પંજાબના વિપક્ષના મુખ્યમંત્રી ભગવંત માન પર દારૂ પીને પંજાબ વિધાનસભામાં હાજર થવાનો આરોપ લાગ્યો છે. આ મામલે એક વીડિયો સોશિયલ મીડિયા માધ્યમ 'X' શેર કરવામાં આવ્યો છે. આરોપ છે કે, મુખ્યમંત્રી ભગવંત માન નશાની હાલતમાં વિધાનસભામાં સંબોધિત કર્યું હતું. જેને લઈને કોંગ્રેસ, ભાજપ અને શિરોમણી અકાલી દળે એક સુરમાં CM માન સામે તપાસની માગ ઉઠાવી છે. કોંગ્રેસના ધારાસભ્ય પરતાપ સિંહ બાજવાએ આ મામલે પંજાબ વિધાનસભા સ્પીકરને પત્ર લખ્યો છે. જેમાં બાજવાએ માગ કરી છે કે, 'સદનમાં હાજર તમામ સદસ્યો સહિત મુખ્યમંત્રીનું ડોપ ટેસ્ટ થયુ જોઈએ.'

પરિવહન અને ટેકનોલોજી ક્ષેત્રે સુરત શહેરે વધુ એક સિદ્ધિ હાંસલ કરી છે. ભારતનો સૌપ્રથમ બહુપ્રતિક્ષિત 'બેરિયરલેસ' ટોલ પ્લાઝા આજથી એટલે કે પહેલી મેથી સુરતમાં કાર્યરત થઈ ગયો છે. આ નવી ટેકનોલોજીના અમલીકરણ સાથે હવે વાહનચાલકોએ ટોલ ટેક્સ ભરવા માટે લાંબી કતારોમાં ઊભા રહેવાની જરૂર પડશે નહીં. સુરત અને ભરૂચ વચ્ચે આવેલા મુંબઈ-દિલ્હી હાઈવે (NH48) પર છેલ્લા બે મહિનાથી આ આધુનિક સિસ્ટમનું ટ્રાયલ ચાલી રહ્યું હતું. NHAI દ્વારા ફેબ્રુઆરી મહિનાથી શરૂ કરાયેલ ટેસ્ટિંગ સફળ રહેતા હવે સુરતના કામરેજ પાસે આ સુવિધાને આખરી ઓપ આપીને શરૂ કરી દેવામાં આવી છે.

જો તમારા મોબાઈલ ફોનમાં અચાનક જોરદાર સાયરન જેવો અવાજ આવે અને સ્ક્રીન પર NDMA (નેશનલ ડિઝાસ્ટર મેનેજમેન્ટ ઓથોરિટી) નો કોઈ મેસેજ દેખાય, તો ગભરાવાની જરૂર નથી. ભારત સરકાર દેશમાં એક નવું ડિઝાસ્ટર વોર્નિંગ સિસ્ટમ એટલે કે 'સેલ બ્રોડકાસ્ટ એલર્ટ' (Cell Broadcast Alert) ટેસ્ટ કરી રહી છે. 2 મે, 2026 ના રોજ તમારા વિસ્તારમાં આ ટેસ્ટિંગ કરવામાં આવશે. મેસેજમાં સ્પષ્ટ લખ્યું હશે કે: NDMA તમારા વિસ્તારમાં સેલ બ્રોડકાસ્ટ એલર્ટનું પરીક્ષણ કરશે. આ મેસેજ મળવા પર તમારે કોઈ પગલાં લેવાની જરૂર નથી. કૃપા કરીને ગભરાશો નહીં.

