અફઘાનિસ્તાને પાકિસ્તાનની અંદર ઘૂસીને એક મોટો હુમલો કર્યો છે, જે પાકિસ્તાનના તાજેતરના એરસ્ટ્રાઈકના જવાબમાં છે. અફઘાન સંરક્ષણ મંત્રાલયે દાવો કર્યો છે કે ISIS-Kના આતંકી કેમ્પો અને ઠેકાણાઓ, જેનો ઉપયોગ અફઘાનિસ્તાનની ધરતી પર હુમલાના ષડયંત્ર માટે થતો હતો, તેને પાકિસ્તાનના ખૈબર પખ્તુનખ્વા અને બલૂચિસ્તાન પ્રાંતમાં સંપૂર્ણપણે નષ્ટ કરી દીધા છે. ગયા અઠવાડિયે પાકિસ્તાની હવાઈ હુમલામાં અફઘાન મહિલાઓ અને બાળકોના મોત થયા હતા, જેના કારણે આ જવાબી કાર્યવાહી કરવામાં આવી છે.

અમેરિકા અને ઈરાન વચ્ચે થયેલા ઐતિહાસિક શાંતિ કરારના એક દિવસ બાદ જ લેબેનોનમાં ફરી ભીષણ હુમલા થયા છે. ઈઝરાયલ દ્વારા દક્ષિણ લેબેનોનમાં કરાયેલા એરસ્ટ્રાઈકમાં લગભગ 18 લોકોના મોત અને 33થી વધુ લોકો ઘાયલ થયા છે. ઈઝરાયલી સેનાએ પણ 4 સૈનિકો ગુમાવ્યા છે. આ હિંસક ઘટનાઓએ અમેરિકા-ઈરાન શાંતિ સમજૂતીના ભવિષ્ય પર પ્રશ્નાર્થ સર્જ્યો છે. ઈઝરાયલે હિઝબુલ્લાહના 80 લક્ષ્યો પર હુમલા કર્યાનો દાવો કર્યો છે. આ સ્થિતિમાં અમેરિકા અને ઈઝરાયલ વચ્ચે તણાવ વધ્યો છે.

યુકેના રાજકારણમાં નેતૃત્વ પરિવર્તનના સંકેતો મળી રહ્યા છે. ગ્રેટર માન્ચેસ્ટરના મેયર એન્ડી બર્નહેમે પેટાચૂંટણીમાં ભવ્ય જીત મેળવી, જેનાથી વડાપ્રધાન કિર સ્ટાર્મરની મુશ્કેલીઓમાં વધારો થયો છે. 'કિંગ ઑફ ધ નોર્થ' તરીકે લોકપ્રિય બર્નહેમે મેકરફિલ્ડ બેઠક પર 54.8% મતો મેળવી નિગેલ ફરાજની પાર્ટીને હરાવી. રાજકીય વિશ્લેષકો આ જીતને લેબર પાર્ટીમાં વડાપ્રધાન પદના નેતૃત્વ પરિવર્તનની શરૂઆત માની રહ્યા છે. બર્નહેમે બ્રિટિશ રાજકારણ માટે આને 'ટર્નિંગ પોઇન્ટ' ગણાવ્યો અને અમેરિકા જેવી ધ્રુવીકરણવાળી રાજનીતિથી દૂર રહેવાની હિમાયત કરી.

દક્ષિણ આફ્રિકાના પૂર્વ કેપ્ટન ફેફ ડુ પ્લેસિસ 41 વર્ષની ઉંમરે મેજર લીગ ક્રિકેટમાં અણનમ 113 રન બનાવી T20 ક્રિકેટમાં સૌથી મોટી ઉંમરે સદી ફટકારનાર ખેલાડી બન્યા છે. આ સાથે તેમણે પૌલ કોલિંગવુડનો 9 વર્ષ જૂનો રેકોર્ડ તોડ્યો છે. ટેક્સાસ સુપર કિંગ્સ તરફથી રમતા તેમણે સિયાટલ ઓર્કાસ સામે 221 રનના લક્ષ્યનો પીછો કરતાં આ સિદ્ધિ મેળવી હતી. ડુ પ્લેસિસની આ વિસ્ફોટક ઇનિંગ્સથી ટેક્સાસ સુપર કિંગ્સે 9 બોલ બાકી રાખીને મેચ જીતી લીધી.

