પશ્ચિમ બંગાળ વિધાનસભા ચૂંટણીમાં સત્તા ગુમાવ્યા બાદ અને વર્ષો પછી સૌથી મોટા રાજકીય ઝટકાનો સામનો કરી રહેલા તૃણમૂલ કોંગ્રેસ (TMC)ના સુપ્રીમો મમતા બેનરજી હવે સંગઠનને નવા સ્તરેથી બેઠું કરવાની કવાયતમાં લાગી ગયા છે. કોલકાતાના કાલીઘાટ સ્થિત પોતાના નિવાસસ્થાને મમતા બેનરજીએ ચૂંટણી લડનારા પક્ષના તમામ ઉમેદવારો સાથે એક મહત્ત્વની સમીક્ષા બેઠક યોજી હતી. હાર બાદ પાર્ટીમાં ચાલી રહેલા આંતરિક વિખવાદ અને નેતાઓના પક્ષપલટાની અટકળો વચ્ચે મમતા બેનરજીએ સ્પષ્ટ કરી દીધું છે કે જેઓ પાર્ટી છોડવા માંગે છે, તેઓ જવા માટે સંપૂર્ણ આઝાદ છે.

વડાપ્રધાન મોદીના UAE પ્રવાસ દરમિયાન 3 કરોડ (30 મિલિયન) બેરલ ક્રૂડ ઓઈલ સ્ટોર કરવાની ઐતિહાસિક ડીલ થઈ છે. આ સમજૂતી ભારતીય ઉર્જા સુરક્ષાને મજબૂત બનાવશે, જે ભવિષ્યની કટોકટીમાં મહિનાઓ સુધી મદદરૂપ થશે. LPG સપ્લાય અને ગેસ રિઝર્વ અંગે પણ સહમતી સધાઈ છે. ભારત પોતાની જરૂરિયાતનું લગભગ 85 ટકા તેલ વિદેશથી આયાત કરે છે. ભવિષ્યમાં યુદ્ધ કે અન્ય કોઈ વૈશ્વિક કટોકટીના કારણે સપ્લાય અટકી ન જાય તે માટે ભારતે જમીનની નીચે વિશાળ પેટ્રોલિયમ રિઝર્વ બનાવ્યા છે.

ચીનની ત્રણ દિવસની હાઈ-પ્રોફાઈલ મુલાકાત પૂરી કરીને એરફોર્સ વન વિમાનમાં પરત ફરી રહેલા ટ્રમ્પે પત્રકારો સમક્ષ જે વાતો કહી, તેનાથી આંતરરાષ્ટ્રીય સ્તરે ખળભળાટ મચી ગયો છે. ગઈકાલ સુધી તાઈવાનની સુરક્ષાના સોગંદ ખાતા ટ્રમ્પ હવે આ મુદ્દે આંખ આડા કાન કરતા જોવા મળી રહ્યા છે. તેમણે સ્પષ્ટ સંકેત આપતા કહ્યું કે અમેરિકાને પોતાના ઘરથી 9,500 માઇલ દૂર કોઈ નવા યુદ્ધમાં કૂદવાની જરૂર નથી. ચીન આ સોદાનો શરૂઆતથી જ વિરોધ કરી રહ્યું હતું અને જિનપિંગે ટ્રમ્પને ચેતવણી આપી હતી કે તાઈવાન મામલે કોઈપણ ખોટું પગલું બંને દેશોના સંબંધો હંમેશા માટે બગાડી શકે છે.

AIMIM ચીફ અસદુદ્દીન ઓવૈસીએ ભોજશાળા verdict પર મધ્યપ્રદેશ HC ના આદેશની આકરા શબ્દોમાં ટીકા કરી. તેમણે તેને બંધારણીય મૂલ્યોથી વિપરીત ગણાવ્યો અને બાબરી મસ્જિદ કેસ સાથે સમાનતાઓ શોધી. ઓવૈસીએ આશા વ્યક્ત કરી કે સુપ્રીમ કોર્ટ આ આદેશ રદ કરશે. તેમણે પૂજા સ્થળ કાયદાની અવગણના અને નવા વિવાદોના ઉદભવ અંગે ચેતવણી આપી.