૧ એપ્રિલ, ૨૦૨૬ના રોજ હાઈકોર્ટે દિવંગત સુપરસ્ટાર રાજેશ ખન્ના અને અનિતા અડવાણીના સંબંધો અંગે મહત્વનો ચુકાદો આપતા અનિતાની અરજી ફગાવી દીધી છે. કોર્ટે આ સંબંધને કાયદેસરના લગ્ન તરીકે માન્યતા આપવાનો ઇનકાર કરતા તેને 'લિવ-ઇન રિલેશનશિપ' ગણાવી છે. અનિતા અડવાણીનો દાવો છે કે તેઓ એક દાયકા સુધી સાથે રહ્યા હતા અને ખાનગીમાં લગ્ન કર્યા હતા, જ્યારે રાજેશ ખન્નાના પરિવારે આ દાવાઓને નકારી કાઢ્યા છે. જોકે, અનિતાએ પોતાના સન્માન માટે કાયદાકીય લડત ચાલુ રાખવાની મક્કમતા દર્શાવી છે.

nstagramએ કન્ટેન્ટ એગ્રીગેટર્સ એટલે કે એવા એકાઉન્ટ્સ જે વારંવાર પોતે બનાવેલા વગરનું કન્ટેન્ટ રીપોસ્ટ કરે છે અથવા મુખ્યત્વે અન્ય લોકોનું કામ ફોટો અને કેરોસેલ રૂપે શેર કરે છે એ યુઝર્સ માટે મોટો પોલિસી બદલાવ જાહેર કર્યો છે. Metaની માલિકી હેઠળના આ પ્લેટફોર્મે જણાવ્યું છે કે આવા એકાઉન્ટ્સ હવે એપમાં રેકમેન્ડેશન માટે પાત્ર રહેશે નહીં. Instagramએ સ્પષ્ટ કર્યું છે કે ઓછા પ્રયત્નથી કરેલા ફેરફારો જેમ કે વોટરમાર્ક ઉમેરવું અથવા વીડિયોની સ્પીડ બદલવી એને મૂળ કન્ટેન્ટ તરીકે ગણાશે નહીં. એ જ રીતે અન્ય વ્યક્તિના પોસ્ટનો સ્ક્રીનશોટ લઈને તેનો યુઝરનેમ દેખાડીને પોસ્ટ કરવાથી પણ તે મૂળ ગણાશે નહીં.

પશ્ચિમ બંગાળમાં TMC અને BJP વચ્ચે આરોપ-પ્રત્યારોપ ચાલુ છે. મુખ્યમંત્રી મમતા બેનર્જીએ ભવાનીપુર સીટના સ્ટ્રોંગ રૂમમાં EVM સાથે છેડછાડનો આરોપ લગાવ્યો. તેમણે પારદર્શિતા જાળવવા અને ગેરરીતિ નહિં સહન કરવાની ચેતવણી આપી. ચૂંટણી આયોગે તમામ આરોપો નકારી કાઢ્યા, EVM સુરક્ષિત હોવાનું જણાવ્યું.

ઈરાન-ઈઝરાયેલ તણાવ વચ્ચે પાકિસ્તાનના મંત્રીએ ભારતની આર્થિક મજબૂતી અને Strategic Reserves ની પ્રશંસા કરી. ભારતે 60-70 દિવસનો ભંડાર રાખ્યો છે, જ્યારે પાકિસ્તાન 5-7 દિવસ ચાલે તેટલો જ ધરાવે છે. ભારત IMF ના દબાણ હેઠળ નથી, જ્યારે પાકિસ્તાન દેવું ઘટાડવા ટેક્સ લાદવા મજબૂર છે. પાકિસ્તાની મંત્રીએ વધુમાં ઉમેર્યું કે ભારત પાસે $600 બિલિયનથી વધુનો વિદેશી મુદ્રા ભંડાર છે, જેણે તેને અનેક દેશો પાસેથી તેલ ખરીદવાની શક્તિ આપી છે.

મદુરાઈ શહેર વૈગાઈ નદીના કિનારે ભવ્ય કલ્લાઝાગર ઉત્સવની ઉજવણી કરી રહ્યું છે. હજારો ભક્તો ભગવાન કલ્લાઝાગરના દર્શન કરવા અને આશીર્વાદ મેળવવા એકત્રિત થયા છે. આ ઉત્સવ ધાર્મિક ઉત્સાહ અને સાંસ્કૃતિક પરંપરાઓનું અનોખું મિશ્રણ દર્શાવે છે. પરંપરા મુજબ દેવતાનો વૈગાઈ નદીમાં આગમન શુભ સંકેત માનવામાં આવે છે. ઉત્સવ દરમિયાન શહેરમાં ધાર્મિક અને સાંસ્કૃતિક માહોલ છવાઈ ગયો હતો. ભગવાન કલ્લાઝાગરના દર્શનથી ભક્તોમાં આનંદ અને ભક્તિનો માહોલ સર્જાયો.