રામ મંદિર દાન ચોરીના કથિત મામલે ચાલી રહેલી ચર્ચાઓ અને SIT તપાસ વચ્ચે CM યોગી આદિત્યનાથે શાંત રહેવાની અપીલ કરી છે. તેમણે કહ્યું કે, "તમે રામ મંદિર માટે 500 વર્ષ રાહ જોઈ, તો 15 દિવસ વધુ રાહ જુઓ. SIT દૂધનું દૂધ અને પાણીનું પાણી કરી દેશે." તેમણે રામ ભક્તોને અપીલ કરી કે તપાસ દરમિયાન કોઈ બિનજરૂરી નિવેદનબાજી ન કરે, જેનાથી ભક્તોની લાગણી દુભાય. જો કોઈ ગુનેગાર સાબિત થશે તો તેને બક્ષવામાં નહીં આવે. યોગીએ અખિલેશ યાદવ અને કોંગ્રેસ પર પણ પ્રહાર કર્યા.

વૈશ્વિક સ્તરે અમીરોનું દેશ છોડવાનું પ્રમાણ રેકોર્ડ સ્તરે પહોંચ્યું છે. ‘Henley Private Wealth Migration Report 2026’ મુજબ, આ વર્ષે 1.65 લાખ કરોડપતિઓ સુરક્ષા, બહેતર જીવનશૈલી અને રોકાણની શોધમાં પોતાનો દેશ છોડશે. આ સંખ્યા છેલ્લા દાયકામાં ત્રણ ગણી વધી છે. UAE 85.3ના વેલ્થ મોબિલિટી સ્કોર સાથે અમીરોની પ્રથમ પસંદગી બન્યું છે. અમેરિકા અને બ્રિટન જેવા દેશોમાંથી પણ મોટી સંખ્યામાં અમીરો સ્થળાંતર કરી રહ્યા છે, જે આ દેશો માટે ચિંતાનો વિષય છે. ભારતીય અમીરો પણ કડક ટેક્સ નિયમોને કારણે સ્થળાંતર કરી રહ્યા છે.

યુક્રેન દ્વારા રશિયાના મોસ્કો પર કરાયેલા મોટા ડ્રોન હુમલા બાદ એક વિચિત્ર અને ભયાવહ ઘટના બની છે. આ હુમલામાં કપોત્ન્યા ઓઇલ રિફાઇનરી (Kapotnya Oil Refinery) મુખ્ય નિશાન બનતા ત્યાં લાગેલી ભીષણ આગના કારણે વાતાવરણમાં ધુમાડો ફેલાયો. પ્રતિકૂળ હવામાન અને અધૂરા દહનથી કાર્બનના સૂક્ષ્મ કણો અને ઓઇલના ટીપાં હવામાં ઊંચે ગયા, જે ઠંડીના સંપર્કમાં આવીને વરસાદ રૂપે નીચે પડ્યા. આ 'કાળો વરસાદ' (Black Rain) લોકોના ઘર, વાહનો અને કપડાં પર તેલ જેવો ચીકણો કાળો પદાર્થ વરસાવી રહ્યો છે, જેનાથી સ્વાસ્થ્ય અને પર્યાવરણ પર ગંભીર અસરોની ચિંતા સેવાઇ રહી છે.