અમેરિકાના વોશિંગ્ટનમાં થયેલી વાટાઘાટો બાદ ઇઝરાયેલ અને લેબનોન 45 દિવસ માટે યુદ્ધવિરામને લંબાવવા સહમત થયા છે. અમેરિકી વિદેશ વિભાગના પ્રવક્તા ટોમી પિગોટે આ સફળતા દર્શાવી અને જણાવ્યું કે આ ચર્ચાઓ બંને દેશો વચ્ચે સ્થાયી શાંતિ, પરસ્પર સાર્વભૌમત્વની માન્યતા અને સરહદ પર સુરક્ષા સ્થાપિત કરવામાં મદદરૂપ થશે. આ નિર્ણય ઇઝરાયેલ દ્વારા દક્ષિણ લેબનોનમાં કરાયેલા હુમલાઓ બાદ આવ્યો છે.

ડોનાલ્ડ ટ્રમ્પના સ્ટાફે અમેરિકા પરત ફરતા પહેલાં ચીની ભેટો, ખાસ કરીને બર્નર ફોન, ઓળખપત્રો અને મેડલ એરપોર્ટના ડસ્ટબિનમાં ફેંકી દીધા. જાસૂસી અને ડેટા ચોરીના ભારે ડરને કારણે આ કડક સુરક્ષા પગલાં લેવાયા હતા, જે યુએસ-ચીન વચ્ચેના ઊંડા અવિશ્વાસને દર્શાવે છે.

દેશમાં અછત રોકવા, પેટ્રોલ નિકાસ પર ₹3/લિટર વિન્ડફોલ ટેક્સ લાગ્યો. ડીઝલ અને જેટ ફ્યુઅલ (ATF) પર ડ્યુટી ઘટાડી. પશ્ચિમ એશિયાના તણાવને કારણે ક્રૂડ ઓઇલ 100 ડોલર/બેરલ પાર થતાં આ નિર્ણય લેવાયો. સ્થાનિક ભાવ પર અસર નહીં.

નેધરલેન્ડ પહોંચેલા PM મોદીનું ભારતીય સમુદાયે ભવ્ય સ્વાગત કર્યું. ભારત-EU FTA બાદ આર્થિક સંબંધોને નવી ગતિ મળી છે. સેમિકન્ડક્ટર, સ્વચ્છ ઉર્જા, રોકાણ જેવા ક્ષેત્રોમાં સહયોગ મજબૂત થશે. PM મોદી ડચ PM રોબ જેટેન અને રાજા-રાણીને મળશે. નેધરલેન્ડ સાથેના સહયોગને નવી ઊંચાઈઓ પર લઈ જવા આ મુલાકાત અત્યંત મહત્વપૂર્ણ છે.

નેપાળ સુપ્રીમ કોર્ટે ભારતથી રોજિંદી ઉપયોગની વસ્તુઓ લાવવા-લઈ જવા પર બાલેન શાહ સરકારના કડક નિયમો પર સ્ટે લગાવ્યો. ₹100 ની મર્યાદાને કારણે સામાન્ય નાગરિકોને મુશ્કેલી અને સુરક્ષાકર્મીઓ સાથે વિવાદો સર્જાતા હતા.

મિડલ ઈસ્ટમાં ચાલી રહેલા તણાવ વચ્ચે બે મોટા સમાચાર સામે આવ્યા છે. એક તરફ અમેરિકાની મધ્યસ્થીથી ઈઝરાયલ અને લેબેનોન વચ્ચેનો યુદ્ધવિરામ વધુ 45 દિવસ માટે લંબાવવા પર સહમતિ સધાી છે. તો બીજી તરફ, ગાઝા મોરચે ઈઝરાયલી સૈન્યને મોટી સફળતા મળી છે. શુક્રવારે કરાયેલા એક હવાઈ હુમલામાં ઈઝરાયલે હમાસના લશ્કરી પાંખના વડા ઇઝ અલ-દિન અલ-હદ્દાદને ઠાર કર્યો છે.

TMC સાંસદ અભિષેક બેનર્જી પર અમિત શાહ વિરુદ્ધ ભડકાઉ ભાષણ અને ટિપ્પણી બદલ FIR. રાજકીય મુશ્કેલીઓમાં વધારો, બિનજામીનપાત્ર કલમો હેઠળ કાર્યવાહી. ચૂંટણી પ્રચાર દરમિયાન નફરત ફેલાવવાના અને શાંતિ જોખમવાના આરોપ. પુરાવા રૂપે વીડિયો અને ડિજિટલ લિંક્સ સોંપાઈ.