કચ્છના ચોરાડ પંથકમાં 1600 વર્ષ જૂની પરંપરા મુજબ, 500થી વધુ આહિર યુગલોએ ઢોલ-શરણાઈના સૂર વચ્ચે બળદગાડામાં જાન અને રાત્રે ફેરા સાથે લગ્ન કર્યા. આ લગ્નોમાં પૌરાણિક પહેરવેશ અને સાદગી જાળવવામાં આવી છે, જે સમાજની એકતા અને સંસ્કૃતિ પ્રત્યેના ગૌરવને દર્શાવે છે.

2025-26માં તેલ કંપનીઓએ રોજ ₹116 કરોડનો નફો કર્યો, જ્યારે પાછલા નાણાકીય વર્ષમાં ક્રૂડ ઓઇલની કિંમત કોવિડ પછી સૌથી ઓછી રહી. ઈરાન-અમેરિકા યુદ્ધને કારણે ક્રૂડના ભાવ $126 સુધી પહોંચ્યા હતા, પરંતુ પછી $116 થયા. એજન્સીઓ મુજબ, કંપનીઓને દરરોજ ₹2,400 કરોડનું નુકસાન થયું, પેટ્રોલ પર ₹14 અને ડીઝલ પર ₹18 પ્રતિ લિટર. જોકે, 2025-26માં સરેરાશ ભાવ $71 રહ્યા. સરકારે એક્સાઈઝ ડ્યુટી ઘટાડી અને ડીઝલ નિકાસ પર વિન્ડફોલ ટેક્સ વધારીને આવક મેળવી.

ભારત હવામાન વિભાગ (IMD)એ 1 મેના રોજ ઉત્તર પ્રદેશ, બિહાર સહિત 11 રાજ્યોમાં ભારે વરસાદ અને આંધીઓની ચેતવણી આપી છે. આ દરમિયાન 60 થી 70 કિમી પ્રતિ કલાકની ઝડપે તેજ પવન ફૂંકાવાની શક્યતા છે. હવામાન વિભાગ અનુસાર આજે ઉત્તર પ્રદેશ, બિહાર, દિલ્હી, ઉત્તરાખંડ, હરિયાણા, પંજાબ, જમ્મુ-કાશ્મીર, મધ્ય પ્રદેશ, છત્તીસગઢ, આસામ, નાગાલેન્ડ અને પશ્ચિમ બંગાળમાં મધ્યમથી ભારે વરસાદ પડી શકે છે. ઘણા રાજ્યોમાં ગોળા (ઓલા) પણ પડી શકે છે.

રાજસ્થાન, મહારાષ્ટ્રમાં 44°C થી વધુ ગરમી યથાવત છે. જોકે, વાવાઝોડા-વરસાદથી યુપી, બિહાર, કર્ણાટકમાં 29 લોકોનાં મોત થયાં છે. દિલ્હી, રાજસ્થાન સહિત ઘણા રાજ્યોમાં તાપમાન ઘટ્યું છે, પરંતુ વિદર્ભમાં 44.6°C નોંધાયું. આગામી બે અઠવાડિયા ગરમી ઓછી રહેશે. ઓડિશા, સિક્કિમ, અરુણાચલ, કર્ણાટક અને પૂર્વોત્તર રાજ્યોમાં ભારે વરસાદનું ઓરેન્જ એલર્ટ છે, જેમાં 50-60 km/h ની ઝડપે પવન, વીજળી અને કરા પડી શકે છે.

