અમેરિકન રાષ્ટ્રપ્રમુખ ડોનાલ્ડ ટ્રમ્પે અનેક દેશો પર ટેરિફ ઝિંકીને અઢળક નાણાં મેળવી લીધા હતા, જોકે અમેરિકન સુપ્રીમ કોર્ટે ટેરિફને ગેરકાયદેસર જાહેર કરીને ટેરિફ પરત આપી દેવાનો આદેશ કર્યા બાદ હવે રિફંડ કરવાની પ્રક્રિયા આગળ વધી છે. આ પ્રક્રિયા મુજબ હવે ટુંક સમયમાં ભારત સહિતના દેશોના આયાતકારોને રિફંડ મળી જશે. રિપોર્ટ મુજબ, અમેરિકન આંતરરાષ્ટ્રીય વેપાર અદાલતમાં ટેરિફ રિફંડ મામલે અરજી દાખલ કરાઈ હતી, જેમાં કોર્ટના આદેશ મુજબ, પ્રથમ હપ્તાની ચુકવણી લગભગ 11 મેથી શરૂ થવાની આશા છે.

ગુજરાતમાં સ્થાનિક સ્વરાજ્યની ચૂંટણીના પરિણામો જાહેર થયા બાદ છોટાઉદેપુર જિલ્લામાં 'રાજકીય હાઈજેક'ના સ્થિતિ જોવા મળી છે. ભાજપ દ્વારા ચૂંટાયેલા સભ્યોની ખરીદ-વેચાણની આશંકા અને તોડજોડની રાજનીતિથી બચવા માટે AAPએ પોતાના વિજેતા સદસ્યોને રાજ્ય બહાર મધ્યપ્રદેશમાં ખસેડી દીધા હોવાનું સામે આવ્યું છે. આમ આદમી પાર્ટીના સૂત્રો તરફથી મળતી વિગતો મુજબ, ભાજપ દ્વારા AAPના ચૂંટાયેલા સદસ્યોને પક્ષ પલટો કરાવવા માટે રૂ.10-10 લાખ સુધીની ઓફરો કરવામાં આવી રહી છે. ભાજપ સામ-દામ-દંડ-ભેદની નીતિ અપનાવીને સભ્યોને ઉઠાવી ન જાય તે માટે AAPના નેતાઓ હરકતમાં આવ્યા છે.

એપલના CEO ટિમ કુકે ભારતીય બજારને કંપની માટે અત્યંત મહત્વપૂર્ણ ગણાવતા પ્રબળ ઉત્સાહ વ્યક્ત કર્યો છે. તાજેતરના ત્રિમાસિક પરિણામો બાદ તેમણે જણાવ્યું કે ભારતની ઝડપથી વધતી મધ્યવર્ગીય વસ્તી અને એપલ પ્રોડક્ટ્સની વધતી માંગ લાંબા ગાળાની મોટી તકો પૂરી પાડે છે. માર્ચ ત્રિમાસિકમાં ભારતે ડબલ-ડિજિટ વૃદ્ધિ સાથે શાનદાર પ્રદર્શન કર્યું છે. ટિમ કુકના મતે, વૈશ્વિક સ્તરે ભારત એક મુખ્ય માર્કેટ તરીકે ઉભરી રહ્યું છે, જે આગામી સમયમાં એપલના વ્યવસાયિક વિસ્તરણ માટે નિર્ણાયક ભૂમિકા ભજવશે.

પંજાબના વિપક્ષના મુખ્યમંત્રી ભગવંત માન પર દારૂ પીને પંજાબ વિધાનસભામાં હાજર થવાનો આરોપ લાગ્યો છે. આ મામલે એક વીડિયો સોશિયલ મીડિયા માધ્યમ 'X' શેર કરવામાં આવ્યો છે. આરોપ છે કે, મુખ્યમંત્રી ભગવંત માન નશાની હાલતમાં વિધાનસભામાં સંબોધિત કર્યું હતું. જેને લઈને કોંગ્રેસ, ભાજપ અને શિરોમણી અકાલી દળે એક સુરમાં CM માન સામે તપાસની માગ ઉઠાવી છે. કોંગ્રેસના ધારાસભ્ય પરતાપ સિંહ બાજવાએ આ મામલે પંજાબ વિધાનસભા સ્પીકરને પત્ર લખ્યો છે. જેમાં બાજવાએ માગ કરી છે કે, 'સદનમાં હાજર તમામ સદસ્યો સહિત મુખ્યમંત્રીનું ડોપ ટેસ્ટ થયુ જોઈએ.'

