નાઇજરની રાજધાની નિયામી ખાતે આવેલા ડાયોરી હમાની આંતરરાષ્ટ્રીય એરપોર્ટ પર હથિયારધારી આતંકવાદીઓએ હુમલો કરતાં 11 સૈનિકો અને 2 નાગરિકોના મોત થયા હતા. આતંકીઓ ટેક્સીમાં આવી સુરક્ષા ચોકી પાસે અંધાધૂંધ ગોળીબાર શરૂ કર્યો હતો, જેના જવાબમાં સુરક્ષા દળોએ કાર્યવાહી કરીને 22 આતંકવાદીઓને ઠાર કર્યા હતા. ઘટનામાં ચાર લોકો ઇજાગ્રસ્ત થયા છે અને 20 જેટલા શંકાસ્પદોની ધરપકડ કરવામાં આવી છે. સૈન્યના વિશેષ ઓપરેશન બાદ એરપોર્ટને સુરક્ષિત જાહેર કરવામાં આવ્યું છે અને હવાઈ સેવાઓ ફરી શરૂ થઈ છે. આ એરપોર્ટ વ્યૂહાત્મક રીતે મહત્વપૂર્ણ હોવાથી અગાઉ પણ આતંકી હુમલાનું નિશાન બની ચૂક્યું છે.