સ્વિસ બેન્ક દ્વારા જાહેર કરાયેલા વાર્ષિક અહેવાલ મુજબ, સ્વિટ્ઝર્લેન્ડની બેન્કોમાં ભારતીયો દ્વારા જમા કરાયેલા નાણાંમાં ૨૦૨૫માં ૮% ઘટાડો જોવા મળ્યો છે. આ ઘટાડા સાથે કુલ રકમ રૂ. ૩૬,૭૯૩ કરોડ (૩.૨૫ અબજ સ્વિસ ફ્રેન્ક) થઈ ગઈ છે. મુખ્યત્વે સ્થાનિક બ્રાન્ચો પાસેના ફંડમાં ઘટાડો થતાં આ આંકડો ઘટ્યો છે, જોકે વ્યક્તિગત અને સંસ્થાકીય ખાતાઓમાં ૫૦% નો વધારો થયો છે. આ યાદીમાં ભારત ૪૬મા ક્રમે છે.

નાઇજરની રાજધાની નિયામી ખાતે આવેલા ડાયોરી હમાની આંતરરાષ્ટ્રીય એરપોર્ટ પર હથિયારધારી આતંકવાદીઓએ હુમલો કરતાં 11 સૈનિકો અને 2 નાગરિકોના મોત થયા હતા. આતંકીઓ ટેક્સીમાં આવી સુરક્ષા ચોકી પાસે અંધાધૂંધ ગોળીબાર શરૂ કર્યો હતો, જેના જવાબમાં સુરક્ષા દળોએ કાર્યવાહી કરીને 22 આતંકવાદીઓને ઠાર કર્યા હતા. ઘટનામાં ચાર લોકો ઇજાગ્રસ્ત થયા છે અને 20 જેટલા શંકાસ્પદોની ધરપકડ કરવામાં આવી છે. સૈન્યના વિશેષ ઓપરેશન બાદ એરપોર્ટને સુરક્ષિત જાહેર કરવામાં આવ્યું છે અને હવાઈ સેવાઓ ફરી શરૂ થઈ છે. આ એરપોર્ટ વ્યૂહાત્મક રીતે મહત્વપૂર્ણ હોવાથી અગાઉ પણ આતંકી હુમલાનું નિશાન બની ચૂક્યું છે.

કર્ણાટક વિધાન પરિષદ (MLC)ની સાત બેઠકો માટે યોજાયેલી ચૂંટણીમાં મોટો ઉલટફેર થયો છે. કોંગ્રેસે પોતાની વ્યૂહરચનાના જોરે પાંચ બેઠકો પર ભવ્ય જીત મેળવી છે, જ્યારે ભાજપને માત્ર બે બેઠકો મળી છે. મુખ્યમંત્રી ડી. કે. શિવકુમારે ભાજપના બે ધારાસભ્યો પાસેથી ક્રોસ વોટિંગ કરાવીને વિપક્ષી ખેમામાં મોટું ગાબડું પાડ્યું. આ ધારાસભ્યોએ પોતાના અંતરાત્માના અવાજ પર કોંગ્રેસને વોટ આપ્યો હોવાનું જણાવ્યું. આ જીત સાથે કોંગ્રેસે વિધાન પરિષદમાં પોતાની સ્થિતિ મજબૂત કરી છે.

અમેરિકા અને ઈરાન વચ્ચે યુદ્ધ વિરામ માટે થયેલા MoUના છઠ્ઠા પોઈન્ટ પર ભારે વિવાદ છે, જેમાં ઈરાનના પુનર્વસન માટે 300 અબજ ડોલર ફંડિંગની વાત છે. આ રકમ કોણ આપશે તે સવાલ પર રાષ્ટ્રપ્રમુખ ડોનાલ્ડ ટ્રમ્પ અને ઉપરાષ્ટ્રપ્રમુખ જેડી વેન્સ પોતપોતાના દાવા કરી રહ્યા છે, જેના કારણે વિપક્ષી ડેમોક્રેટ્સ અને ખુદ રિપબ્લિકન પક્ષના નેતાઓ ટ્રમ્પ પર પ્રહાર કરી રહ્યા છે. ટ્રમ્પનો દાવો છે કે અમેરિકા એક રૂપિયો પણ નહીં આપે, જ્યારે વેન્સ સંકેત આપે છે કે પર્શિયન ખાડીના સમૃદ્ધ દેશો ફંડિંગ કરી શકે છે. જોકે, કોઈ દેશ દ્વારા સત્તાવાર પુષ્ટિ નથી.