કોંગોમાં ઇબોલા વાયરસથી ઓછામાં ઓછાં 65 મૃત્યુ નોંધાયાં છે અને સેંકડો લોકો તેથી સંક્રમિત છે. આ પૂર્વે 2018 થી 2020 સુધીમાં આ વાયરસના પ્રકોપથી કોંગોમાં 32 હજારથી વધુ લોકોનાં મૃત્યુ થયાં હતાં. માત્ર શ્વાસથી પણ ફેલાતા, આ ભયંકર રોગે ડેમોક્રેટિક રીપબ્લિક ઓફ કોંગો (ડીઆરસી)માં 65 નાં તો મૃત્યુ નોંધાયા જ છે. પરંતુ 100થી વધુ સંદિગ્ધોને હોસ્પિટલમાં દાખલ કરાયા છે. હજી સુધીમાં ઈબોલા સંક્રમિત તેના 246 કેસો જાણવા મળ્યાં છે.

અમેરિકામાં ડોનાલ્ડ ટ્રમ્પ અને તેમની પાર્ટી રિપબ્લિકન વિદેશી નાગરિકોને વારંવાર નિશાન બનાવે છે. ડોનાલ્ડ ટ્રમ્પની પાર્ટીના સેનેટર એરિક શ્મિટ્ટએ હૈદરાબાદના બાલાજી મંદિરને 'Visa Temple' ગણાવી H-1B વિઝાની ટીકા કરી. તેમણે કહ્યું કે ભારતીયોના કારણે અમેરિકનને નોકરીઓ મળતી નથી. આ નિવેદનથી વિવાદ સર્જાયો છે.

પશ્ચિમ એશિયામાં ચાલી રહેલા તણાવને કારણે, ક્રૂડ ઓઇલના ભાવ સતત ૧૦૦ ડોલર પ્રતિ બેરલથી ઉપર રહ્યા છે. આ દબાણ વચ્ચે, ઓઇલ માર્કેટિંગ કંપનીઓએ પેટ્રોલ અને ડીઝલના ભાવમાં પ્રતિ લિટર રૂ. ૩ નો વધારો કર્યો છે. વૈશ્વિક તેલના ભાવમાં વધારો અને સતત નુકસાનને ધ્યાનમાં રાખીને આ નિર્ણય જરૂરી માનવામાં આવ્યો હતો. જો કે, આ વધારો હાલમાં મર્યાદિત છે અને કંપનીઓને ફક્ત થોડી રાહત આપશે.

કેન્દ્રીય ગૃહમંત્રી અમિત શાહ બે દિવસીય ગુજરાત મુલાકાતે છે. તેઓ SG હાઇવેના ડેવલપમેન્ટ, વિકાસ કાર્યો, તળાવોના ઇન્ટરલિન્કિંગ અને નવીનીકરણ અંગે અધિકારીઓ સાથે બેઠક કરશે. નવા ચૂંટાયેલા કાઉન્સિલરો સાથે શુભેચ્છા મુલાકાત કરશે. 17 મેના રોજ મધુર ડેરીના નવા પ્લાન્ટ, NID ઇનોવેશન સેન્ટર અને અન્ય વિકાસ કાર્યોનું લોકાર્પણ કરશે.

૩૦ સપ્ટેમ્બર સુધી ખાંડની નિકાસ પર સરકારે અચાનક પ્રતિબંધ મૂકતા ખાંડ ક્ષેત્ર આશ્ચર્યચકિત થયું છે. ૧.૫ મિલિયન ટનમાંથી ૫૦૦,૦૦૦ ટનની વધારાની નિકાસ મંજૂરી પછી આ નિર્ણય આવ્યો. સ્થાનિક ભાવ નિયંત્રણ અને ઉપલબ્ધતા માટે નિર્ણય લેવાયો, પરંતુ લાંબા ગાળે ખેડૂતોને નુકસાનની આશંકા. કેટલાક માને છે કે આનાથી ભાવ નિયંત્રિત નહીં થાય.

સોના-ચાંદી પરની આયાત ડયૂટીમાં વધારો કર્યા બાદ સરકારે સોનાની આયાત પર વધુ અંકૂશ મૂકવાના ભાગરૂપ એડવાન્સ ઓથોરાઈઝેશન સ્કીમ હેઠળ સોનાની આયાત મર્યાદા ૧૦૦ કી. ગ્રા. કરવાના નિર્ણયથી આર્બિટ્રેજ ટ્રેડિંગ પર અંકૂશ આવશે અને ફોરેકસ પરનું દબાણ પણ હળવું થશે એમ બજારના સુત્રો માની રહ્યા છે. આ નિર્ણયને કારણે ડયૂટી ફ્રી આયાતના થતા કથિત દૂરુપયોગમાં ઘટાડો થશે.મર્યાદા લાગુ કરાવાને કારણે સોનાની વધુ પડતી આયાત અટકશે અને સત્તાવાળા માટે આવા પ્રકારની આયાત પર દેખરેખ રાખવાનું સરળ બનશે.

