અમદાવાદ: શ્વાનના મળથી વૃદ્ધાના પેટમાં 500 ગાંઠ, સર્જરી દરમિયાન મોત
અમદાવાદની એલજી હોસ્પિટલમાં એક દુર્લભ કિસ્સો સામે આવ્યો છે, જ્યાં 60 વર્ષીય વૃદ્ધાના પેટમાંથી શ્વાનના મળ દ્વારા ફેલાતા ફિતાકૃમિથી થયેલી 500થી વધુ ગાંઠો મળી આવી હતી. છેલ્લા 15 વર્ષથી પેટના દુખાવાને અવગણનાર વૃદ્ધાના પેટમાં 'હાઇડેટિડ રોગ' વિકસ્યો હતો. સર્જરી દરમિયાન એક ગાંઠ ફાટી જતાં તેનું પ્રવાહી પેટમાં ફેલાયું અને કાર્ડિયાક એરેસ્ટથી તેમનું મૃત્યુ થયું. ડોક્ટરોએ શ્વાન પાળતા લોકો માટે સ્વચ્છતા અને નિયમિત કૃમિનાશક દવાના ઉપયોગની સલાહ આપી છે.