ટ્રમ્પની એક સોશિયલ મીડિયા પોસ્ટ, જેમાં ઈરાનના નકશા પર અમેરિકાનો ધ્વજ બતાવાયો છે, તેણે મિડલ ઈસ્ટમાં તણાવ વધાર્યો છે. રાજકીય વિશ્લેષકો આને ઈરાન પર માનસિક દબાણ લાવવાની ટ્રમ્પની ચાલ માની રહ્યા છે. Axios ના અહેવાલ મુજબ, જો વાટાઘાટો નિષ્ફળ જાય તો અમેરિકા ઈરાન પર સૈન્ય કાર્યવાહી કરી શકે છે. આ સ્થિતિમાં, પાકિસ્તાની આર્મી ચીફ અસીમ મુનીરની ઈરાનની તાબડતોબ મુલાકાત પણ મહત્વપૂર્ણ છે.

અમેરિકાના વિદેશ મંત્રી માર્કો રૂબિયોએ નવી દિલ્હીમાં એક મોટી જાહેરાત કરી છે. તેમણે જણાવ્યું કે, ચીનના વધતા પ્રભાવને રોકવા માટે ભારત અમેરિકાની વિદેશ નીતિનો મુખ્ય સ્તંભ છે. આર્થિક સંબંધોને મજબૂત કરવા, અમેરિકા "America First Visa Scheduling Tool" શરૂ કરી રહ્યું છે. આ ટૂલ હેઠળ, ભારતીય બિઝનેસ પ્રોફેશનલ્સ અને વેપારીઓને વિઝા પ્રક્રિયામાં પ્રાથમિકતા મળશે, જેઓ બંને દેશો વચ્ચેના વેપાર અને સંબંધોને મજબૂત બનાવે છે. આ જાહેરાત ભારતીયો માટે ખૂબ જ મહત્વપૂર્ણ છે.

કેલિફોર્નિયાના ગાર્ડન ગ્રોવમાં એક ઔદ્યોગિક સ્થળ પર મિથાઈલ મેથાક્રાયલેટ (MMA) ભરેલી કેમિકલ ટેન્ક વધુ ગરમ થતાં અધિકારીઓએ લગભગ 40,000 લોકોને તાત્કાલિક સુરક્ષિત સ્થળોએ સ્થળાંતર કરવાનો આદેશ આપ્યો છે. આ અત્યંત જ્વલનશીલ અને ઝેરી રસાયણ ફાટવાના ભયને કારણે શ્વાસ લેવામાં તકલીફ, ફેફસામાં બળતરા અને અન્ય ગંભીર સ્વાસ્થ્ય સમસ્યાઓનું જોખમ છે. 7,000 ગેલન કેમિકલ બહાર કાઢવાના પ્રયાસો ખામીયુક્ત વાલ્વને કારણે નિષ્ફળ ગયા છે, જેનાથી ટેન્ક વિસ્ફોટ અથવા ઝેરી લીકેજનો ખતરો વધી ગયો છે. આ વિસ્તારમાં શાળાઓ અને કોલેજો પણ બંધ કરાઈ છે.

ફેબ્રુઆરી 2025માં પીએમ મોદી અને ડોનાલ્ડ ટ્રમ્પની મુલાકાત બાદ આ પ્રથમ ઉચ્ચ સ્તરીય બેઠક, સુરક્ષા, વેપાર અને ક્રિટિકલ ટેકનોલોજી પર વ્યાપક ચર્ચા. અમેરિકાના વિદેશ મંત્રી માર્કો રૂબિયો નવી દિલ્હીમાં વડાપ્રધાન નરેન્દ્ર મોદીને મળ્યા. વિદેશ મંત્રી બન્યા બાદ રૂબિયોનો આ પ્રથમ ભારત પ્રવાસ છે. આગામી Quad દેશોના વિદેશ મંત્રીઓની બેઠક પહેલાં આ દ્વિપક્ષીય મુલાકાત ભારત-અમેરિકાના સંબંધો માટે ખૂબ મહત્વની છે. બેઠકમાં પીએમ મોદીને સત્તાવાર રીતે અમેરિકા આવવાનું આમંત્રણ અપાયું.

