અફઘાનિસ્તાન ક્રિકેટ બોર્ડ (ACB) દ્વારા શેર કરાયેલા એક પ્રમોશનલ વીડિયોમાં ગિલગિટ-બાલ્ટિસ્તાન અને PoK ને ભારતનો ભાગ દર્શાવવામાં આવતાં પાકિસ્તાનમાં ભારે નારાજગી જોવા મળી રહી છે. આ વીડિયો ભારત સાથેની આગામી ક્રિકેટ સીરિઝના પ્રમોશન માટે હતો. પાકિસ્તાન ક્રિકેટ બોર્ડે આ બાબતે વાંધો ઉઠાવ્યો છે અને સમગ્ર દેશમાં આ મુદ્દે ભારે હોબાળો મચી ગયો છે. આ ઘટના પાકિસ્તાન અને અફઘાનિસ્તાન વચ્ચેના તાજેતરના તણાવ વચ્ચે બની છે, જે સરહદ વિવાદો અને આતંકવાદને લઈને ચાલી રહ્યો છે. સૂત્રોના જણાવ્યા અનુસાર, આ નકશો કાબુલ તરફથી ભારત સાથે જોડાવાની ઈચ્છા દર્શાવતો એક રાજદ્વારી સંકેત હોઈ શકે છે.