1 મેથી, ATM, UPI, ક્રેડિટ કાર્ડના ચાર્જિસ અને ગેસ સિલિન્ડરની કિંમતો સહિત ઘણા મહત્વપૂર્ણ નિયમો બદલાઈ રહ્યા છે. ખાસ કરીને ₹1000નો કોમર્શિયલ ગેસ સિલિન્ડરમાં વધારો. SBI કાર્ડધારકો માટે લેટ પેમેન્ટ ચાર્જ અને એન્યુઅલ ફીના નિયમો બદલાશે. આ ઉપરાંત, ઓનલાઇન ગેમિંગ માટે નવા સરકારી નિયમો લાગુ થશે અને બેન્ક ગ્રાહકો માટે e-KYC પૂર્ણ કરવાની અંતિમ તારીખ હોવાથી તે અપડેટ કરાવવું અનિવાર્ય બનશે, અન્યથા નાણાકીય વ્યવહારો અટકી શકે છે.

એર ઇન્ડિયા ઈન્ટરનેશનલ અને ડોમેસ્ટિક ફ્લાઇટ્સમાં લગભગ 10%નો ઘટાડો કરશે. ટાટા ગ્રુપની આ એરલાઇન ઓક્ટોબરથી દરરોજ લગભગ 100 ફ્લાઇટ્સ બંધ કરશે. ફ્યુઅલની વધતી કિંમતો અને સ્પેરપાર્ટ્સની અછત મુખ્ય કારણ છે. આંતરરાષ્ટ્રીય રૂટ્સ, ખાસ કરીને ઉત્તર અમેરિકા, યુરોપ અને ઓસ્ટ્રેલિયા સાથેના રૂટ્સ પર અસર થશે. મેટ્રો-ટુ-મેટ્રો ડોમેસ્ટિક રૂટ્સ પર પણ ફ્લાઇટ્સ ઘટશે, જેથી નફાકારક રૂટ્સ પર ધ્યાન કેન્દ્રિત કરી શકાય.

પશ્ચિમ બંગાળમાં વિધાનસભા ચૂંટણી સંપન્ન થયા બાદ રાજકીય ગરમાવો તેની ચરમસીમાએ પહોંચી ગયો છે. એક્ઝિટ પોલના પરિણામો જાહેર થયા પછી રાજ્યમાં ઠેર-ઠેર હિંસા અને ઘર્ષણના બનાવો સામે આવી રહ્યા છે. ખાસ કરીને ભાજપના એક પોલિંગ એજન્ટના ઘર પર હુમલા અને મારપીટના આરોપો બાદ હવે TMCએ EVM સાથે છેડછાડનો ગંભીર આરોપ લગાવી મોરચો ખોલ્યો છે. TMC નેતાઓ અને કાર્યકર્તાઓએ નેતાજી સુભાષ ચંદ્ર બોઝ સ્ટેડિયમ સ્થિત કાઉન્ટિંગ સેન્ટરની બહાર ધરણા શરૂ કરી દીધા છે, જેના કારણે સ્થિતિ તણાવપૂર્ણ બની છે.

દેશમાં અનેક રાજ્યોની ચૂંટણીઓ પૂર્ણ થતાની સાથે જ મોંઘવારીનો મોટો વિસ્ફોટ થયો છે. સરકારી ઓઇલ કંપનીઓએ 1 મે 2026થી 19 કિલોના કોમર્શિયલ એલપીજી સિલિન્ડરની કિંમતમાં 993 રૂપિયાનો તોતિંગ વધારો ઝીંક્યો છે. આ વધારા બાદ દિલ્હી સહિત અનેક શહેરોમાં કોમર્શિયલ સિલિન્ડરનો ભાવ 3000 રૂપિયાને પાર કરી ગયો છે. જોકે, રાહતની વાત એ છે કે 14.2 કિલોના ઘરેલું ગેસ સિલિન્ડરના ભાવમાં કોઈ ફેરફાર કરવામાં આવ્યો નથી.

ઈરાન પર નવેસરથી હુમલા અને નાકાબંધીના અહેવાલોથી ક્રુડ તેલના ભાવમાં ભારે ઉછાળો આવ્યો. બ્રેન્ટ ક્રુડ 126 ડોલર પ્રતિ બેરલને પાર ગયું. આ કારણે ભારતીય રૂપિયા પર દબાણ વધ્યું અને તે 95 ડોલર પાર કરીને નવી નીચી સપાટીએ પહોંચ્યો. ક્રુડ તેલના ઊંચા ભાવ અને રૂપિયામાં ઘટાડાથી દેશમાં ફુગાવાની ચિંતા વધી રહી છે.