ભારતમાં 'કોંકરોચ જનતા પાર્ટી' સોશિયલ મીડિયા પર ટ્રેન્ડ બની છે, જે ચીફ જસ્ટિસના એક નિવેદનથી નારાજ યુવાનો દ્વારા શરૂ કરાયેલું છે. આ આંદોલન ઇન્સ્ટાગ્રામ પર ૨૦ મિલિયન ફોલોઅર્સ સુધી પહોંચ્યું છે. આ 'કોંકરોચ' ક્રેઝ હવે પાકિસ્તાનમાં પણ ફેલાયો છે, જ્યાં 'કોંકરોચ આવામી પાર્ટી' નામથી અનેક કન્ટેન્ટ ક્રિએટર્સ પ્રોફાઇલ બનાવી રહ્યા છે. પાકિસ્તાની પાર્ટીએ સ્વીકાર્યું છે કે તેઓએ ભારતીય પાર્ટી પરથી પ્રેરણા લીધી છે અને તેમનો લોગો પણ સમાન છે.

થાઈલેન્ડ સરકારે 60 દિવસની વિઝા-ફ્રી એન્ટ્રી પોલિસી બંધ કરી દીધી છે, જે ભારતીય પ્રવાસીઓ માટે ચિંતાનો વિષય છે. આ નિર્ણય અચાનક લેવાયો છે કારણ કે કેટલાક વિદેશી નાગરિકો દ્વારા આ સુવિધાનો દુરુપયોગ થતો હતો. હવે ભારતીયો માટે વિઝા-ફ્રી સ્ટે 60 દિવસથી ઘટીને 30 દિવસનો થઈ શકે છે. જોકે, જરૂર પડ્યે વધુ 30 દિવસનું એક્સ્ટેન્શન ફી અને દસ્તાવેજો દ્વારા મળી શકશે. ઇમિગ્રેશન સિસ્ટમને ડિજિટલ બનાવવામાં આવી છે.

અમેરિકન તપાસ એજન્સીઓએ ઇવાન્કા ટ્રમ્પની હત્યાના એક ગંભીર આતંકી કાવતરાનો પર્દાફાશ કર્યો છે. પકડાયેલો આરોપી ઇવાન્કા ટ્રમ્પના ઘરનો નકશો લઈને ફરી રહ્યો હતો અને તેની શંકાસ્પદ ગતિવિધિઓથી સુરક્ષા એજન્સીઓ એલર્ટ થઈ ગઈ હતી. આ કાવતરા પાછળ ઈરાન સમર્થિત આતંકી નેટવર્કનો હાથ હોવાનું મનાય છે, જે કમાન્ડર કાસિમ સુલેમાનીના મોતનો બદલો લેવા માંગતું હતું. આ ખુલાસા બાદ ઇવાન્કા ટ્રમ્પ અને અમેરિકી પ્રમુખના પરિવારની સુરક્ષા વ્યવસ્થા અત્યંત કડક કરી દેવામાં આવી છે.

પાંચ રાજ્યોની ચૂંટણી બાદ મોંઘવારી અને ઈંધણ કટોકટીનો માર જનતા પર પડ્યો છે. અત્યાર સુધી વિપક્ષના દાવાઓને 'અફવા' ગણાવતી સરકાર સામે હવે ખુદ ભાજપના વરિષ્ઠ સાંસદ પુરુષોત્તમ રૂપાલાએ ઈંધણ અછતની પોલ ખોલી નાખી છે. રૂપાલાએ સ્વીકાર્યું કે દેશમાં માત્ર 40% જ પેટ્રોલ-ડીઝલનો જથ્થો બચ્યો છે. આ સ્વીકૃતિ બાદ સરકારના "ગભરાવાની જરૂર નથી" તેવા દાવાઓની સચ્ચાઈ ખુલ્લી પડી ગઈ છે. છેલ્લા એક સપ્તાહથી ગુજરાતમાં પેટ્રોલ-ડીઝલની ભયાનક અછત છે, અને અનેક પેટ્રોલ પંપો પર 'સ્ટોક નથી' તેવા પાટિયાં ઝૂલી રહ્યા છે.

