મધ્ય પૂર્વના તણાવ અને Trump ની ધમકીઓથી ક્રૂડ ઓઇલના ભાવમાં સતત વધારો થઈ રહ્યો છે. Brent ક્રૂડ $112 અને WTI ક્રૂડ $108 પ્રતિ બેરલની નજીક પહોંચ્યું છે. 16 મેના રોજ ભારતમાં પેટ્રોલ-ડીઝલ ₹3 મોંઘા થયા, જ્યારે પાકિસ્તાનમાં ભાવ ઘટ્યા.

ભારતીય હવામાન વિભાગના (IMD) જણાવ્યા અનુસાર, દેશના દક્ષિણી દરિયાકાંઠાના વિસ્તારોમાં ચોમાસાની સિઝન શરૂ થઈ ગઈ છે. આંદામાન સાગર અને નિકોબાર દ્વીપસમૂહમાં ચોમાસાએ તેના નિયત સમય કરતાં 6 દિવસ વહેલા પહોંચી ચુક્યું છે.

સોમવારની વહેલી સવારે દક્ષિણ ચીનનો મોટો હિસ્સો ભૂકંપના જોરદાર આંચકાથી ધ્રુજી ઉઠ્યો હતો. કુદરતી આફતના કારણે સમગ્ર વિસ્તારમાં અફરાતફરી અને ભયનો માહોલ સર્જાયો છે. સિસ્મોલોજી વિભાગના જણાવ્યા અનુસાર, રિક્ટર સ્કેલ પર આ ભૂકંપની તીવ્રતા ૫.૨ માપવામાં આવી છે. આંચકો એટલો તીવ્ર હતો કે લોકો ઊંઘમાંથી જાગીને જીવ બચાવવા ઘરની બહાર ખુલ્લા મેદાનમાં દોડી આવ્યા હતા.

કેરળ વિધાનસભા ચૂંટણીમાં યુનાઇટેડ ડેમોક્રેટિક ફ્રન્ટ(UDF)એ ઐતિહાસિક જીત મેળવી 140માંથી 102 બેઠકો જીતી નવી સરકાર બનાવી છે, જ્યારે Left Democratic Front (LDF)ને કારમી હારનો સામનો કરવો પડ્યો છે. કોંગ્રેસના વરિષ્ઠ નેતા વી.ડી.સતીશનએ તિરુવનંતપુરમમાં કેરળના નવા મુખ્યમંત્રી તરીકે શપથ લીધા છે. તેમની સાથે 21 સભ્યોના મંત્રીમંડળે પણ શપથ ગ્રહણ કર્યા હતા. સમારોહમાં રાહુલ ગાંધી અને મલ્લિકાર્જુન ખરગે સહિત અનેક વિપક્ષી નેતાઓ હાજર રહ્યા હતા.

🌡️ રાજસ્થાન, MP સહિત 9 રાજ્યોમાં ભીષણ ગરમીનું એલર્ટ. ઘણા જિલ્લાઓનું તાપમાન 45°C પાર કરશે. પંજાબ, દિલ્હી, મહારાષ્ટ્ર પણ યલો એલર્ટ પર. UPના બાંદામાં 46.4°C, રાજસ્થાનમાં 45°C, MPમાં 44.5°C નોંધાયું. બિહારમાં ગરમીથી 27 વિદ્યાર્થીનીઓ બેભાન. આગામી બે દિવસ ગરમી યથાવત રહેશે.

લખનઉમાં 'છાપરા-ગોમતી નગર એક્સપ્રેસ' ટ્રેનના સ્લીપર કોચમાંથી એક મહિલાનો પાંચ ટુકડામાં કાપેલો, માથા વગરનો મૃતદેહ મળ્યો. રૂટીન ચેકિંગ દરમિયાન GRP ને બોક્સ અને બેગમાંથી શરીરના અંગો મળ્યા, જેનાથી સમગ્ર વિસ્તારમાં ખળભળાટ મચી ગયો છે.

