લખપત મામલતદાર દ્વારા માતાનામઢ નવરાત્રિ સેવા કેમ્પોની મુલાકાત, વ્યવસ્થાની સમીક્ષા
માતાનામઢમાં નવરાત્રિ દરમિયાન ભાવિકોની સુવિધા માટે શરૂ કરાયેલા સેવા કેમ્પોની લખપત તાલુકા મામલતદાર નવીનચંદ્ર મારુ અને તેમની ટીમે મુલાકાત લીધી. ટીમે સ્વચ્છતા, ટ્રાફિક વ્યવસ્થા, ફર્સ્ટ એઇડ કીટ, અલગ ટોયલેટ, સીસીટીવી, સ્વાસ્થ્યપ્રદ ભોજન અને પાર્કિંગ જેવી સુવિધાઓની તપાસ કરી જરૂરી સૂચનો આપ્યા. જિલ્લા કલેક્ટરના માર્ગદર્શન હેઠળ આયોજિત આ વ્યવસ્થામાં, મહેસુલી કર્મચારીઓની હડતાળ હોવા છતાં લખપત મામલતદાર કચેરીના કર્મચારીઓ પદયાત્રીઓની સુવિધા માટે કાર્યરત રહ્યા.