પશ્ચિમ એશિયાઈ કટોકટી છતાં, વિદેશમાં રહેતા ભારતીયો નોંધપાત્ર પ્રમાણમાં દેશમાં પાછા પૈસા મોકલી રહ્યા છે. ગલ્ફ ક્ષેત્રમાં આર્થિક પ્રવૃત્તિમાં વિક્ષેપ હોવા છતાં, સાવચેતીભર્યા રેમિટન્સે પ્રવાહ મજબૂત રાખ્યો છે.બેંકરો માને છે કે ભૌગોલિક રાજકીય તણાવ ઓછો થતાં વૃદ્ધિ ધીમી પડી શકે છે, પરંતુ આ વર્ષે રેમિટન્સ વ્યાપકપણે સ્થિર રહેવાની અપેક્ષા છે. ખરેખર, ભારત રેમિટન્સના નવા સ્ત્રોતોના ઉદભવથી લાભ મેળવી રહ્યું છે.ખાનગી ક્ષેત્રની બેંકરે જણાવ્યું હતું કે, પશ્ચિમ એશિયામાં સંઘર્ષ હોવા છતાં, રેમિટન્સ મજબૂત રહ્યું છે.

હાલોલ ખાતે વાઇબ્રન્ટ ગુજરાત રીજનલ સમીટમાં પ્રભારી મંત્રી રમેશ કટારાએ જણાવ્યું કે, PM નરેન્દ્ર મોદીના વિઝન હેઠળ વાઇબ્રન્ટ ગુજરાત મિશન અત્યંત સફળ રહ્યું છે. પંચમહાલ જિલ્લામાં ઉદ્યોગોના વિસ્તરણથી સ્થાનિક લોકોને રોજગારીની મોટી તકો મળી છે. પહેલાં જ્યાં ઉદ્યોગો માત્ર મોટા શહેરોમાં હતા, હવે તે ગામડાઓ સુધી પહોંચ્યા છે, જેનાથી ગરીબ પરિવારોને સીધો લાભ થાય છે. આ પહેલથી ગુજરાતમાં ઔદ્યોગિક ક્રાંતિ આવી છે અને રોજગારીની વિપુલ તકો ઊભી થઈ છે.

ભરૂચ જિલ્લા પ્રાથમિક શૈક્ષિક મહાસંઘ દ્વારા PM અને શિક્ષણ મંત્રીને સંબોધીને સુપ્રિમ કોર્ટના TET પરીક્ષાના ચુકાદા અંગે રજૂઆત કરાઈ. 2010 પહેલાના શિક્ષકોને કાયદાકિય નીતિગત સંરક્ષણ આપવાની માંગ સાથે મોટી સંખ્યામાં શિક્ષકોએ કલેક્ટરને આવેદનપત્ર સુપરત કર્યું. દેશભરના લાખો શિક્ષકોમાં ચિંતા અને અસુરક્ષાની લાગણી પ્રવર્તી રહી છે, કારણ કે 29 મેના સુપ્રિમ કોર્ટના ચુકાદા મુજબ 2010 પહેલા નિયુક્ત થયેલા શિક્ષકોએ પણ ટેટ પરીક્ષા આપવી પડશે. આનાથી તેમના સેવા હિતો, વરિષ્ઠતા, બઢતી અને અન્ય કાયદેસર લાભો પર માઠી અસર પડી શકે છે. સરકાર પાસે સંસદમાં વટહુકમ લાવી આ લાખો શિક્ષકોનું ભાવિ બચાવવા અપીલ કરાઈ.