અમેરિકા-ઈરાન વચ્ચે ફરી મહાયુદ્ધ થવાના ભણકારા વાગી રહ્યા છે. અમેરિકાના રાષ્ટ્રપ્રમુખ ડોનાલ્ડ ટ્રમ્પ ઈરાન પર હુમલા કરવાની તૈયારીમાં હોવાની વિગતો સામે આવી છે. રિપોર્ટ મુજબ, અમેરિકી સેન્ટ્રલ કમાન્ડના કમાન્ડર બ્રેડ કૂપર અને જોઇન્ટ ચીફના ચેરમેને ટ્રમ્પ સાથે લગભગ 45 મિનિટ સુધી વાતચીત કરી છે, જેમાં ઈરાન પર હુમલા માટે ત્રણ યોજના તૈયાર હોવાની ટ્રમ્પને માહિતી આપી છે, તેવો એક્સિઓસે દાવો કર્યો છે. ‘ધ ઈઝરાયલ ટાઇમ્સ’ અને ‘ધ જેરુસલેમ પોસ્ટે’ના રિપોર્ટના દાવા મુજબ અમેરિકાએ માત્ર 24 કલાકમાં ઈઝરાયેલને આશરે 6,500 ટન દારૂગોળો અને સૈન્ય સાધન-સામગ્રી મોકલી છે.

નેપાળની બાલેન શાહ સરકારે ભ્રષ્ટાચારીઓ સામે અત્યાર સુધીનો સૌથી મોટો પ્રહાર કરતા 'સંપત્તિ તપાસ પંચ' (Property Investigation Commission) ની રચના કરી છે. આ પંચ દ્વારા વર્તમાન અને પૂર્વ વડાપ્રધાન, મંત્રીઓ, સાંસદો અને ઉચ્ચ સરકારી અધિકારીઓની સંપત્તિની ઝીણવટભરી તપાસ કરવામાં આવશે. સુપ્રીમ કોર્ટના નિવૃત્ત જસ્ટિસ રાજેન્દ્ર કુમાર ભંડારીના અધ્યક્ષપદ હેઠળ પાંચ સભ્યોના પંચની રચના કરવામાં આવી છે. પંચે શુક્રવારથી વિધિવત કામગીરી શરૂ કરી દીધી છે. આ પંચનો કાર્યકાળ એક વર્ષનો રહેશે અને તે તબક્કાવાર રીતે પોતાનો રિપોર્ટ સોંપશે.

જો તમારા મોબાઈલ ફોનમાં અચાનક જોરદાર સાયરન જેવો અવાજ આવે અને સ્ક્રીન પર NDMA (નેશનલ ડિઝાસ્ટર મેનેજમેન્ટ ઓથોરિટી) નો કોઈ મેસેજ દેખાય, તો ગભરાવાની જરૂર નથી. ભારત સરકાર દેશમાં એક નવું ડિઝાસ્ટર વોર્નિંગ સિસ્ટમ એટલે કે 'સેલ બ્રોડકાસ્ટ એલર્ટ' (Cell Broadcast Alert) ટેસ્ટ કરી રહી છે. 2 મે, 2026 ના રોજ તમારા વિસ્તારમાં આ ટેસ્ટિંગ કરવામાં આવશે. મેસેજમાં સ્પષ્ટ લખ્યું હશે કે: NDMA તમારા વિસ્તારમાં સેલ બ્રોડકાસ્ટ એલર્ટનું પરીક્ષણ કરશે. આ મેસેજ મળવા પર તમારે કોઈ પગલાં લેવાની જરૂર નથી. કૃપા કરીને ગભરાશો નહીં.