મેક્સિકોના પુએબ્લા રાજ્યના તેહુઇટ્ઝિંગો શહેરમાં અજાણ્યા હુમલાખોરે અંધાધૂંધ ગોળીબાર કરીને 10 લોકોનો જીવ લીધો. આ ઘટનામાં 6 પુરુષો, 3 મહિલાઓ અને એક બાળકનો સમાવેશ થાય છે. ફેડરલ અને સ્થાનિક પોલીસ દ્વારા તપાસ ચાલી રહી છે, પરંતુ હુમલાખોર કે તેના હેતુ વિશે કોઈ સ્પષ્ટ માહિતી નથી. આ પુએબ્લા રાજ્યમાં હિંસાની પ્રથમ ઘટના નથી, અગાઉ પણ આવા હુમલાઓ થયા છે.

બિહારના સાસારામ રેલ્વે સ્ટેશન પર ઉભેલી સાસારામ-પટણા પેસેન્જર ટ્રેનના એક ડબ્બામાં અચાનક આગ લાગી. ટ્રેન સ્ટેશન પર હતી ત્યારે આ દુર્ઘટના સર્જાઈ. રેલ્વે પ્રશાસન અને ફાયર બ્રિગેડની સમયસર કાર્યવાહીથી મોટી જાનહાનિ ટળી. તમામ મુસાફરો સુરક્ષિત છે.

અમેરિકાના ઇડાહોના માઉન્ટેન હોમ એર ફોર્સ બેઝ ખાતે 'ગનફાઇટર સ્કાઇઝ એર શો' દરમિયાન અમેરિકન નેવીના બે સુપર હોર્નેટ ફાઇટર જેટ્સ હવામાં અથડાયા. આ ભયાનક દુર્ઘટના બાદ, વિમાનોમાં સવાર ચાર ક્રૂ મેમ્બર્સે એજેક્શન સીટનો ઉપયોગ કરીને સમયસર બહાર નીકળી પોતાનો જીવ બચાવ્યો. એર શો રદ કરવામાં આવ્યો અને તપાસ શરૂ કરાઈ.

PM મોદી સ્વીડન મુલાકાતે. ગોથેનબર્ગમાં 'યુરોપિયન રાઉન્ડ ટેબલ ફોર ઇન્ડસ્ટ્રી'માં બોલ્યા, આતંકવાદ માનવતા માટે ખતરો છે, તેની સામે લડાઈ ચાલુ રાખીશું. ભારત-સ્વીડન જેવા લોકશાહી દેશોનો સહયોગ જરૂરી. પીએમ મોદીને સ્વીડનનું સર્વોચ્ચ સન્માન 'રોયલ ઓર્ડર ઓફ પોલર સ્ટાર કમાન્ડર ગ્રાન્ડ ક્રોસ' મળ્યું. આ તેમનું 31મું આંતરરાષ્ટ્રીય સન્માન છે.

અમેરિકન પ્રમુખ ડોનાલ્ડ ટ્રમ્પ ફરી એક વખત પોતાના શેર ટ્રેડિંગ માટે વિવાદોમાં ઘેરાયા છે. અમેરિકા મીડિયા રિપોર્ટ અનુસાર ટ્રમ્પે ફેબ્રુઆરીમાં માઇક્રોસોફ્ટ અને એમેઝોનનાં 50 લાખ ડોલરથી 2.5  કરોડ ડોલર સુધીનાં શેર વેચ્યા હતાં અને માર્ચમાં આ જ કંપનીઓનાં કરોડો ડોલરનાં શેર ખરીદી લીધા હતાં.જો કે શેરોની લેવડદેવડની આ માહિતી યોગ્ય સમયમાં જાહેર કરવામાં આવી ન હતી. જેના કારણે તેમને દંડ ભરવો પડયો છે.

વડોદરા-મુંબઈ એક્સપ્રેસ વે પર અકસ્માતોને રોકવા, NHAI અને RTO દ્વારા વ્હીકલ સ્પીડ ડિટેક્શન સિસ્ટમ લગાવવામાં આવી છે. 120 kmph થી વધુ ઝડપે વાહન ચલાવનાર કાર ચાલકોને ₹1500નો દંડ ઓનલાઈન મોકલવામાં આવશે. કાર માટે 120, બસ/ટ્રક માટે 100, અને મોટા વાહનો માટે 80 kmph ની સ્પીડ લિમિટ નક્કી કરાઈ છે.