અમેરિકન પ્રમુખ ડોનાલ્ડ ટ્રમ્પે ગ્રીનલેન્ડને લઈને ફરી વિશ્વનું ધ્યાન ખેંચ્યું છે. તેમણે સોશિયલ મીડિયા પર 'Hello, Greenland!' લખી તસવીર શેર કરી. અમેરિકાના વિશેષ દૂતે ગ્રીનલેન્ડને ઈરાનના ઓઇલ સપ્લાયના વિકલ્પ તરીકે રજૂ કરતાં વૈશ્વિક રાજકારણમાં ગરમાવો આવ્યો છે. ગ્રીનલેન્ડમાં અમેરિકાની હાજરી વધારવાના પ્રયાસો સામે સ્થાનિક લોકોનો વિરોધ પણ જોવા મળ્યો છે. ટ્રમ્પ અગાઉ પણ ગ્રીનલેન્ડને ખરીદવાની ઈચ્છા વ્યક્ત કરી ચૂક્યા છે.

ચીનના શાંક્સી પ્રાંતમાં 'લિયુશેનયુ' કોલસાની ખાણમાં શુક્રવારે મોડી રાત્રે ગેસ વિસ્ફોટ થયો. આ દુર્ઘટનામાં 82 શ્રમિકના મોત થયા અને 9 હજુ લાપતા છે. 247 શ્રમિક કામ કરી રહ્યા હતા, જેમાંથી 200થી વધુ સુરક્ષિત બહાર નીકળ્યા. આ ઘટના છેલ્લા એક દાયકામાં ચીનની સૌથી ઘાતક ખાણ દુર્ઘટનાઓમાંથી એક ગણાય છે. રાષ્ટ્રપતિ શી જિનપિંગે ઊંડાણપૂર્વક તપાસ અને કડક કાર્યવાહીના આદેશ આપ્યા છે. જવાબદાર કંપનીના અધિકારીઓને કસ્ટડીમાં લેવાયા છે.

સૌરાષ્ટ્ર, કચ્છ સહિત રાજ્યના અનેક વિસ્તારોમાં પેટ્રોલ પંપ પર 'ડીઝલ નથી' નાં પાટિયા લાગી રહ્યા છે અને ભારે વાહનોની કતારો જોવા મળી રહી છે. જોકે, મે મહિનાના પ્રથમ 21 દિવસમાં ગુજરાતમાં ડીઝલનું વેચાણ 41% વધીને 45.27 કરોડ લિટર થયું હોવાનો દાવો કરાયો છે. સામાન્ય રીતે 2-5% વધારા સામે, અછતની આશંકાથી વેચાણમાં આ મોટો ઉછાળો જોવા મળી રહ્યો છે. આ સ્થિતિ વચ્ચે ગત વર્ષની સરખામણીએ આ વર્ષે 13.23 કરોડ લિટર ડીઝલ વધુ વેચાયું છે.

અમેરિકા અને ઈરાન વચ્ચેનો તણાવ ફરી ખતરનાક સ્તરે પહોંચ્યો છે. ડોનાલ્ડ ટ્રમ્પ પ્રશાસન ઈરાન સામે નવા સૈન્ય હુમલાની તૈયારી કરી રહ્યું હોવાના અહેવાલો વચ્ચે વ્હાઇટ હાઉસમાં હાઈ-લેવલ બેઠક યોજાઈ હતી. અમેરિકી સૈન્ય મથકોને એલર્ટ કરવામાં આવ્યા છે અને કેટલાક સૈનિકોની રજાઓ પણ રદ થઈ છે. ટ્રમ્પે પોતાના ખાનગી કાર્યક્રમો અને દીકરાના લગ્નમાં હાજરી પણ રદ કરી છે. બીજી તરફ પાકિસ્તાન અને કતાર યુદ્ધ ટાળવા માટે મધ્યસ્થીના પ્રયાસોમાં જોડાયા છે.

ભારતમાં પેટ્રોલ, ડીઝલ અને CNGના ભાવમાં સતત વધારો જોવા મળી રહ્યો છે. શનિવારે પેટ્રોલના ભાવમાં પ્રતિ લિટર 87 પૈસા અને ડીઝલના ભાવમાં પ્રતિ લિટર 91 પૈસાનો વધારો થયો છે. છેલ્લા 10 દિવસમાં આ ત્રીજી વખત ઇંધણના ભાવ વધ્યા છે, જેના કારણે સામાન્ય લોકો પર મોંઘવારીનો બોજ વધ્યો છે. CNGના ભાવમાં પણ ₹1 નો વધારો થયો છે. પેટ્રોલિયમ મંત્રાલયે દેશમાં ઇંધણની અછત ન હોવાની ખાતરી આપી છે.