૧ એપ્રિલ, ૨૦૨૬ના રોજ હાઈકોર્ટે દિવંગત સુપરસ્ટાર રાજેશ ખન્ના અને અનિતા અડવાણીના સંબંધો અંગે મહત્વનો ચુકાદો આપતા અનિતાની અરજી ફગાવી દીધી છે. કોર્ટે આ સંબંધને કાયદેસરના લગ્ન તરીકે માન્યતા આપવાનો ઇનકાર કરતા તેને 'લિવ-ઇન રિલેશનશિપ' ગણાવી છે. અનિતા અડવાણીનો દાવો છે કે તેઓ એક દાયકા સુધી સાથે રહ્યા હતા અને ખાનગીમાં લગ્ન કર્યા હતા, જ્યારે રાજેશ ખન્નાના પરિવારે આ દાવાઓને નકારી કાઢ્યા છે. જોકે, અનિતાએ પોતાના સન્માન માટે કાયદાકીય લડત ચાલુ રાખવાની મક્કમતા દર્શાવી છે.

અમેરિકન સેન્ટ્રલ કમાન્ડ (CENTCOM) મધ્ય એશિયામાં ઈરાન વિરુદ્ધ સંભવિત સૈન્ય કાર્યવાહી માટે સજ્જ થઈ રહ્યું છે. ગાઈડેડ-મિસાઈલ ડિસ્ટ્રોયર 'યુએસએસ ડેલબર્ટ ડી બ્લેક' પર ઈંધણ અને આધુનિક હથિયારોનો પુરવઠો લોડ કરવાની કામગીરી પૂરજોશમાં ચાલી રહી છે. પ્રમુખ ડોનાલ્ડ ટ્રમ્પ અને એડમિરલ બ્રૅડ કૂપર વચ્ચેની બેઠકમાં ઈરાનના મહત્વના ઈન્ફ્રાસ્ટ્રક્ચર પર 'ડાર્ક ઈગલ' જેવી હાઈપરસોનિક મિસાઈલો દ્વારા શક્તિશાળી હુમલાના વિકલ્પો પર ચર્ચા થઈ છે. અમેરિકી નૌસેના કોઈપણ સ્થિતિનો સામનો કરવા અને લાંબા ગાળાના મિશન માટે પોતાની સૈન્ય તાકાત તહેનાત કરી રહી છે.

મ્યાનમારના સૈન્ય શાસને સ્ટેટ કાઉન્સિલર આંગ સાન સૂ કીને જેલમાંથી મુક્ત કરીને હવે નજરકેદ (હાઉસ અરેસ્ટ)માં રાખવાનો નિર્ણય કર્યો છે. મ્યાનમારના માહિતી મંત્રાલયે આ અંગે સ્પષ્ટતા કરી છે કે, નૈ પિ તાવ જેલમાં સજા કાપી રહેલા 80 વર્ષીય સૂ કીની બાકીની સજાને હવે નજરકેદમાં ફેરવવામાં આવી છે. 80 વર્ષની વયે તેમની નબળી શારીરિક સ્થિતિ અને બૌદ્ધ ધર્મના પવિત્ર દિવસ 'કસૌન પૂર્ણિમા'ને ધ્યાનમાં રાખીને માનવતાના ધોરણે આ નિર્ણય લેવામાં આવ્યો હોવાનું મંત્રાલયે જણાવ્યું છે.

પશ્ચિમ બંગાળમાં TMC અને BJP વચ્ચે આરોપ-પ્રત્યારોપ ચાલુ છે. મુખ્યમંત્રી મમતા બેનર્જીએ ભવાનીપુર સીટના સ્ટ્રોંગ રૂમમાં EVM સાથે છેડછાડનો આરોપ લગાવ્યો. તેમણે પારદર્શિતા જાળવવા અને ગેરરીતિ નહિં સહન કરવાની ચેતવણી આપી. ચૂંટણી આયોગે તમામ આરોપો નકારી કાઢ્યા, EVM સુરક્ષિત હોવાનું જણાવ્યું.

