મોરબીમાં JOSH ટીમે ટીબી મુક્ત ભારત અભિયાનને વેગ આપ્યો, મેયર ઉત્તમ સુરાણીની ઉપસ્થિતિમાં જનજાગૃતિ કાર્યક્રમ યોજાયો
મોરબી જિલ્લામાં JOSH ટીમે ટીબી મુક્ત ભારત અભિયાનને વેગ આપ્યો છે. મેયર ઉત્તમ સુરાણી અને ધારાસભ્ય દુર્લભજીભાઈ દેથરીયાની ઉપસ્થિતિમાં જનજાગૃતિ કાર્યક્રમો યોજાયા હતા. પ્રધાનમંત્રીના માર્ગદર્શન હેઠળ કાર્યરત JOSH ટીમ આરોગ્ય વિભાગ સાથે મળીને ગ્રામીણ અને શહેરી વિસ્તારોમાં ટીબી જનજાગૃતિ, દર્દી સંપર્ક અને માર્ગદર્શન પૂરું પાડે છે. આ કાર્યક્રમમાં ટીબી મુક્ત ગ્રામ પંચાયતો, વિજેતાઓ અને નિશ્ચય મિત્રોનું સન્માન કરવામાં આવ્યું હતું. ટીબીના લક્ષણો જણાય તો તાત્કાલિક આરોગ્ય કેન્દ્રનો સંપર્ક કરવા અને સારવાર અધૂરી ન છોડવા પર ભાર મૂકવામાં આવ્યો.