એક્ઝિટ પોલ એ મતદાન બાદ મતદારોના પ્રતિભાવો પર આધારિત એક સર્વે છે, જે વિવિધ એજન્સીઓ દ્વારા હાથ ધરાય છે. સંપૂર્ણ મતદાન પૂર્ણ થયા બાદ જ તેના આંકડા જાહેર કરી શકાય છે. જોકે, મર્યાદિત સેમ્પલ સાઈઝને કારણે તે હંમેશા સચોટ હોતા નથી. બીજી તરફ, ઓપિનિયન પોલ ચૂંટણી પહેલા લોકોની નાડ પારખવા અને લોકપ્રિયતા જાણવા માટે કરવામાં આવે છે. આ સર્વેક્ષણો દ્વારા લોકોની નારાજગી, સંતોષ અને મુખ્ય મુદ્દાઓ વિશે જાણી શકાય છે, જે ચૂંટણીના સંભવિત પરિણામોનો અંદાજ આપે છે.

સરકાર ૧૦૦ ટકા ઈથેનોલ બ્લેંડિંગ કરવાની યોજના બનાવી રહી છે. હાલ ૨૦ ટકા બ્લેંડિંગથી ૧૦૦૦ લિટર ક્રૂડની બચત થાય છે. આથી ૧૦૦ ટકા બ્લેંડિંગથી મોટો ફાયદો થશે. પેટ્રોલની ઓળખ E10/E થી E10/E20 થશે, E85 અને E100 પણ સામેલ થશે. બાયોડીઝલ B10 થી B100 થશે. આ એનર્જી સેક્ટરમાં ક્રાંતિકારી પરિવર્તન લાવશે.

મેમરી ચીપ્સની પૂરવઠા અછતને કારણે ઈલેકટ્રોનિક્સ ઉત્પાદકોએ ઉત્પાદનમાં ૧૦-૧૫% ઘટાડો કર્યો છે. ટીવી, સ્માર્ટફોન્સ, સર્વર્સ, સેટ ટોપ બોકસના ઉત્પાદન પર અસર થઈ છે. આર્ટિફિસિઅલ ઈન્ટેલિજન્સ (AI) માટે ચીપ્સની વધેલી માગને કારણે અછત ઊભી થઈ છે, અને વૈશ્વિક ઉત્પાદકો હાઈ બેન્ડવિડથ મેમરી પર ધ્યાન કેન્દ્રિત કરી રહ્યા છે.

અમેરિકા-ઈરાન યુદ્ધના સંકેતનો અભાવ અને તણાવપૂર્ણ સ્થિતિને કારણે વૈશ્વિક બજારમાં સોના-ચાંદીના ભાવમાં સુધારો જોવા મળ્યો. આંતરરાષ્ટ્રીય બજારના પગલે ઘરેલું બજારમાં પણ કિંમતી ધાતુઓના ભાવ વધ્યા. ડોલર સામે રૂપિયાના ઘટાડાએ ઓલટાઈમ નીચી સપાટી દર્શાવી. આયાત પર કસ્ટમ ડ્યુટી ગણતરી માટે ટેરિફ વેલ્યુમાં ઘટાડો કરાયો છે, પરંતુ રૂપિયાની નબળાઈને કારણે તેની અસર નહિવત રહેશે.

ભારતમાં ગરમીનો પારો 45-47 ડિગ્રી સુધી પહોંચી રહ્યો છે, જે માત્ર ઋતુનો ફેરફાર નથી. ગ્લોબલ વોર્મીંગ, અર્બન હિટ આઈલેન્ડ ઈફેક્ટ અને એલ-નીનો જેવી ઘટનાઓ આ ગરમી માટે જવાબદાર છે. જો ગ્રીનહાઉસ ગેસિસ પર નિયંત્રણ નહીં આવે તો ગરમીની લહેરો વધુ તીવ્ર બનશે. ACનો વપરાશ વધી રહ્યો છે, જે ઊર્જા-ઘન અને કાર્બન ઉત્સર્જન વધારે છે. જીવનશૈલીમાં પરિવર્તન, ગ્રીન બિલ્ડીંગ, વૃક્ષારોપણ અને નવીનીકરણીય ઊર્જાનો ઉપયોગ જેવા પગલાં દ્વારા જ આપણે આ સંકટનો સામનો કરી શકીશું.