US પ્રશાસને ગ્રીન કાર્ડ મેળવવાની પ્રક્રિયામાં મોટો ફેરફાર કર્યો છે. હવે અમેરિકામાં અસ્થાયી વિઝા પર રહેતા મોટાભાગના વિદેશી નાગરિકોએ ગ્રીન કાર્ડ મેળવવા માટે પોતાના વતન પરત ફરવું પડશે અને ત્યાંથી જ અરજી પ્રક્રિયા પૂર્ણ કરવી પડશે. USCIS ના પ્રવક્તા જેક કાહલરે સ્પષ્ટ કર્યું છે કે, 'અસાધારણ સંજોગો' સિવાય, હવે તમામ ઈચ્છુકોએ પોતાના દેશમાંથી જ આ પ્રક્રિયા પૂરી કરવી પડશે. આ નીતિનો ઉદ્દેશ્ય ઇમિગ્રેશન સિસ્ટમને વધુ પારદર્શક બનાવવાનો અને ગેરકાયદે રોકાણ અટકાવવાનો છે. આ ફેરફારથી IT પ્રોફેશનલ્સ અને આંતરરાષ્ટ્રીય વિદ્યાર્થીઓ પર મોટી અસર પડશે.

સુરતના પુણા વિસ્તારમાં આર્થિક તંગીથી કંટાળીને 32 વર્ષીય સાડી વેપારી બાલુભાઈ મકવાણાએ પોતાની જ દુકાનમાં ઝેરી દવા પી જીવન ટૂંકાવ્યું. આ ઘટનાએ સમગ્ર ટેક્સટાઇલ માર્કેટ અને સ્થાનિક વિસ્તારમાં ચિંતા જગાવી છે. પ્રાથમિક અનુમાન મુજબ, વેપારમાં ચાલી રહેલી આર્થિક મંદી અને દેવાની ચિંતાને કારણે તેમણે આત્યંતિક પગલું ભર્યું. પોલીસે અકસ્માત મોતનો ગુનો નોંધી વધુ તપાસ હાથ ધરી છે.

દેશમાં મોંઘવારીનો વધુ એક મોટો ઝટકો સામાન્ય જનતાને લાગ્યો છે. પેટ્રોલ અને ડીઝલના ભાવમાં થયેલા વધારા બાદ હવે સીએનજી (CNG) ના ભાવમાં પણ વધારો ઝીંકી દેવામાં આવ્યો છે. ઓઈલ માર્કેટીંગ કંપનીઓએ શનિવારે સવારે પેટ્રોલ-ડીઝલના ભાવ વધાર્યા બાદ તુરંત જ સીએનજીની કિંમતોમાં પણ પ્રતિ કિલો 1 રૂપિયાનો વધારો કરી દીધો છે. આ ભાવ વધારા બાદ સામાન્ય લોકોના બજેટ પર ભારે વિપરીત અસર પડવાની સંભાવના છે.

ઓઈલ માર્કેટિંગ કંપનીઓએ ફરી ભાવ વધારો અમલમાં મૂકતા અમદાવાદ અને રાજકોટમાં પેટ્રોલ ₹99ને પાર પહોંચી ગયું છે. અમદાવાદમાં પેટ્રોલ 86 પૈસા વધી ₹99.07 અને ડીઝલ 94 પૈસા વધી ₹94.99 થયું છે. રાજકોટમાં પેટ્રોલ 87 પૈસા વધી ₹99.04 અને ડીઝલ 91 પૈસા વધી ₹95.41 થયું છે. આ સપ્તાહે ત્રીજા ભાવ વધારાથી પરિવહન ખર્ચ વધતાં જીવનજરૂરી ચીજવસ્તુઓ મોંઘી થવાની ભીતિ છે, જે સીધી અસર મધ્યમ વર્ગના ઘરના બજેટ પર પડશે.

