ક્લાઈમેટ ચેન્જને કારણે ગ્લેશિયર પીગળવાના જોખમને પહોંચી વળવા સ્વિટ્ઝર્લેન્ડમાં એક નવીન પ્રયોગ કરાયો છે. અહીંના માસ્ટર્સના વિદ્યાર્થીઓએ ત્સાનફ્લેઉરોન ગ્લેશિયરના ૨૦૦ સ્કવેર મીટર વિસ્તારને ઘેટાના ઉનની ચાદરથી ઢાંક્યો. આ પ્રયોગના પરિણામો પ્રોત્સાહક રહ્યા, કારણ કે આખી સીઝન દરમિયાન ગ્લેશિયર ૫૦થી ૭૦ ટકા ઓછા પીગળ્યા. પ્લાસ્ટિક કે સિન્થેટિક ચાદરના વિકલ્પ કરતાં ઉનની ચાદર પર્યાવરણને નુકસાન પહોંચાડ્યા વિના ગ્લેશિયરને બચાવવામાં મદદરૂપ થાય છે. પ્રોજેક્ટ મેનેજર ટિમોથી સ્ટીનરના મતે, આ વેસ્ટ ઊનનો સારો ઉપયોગ છે, પરંતુ ગ્લેશિયરને પીગળતા અટકાવવા માટે આ કાયમી ઉકેલ નથી.