અંજાર ST ડેપોના કંડક્ટરનો ‘કચરાનો પોશાક’ પહેરી સ્વચ્છતાનો અનોખો સંદેશ
અંજાર એસ.ટી. ડેપો ખાતે ગુજરાત સરકારના ‘સેવા સંકલ્પ અભિયાન-૨૦૨૬’ હેઠળ સ્વચ્છતા જાગૃતિ કાર્યક્રમ યોજાયો. ડેપોના કંડક્ટર ભરતભાઈ ગુંસાઈએ ‘કચરો અને ગંદકી’ દર્શાવતો પોશાક પહેરી રાક્ષસી પાત્ર ભજવી મુસાફરોને ગંદકી ન કરવા અને કચરો કચરાપેટીમાં જ નાખવા અપીલ કરી. તેમણે બસોમાં જઈને પણ લોકોને સ્વચ્છતા તરફ એક ડગલું આગળ વધારવા પ્રેરણા આપી. આ સર્જનાત્મક પ્રયાસથી પ્રવાસીઓ પ્રભાવિત થયા અને જાહેર સ્થળો સ્વચ્છ રાખવાની ખાતરી આપી. ડેપો મેનેજર એચ. આર. શામળાએ પણ સહયોગનો અનુરોધ કર્યો.