દેશમાં પેટ્રોલ અને ડીઝલના ભાવમાં ફરી ભાવ વધારો જોવા મળ્યો છે. દિલ્હીમાં પેટ્રોલ 87 પૈસા મોંઘુ થઈ ₹99.51 અને ડીઝલ 91 પૈસા મોંઘુ થઈ ₹92.49 પ્રતિ લિટર થયું છે. 9 દિવસમાં ત્રીજી વખત આ ભાવ વધારો થયો છે. મુખ્ય કારણ આંતરરાષ્ટ્રીય બજારમાં ક્રૂડ ઓઈલના ભાવમાં થયેલો ઉછાળો છે. ઈરાન અને અમેરિકા વચ્ચે યુદ્ધની સ્થિતિને કારણે ક્રૂડ ઓઈલના ભાવ $100 પ્રતિ બેરલને પાર પહોંચી ગયા છે, જેના કારણે તેલ કંપનીઓને નુકસાન ભરપાઈ કરવા આ પગલું ભરવું પડ્યું છે. આનાથી પરિવહન, ખેતી અને અન્ય ક્ષેત્રો પર પણ અસર થશે.

હરિપ્રબોધમ પરિવાર દ્વારા ગુરુહરિ હરિપ્રસાદ સ્વામીજી મહારાજના 92માં પ્રાગટ્ય દિવસ નિમિત્તે 23 મેના રોજ કારેલીબાગમાં ગુરુભક્તિ મહોત્સવનું આયોજન કરાયું છે. આ મહોત્સવમાં 5000 Gen-Z ને વ્યસન અને સોશિયલ મીડિયાના વળગણમાંથી મુક્ત કરવા સંકલ્પ લેવડાવાશે. 10 હજાર યુવાનો અને ભક્તો પ્રત્યક્ષ ઉપસ્થિત રહેશે, જ્યારે 1.50 લાખથી વધુ ભક્તો ડિજિટલ માધ્યમથી જોડાશે. વડાપ્રધાન નરેન્દ્ર મોદીના ઇંધણ બચાવવાના સંદેશને અનુસરીને, વડીલ સંતો દ્વારા સામૈયો ડિજિટલ માધ્યમથી નિહાળવાની વ્યવસ્થા કરાઈ છે.

બોડેલી તાલુકાના રાજબોડેલી ગામના સ્વ. સંજયસિંહ ખુમાનસિંહ પરમાર, જેમણે SBI ચલામલી શાખામાંથી પ્રધાનમંત્રી જીવન જ્યોતિ વીમા યોજના હેઠળ રૂા. 2 લાખનો વીમો લીધો હતો. તેમનું એક માસ અગાઉ નેચરલ ડેથ થયું હતું. મૃતક ખેડૂતના પત્ની નિલમબેન પરમારે બેંકનો સંપર્ક કર્યો. SBI ચલામલી શાખાના મેનેજર આશિષભાઈ વલોદરીયા અને તેમના સ્ટાફે કાર્યવાહી કરી, માત્ર પંદર દિવસમાં નિલમબેનને રૂા. 2 લાખનો વીમા ચેક અર્પણ કર્યો.

શિનોર સ્થિત ધી શિનોર નાગરિક સહકારી બેંક લિ. દ્વારા તેના સભાસદોને વાર્ષિક નફામાં ભાગીદાર બનાવી, રૂ. 1250 ની કિંમતની ગુણવત્તાસભર મસાલા કિટનું વિતરણ કરવામાં આવ્યું. આ કિટમાં મરચું, હળદર, ગરમ મસાલો, ધાણા જીરું, જીરું, અજમો, રઈ, સંભાર મસાલો, મરી અને લવિંગ જેવી વિવિધ વસ્તુઓનો સમાવેશ થાય છે. બેંકના ચેરમેન સચિન પટેલ, વાઇસ ચેરમેન ઠાકોર પટેલ અને એમ.ડી. વિનુ પટેલ સહિત બોર્ડ ઓફ ડિરેક્ટરો દ્વારા આ પહેલ કરવામાં આવી, જે સભાસદોના સહકાર અને બેંકની પ્રગતિને દર્શાવે છે.