વી.ડી. સતીશન આજે કેરળના મુખ્યમંત્રી તરીકે શપથ લેશે. તેમની સાથે 21 મંત્રીઓની આખી કેબિનેટ પણ શપથ લેશે. સમારોહમાં રાહુલ ગાંધી, પ્રિયંકા ગાંધી સહિત અનેક રાજ્યોના CM હાજર રહેશે. UDF એ 140માંથી 102 બેઠકો જીતી રાજ્યમાં કોંગ્રેસના નેતૃત્વ હેઠળની સરકાર બનાવી છે.

IPL 2026ની 63મી મેચમાં CSK અને SRH ચેપોકમાં ટકરાશે. પ્લેઓફની રેસમાં બંને ટીમ માટે આ મેચ crucial છે. CSK છઠ્ઠા અને SRH ત્રીજા સ્થાને છે. CSK માટે આ મેચ જીતવી અત્યંત જરૂરી છે. SRH આ જીત સાથે પ્લેઓફમાં પોતાનું સ્થાન લગભગ પાકું કરવા ઇચ્છશે. બંને ટીમ 24મી વખત ટકરાશે, જેમાં CSK 15 વખત જીત્યું છે.

વાઘોડિયા : વાઘોડિયાની ITM વોકેશનલ યુનિ.ના ટ્રેનિંગ અને પ્લેસમેન્ટ ડિપાર્ટમેન્ટ દ્વારા યુનિ.ના રવાલ કેમ્પસ ખાતે ભવ્ય મેગા જોબફેર-2026 યોજાયો હતો.જેમાં દેશ-વિદેશની પ્રતિષ્ઠિત 35 જેટલી કંપનીએ ભાગ લીધો હતો. જેમાં એપોલો ટાયર્સ, MRF, હિલ્ટી, RR કાબેલ, એક્સિસ બેંક,રિલાયન્સ જિયો, ટોરેન્ટ ફર્મા અને લુપિન જેવી નામાંકિત બ્રાન્ડ્સ રહી હતી. આ મેગા જોબફેરમાં ફર્મા, ઇન્ફેર્મેશન ટેકનોલોજી (IT),એન્જિનિયરિંગ, મેનેજમેન્ટ અને હેલ્થકેર જેવા વિવિધ ક્ષેત્રોમાં કુલ 1000થી વધુ ખાલી જગ્યા 800થી વધુ સ્નાતક, અનુસ્નાતક વિદ્યાર્થીએ ઇન્ટરવ્યૂ આપ્યા હતા.

15 દિવસથી બંધ પડેલું પલાસવાડા ફાટક પર ઓવરબ્રિજનું કામ 'સંદેશ'ના અહેવાલ બાદ રેલવે તંત્ર દ્વારા યુદ્ધના ધોરણે શરૂ કરાયું. આનાથી સ્ટેચ્યુ ઓફ્ યુનિટી (SOU) અને અન્ય પ્રવાસન સ્થળોએ જતા વાહનચાલકોને મોટી રાહત મળી છે.

અંકલેશ્વર : આર્ટ ઓફ્ લિવિંગ દ્વારા ફઉન્ડેશનની પૂર્ણતાના 45 વર્ષ પૂર્ણ થવાના અવસરે કમલામ પાર્ટી પ્લોટ, જીઆઈડીસી ખાતે રક્તદાન શિબિરનું આયોજન કરવામાં આવ્યું હતું. આ શિબિરમાં 50થી વધુ દાતાઓએ ભાગ લઈને રક્તદાન કરી સહયોગ આપ્યો હતો. આ કાર્યક્રમ દ્વારા સ્વૈચ્છિક રક્તદાનને પ્રોત્સાહન આપવાનો અને તેના મહત્વ વિશે જાગૃતિ લાવવાનો ઉદ્દેશ હતો.

નાંદોદ તાલુકાની વિશાલ ખાડી જંગલ ખાતાના પ્રવેશ દ્વાર પાસે પાણીની બોટલો ભરેલું કન્ટેનર હાઇવે રોડની સાઈડમાં ખાબકયું હતું. ડ્રાઈવરે સ્ટેરીંગ પરનો કાબુ ગુમાવતા આ ઘટના બની હતી. ડ્રાઈવર અને કિલનરનો આબાદ બચાવ થયો હતો. મોટી જાનહાનિ ટળી હતી. કન્ટેનરને નુકસાન થયું હતું અને ટ્રાફિકજામ થયો હતો.