અમૃતસર સ્થિત અટારી બોર્ડર પર પ્રસિદ્ધ રિટ્રીટ સેરેમનીનો સમય બદલાયો છે. હવે તે સાંજે 6 થી 6:30 વાગ્યા સુધી ચાલશે. હવામાન અને પ્રકાશને ધ્યાનમાં રાખીને આ નિર્ણય લેવાયો છે. દર્શકોને સારો અનુભવ અને સુરક્ષા માટે આ ફેરફાર જરૂરી હતો. દેશભક્તિથી ભરપૂર આ સેરેમની જોવા હજારો લોકો આવે છે. આ નવો સમય 1 મેથી લાગુ કરાયો છે.

કચ્છમાં ભાજપની ભવ્ય જીત બાદ ભુજ નગરપાલિકામાં નવા હોદ્દેદારોની પસંદગી માટે 4 મેના રોજ નિરીક્ષકો દ્વારા સેન્સ પ્રક્રિયા હાથ ધરાશે. પ્રદેશમાંથી આવેલા નિરીક્ષકો ચૂંટાયેલા સભ્યો અને અગ્રણીઓ પાસેથી પ્રમુખ, ઉપપ્રમુખ અને સ્ટેન્ડિંગ કમિટીના ચેરમેન જેવા પદો માટે અભિપ્રાય મેળવશે. દરેક હોદ્દા માટે 3-3 નામોની પેનલ તૈયાર કરી હાઈકમાન્ડને મોકલવામાં આવશે, જે અંતિમ નિર્ણય લેશે.

મદુરાઈ શહેર વૈગાઈ નદીના કિનારે ભવ્ય કલ્લાઝાગર ઉત્સવની ઉજવણી કરી રહ્યું છે. હજારો ભક્તો ભગવાન કલ્લાઝાગરના દર્શન કરવા અને આશીર્વાદ મેળવવા એકત્રિત થયા છે. આ ઉત્સવ ધાર્મિક ઉત્સાહ અને સાંસ્કૃતિક પરંપરાઓનું અનોખું મિશ્રણ દર્શાવે છે. પરંપરા મુજબ દેવતાનો વૈગાઈ નદીમાં આગમન શુભ સંકેત માનવામાં આવે છે. ઉત્સવ દરમિયાન શહેરમાં ધાર્મિક અને સાંસ્કૃતિક માહોલ છવાઈ ગયો હતો. ભગવાન કલ્લાઝાગરના દર્શનથી ભક્તોમાં આનંદ અને ભક્તિનો માહોલ સર્જાયો.

2025-26માં તેલ કંપનીઓએ રોજ ₹116 કરોડનો નફો કર્યો, જ્યારે પાછલા નાણાકીય વર્ષમાં ક્રૂડ ઓઇલની કિંમત કોવિડ પછી સૌથી ઓછી રહી. ઈરાન-અમેરિકા યુદ્ધને કારણે ક્રૂડના ભાવ $126 સુધી પહોંચ્યા હતા, પરંતુ પછી $116 થયા. એજન્સીઓ મુજબ, કંપનીઓને દરરોજ ₹2,400 કરોડનું નુકસાન થયું, પેટ્રોલ પર ₹14 અને ડીઝલ પર ₹18 પ્રતિ લિટર. જોકે, 2025-26માં સરેરાશ ભાવ $71 રહ્યા. સરકારે એક્સાઈઝ ડ્યુટી ઘટાડી અને ડીઝલ નિકાસ પર વિન્ડફોલ ટેક્સ વધારીને આવક મેળવી.

આજે સમગ્ર ગુજરાત ૧ મેના રોજ પોતાનો 'સ્થાપના દિવસ' ઉત્સાહભેર ઉજવી રહ્યું છે. આ અવસરે વડાપ્રધાન નરેન્દ્ર મોદીએ ગુજરાતીઓને હાર્દિક શુભકામનાઓ પાઠવતા રાજ્યની પ્રગતિ અને ગૌરવની પ્રશંસા કરી છે. તેમણે ગુજરાતીઓની ઉદ્યોગ સાહસિકતા, અથાણ મહેનત અને ગતિશીલતાને વિશ્વભરમાં રાજ્યની આગવી ઓળખ ગણાવી છે. પીએમ મોદીએ આશા વ્યક્ત કરી કે ગુજરાત વિકાસના નવા શિખરો સર કરીને 'વિકસિત ભારત'ના નિર્માણમાં પોતાનું અમૂલ્ય યોગદાન આપતું રહેશે. રાજ્યના ભવ્ય વારસા અને આધુનિક વિકાસની તેમણે સરાહના કરી છે.

