો છે. તેની પત્ની બ્રિટિશ હોવાથી તેણે UK પાસપોર્ટ મેળવ્યો છે. આંતરરાષ્ટ્રીય ક્રિકેટમાંથી બે વાર નિવૃત્ત થયેલા આમિર પાસે T20 લીગનો અનુભવ છે. તેની Swing બોલિંગ અને Death Oversમાં રન રોકવાની ક્ષમતા ટીમો માટે આકર્ષણનું કેન્દ્ર બની શકે છે.

જોઈન્ટ પાર્લામેન્ટરી કમિટી (JPC)ના ચેરમેને 'વન નેશન - વન ઈલેક્શન' અંગે દાવો કર્યો છે કે દેશભરમાં એકસાથે લોકસભા અને વિધાનસભાની ચૂંટણીઓ યોજવાથી આશરે ₹7 લાખ કરોડની બચત થઈ શકે છે. તેમના જણાવ્યા મુજબ આ રકમ વિકાસ, શિક્ષણ, આરોગ્ય અને ગરીબ કલ્યાણ માટે વાપરી શકાય છે. ગુજરાત મુલાકાત દરમિયાન કમિટીએ રાજ્યના અધિકારીઓ સાથે બેઠક યોજી હતી અને આ પ્રસ્તાવ અંગે વિવિધ વિભાગોના ઇનપુટ માટે ચીફ સેક્રેટરીને રિપોર્ટ આપવા જણાવ્યું હતું.

અમરનાથ યાત્રા માટે 3.6 લાખથી વધુ નોંધણી થઈ છે. યાત્રા 3 જુલાઈથી શરૂ થશે અને 28 ઓગસ્ટ સુધી ચાલશે. રસ્તાઓ પર હજુ પણ 10-12 ફૂટ બરફ છે, પરંતુ BRO તેને 15 જૂન સુધી તૈયાર કરશે. આ વખતે ટેન્ટને બદલે પ્રી-ફેબ્રિકેટેડ સ્ટ્રક્ચરમાં આવાસની સુવિધા મળશે.

પશ્ચિમ બંગાળ સરકારે રાજ્યભરના તમામ મદરેસામાં 'વંદે માતરમ' ગાવાનું ફરજિયાત બનાવ્યું છે. આદેશ મુજબ, પ્રાર્થના દરમિયાન 'વંદે માતરમ' ગાવું પડશે, જે સરકારી અને માન્યતા પ્રાપ્ત તમામ મદરેસાઓને લાગુ પડશે. આ નિર્ણય રાષ્ટ્રગીત 'જન ગણ મન' ની જેમ જ 'વંદે માતરમ' ને સમાન દરજ્જો આપવાના પ્રયાસનો ભાગ છે.

દેશભરમાં ભીષણ ગરમીનો પ્રકોપ વધી રહ્યો છે. 25 મેથી શરૂ થતા નૌતપા પહેલા જ ઉત્તર પ્રદેશના બાંદામાં તાપમાન 48°C સુધી પહોંચ્યું, જે વિશ્વનું ત્રીજું સૌથી ગરમ શહેર બન્યું. ઉત્તર ભારતમાં પાકિસ્તાનના બલુચિસ્તાન અને થાર રણમાંથી આવતી ગરમ હવાઓના કારણે હીટવેવ વધી છે. અનેક રાજ્યોમાં 46°Cથી વધુ તાપમાન નોંધાયું છે. આરોગ્ય નિષ્ણાતોએ લોકોને વધુ પાણી પીવા અને બપોરે તડકાથી બચવાની સલાહ આપી છે. બીજી તરફ ચોમાસું હાલ આંદામાન-નિકોબાર પાસે અટક્યું છે, જ્યારે પૂર્વોત્તર અને દક્ષિણ ભારતમાં વરસાદની શક્યતા વ્યક્ત કરવામાં આવી છે.

