નર્મદામાં ‘JOSH-ટીબી મુક્ત ભારત ટીમ’ લોન્ચ: સરપંચો, ટીબી વિજેતાઓ અને નિક્ષય મિત્રોનું સન્માન કરાયું
નર્મદા જિલ્લામાં ‘JOSH–ટીબી મુક્ત ભારત ટીમ’નો શુભારંભ રાજપીપળા ખાતે જિલ્લા કલેક્ટર ગંગા સિંઘ અને મુખ્ય જિલ્લા આરોગ્ય અધિકારી જનકકુમાર માઢકના માર્ગદર્શન હેઠળ કરવામાં આવ્યો. જૂની સિવિલ હોસ્પિટલ કેમ્પસમાં ‘ટીબી મુક્ત પંચાયત’ સન્માન સમારોહ યોજાયો, જેમાં ટીબી નાબૂદી માટે સામાજિક ભાગીદારી પર ભાર મૂકવામાં આવ્યો. Joint Squad for Health (JOSH) હેઠળ નર્મદાના તાલુકાઓમાં અધિકારીઓ, માય ભારત સ્વયંસેવકો અને NCC કેડેટ્સની ટીમો ગ્રામીણ વિસ્તારોમાં જનજાગૃતિ ફેલાવશે. સમારોહમાં સાગબારા તાલુકાના ટીબી મુક્ત ગ્રામ પંચાયતોના સરપંચો, ટીબી વિજેતાઓ અને નિક્ષય મિત્રોનું સન્માન કરાયું.