ભારત હવામાન વિભાગ (IMD)એ 1 મેના રોજ ઉત્તર પ્રદેશ, બિહાર સહિત 11 રાજ્યોમાં ભારે વરસાદ અને આંધીઓની ચેતવણી આપી છે. આ દરમિયાન 60 થી 70 કિમી પ્રતિ કલાકની ઝડપે તેજ પવન ફૂંકાવાની શક્યતા છે. હવામાન વિભાગ અનુસાર આજે ઉત્તર પ્રદેશ, બિહાર, દિલ્હી, ઉત્તરાખંડ, હરિયાણા, પંજાબ, જમ્મુ-કાશ્મીર, મધ્ય પ્રદેશ, છત્તીસગઢ, આસામ, નાગાલેન્ડ અને પશ્ચિમ બંગાળમાં મધ્યમથી ભારે વરસાદ પડી શકે છે. ઘણા રાજ્યોમાં ગોળા (ઓલા) પણ પડી શકે છે.

રાજસ્થાન, મહારાષ્ટ્રમાં 44°C થી વધુ ગરમી યથાવત છે. જોકે, વાવાઝોડા-વરસાદથી યુપી, બિહાર, કર્ણાટકમાં 29 લોકોનાં મોત થયાં છે. દિલ્હી, રાજસ્થાન સહિત ઘણા રાજ્યોમાં તાપમાન ઘટ્યું છે, પરંતુ વિદર્ભમાં 44.6°C નોંધાયું. આગામી બે અઠવાડિયા ગરમી ઓછી રહેશે. ઓડિશા, સિક્કિમ, અરુણાચલ, કર્ણાટક અને પૂર્વોત્તર રાજ્યોમાં ભારે વરસાદનું ઓરેન્જ એલર્ટ છે, જેમાં 50-60 km/h ની ઝડપે પવન, વીજળી અને કરા પડી શકે છે.

1 મેથી, ATM, UPI, ક્રેડિટ કાર્ડના ચાર્જિસ અને ગેસ સિલિન્ડરની કિંમતો સહિત ઘણા મહત્વપૂર્ણ નિયમો બદલાઈ રહ્યા છે. ખાસ કરીને ₹1000નો કોમર્શિયલ ગેસ સિલિન્ડરમાં વધારો. SBI કાર્ડધારકો માટે લેટ પેમેન્ટ ચાર્જ અને એન્યુઅલ ફીના નિયમો બદલાશે. આ ઉપરાંત, ઓનલાઇન ગેમિંગ માટે નવા સરકારી નિયમો લાગુ થશે અને બેન્ક ગ્રાહકો માટે e-KYC પૂર્ણ કરવાની અંતિમ તારીખ હોવાથી તે અપડેટ કરાવવું અનિવાર્ય બનશે, અન્યથા નાણાકીય વ્યવહારો અટકી શકે છે.

એર ઇન્ડિયા ઈન્ટરનેશનલ અને ડોમેસ્ટિક ફ્લાઇટ્સમાં લગભગ 10%નો ઘટાડો કરશે. ટાટા ગ્રુપની આ એરલાઇન ઓક્ટોબરથી દરરોજ લગભગ 100 ફ્લાઇટ્સ બંધ કરશે. ફ્યુઅલની વધતી કિંમતો અને સ્પેરપાર્ટ્સની અછત મુખ્ય કારણ છે. આંતરરાષ્ટ્રીય રૂટ્સ, ખાસ કરીને ઉત્તર અમેરિકા, યુરોપ અને ઓસ્ટ્રેલિયા સાથેના રૂટ્સ પર અસર થશે. મેટ્રો-ટુ-મેટ્રો ડોમેસ્ટિક રૂટ્સ પર પણ ફ્લાઇટ્સ ઘટશે, જેથી નફાકારક રૂટ્સ પર ધ્યાન કેન્દ્રિત કરી શકાય.