ડિજીટલ ટેકનોલોજીનો વ્યાપ વઘતાં લોકો અખબારો વાંચવાના બદલે ઓનલાઇન ઇ પેપર વાંચતા થયા છે એવી માન્યતા જોવા મળે છે. પરંતુ ઇન્ટરનેટ જાયન્ટ ગુગલના સીઇઓ સુંદર પીચાઇ એ બહુ પેટ છૂટી વાત કરતા કહ્યું છે કે હું બહુ વહેલો ઉઠતો નથી. સાતેક વાગે ઉઠીને પહેલાં ઇમેલ કે નોટિફીકેશન ચેક કરવાના બદલે શાંતિથી છાપું હાથમાં લઇને વાંચું છું અને ચાની ચુસકી લેતા વાંચું છું.

સ્વતંત્ર બ્લોગર જેનિફર ઝેંગે અમેરિકાના પ્રમુખ ટ્રમ્પના ચીનના પ્રવાસ દરમિયાન અમેરિકન પ્રતિનિધિમંડળની જાસૂસી કરવાનો આરોપ ચીન પર મૂક્યો છે. તેણે આક્ષેપ કર્યો હતો કે અમેરિકન પ્રતિનિધિમંડળની આસપાસ જે હતા તે વેઇટર કે વેઇટ્રેસ નહીં પણ ચાઇનીઝ મિલિટરી ઓફિસર હતા. જો કે તેનો આ ચોંકાવનારો દાવો સાવ નવો નથી, તે અગાઉ પણ આવા દાવા કરી ચૂકી છે. ઝેંગ આ અગાઉ ચોંકાવનારો દાવો કરી ચૂકી છે કે કેનેડામાં રહેતા ખાલિસ્તાની આતંકવાદી હરદીપસિંહ નિજ્જરની હત્યા ચીને કરાવી છે, જેથી ભારતને તેમા ફિટ કરીને પશ્ચિમી દેશો અને તેમની વચ્ચેના સંબંધો બગાડી શકાય.

છેલ્લા ઘણા સમયથી એઆઈની ક્ષમતાઓમાં વધારો થઈ રહ્યો છે. તેની નવી સિદ્ધિએ ગણિતજ્ઞાોને આશ્ચર્યમાં મૂકી દીધા છે. OpenAIના AI મોડલે ૮૦ વર્ષથી મૂંઝવતા ગણિતના સૌથી અઘરા સવાલના ઉકેલ તરફ પ્રગતિ કરી છે. આ ઉલ્લેખનીય છે કે, એર્ડોશ પ્રોબ્લેમને હંગેરીના ગણિતજ્ઞા પોલ એર્ડોશે ૧૯૪૬માં રજૂ કર્યો હતો. દુનિયાભરના શ્રેષ્ઠ ગણિતજ્ઞાો તેને ઉકેલવાનો પ્રયત્ન દાયકાઓથી કરી રહ્યા હતા.

અમેરિકાએ H-1B વિઝા માટે નવી પૉલિસી અમલી બનાવી હતી. ટ્રમ્પ સરકારે સ્થાનિક અમેરિકન યુવાનોને આઈટીમાં નોકરી મળે તે માટે એવી પૉલિસી લાગુ પાડી છે કે જે વિદેશી આઈટી પ્રોફેશ્નલ્સ ઉચ્ચ ડિગ્રી ધરાવતા હશે, એમાંય અમેરિકન યુનિવર્સિટીઝના ડિગ્રીધારકો હશે અને જેમને ઊંચો પગાર આપવો પડે તેમ હશે તેમને H-1B વિઝામાં પ્રાથમિકતા આપવી પડશે. તેનો અર્થ એ કે વિદેશી પ્રોફેશ્નલ્સને ઊંચો પગાર આપવો પડે એના બદલે આઈટી કંપનીઓ સ્થાનિક યુવાનોને જ રોજગારી આપવાનું પસંદ કરે. એ કારણે H-1Bના રજિસ્ટ્રેશનમાં ધરખમ ઘટાડો થયો છે.