અમદાવાદમાં ગરમીનો પારો 43.7°C રહ્યો, જ્યારે સુરતમાં તાપમાન 3.4 ડિગ્રી ઘટ્યું. આગામી 7 દિવસ ગુજરાતમાં કાળઝાળ ગરમી યથાવત્ રહેશે, મોટાભાગના વિસ્તારોમાં તાપમાન 40°C થી ઉપર રહેવાની સંભાવના છે. હવામાન વિભાગે કોઈ ગંભીર ચેતવણી જાહેર કરી નથી.

પશ્ચિમ બંગાળના ફાલ્ટા વિધાનસભા મતવિસ્તારમાં લોખંડી સુરક્ષા વચ્ચે પુનઃ મતદાન શરૂ થયું છે. 2.36 લાખથી વધુ મતદારો 285 મતદાન મથકો પર મતદાન કરશે, જે સાંજે 6 વાગ્યા સુધી ચાલશે. ચૂંટણી ગેરરીતિઓની ફરિયાદો બાદ આ નિર્ણય લેવાયો છે. પરિણામ 24 મેના રોજ જાહેર થશે. CAPFની 35 કંપનીઓ તૈનાત કરાઈ છે.

NEET પેપર લીક ​​કેસમાં CBI તપાસમાં ખુલાસો: ગેંગે 5 થી 50 લાખમાં પેપર વેચ્યા, બાકી રકમ માટે ખાલી ચેક, દસ્તાવેજો રાખ્યા. આરોપી કોચિંગ ડાયરેક્ટર 8 એકરમાં સ્કૂલ-કોલેજ ખોલવાની તૈયારીમાં હતો. પેપરની કિંમત પરિવારોની આર્થિક સ્થિતિ મુજબ નક્કી થતી. CBI દ્વારા ફંડિંગ સ્ત્રોત, જમીન ખરીદીની પણ તપાસ. 10ની ધરપકડ, 21 જૂને ફરી પરીક્ષા.

તમિલનાડુમાં કોંગ્રેસ 59 વર્ષ પછી સરકારનો હિસ્સો બનશે. એસ. રાજેશ કુમાર અને પી. વિશ્વનાથન આજે વિજયની કેબિનેટમાં સામેલ થશે. 1952 થી 1967 સુધી કોંગ્રેસની સરકાર હતી. VCK અને IUML ને પણ સ્થાન મળી શકે છે. કોંગ્રેસ લાંબા સમયથી સત્તામાં ભાગીદારીની માંગ કરી રહી હતી.

PM મોદી આજે મંત્રી પરિષદની મહત્વપૂર્ણ બેઠકની અધ્યક્ષતા કરશે. આ બેઠકમાં સરકારની મુખ્ય યોજનાઓ, ઈન્ફ્રાસ્ટ્રક્ચર પ્રોજેક્ટ્સની પ્રગતિ, અને તાજેતરના નિર્ણયોની સમીક્ષા થશે. પશ્ચિમ એશિયાના સંકટની આર્થિક અસરો અને તેના નિવારણ માટે ઊર્જા, કૃષિ, ખાતર, ઉડ્ડયન, શિપિંગ, અને લોજિસ્ટિક્સ જેવા વિભાગોને દિશાનિર્દેશો આપી શકે છે. મંત્રીમંડળમાં ફેરબદલ અને વિસ્તરણની ચર્ચાઓ વચ્ચે આ બેઠક વહીવટી અને રાજકીય રીતે નિર્ણાયક બનશે.

G7 શિખર સંમેલનથી પરત ફર્યા બાદ PM Narendra Modi દિલ્હીમાં એક અત્યંત મહત્ત્વપૂર્ણ હાઈ-લેવલ બેઠકની અધ્યક્ષતા કરશે. આ બેઠકમાં તમામ કેબિનેટ અને રાજ્યકક્ષાના મંત્રીઓને દિલ્હી ન છોડવા ફરમાન કરવામાં આવ્યું છે, જેના કારણે રાજકીય વર્તુળોમાં ભારે સસ્પેન્સ સર્જાયું છે.