પશ્ચિમ બંગાળમાં વિધાનસભા ચૂંટણી સંપન્ન થયા બાદ રાજકીય ગરમાવો તેની ચરમસીમાએ પહોંચી ગયો છે. એક્ઝિટ પોલના પરિણામો જાહેર થયા પછી રાજ્યમાં ઠેર-ઠેર હિંસા અને ઘર્ષણના બનાવો સામે આવી રહ્યા છે. ખાસ કરીને ભાજપના એક પોલિંગ એજન્ટના ઘર પર હુમલા અને મારપીટના આરોપો બાદ હવે TMCએ EVM સાથે છેડછાડનો ગંભીર આરોપ લગાવી મોરચો ખોલ્યો છે. TMC નેતાઓ અને કાર્યકર્તાઓએ નેતાજી સુભાષ ચંદ્ર બોઝ સ્ટેડિયમ સ્થિત કાઉન્ટિંગ સેન્ટરની બહાર ધરણા શરૂ કરી દીધા છે, જેના કારણે સ્થિતિ તણાવપૂર્ણ બની છે.

પાડોશી દેશ નેપાળમાંથી એક અત્યંત દુઃખદ અને હૃદયને હચમચાવી દે તેવા સમાચાર સામે આવ્યા છે. ગુરુવારે રોલ્પા જિલ્લાના થાવાંગ ગ્રામીણ મ્યુનિસિપાલિટીમાં આવેલા જલજલા વિસ્તારમાં યાત્રાળુઓને લઈ જતી એક જીપ અકસ્માતનો ભોગ બની હતી. આ જીપ પહાડી રસ્તા પરથી લપસીને સીધી 700 મીટર ઊંડી કોતરમાં ખાબકી હતી, જેમાં સવાર 20 લોકોના ઘટનાસ્થળે જ મોત નિપજ્યા છે. દુર્ઘટના સમયે વિસ્તારમાં વરસાદ પડી રહ્યો હતો. વરસાદને કારણે પહાડી રસ્તો અત્યંત ચીકણો અને કાદવવાળો થઈ ગયો હતો.

ગુજરાત સ્થાનિક ચૂંટણીમાં ભાજપનો વોટશેર વધ્યો. આમ આદમી પાર્ટી અને કોંગ્રેસના 5588 ઉમેદવારો કુલ મતદાનના એક ચતુર્થાંશ મત મેળવી શક્યા નથી, તેથી રાજ્ય ચૂંટણી આયોગે તેમની ડિપોઝિટ જપ્ત કરવાના આદેશ આપ્યા છે. 393 પાલિકા પંચાયતોમાં 9999 બેઠકો માટે યોજાયેલી ચૂંટણીમાં ભાજપે 7502 બેઠકો જીતી. AAPના 3365 ઉમેદવારોની ડિપોઝિટ જપ્ત થઈ. કોંગ્રેસના 6218 ઉમેદવારોની ડિપોઝિટ બચી છે.

મોરબી મનપામાં ભાજપે 52 બેઠક જીતી લીધી છે. પ્રથમ મેયર પદ OBC અનામત છે, જેમાં આહીર અને સતવારા સમાજ વચ્ચે મુખ્ય સ્પર્ધા છે. સતવારા સમાજના ગણેશભાઇ ડાભીનું નામ મોખરે છે, પણ આહીર સમાજ પણ મજબૂત દાવેદાર છે. ડેપ્યુટી મેયર અને સ્ટેન્ડિંગ કમિટીના ચેરમેન પદ માટે પણ ગોઠવણો ચાલી રહી છે.

સુરેન્દ્રનગર મહાનગર પાલિકાના ચૂંટણી પરિણામોમાં ભાજપની ભવ્ય જીત થઈ છે, પરંતુ ગત ચૂંટણીની સરખામણીમાં ભાજપના મતોમાં 9364 અને કોંગ્રેસના મતોમાં 30741 નો ઘટાડો નોંધાયો છે. AAP ના 36836 મતને કારણે બંને મુખ્ય પક્ષોના મતો ઘટ્યા છે. લગ્ન અને ગરમીને કારણે પણ મતદાન ઘટ્યું.