ભરૂચ ખાતે પુષ્પમ ગ્રૂપની સામાન્ય સભા અને સ્નેહ સંમેલન રવિવારે યોજાયું. આ પ્રસંગે કેમિસ્ટ એન્ડ ડ્રગિસ્ટ એસોસિએશનના પ્રમુખ ભરતભાઈ શાહ વિશેષ અતિથિ હતા. કાર્યક્રમમાં પ્રાર્થના, પ્રાસંગિક પ્રવચનો, વાર્ષિક અહેવાલ અને હિસાબોની રજૂઆત થઈ. સભ્યોને સ્મૃતિ ચિહન અપાયા.

જંબુસર BAPS સ્વામિનારાયણ મંદિરે યોગીજી મહારાજના 134મા પ્રાગટ્યદિન નિમિત્તે યોગીપર્વ યોજાયું. પૂ. વૈરાગ્યપ્રિય સ્વામીએ ભગવાન સ્વામિનારાયણના દિવ્ય ચરિત્રો, સત્સંગ મહિમા અને આધ્યાત્મિક જીવન અંગે પ્રેરણાદાયી પ્રવચનો આપ્યા. હરિભક્તોએ યજમાન, પ્રસાદ, રસોઈ સહિત વિવિધ સેવાઓ ઉત્સાહપૂર્વક કરી. મંદિર પરિસર ભક્તિમય બન્યું.

રાજકોટ-જામનગર રોડ પર 74 કરોડના ખર્ચે બનેલો નવો ફોરલેન સાંઢિયાપુલ તૈયાર. 46 વર્ષ જુના ટુ-લેન પુલને તોડીને આ ઓવરબ્રિજ બનાવાયો. આ બ્રિજ શરૂ થતાં દરરોજ અંદાજે 1 લાખ વાહનચાલકોના સમય અને ઈંધણની બચત થશે. ઉપરાંત, શહેરની અંદરનો ટ્રાફિક પણ ઘટશે. ગુજરાતની પ્રથમ AIIMS હોસ્પિટલ સુધી પહોંચવાનું પણ સરળ બનશે.

સંયુક્ત આરબ અમિરાતના બારાકાહ પરમાણુ પ્લાન્ટ પર ત્રણ ડ્રોનથી હુમલો, રેડિયોએક્ટિવ લીકેજનું જોખમ નથી. ઈરાન પર આશંકા, યુદ્ધવિરામ જોખમમાં. ટ્રમ્પે ઈરાન સામે શરતો મૂકી યુદ્ધજહાજ પરની તસવીર શેર કરી.

અમેરિકા-ઇઝરાયેલ સામે લડવા ઇરાન નાગરિકોને તૈયાર કરી રહ્યું છેમોટી સંખ્યામાં મહિલાઓ પણ એકે-47 ચલાવવાનું શીખી રહી છે, તાલિમના વીડિયો લોકો સુધી પહોંચાડાઇ રહ્યા છેતહેરાન: અમેરિકા અને ઇઝરાયેલ સામે ભિષણ યુદ્ધની સ્થિતિ સર્જાય તો તેને પહોંચી વળવા માટે ઇરાન પોતાના નાગરિકોને તૈયાર કરી રહ્યું છે. આ માટે ઇરાન હવે મસ્જિદોનો પણ ઉપયોગ કરી રહ્યું હોવાનું સ્થાનિક મીડિયાએ જણાવ્યું હતું.દાવા મુજબ ઇરાન પોતાના નાગરિકોને મસ્જિદોમાં હથિયારો ચલાવવાની ટ્રેનિંગ આપી રહ્યું છે.

રાજસ્થાનના બિવાલ પરિવારની બબાલ ગયા વર્ષે પાંચને એડમિશન મળ્યું તેમાંથી બે નીટ પહેલા અભ્યાસમાં સાવ નબળા હતાજયપુર: નીટ પેપર લીક મામલે સતત નવા ખુલાસા થઇ રહ્યા છે, આ સમગ્ર કાંડની શરૂઆત રાજસ્થાનથી થઇ હતી, અહીંયા એક બિવાલ પરિવારના ત્રણ લોકોની ધરપકડ કરાઇ છે. જેમણે પેપર લીક કરાવીને પોતાના જ સંતાનોને આપ્યા હતા. જોકે આ પરિવારના અગાઉ પાંચ લોકો નીટ પાસ કરીને કોલેજોમાં એડમિશન લઇ ચુક્યા છે, પણ અભ્યાસમાં તેઓ શૂન્ય છે.