TMC સાંસદ અભિષેક બેનર્જી વિરુદ્ધ FIR નોંધાઈ. આરોપ છે કે તેમણે ચૂંટણી પ્રચારમાં ભડકાઉ ભાષણો આપ્યા અને ગૃહમંત્રી અમિત શાહને ધમકીભર્યા નિવેદનો આપ્યા. આ ફરિયાદ ઉત્તર 24 પરગણા જિલ્લાના બિધાનનગર સાયબર ક્રાઈમ પોલીસ સ્ટેશનમાં નોંધવામાં આવી છે. સામાજિક કાર્યકર રાજીબ સરકારે 5 મેના રોજ આ ફરિયાદ નોંધાવી હતી, જેમાં 27 એપ્રિલથી 3 મે દરમિયાનના અનેક ભાષણોનો ઉલ્લેખ છે.

ભારતીય રિઝર્વ બેંકે દેશમાં એનબીએફસી  પર પોતાની પકડ વધુ કડક બનાવી છે, એક જ ઝાટકે ૧૫૦ એનબીએફસીના નોંધણી પ્રમાણપત્રો રદ કર્યા છે. કેન્દ્રીય બેંક દ્વારા આ કડક કાર્યવાહી RBI અધિનિયમ, ૧૯૩૪ ની કલમ ૪૫-IA (૬) હેઠળ કરવામાં આવી છે.આ કાર્યવાહીનો અર્થ એ છે કે આ કંપનીઓ હવે કોઈપણ નાણાકીય વ્યવસાય અથવા ધિરાણ વ્યવસાય કરી શકશે નહીં. વધુમાં, સાત અન્ય કંપનીઓએ સ્વેચ્છાએ તેમના લાઇસન્સ પરત કર્યા છે. આ પછી, તેમના નોંધણી પણ રદ કરવામાં આવ્યા હતા.

પશ્ચિમ બંગાળના આસનસોલમાં લાઉડસ્પીકરનો અવાજ ઓછો કરવાના નિર્દેશ બાદ ભીડે પોલીસ ચોકીમાં તોડફોડ અને પથ્થરમારો કર્યો. પોલીસે ટીયર ગેસ છોડ્યા અને લાઠીચાર્જ કર્યો. ઘટના બાદ વિસ્તારમાં પેરામિલિટરી ફોર્સ તૈનાત કરાઈ છે. CCTV ફૂટેજની ઓળખ થઈ રહી છે અને કાયદેસર કાર્યવાહી કરાશે. મુખ્યમંત્રી સુવેન્દુ અધિકારીએ ધાર્મિક સ્થળોએ લાઉડસ્પીકરના ઊંચા અવાજ પર પ્રતિબંધ મૂક્યો છે.

ભરૂચના નવેઠા ગામે શુક્રવારે બપોરે કાર ચાલકે સ્ટિયરીંગ પરનો કાબુ ગુમાવતાં તેની કાર જીએફએલ કંપનીની બસમાં ઘુસાડી દીધી. ઘટનામાં ચાલકને ગંભીર ઇજા થઇ. કાર બસમાં ફસાઈ જતાં જેસીબીની મદદથી બહાર કાઢવાની કવાયત હાથ ધરાઇ.

કરજણ કોંગ્રેસે NEET પેપર લીક અને વિદ્યાર્થીઓના નુકસાન અંગે તપાસની માગ કરી. આવનાર વરસાદને ધ્યાને રાખી, તંત્ર દ્વારા પ્રી-મોન્સૂન કામગીરી સમયસર થાય તેવી રજૂઆત પ્રાંત અધિકારીને કરી. રોડ, ગટર, વીજળી, અને પાણી જેવી સમસ્યાઓ ચોમાસા પહેલા ઉકેલવા તેમજ દવા છંટકાવ અને પાણીની ગુણવત્તા ચકાસવા પણ ભાર મૂકાયો.

ઈરાન મામલે અનિશ્ચિતતા, વૈશ્વિક બજારોમાં નરમાઈ, ડોલર સામે રૂપિયાનું ઐતિહાસિક ધોવાણ, પેટ્રોલ-ડીઝલ અને CNGના ભાવ વધારાએ શેરબજારમાં મંદી લાવી.