CBSE બોર્ડમાં પ્રાથમિક કક્ષાએ ત્રણ ભાષા ફરજિયાત છે. આ નિર્ણયથી બાળકોનો બુદ્ધિ વિકાસ, યાદશક્તિ, વિચારશક્તિ અને સમસ્યા ઉકેલવાની ક્ષમતા વધે છે. સંવાદ ક્ષમતા અને સાંસ્કૃતિક સમજણ વિકસે છે. અંગ્રેજી અને અન્ય ભાષાઓ ભવિષ્યમાં તક ઊભી કરે છે. યોગ્ય પદ્ધતિથી શીખવવામાં આવે તો બાળકો પર ભારણ નહીં રહે. જોકે, નાના બાળકો માટે ભારરૂપ બની શકે છે અને એક ભાષામાં પકડ ન રહેવાની શક્યતા છે. શિક્ષક અને સંસાધનોની અછત પણ એક સમસ્યા છે.

પશ્ચિમ બંગાળ સહિત પાંચ રાજ્યોમાં વિધાનસભા ચૂંટણી યોજાઈ. બંગાળમાં ભાજપ માટે મમતા બેનર્જીની 15 વર્ષ જૂની સત્તા ઉથલાવવાની તક છે, જ્યારે મમતા બેનર્જી માટે પોતાનો ગઢ જાળવી રાખવાનો પડકાર છે. એક્ઝિટ પોલ ભાજપની સરકાર રચવાના સંકેત આપી રહ્યા છે. આસામમાં ભાજપની હેટ્રિક, તામિલનાડુમાં AIADMK, કેરલમાં ડાબેરીઓની હાર અને પુડ્ડુચેરીમાં NDAની શક્યતા છે. બંગાળમાં મહિલાઓએ મોટા પ્રમાણમાં મતદાન કર્યું છે, કાયદો-વ્યવસ્થા અને એન્ટી-ઇન્કમબન્સીને કારણે લોકોએ સત્તા બદલવા મત આપ્યો હોવાનું જણાય છે. 4 મેના પરિણામો પર સૌની નજર છે.

બ્રિસ્ટલ યુનિવર્સિટીની સિનેમા લેબમાં દર્શકોની શારીરિક પ્રતિક્રિયાઓ, આંખ પટપટાવવાની ગતિવિધિ અને હૃદયના ધબકારા રેકોર્ડ કરાય છે. આ ડેટાના આધારે, સંશોધકો ભવિષ્યમાં વધુ આકર્ષક અને સાર્થક ફિલ્મો બનાવવા માટે મદદરૂપ થશે. આ ટેકનિક OTT, ગેમિંગ અને વર્ચ્યુઅલ રિયાલિટીમાં પણ બદલાવ લાવી શકે છે.

ભારતીય રાજકારણમાં મતદાન બાદ જાહેર થતા એક્ઝિટ પોલ મનોરંજન અને ઉત્સુકતાનું કેન્દ્ર બને છે, પરંતુ તેની સચોટતા હંમેશા શંકાસ્પદ રહે છે. લેખક તેને 'ચ્યુંઈંગ ગમ' સાથે સરખાવતા જણાવે છે કે મીડિયા અને જનતા તેને ચગળ્યા કરે છે, છતાં અનુભવી રાજકારણીઓ વાસ્તવિકતાથી વાકેફ હોય છે. અનેકવાર ખોટા સાબિત થયેલા આ સર્વેક્ષણો પક્ષોને સપના જોતા કરે છે અથવા કડવો અનુભવ કરાવે છે. અંતે, કોઈ પણ એજન્સીના દાવા પર ભરોસો કરવાને બદલે સૌની મીટ માત્ર સત્તાવાર અને અંતિમ પરિણામો પર જ મંડાયેલી હોય છે.