નવીદિલ્હી: દેશના તમામ રાજકારણીઓ પોતાની ખુરશી પર ટોવેલ લટકાવેલો રાખે છે. આ પ્રથા કોણે શરૃ કરી હતી એની ખબર નથી, પરંતુ રાજકારણીઓ જ નહીં. મંત્રાલયના અધિકારીઓ પણ ખુરશી પર ટોવેલ બીછાવેલો રાખે છે. આ બાબતે પર્યાવરણ ચળવળકર્તા લીકાઇપ્રીયા કાંગુજામએ તામિલનાડુના મુખ્યમંત્રી જોસેફ વિજયને આ 'ટોવેલ કલ્ચર'નો અંત લાવવા કહ્યું હતું. વિજયએ કોઈપણ પ્રકારની જાહેરાત વગર પોતાની ખુરશી પરનો ટોવેલ હટાવી દીધો છે. કાંગુજામએ સોશ્યલ મીડિયા એક્સ પર પોતાના વિચારો રજૂ કર્યા હતા.

- 50થી વધુ આઇએએસ-આઇપીએસની સરકારી સાંઠગાંઠનો આક્ષેપ- અધિકારીઓની જમીન પાસેથી રોડ પસાર કરવા પ્રોજેક્ટમાં ત્રણ વખત ફેરફાર, હવે રદ કરવા માગ ??ભોપાલ: શેરબજારની ભાષામાં જેને ઇનસાઇડર ટ્રેડિંગ કહેવાય તેવું રાજકારણમાં પણ ચાલતું હોય છે, પણ બજારમાં રેગ્યુલેટરી ઓથોરિટી છે. જ્યારે અહીં તો રેગ્યુલેટરી પોતે જ શંકાના ઘેરામાં છે. મ.પ્ર.

સુરેન્દ્રનગર જિલ્લામાં આરોગ્ય વિભાગની સઘન ડોર-ટુ-ડોર કામગીરી અને લોકોની જાગૃતિને કારણે ડેન્ગ્યુના કેસોમાં નોંધપાત્ર ઘટાડો થયો છે. 2019 માં 260 કેસથી ઘટીને 2026 માં માત્ર 2 કેસ નોંધાયા છે. આરોગ્ય ટીમો દ્વારા પાણીના પાત્રોની નિયમિત તપાસ અને જંતુનાશક દવાનો છંટકાવ કરવામાં આવે છે. લોકો પણ પોતાના ઘરની આસપાસ પાણી જમા ન થાય તે માટે સતર્ક બન્યા છે.

અમરેલી જિલ્લાનું સલડી ગામ, જ્યાં યુવાનો રોજગારી માટે બહાર જાય છે, ત્યાં કોઠી આઈસ્ક્રીમ, ભજીયા અને બરફના ગોલાના વેપારથી આર્થિક વિકાસ થયો છે. આ ગામનું ખાણી-પીણીનું વેચાણ એટલું લોકપ્રિય છે કે આસપાસના શહેરો અને ગામોના લોકો પણ અહીં આવે છે. મધરાત સુધી ધમધમતા આ વેપાર કેન્દ્રો ગામના અર્થતંત્રને ધબકતું રાખે છે.

મોટી કુંકાવાવમાં ઉર્જા મંત્રીના હસ્તે 5 નવી આંગણવાડી, મોદી પ્લોટ અને રામપરાને જોડતા નવા પુલનું ખાતમુહૂર્ત થયું. કુલ ₹1.40 કરોડના વિકાસ કાર્યોથી ગ્રામજનો ખુશ છે. મંત્રીએ જનતાની સમસ્યાઓ સાંભળી.

પશ્ચિમ કચ્છમાં સોલાર ઊર્જા સ્વનિર્ભરતાનું માધ્યમ બની છે. 3.25 લાખ ઘરેલુ વીજ ગ્રાહકોમાંથી 22,027 ઘરોમાં સોલાર રૂફટોપ સિસ્ટમ સ્થાપિત થઈ ચૂકી છે, જેના વડે 85.44 મેગાવોટ વીજળીનું ઉત્પાદન થયું છે. ગ્રાહકોને આર્થિક લાભ પણ મળી રહ્યો છે.