છોટાઉદેપુરના પાવીજેતપુર તાલુકાના નાની રાસલી ગામે એક દીપડાનું બચ્ચું કૂવામાં પડી ગયું હતું. રાત્રે કણસવાનો અવાજ સાંભળી સ્થાનિકોએ જોયું તો એક દોઢ વર્ષનું બચ્ચું કૂવામાં હતું. વનવિભાગની ટીમે મહામુસીબતે બચ્ચાને હેમખેમ બહાર કાઢી રેસ્ક્યુ સેન્ટર પર લઈ જયું. બચ્ચું સ્વસ્થ બાદ જંગલમાં છોડાશે. વિસ્તારમાં મોટા દીપડાની હાજરીની પણ રજૂઆત કરાઈ.

બોડેલીમાં કેરીના રસના હંગામી સ્ટોલ પર નગરપાલિકા દ્વારા દરોડા પાડવામાં આવ્યા. અધિકારીઓએ કેમિકલ અને ભેળસેળ યુક્ત રસ જપ્ત કરી રૂા.800નો દંડ ફટકાર્યો. લોકોના સ્વાસ્થ્યની સુરક્ષા માટે સ્વચ્છતા જાળવવા સૂચનો અપાયા.

પાવીજેતપુરમાં પેટ્રોલ-ડીઝલની અછત અને ભાવ વધારાના કારણે વાહનચાલકો પરેશાન છે. અફવાઓથી ગભરાઈને લોકો વહેલી સવારથી પેટ્રોલ પંપો પર ઉમટી પડ્યા હતા, જેના કારણે લાંબી કતારો લાગી હતી. પેટ્રોલ-ડીઝલના ભાવમાં પ્રતિ લીટરે રૂા.3નો વધારો અમલમાં આવ્યો છે. વાહનચાલકોને મર્યાદિત માત્રામાં જ ઈંધણ મળી રહ્યું છે, જેના કારણે ભારે નારાજગી જોવા મળી રહી છે.

સેલંબા વેપારી મથકમાં અંબિકા નદીમાં વેપારીઓ અને રહીશો દ્વારા સતત કચરો ઠાલવવાથી નદીની ગંભીર દુર્દશા થઇ છે. પ્લાસ્ટિક, કાગળો અને અન્ય કચરાના ઢગલાથી નદી દુર્ગંધયુક્ત બની છે, જેના કારણે લોકોને હાલાકી ભોગવવી પડે છે. આ નદીને ઉંડી કરવાની અને કચરાના નિકાલ માટે લોકોમાં જાગૃતિ લાવવાની અને કડક કાર્યવાહીની જરૂર છે.

જંબુસરના વેડચ ગામે શિવ એજ્યુકેશન એન્ડ વેલ્ફ્ર ચેરિટેબલ ટ્રસ્ટ દ્વારા 5 અનાથ દીકરીઓનો વિનામૂલ્યે સમૂહલગ્નોત્સવ યોજાયો. નવવધૂઓને 51 વસ્તુઓ કરિયાવર રૂપે મળી. દાતાઓ અને ગ્રામજનોના સહયોગથી સફળતા મળી.

અમરેલી જેટકોમાં જુનિયર આસિસ્ટન્ટ તેજસભાઇ વસાવા (ઉ.21) રજા પર વતન નેત્રંગ આવ્યા હતા. મિત્રો સાથે ધારીયા ધોધ ફરવા ગયા ત્યારે પેટમાં ગરબડ થતાં કુદરતી હાજતે ગયા. હાથ ધોતી વખતે બેલેન્સ ગુમાવતાં ઊંડા પાણીમાં ગરકાવ થઇ ગયા. મિત્રોએ બચાવી 108 મારફતે સારવાર માટે ખસેડ્યા, જ્યાં તેમનું મોત નિપજ્યું. પરિવાર અને ગ્રામજનોમાં શોક.

અમદાવાદીઓમાં ફેન્સી નંબર પ્લેટનો ક્રેઝ વધ્યો છે. ટુ-વ્હીલરમાં 0001 નંબર માટે 73000 ખર્ચાયા. GJ01YW સિરીઝની હરાજીમાં RTOને 12 લાખની આવક થઈ. યુવાનોમાં સ્પોર્ટ્સ બાઇક માટે પણ ખાસ નંબર લેવાની હોડ જોવા મળી રહી છે.