રશિયા-યુક્રેન યુદ્ધ પાંચમાં વર્ષમાં પ્રવેશી ચૂક્યુ છે ત્યારે રશિયાના ચાલુ વર્ષે વધુને વધુ તીવ્ર બનેલા હુમલાનો પ્રતિકાર કરવા માટે અમેરિકા યુક્રેનને લગભગ 11 કરોડ ડોલરના શસ્ત્રોનું વેચાણ કરવા તૈયાર થયું છે. યુક્રેનને આ સોદા પેટે મળનારી મિડ રેન્જ ડિફેન્સ મિસાઇલ સિસ્ટમથી ટકી રહેવામાં મદદ મળશે. આ દરમિયાન યુક્રેનના હુમલામાં રશિયામાં ચારના મોત થયાનો રશિયાએ દાવો કર્યો છે. યુક્રેનને ગ્રાઉન્ડ ટુ એરહોક મિસાઇલના ઉપકરણો, સ્પેરપાર્ટ્સ, લોજિસ્ટિક્સનું પણ વેચાણ કરાશે.

Reserve Bank of India દ્વારા લિક્વિડિટી વધારવા માટે પગલાં લેવાતા શેરબજારમાં તેજી જોવા મળી છે. RBIએ 5 અબજ ડોલરના સ્વેપ ઓક્શન અને કેન્દ્ર સરકારને રેકોર્ડ ₹2.87 લાખ કરોડનું ડિવિડન્ડ જાહેર કરતાં બેંકિંગ અને ફાઈનાન્સ શેરોમાં ભારે ખરીદી થઈ હતી. વિદેશી રોકાણકારોની વેચવાલી વચ્ચે સ્થાનિક ફંડોએ સતત ખરીદી ચાલુ રાખી. રૂપિયો ડોલર સામે 51 પૈસા મજબૂત થઈ 95.69 પર પહોંચ્યો હતો. BSE Sensex 231 પોઈન્ટ વધી 75,415 પર અને NIFTY 50 64 પોઈન્ટ વધી 23,719 પર બંધ રહ્યા.

અમરેલી જિલ્લામાં પેટ્રોલ ડીઝલની અછત છે. ત્યારે વડીયામાં પણ વાહન ચાલકોને પેટ્રોલ ડીઝલ મળી રહ્યું નથી. વડીયામાં પેટ્રોલ પંપો પર આજે વાહનોની ભારે ભીડ જામી હતી. ડીઝલનો જથ્થો તો મર્યાદિત જ આવે છે. પરંતુ હવે પેટ્રોલનો જથ્થો પણ મર્યાદીત આવતો હોય બાઈક ચાલકોની પણ લાંબી કતાર લાગે છે.

વિદેશી સંસ્થાકીય રોકાણકારો (Foreign Institutional Investors) ભારતીય શેર બજારોમાં પાછલા ઘણા મહિનાઓથી વેચવાલી કરી રહ્યા છે. ચાલુ મે મહિનાના પ્રથમ પખવાડિયામાં, તેમણે ફાઈનાન્શિયલ શેરોમાંથી કુલ રોકાણના 47 ટકા, એટલે કે લગભગ રૂ. 18,000 કરોડ પાછા ખેંચ્યા છે. બેંકો ઊંચા બોન્ડ યિલ્ડના પડકારનો સામનો કરી રહી છે, જેની સીધી અસર તેમની ટ્રેઝરી આવક પર પડી રહી છે. આ કારણે રોકાણકારોમાં ચિંતાનો માહોલ જોવા મળી રહ્યો છે.

ઊંઝાના દાસજ રોડ પર GM બ્રાન્ડની જીરા ફેક્ટરીમાં ફૂડ સેફ્ટીના નિયમોનું ગંભીર ઉલ્લંઘન અને લાયસન્સ વગર ઉત્પાદન થતું હોવાથી ગાંધીનગર ફૂડ એન્ડ ડ્રગ્સ વિભાગ (FSSAI)ની ટીમે આકસ્મિક દરોડો પાડી ફેક્ટરીને સીલ કરી કામકાજ બંધ કરાવી દીધું. શ્રી આગિયાવીર વૈતાલ એન્ટરપ્રાઇઝ નામની આ ફેક્ટરી સામે કરલીના જાગૃત નાગરિક ઉર્વિશ પટેલે GM બ્રાન્ડના જીરા પેકેટમાંથી મરેલી ગરોળી નીકળવાનો આક્ષેપ કરી ફરિયાદ કરી હતી, જેના પગલે આ કાર્યવાહી કરવામાં આવી.