એમેઝોને છેલ્લા એક વર્ષમાં લગભગ 30,000 નોકરીઓમાં ઘટાડો કર્યો હતો. હવે, કંપની આશરે 11,000 નવા કર્મચારીઓની ભરતી કરવાની યોજના બનાવી રહી છે. આ બદલાવનું મુખ્ય કારણ AI છે. ઉલ્લેખનીય છે કે, કંપનીએ બે તબક્કામાં કર્મચારીઓ ઘટાડયા હતા. ૨૦૨૫ના અંતમાં લગભગ 14,000 અને જાન્યુઆરી 2026 માં આશરે 16,000 નોકરીઓ ઘટાડી હતી.

દેશમાં અનેક રાજ્યોની ચૂંટણીઓ પૂર્ણ થતાની સાથે જ મોંઘવારીનો મોટો વિસ્ફોટ થયો છે. સરકારી ઓઇલ કંપનીઓએ 1 મે 2026થી 19 કિલોના કોમર્શિયલ એલપીજી સિલિન્ડરની કિંમતમાં 993 રૂપિયાનો તોતિંગ વધારો ઝીંક્યો છે. આ વધારા બાદ દિલ્હી સહિત અનેક શહેરોમાં કોમર્શિયલ સિલિન્ડરનો ભાવ 3000 રૂપિયાને પાર કરી ગયો છે. જોકે, રાહતની વાત એ છે કે 14.2 કિલોના ઘરેલું ગેસ સિલિન્ડરના ભાવમાં કોઈ ફેરફાર કરવામાં આવ્યો નથી.

ઈરાન પર નવેસરથી હુમલા અને નાકાબંધીના અહેવાલોથી ક્રુડ તેલના ભાવમાં ભારે ઉછાળો આવ્યો. બ્રેન્ટ ક્રુડ 126 ડોલર પ્રતિ બેરલને પાર ગયું. આ કારણે ભારતીય રૂપિયા પર દબાણ વધ્યું અને તે 95 ડોલર પાર કરીને નવી નીચી સપાટીએ પહોંચ્યો. ક્રુડ તેલના ઊંચા ભાવ અને રૂપિયામાં ઘટાડાથી દેશમાં ફુગાવાની ચિંતા વધી રહી છે.

કચ્છમાં સ્થાનિક સ્વરાજ્યની ચૂંટણીમાં ભાજપે ભવ્ય જીત મેળવી છે. પરિણામ બાદ હવે મહાનગરપાલિકા, જિલ્લા પંચાયત અને નગરપાલિકાઓમાં પદ માટે રાજકારણ શરૂ થયું છે. ગાંધીધામમાં મેયર અને સ્ટેન્ડિંગ કમિટી ચેરમેન પદ માટે હોડ જામી છે. જિલ્લા પંચાયતમાં પ્રમુખ પદ નક્કી છે, પરંતુ ઉપપ્રમુખ અને કારોબારી ચેરમેન માટે રસાકસી છે. આ પદો વિકાસ કાર્યો અને ગ્રાન્ટના ઉપયોગમાં મહત્વના છે. નિરીક્ષકોના અભિપ્રાય બાદ ગાંધીનગરથી અંતિમ નિર્ણય લેવાશે.

એક્ઝિટ પોલ એ મતદાન બાદ મતદારોના પ્રતિભાવો પર આધારિત એક સર્વે છે, જે વિવિધ એજન્સીઓ દ્વારા હાથ ધરાય છે. સંપૂર્ણ મતદાન પૂર્ણ થયા બાદ જ તેના આંકડા જાહેર કરી શકાય છે. જોકે, મર્યાદિત સેમ્પલ સાઈઝને કારણે તે હંમેશા સચોટ હોતા નથી. બીજી તરફ, ઓપિનિયન પોલ ચૂંટણી પહેલા લોકોની નાડ પારખવા અને લોકપ્રિયતા જાણવા માટે કરવામાં આવે છે. આ સર્વેક્ષણો દ્વારા લોકોની નારાજગી, સંતોષ અને મુખ્ય મુદ્દાઓ વિશે જાણી શકાય છે, જે ચૂંટણીના સંભવિત પરિણામોનો અંદાજ આપે છે.