પશ્ચિમ બંગાળમાં મમતા બેનરજીના પક્ષ તૃણમૂલ કોંગ્રેસમાં ગાબડાં પડ્યા છે, જેના કારણે તેના માલિક કોણ તેની ચર્ચા ચાલી રહી છે. જનતા દળ (યુ) અને તેલુગુ દેશમ્ પક્ષનો Bargaining power ઘટી રહ્યો છે. વિપક્ષી એકતાના ગઢ સમાન તમિલનાડુના DMK એ ગઠબંધન છોડ્યું છે, જ્યારે AIADMK ના સભ્યો અભિનેતા Vijay ની TVK પાર્ટીમાં જોડાઈ રહ્યા છે. ભાજપે વિપક્ષી ગઠબંધનમાં પણ ભંગાણ પાડ્યું છે.

ઝારખંડમાં રાજ્યસભાની બે બેઠકોની ચૂંટણી થઈ હતી. એમાં ક્રોસવોટિંગ થતાં એનડીએ સમર્થિત અપક્ષ ઉમેદવાર પરિમલ નથવાણીનો કોંગ્રેસના ઉમેદવાર સામે વિજય થયો હતો. પરિમલ નથવાણી ચોથી વખત રાજ્યસભાના સાંસદ બન્યા છે. એક બેઠક સત્તાધારી પાર્ટી ઝારખંડ મુક્તિ મોરચાને મળી હતી. પરિમલ નથવાણીને 28 વોટ, કોંગ્રેસના પ્રણવ ઝાને 20 મત મળ્યાં.

NEET-UG પેપર લીક મામલે ટેલીગ્રામ પર 22મી સુધીના પ્રતિબંધ સામે દિલ્હી હાઇકોર્ટમાં સુનાવણી ચાલી રહી છે. પરીક્ષા આપી રહેલા કેટલાક હજાર લોકોના કારણે ૧૫ કરોડ ટેલીગ્રામ યુઝર્સના અધિકારોને કેવી રીતે રોકી શકાય તેવો સવાલ હાઇકોર્ટે કેન્દ્ર સરકારને પૂછ્યો છે. નવી દિલ્હીમાં NEET-UG પેપર લીક થયા બાદ ફરી પરીક્ષા યોજાવાની છે. આ ઘટનાઓ વચ્ચે, પેપર લીક અટકાવવાના હેતુથી કેન્દ્ર સરકારે 22મી તારીખ સુધી ટેલીગ્રામ પર પ્રતિબંધ મૂક્યો હતો, જેના પર કોર્ટે જવાબ માંગ્યો છે.

પશ્ચિમ બંગાળમાં સત્તા ગુમાવ્યા બાદ પૂર્વ મુખ્યમંત્રી મમતા બેનરજીએ પોતાના પક્ષ પરથી પણ સત્તા ગુમાવી દીધી છે. બળવાખોર ઋતબ્રત બેનરજીને વિપક્ષના નેતા બનાવવા સામે થયેલી અરજીમાં કલકત્તા હાઇકોર્ટે હાલ રાહત નથી આપી. જેને પગલે હવે ઋતબ્રત બેનરજી જ બંગાળ વિધાનસભામાં વિપક્ષના નેતા રહેશે. દરમિયાન ટીએમસીના બેન્ક ખાતામાં મમતા એક રૂપિયો પણ નહીં ઉપાડી શકે.