બુધવારે ઉત્તર ભારતમાં ભીષણ ગરમીનો પ્રકોપ જારી રહ્યો હતો. ઉત્તર પ્રદેશનો બાંદા શહેર 48 ડિગ્રી સેલ્સિયસ સાથે સતત ત્રીજા દિવસે દેશનું સૌથી ગરમ શહેર રહ્યું હતું. બાંદા શહેરનું આ તાપમાન સામાન્યથી 4.5 ડિગ્રી વધારે હતું. ગરમીની વચ્ચે દેશમાં વીજળીની માંગ બુધવારે રેકોર્ડ 265.44 ગીગા વોટ પર પહોંચી ગઇ હતી. તેણે મંગળવારે બનાવેલા પાછલા રેકોર્ડને પણ પાછળ છોડી દીધો હતો. ગરમીને કારણે એર કન્ડીશનરનો ઉપયોગ વધતા વીજળીની માંગ સતત વધી રહી છે.

ગુજરાતમાં કાળઝાળ ગરમીનું મોજું ફરી વળ્યું છે. હવામાન વિભાગની આગાહી મુજબ, આગામી દિવસોમાં ગરમી અને ઉકળાટ વધશે. પવનની દિશા બદલાતા ભેજનું પ્રમાણ વધ્યું છે, જેના કારણે સૂકી ગરમીની સાથે અસહ્ય બફારો પણ અનુભવાશે. રાજ્યમાં સરેરાશ તાપમાન 40-44 ડિગ્રી સેલ્સિયસ વચ્ચે રહેશે. અમદાવાદ 43.7 ડિગ્રી સાથે સૌથી ગરમ રહ્યું છે, જ્યારે કંડલા, અમરેલી, રાજકોટમાં પણ તાપમાન ઊંચું રહ્યું છે. દક્ષિણ ગુજરાતમાં તાપમાન ઓછું પણ ભેજને કારણે વધુ ઉકળાટ છે. આરોગ્ય વિભાગે નાગરિકોને સાવચેતી રાખવા સલાહ આપી છે.

રેટિંગ એજન્સી ક્રિસિલની ચેતવણી મુજબ, નાણાકીય વર્ષ ૨૦૨૭માં ભારતની ક્રૂડ તેલ વેપાર ખાધ અભૂતપૂર્વ સ્તરે પહોંચશે. ક્રૂડ ઓઇલના ભાવમાં વધારો, રિફાઇન્ડ પ્રોડક્ટ નિકાસમાં સ્થિરતા અને પેટ્રોલિયમ પરની નિર્ભરતાના કારણે આ સ્થિતિ સર્જાશે. ભારતીય અર્થતંત્ર પર આ બાબત નોંધપાત્ર દબાણ લાવી શકે છે.

પશ્ચિમ બંગાળની ફાલતા વિધાનસભા બેઠક પર EVMમાં ગડબડીના આરોપો બાદ ફરીથી મતદાન થઈ રહ્યું છે. 285 બૂથ પર સવારે 7 થી સાંજે 6 સુધી મતદાન થશે. દરેક બૂથ પર બમણી સુરક્ષા વ્યવસ્થા ગોઠવાઈ છે. TMC ઉમેદવાર જહાંગીર ખાને ઉમેદવારી પાછી ખેંચવાની જાહેરાત કરી હોવા છતાં EVM પર તેમનું નામ અને સિમ્બોલ રહેશે. પરિણામ 24 મેના રોજ જાહેર થશે.

નરેન્દ્ર મોદીના નોર્વે પ્રવાસ દરમિયાન સ્થાનિક પત્રકાર Hella Langએ પ્રેસ બ્રિફિંગ બાદ તેમને સવાલ પૂછવાનો પ્રયાસ કર્યો હતો, પરંતુ મોદી જવાબ આપ્યા વગર આગળ વધી ગયા હતા. આ ઘટનાએ આંતરરાષ્ટ્રીય સ્તરે ચર્ચા જગાવી હતી. બાદમાં હેલા લેંગે કહ્યું કે પત્રકાર તરીકે સવાલ પૂછવું તેમની ફરજ છે, ખાસ કરીને જ્યારે કોઈ શક્તિશાળી દેશનો વડા સંબંધ મજબૂત કરવા આવે. સોશિયલ મીડિયા પર તેમના આ પગલાની પ્રશંસા થઈ રહી છે અને અનેક લોકોએ તેમની હિંમતને બિરદાવી છે.