ઇરાને ભારતે હોર્મુઝ બંધ હોવા છતાં પણ માર્ચની તુલનાએ એપ્રિલમાં મધ્યપૂર્વના દેશોમાંથી નોંધપાત્ર આયાત કરી છે. કોમોડિટી ફર્મ કેપ્લર મુજબ ભારતની રશિયન ઓઇલની આયાત માર્ચની તુલનાએ એપ્રિલમાં 21% ઘટી ગઈ હતી. ભારતે માર્ચમાં પ્રતિ દિન 19.8 લાખ બેરલ ક્રૂડ ઓઇલની આયાત કરી હતી. તેની સામે એપ્રિલમાં 15.6 લાખ બેેરલ ક્રૂડ ઓઇલની આયાત કરી છે. અહીં નોંધવાલાયક વાત એ છે કે ઘેરાબંધી છતાં પણ ભારતે એપ્રિલમા પ્રતિ દિન 43 લાખ બેરલની ક્રૂડ ઓઇલની આયાત કરી છે.

સુપ્રીમ કોર્ટે સગીરાના ગર્ભપાત સંબંધિત એક કેસમાં ગુરુવારે કેન્દ્ર સરકારની ઝાટકણી કાઢી છે. બળાત્કાર પીડિત એક સગીરાના ૩૦ સપ્તાહના ગર્ભપાતને મંજૂરી આપતા સુપ્રીમ કોર્ટના આદેશને એઈમ્સે ક્યુરેટિવ અરજી કરી પડકાર્યો હતો. આ અરજી નકારી કાઢતા સુપ્રીમે કહ્યું કે, સરકારે નાગરિકોની પસંદગીનું સન્માન કરવું જોઈએ. કોઈ સગીર રેપ પીડિતાને ગર્ભ જાળવી રાખવા ફરજ પાડી શકાય નહીં. સુપ્રીમે રેપ પીડિતાઓને ૨૦ સપ્તાહથી વધુના અનિચ્છિત ગર્ભને પાડી દેવા મંજૂરી માટે કાયદામાં સુધારો કરવા કેન્દ્ર સરકારને નિર્દેશ આપ્યા હતા

પશ્ચિમ બંગાળમાં બીજા તબક્કાનું મતદાન પૂર્ણ થયા બાદ, કેટલાક એક્ઝિટ પોલમાં ભાજપની ભવ્ય જીતની આગાહી કરાઈ રહી છે. આ આગાહીઓ વચ્ચે, તૃણમૂલ કોંગ્રેસના કાર્યકરોએ EVM સાથે ચેડાં થવાની આશંકા વ્યક્ત કરી સ્ટ્રોંગ રૂમ ઘેરી લીધા છે અને ધરણાં પર બેસી ગયા છે. મુખ્ય ચૂંટણી કમિશનરે હિંસામુક્ત ચૂંટણીને મહત્વ આપ્યું છે.

મધ્યપ્રદેશના જબલપુરના પ્રસિદ્ધ પર્યટન સ્થળ બરગી ડેમમાં ગુરુવારે સાંજે એક મોટી દુર્ઘટના બની છે. નર્મદા નદીના બેકવોટરમાં પ્રવાસીઓથી ભરેલી એક ક્રૂઝ અચાનક ડૂબી જતાં વિસ્તારમાં અફરાતફરી મચી ગઈ છે. અત્યરા સુધીમાં 15 લોકોને બચાવી લેવાયા છે, જ્યારે ચારના મૃતદેહ મળી આવ્યા છે. પ્રાથમિક જાણકારી મુજબ, અચાનક આવેલા તોફાન અને ભારે પવનને કારણે ક્રૂઝનું સંતુલન બગડ્યું હતું અને તે પાણીમાં ડૂબી ગઈ હતી. દુર્ઘટના સમયે ક્રૂઝ પર અંદાજે 35થી 40 પ્રવાસીઓ સવાર હતા.