ભારત બંને દેશો વચ્ચેનાં વેપાર કરારનાં અમલીકરણનાં પ્રથમ ૧૫ વર્ષ દરમિયાન બ્રિટનથી ૩.૭૮ લાખ પરંપરાગત એન્જિન પેસેન્જર કારની આયાત પર ચુકવવાની થતી કસ્ટમ ડયુટીમાં રાહત આપશે. આ સમજૂતી હેઠળ ઓટોમોટિવ ઇમ્પોર્ટ પર ટેરિફ લગભગ ૧૧૦ ટકાથી ઘટીને ૧૦ ટકા થઇ જશ અને બંને તરફ ક્વોટા પણ નક્કી હશે. બુધવારે જારી કરાયેલા યુકે-સેટા દસ્તાવેજ અનુસાર ભારતને બ્રિટનની ઇલેક્ટ્રિક, હાઇબ્રિડ/હાઇડ્રોજન પેસેન્જર કાર સેગમેન્ટમાં એન્ટ્રી મળશે. છઠ્ઠા વર્ષથી ૨૦,૦૦૦ પાઉન્ડથી ૮૦,૦૦૦ પાઉન્ડની કીંમતોવાળી કારની તે દેશોમાં ડયુટી ફ્રી નિકાસ કરવામાં આવશે.

ઈરાન પરમાણુ પ્રોગ્રામ બંધ કરવાની ખાતરી આપશે તો જ ઈઝરાયલ આ શાંતિકરારને માન્ય રાખશે. ઈઝરાયલ અમેરિકાને પણ આ મુદ્દે ધમકી આપી ચૂક્યું છે એ જોતાં આજે થનારી બેઠક બહુ મહત્ત્વની રહેશે. સ્વિટ્ઝર્લેન્ડમાં અમેરિકા-ઈરાન વચ્ચે શાંતિકરાર થવાનો છે. એના પર આખી દુનિયાની નજર છે. અમેરિકા-ઈઝરાયલે મળીને ઈરાન પર હુમલો કર્યો એ પછી આખી દુનિયાના શ્વાસ અદ્ધર ચડી ગયા છે, કારણ છે હોર્મુઝની ખાડી.

ઝારખંડનું પ્રતિનિધિત્વ કરતા પરિમલ નથવાણી રાજ્યસભામાં સતત ચોથી વખત ચૂંટાયા છે, જે એક ઐતિહાસિક સિદ્ધિ છે. બેઠકો માટે ત્રણ ઉમેદવારો હોવા છતાં, નથવાણીએ ભવ્ય વિજય મેળવ્યો. તેઓ અગાઉ 2008 અને 2020 વચ્ચે ઝારખંડથી બે ટર્મ સેવા આપી ચૂક્યા છે. રાજ્યસભાના ઇતિહાસમાં સૌથી લાંબો સેવાકાળ ધરાવતા અપક્ષ સાંસદ તરીકે તેમનો રેકોર્ડ છે. હવે તેમનું ધ્યાન ગ્રામીણ વિકાસ, કૌશલ્યવર્ધન, કુટીર ઉદ્યોગો, આરોગ્ય અને શિક્ષણ સુધારવા પર રહેશે.

જૂનાગઢ જિલ્લાપંચાયતની નવી બોડીની બીજી સાધારણ સભા, જેમાં શિક્ષણ, સિંચાઇ, આરોગ્ય, બાંધકામ સહિતની સમિતિઓની રચના થવાની હતી, તે પ્રમુખ અને ઉપપ્રમુખના ગાંધીનગર પ્રવાસને કારણે રદ કરવામાં આવી છે. આ કારણે સમિતિ રચનામાં વિલંબ થશે અને નવી તારીખ જાહેર કરવામાં આવશે. આમ આદમી પાર્ટીના સભ્યોની હાજરી છતાં, નિયમ મુજબ જરૂરી સંખ્યાબળના અભાવે સભા રદ થઈ શકે છે, જે ભાજપ માટે ચિંતાનો વિષય છે.

