મોરબીમાં વિનામૂલ્યે નેત્રયજ્ઞ કેમ્પ: 217 દર્દીઓએ લાભ લીધો, 137ને રાજકોટ મોકલાયા
મોરબીના જલારામ ધામ ખાતે શ્રી રણછોડદાસજી બાપુ ચેરીટેબલ હોસ્પિટલ-રાજકોટ, શ્રી જલારામ ધામ-મોરબી અને આંતરરાષ્ટ્રીય હિન્દુ પરિષદ-મોરબી દ્વારા વિનામૂલ્યે નેત્રમણી-નેત્રયજ્ઞ કેમ્પનું આયોજન કરાયું. આ કેમ્પમાં કુલ ૨૧૭ દર્દીઓએ લાભ લીધો, જેમાંથી ૧૩૭ દર્દીઓને નિ:શુલ્ક ઓપરેશન માટે રાજકોટ મોકલવામાં આવ્યા. હિતેશભાઈ પ્રભુદાસભાઈ કાથરાણી પરિવારના સહયોગથી યોજાયેલા આ કેમ્પમાં ડો. બળવંતભાઈ અને ડો. અલ્કેશભાઈ ખેરડીયા સહિતના ડોકટરોએ દર્દીઓની તપાસ કરી. અત્યાધુનિક ફેકો મશીનથી ટાંકા વગરના સોફ્ટ ફોલ્ડેબલ લેન્સ સાથે વિનામૂલ્યે ઓપરેશન કરાયા.