પોરબંદર મનપાની સામાન્ય સભામાં મેયર સાગર મોદીના અધ્યક્ષ સ્થાને અનેક મહત્વના નિર્ણયો લેવાયા. કરદાતાઓ માટે મોટી રાહત આપતી વન-ટાઇમ સેટલમેન્ટ યોજના હેઠળ મિલકત વેરાના વ્યાજમાં 90 ટકા માફીને મંજૂરી અપાઈ. આ યોજના 30 સપ્ટેમ્બર 2026 સુધી લાગુ રહેશે. વધુમાં, વર્ગ-2ના અધિકારીઓ માટે 4 નવી જગ્યાઓ ભરવા અને નવનિયુક્ત મનપા સભ્યોના માસિક માનદ વેતન, મીટિંગ ભથ્થું, ટેલિફોન અને સ્ટેશનરી ભથ્થાને પણ મંજૂરી આપવામાં આવી.

હોલિવુડ સ્ટાર એમિલી બ્લન્ટે તાજેતરમાં અગ્રણી ફિલ્મસર્જક સ્ટીવન સ્પીલબર્ગ દિગ્દશત આગામી સાયન્સ-ફિક્શન ફિલ્મ 'ડિસ્ક્લોઝર ડે'ના સેટની એક રમૂજી અને થોડી ક્ષોભજનક ઘટના શેર કરી. એમિલીએ યાદ કર્યું કે ભૂતપૂર્વ અમેરિકી પ્રમુખ બરાક ઓબામાએ ફિલ્મના સેટની મુલાકાત લીધી ત્યારે પોતે કેવી વિચિત્ર રીતે શાંત બની ગઈ. જોકે ત્યાર પછી બંને વચ્ચે રોમાંચક વાતચીત થઈ હતી. એમિલીના મનપસંદ એસિડ-વોશ ડેનિમ જેકેટે થોડી ગરબડ કરી નાખી હતી. એમિલીએ જણાવ્યું કે તેણે ઓબામા માટે અનામત રખાયેલી ખુરશી પર પોતાનું વિન્ટેજ સ્ટાઈલ જેકેટ મૂકી દીધું હતું.

વડોદરાઃ વડોદરા જિલ્લા પંચાયતની આઠ સમિતિની રચનાનું કામ એક સપ્તાહ પાછું ઠેલાયું છે.વડોદરા જિલ્લા પંચાયતના પ્રમુખ,ઉપ પ્રમુખ અને કારોબારી ચેરમેનની નિયુક્તિ થયા બાદ જુદીજુદી આઠ સમિતિઓની રચના માટે આજે જ્યોત્સનાબેન રબારીના અધ્યક્ષ પદે જિલ્લા પંચાયતની સામાન્ય સભા મળી હતી.વડોદરા તાલુકા પંચાયતની સભામાં અગાઉ માંજલપુરના ધારાસભ્ય સ્વ.યોગેશ પટેલને શ્રધ્ધાંજલિ આપવાનું ભૂલાઇ ગયું હોવાથી જિલ્લા પંચાયતે ભૂલ સુધારી હતી અને સ્વ.યોગેશ પટેલના માનમાં સભા મુલતવી રાખતાં હવે આગામી તા.

ફ્રાન્સના રાષ્ટ્રપતિ ઇમેન્યુઅલ મેક્રોને વડાપ્રધાન નરેન્દ્ર મોદી માટે હિન્દીમાં વીડિયો સંદેશ શેર કર્યો છે. તેમણે કહ્યું, "પ્રિય મિત્ર નરેન્દ્ર, તમારું સ્વાગત કરતાં મને આનંદ થયો. ફ્રાન્સ અને ભારતની મિત્રતા અમર રહે." તેમણે કહ્યું કે તેઓ ફેબ્રુઆરીમાં ભારત આવવાની આશા રાખે છે. PM મોદી છ દિવસીય ફ્રાન્સ અને સ્લોવાકિયા પ્રવાસ પૂર્ણ કરીને ભારત પરત ફર્યા છે. આ દરમિયાન, તેમણે G7 સમિટમાં પણ ભાગ લીધો હતો જ્યાં તેમની અમેરિકી રાષ્ટ્રપતિ ડોનાલ્ડ ટ્રમ્પ સાથે મુલાકાત થઈ હતી.

અમેરિકા અને ઈરાન વચ્ચે 14 મુદ્દાની સમજૂતી જાહેર થઈ છે, પરંતુ G7 મંચ પર ડોનાલ્ડ ટ્રમ્પના નિવેદનથી વિરોધાભાસ સર્જાયો છે. આ સમજૂતી કાયમી શાંતિ કરાર નથી, પરંતુ એક મેમોરેન્ડમ ઓફ અન્ડરસ્ટેન્ડિંગ (MOU) છે. ટ્રમ્પનું નિવેદન દબાણ સાથેની રાજનીતિ દર્શાવે છે. આ સમજૂતીમાં ઈરાનને પ્રતિબંધોમાં રાહત અને આર્થિક મદદ મળશે, જ્યારે અમેરિકાને હોર્મુઝ સ્ટ્રેટ ખુલ્લો મળ્યો છે. જોકે, ઈઝરાયેલની નારાજગી અને બંને દેશો વચ્ચેનો ઊંડો અવિશ્વાસ શાંતિની શક્યતાઓ પર પ્રશ્નાર્થ સર્જે છે.

પાંચ રાજ્યોની ચૂંટણી બાદ ચાર મુખ્ય પ્રાદેશિક પક્ષોના જોડાણ અને વિલયના સમાચારો ચર્ચામાં છે. મમતા બેનર્જીની તૃણમૂલ કોંગ્રેસ, શિવસેના (ઉદ્ધવ જૂથ), સમાજવાદી પક્ષ અને એનસીપી જેવી પાર્ટીઓના ભવિષ્ય પર પ્રશ્નાર્થ સર્જાયો છે. આ પક્ષો મોટે ભાગે તેમના સ્થાપક નેતાઓના વ્યક્તિત્વના વિસ્તરણ સમાન છે, અને તેમનામાં મજબૂત સંગઠન કે વિચારધારાનો અભાવ દેખાય છે. નેતૃત્વના બદલાવ અને ભત્રીજાવાદ જેવા મુદ્દાઓએ આ પક્ષોને નબળા પાડ્યા છે.

બારડોલીની પીપલ્સ કો-ઓ. ક્રેડિટ સોસાયટી લિ.માં વર્ષ 2026થી 2031ના પાંચ વર્ષ માટે વ્યવસ્થાપક કમિટીના 18 સભ્યોની ચૂંટણી સહકારી ભાવનાથી બિનહરીફ જાહેર કરાઈ હતી. ત્યારબાદ, નવા ચૂંટાયેલા બોર્ડ ઓફ ડિરેક્ટર્સની મિટિંગમાં પ્રમુખ-ઉપપ્રમુખ અને મંત્રી પદ માટે ચૂંટણી યોજાઈ હતી. આ મિટિંગમાં રાકેશભાઈ આઈ. ગાંધીને પ્રમુખ, શેલેન્દ્રભાઈ નગીનદાસ પટેલને ઉપપ્રમુખ અને જૈનીષભાઈ ઈશ્વરભાઈ ભંડારીને મંત્રી તરીકે સર્વાનુમતે બિનહરીફ પસંદગી કરવામાં આવી.

વડાપ્રધાન નરેન્દ્ર મોદીએ ગુરુવારે ફ્રાન્સની રાજધાની પેરિસમાં ભારતીય સમુદાયના લોકોને સંબોધિત કર્યા હતા. આ દરમિયાન તેમણે શહેરની વિવિધતા અને ત્યાં વસતા ભારતીયોની ભૂમિકાની પ્રશંસા કરી હતી. તેમણે કહ્યું કે, ‘પેરિસ રોશનીનું શહેર છે. આ રંગોનું શહેર છે. અહીં વિચારો છે અને ઈનોવેશન માટેની પ્રેરણા છે.’ વડાપ્રધાને ઉમેર્યું કે ભારતના અલગ-અલગ રાજ્યોમાંથી આવેલા ભારતીયો આ શહેરને વધુ સુંદર બનાવે છે.